#ﺍﻟﺒﺪﻭﻳﺔ_ﻭﺍﻟﺠﻨﻲ_ﺍﻟﻌﺎﺷﻖ
(ﺍﻟﺤﻠﻘﺔ ﺍﻟﺴﺎﺩﺳﺔ ﻭﺍﻟﺴﺎﺑﻌﺔ)
ﻓﻲ ﺍﻟﻮﻗﺖ ﻟﻲ ﻛﺎﻧﺴﺘﺎﻋﺪ ﻧﻜﺘﺐ ﺍﻟﺤﻠﻘﺔ ﺩﻳﺎﻝ ﺍﻟﺴﻠﺴﻠﺔ، ﻓﺎﻃﻴﻢ ﻛﺎﺗﺴﻨﺎ ﻧﻮﺑﺘﻬﺎ ﺑﺎﺵ ﺗﺪﺧﻞ ﻋﻨﺪ ﺍﻟﺮﺍﻗﻲ، ﻓﺎﻃﻴﻢ ﻣﻦ ﻣﻮﺍﻟﻴﺪ 1995 ﻳﻌﻨﻲ ﻓﻲ ﻋﻤﺮﻫﺎ 21 ﺳﻨﺔ، ﻫﺎﺩ ﺍﻟﻌﺎﻡ ﻏﺎﺩﻱ ﺗﺎﺧﺪ ﺍﻻﺟﺎﺯﺓ ﺩﻳﺎﻟﻬﺎ ﻓﻲ ﺍﻟﺒﻴﻮﻟﻮﺟﻴﺎ ﻣﻦ ﺟﺎﻣﻌﺔ ﺍﺑﻦ ﺯﻫﺮ ﻭﻟﻜﻦ ﺍﻟﺴﺆﺍﻝ ﻟﻲ ﻛﺎﻳﻄﺮﺡ ﺭﺍﺳﻮ ﻭﺍﺵ ﻏﺎﺩﻱ ﺗﻘﺪﺭ ﺗﻜﻤﻞ ﺍﻟﻌﺎﻡ ﺩﻳﺎﻟﻬﺎ ﻭﺗﺎﺧﺪ ﺍﻻﺟﺎﺯﺓ ﺃﻭ ﻏﺎﺩﻱ ﺗﺨﺮﺝ ﺗﺨﺪﻡ، ﻭﻓﺎﺵ ﺗﻨﻘﻮﻝ ﺍﻟﺨﺪﻣﺔ ﻓﺂﻛﺎﺩﻳﺮ ﺟﻤﻴﻊ ﺍﻻﺣﺘﻤﺎﻻﺕ ﻛﺘﺒﻘﺎ ﻣﻄﺮﻭﺣﺔ ﺧﺼﻮﺻﺎ ﺑﺎﻟﻨﺴﺒﺔ ﻟﺒﻨﺖ ﺍﻟﻌﺮﻭﺑﻴﺔ ﻣﺎﻓﺤﺎﻟﻬﺎﺵ ﻭﺷﺪﻳﺪﺓ ﺍﻟﺠﻤﺎﻝ، ﻭﻣﻊ ﺷﻲ ﻭﻻﺩ ﺍﻟﻘﺤﺎﺏ ﻛﺎﻳﺘﺮﺑﺼﻮ ﻏﻴﺮ ﺑﻬﺎﺩ ﺍﻟﻔﺮﺹ ﻣﺎﺗﺘﺒﺎﻧﺶ ﻟﻴﺎ ﺷﻲ ﺣﺎﺟﺔ ﻓﻲ ﺍﻻﻓﻖ ﻣﻦ ﻏﻴﺮ ﻭﺣﺪﺓ ﺧﺮﺟﺎﺕ ﻣﻦ ﺩﺍﺭﻫﻢ ﺻﺒﺮﺍﺕ ﺣﺘﻰ ﻋﻴﺎﺕ ﻭﻫﻴﺎ ﺗﺨﺮﺝ ﻟﻴﻬﺎ. ﻭﺍﺷﻤﻦ ﺧﺪﻣﺔ ﺍﺻﻼ ﺍﺗﻘﺒﻞ ﻋﻠﻰ ﻭﺣﺪﺓ ﻋﻨﺪﻫﺎ ﻏﻴﺮ ﺍﻟﺒﺎﻙ، ﺣﺘﻰ ﻣﻦ ﺍﻟﻤﻨﺤﺔ ﻟﻲ ﻣﻦ ﺍﻟﻤﻔﺮﻭﺽ ﻳﻌﻄﻴﻮﻫﺎ ﻟﻴﻬﺎ ﻣﺎﺧﺪﺍﺗﻬﺎﺵ ﻻﻥ ﺑﺎﻫﺎ ﻣﺎﺷﻲ ﺻﺎﺣﺒﻬﻢ... ﻓﺎﻃﻴﻢ ﻛﺒﺮﺍﺕ ﻭ ﺍﻟﻤﺼﺎﺭﻳﻒ ﺗﺰﺍﺩﺕ ﺑﺎﺑﺎﻫﺎ ﺍﻟﺤﺴﻴﻦ ﻣﺎﺧﺪﺍﻣﺶ ﻭﺣﺘﻰ ﻣﻦ ﻣﻬﺎ ﻣﺎﺧﺪﺍﻣﺎﺵ ﺗﺰﺍﺩﻭ ﻋﻠﻴﻬﺎ ﺛﻼﺛﺔ ﺍﻟﺨﻮﺕ ﻭﻋﺎﺩ ﻣﺎﺗﺰﺍﺩﺕ ﻗﻮﺍﺩﺕ ﻋﻠﻴﻬﻢ ﻭﺍﻟﺰﻣﺎﻥ ﻣﺎﻛﻴﻈﻠﻤﺶ ﺍﻟﻤﺰﻟﻮﻁ ﻟﻲ ﺟﺪﺑﻮﻩ ﺍﻟﻜﻠﺐ ﺣﺎﺯﻕ ﻭﻋﺎﺩ ﻣﺎﻛﻴﺰﻳﺪ ﻓﻲ ﺍﻟﻮﻻﺩ ﺁﺵ ﻛﺎﻳﻦ ﻣﺎﻛﻴﻦ ﺍﻟﻮﻻﺩ ﻛﺎﻳﺠﻴﻮ ﺑﺮﺯﻗﻬﻢ، ﻭﺍﺵ ﺳﻴﺪﻱ ﺭﺑﻲ ﺳﺎﻧﻲ ﻟﻴﻚ ﺷﻲ ﺍﻟﺘﺰﺍﻡ ﺑﻴﻼ ﻳﻼ ﻭﻟﺪﺗﻲ ﻏﺎﻳﺨﻠﺼﻚ ﻋﻠﻴﻬﻢ ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ، ﺭﺑﻲ ﻛﺒﻴﺮ ﺍﻳﻴﻪ ﻭﻟﻜﻦ ﺍﻟﺤﺰﻗﺔ ﻗﺪﺭ ﻣﺨﻴﺮ ﻭﻧﺘﺎ ﻟﻲ ﻣﻦ ﺧﻼﻝ ﺍﻟﺘﺼﺮﻓﺎﺕ ﺩﻳﺎﻟﻚ ﻳﺎ ﺇﻣﺎ ﺗﺘﺰﻳﺪ ﺗﻐﺮﻕ ﻓﻴﻬﺎ ﻳﺎ ﺇﻣﺎ ﻛﺎﺗﺪﻳﺮ ﻻﺑﺎﺱ ﻭﻣﻦ ﺑﻴﻦ ﺍﻟﺘﺼﺮﻓﺎﺕ ﺍﻟﺨﺮﻗﺎﺀ ﻫﺎﺩ ﺍﻟﻘﺪﻳﺔ ﺩﻳﺎﻝ ﻛﺜﺮﺓ ﺍﻟﻮﻻﺩ ﻟﻲ ﺷﻲ ﺑﺸﺮ ﻓﻬﻤﻬﺎ ﻏﻠﻂ، ﺭﺍﻩ ﺍﻟﻨﺒﻲ ﻓﺎﺵ ﻗﺎﻝ "ﺗﻜﺎﺛﺮﻭ ﻓﺈﻧﻲ ﻣﺒﺎﻫﻲ ﺑﻜﻢ ﺍﻻﻣﻢ" ﻣﺎﻗﺎﻟﺶ ﻟﻴﻚ ﻭﻟﺪ ﻋﺸﺮﺓ ﻭﻣﺎﺣﺪﺩﺵ ﺍﻟﻌﺪﺩ ﻭﻓﺎﺵ ﻗﺎﻝ ﺗﻜﺎﺛﺮﻭ ﻛﺎﻳﻘﺼﺪ ﺍﻻﻣﺔ ﻛﻠﻬﺎ، ﻣﺎﺷﻲ ﻧﺘﺎ ﺑﻮﺣﺪﻙ ﻣﻌﻤﺮ ﺑﻼﺩ ﻭﻛﺎﺗﺴﻨﺎﻩ ﻳﺘﺒﺎﻫﺎ ﺑﻴﻚ ﻭﻧﺘﺎ ﻋﻤﺮﻙ ﻣﺎ ﻗﻠﺘﻲ ﺣﺘﻰ ﺍﻟﺼﻼ ﻋﻠﻰ ﺍﻟﻨﺒﻲ... ﺍﻟﺤﺎﺻﻮﻝ ﻋﻴﺸﺔ ﻓﺎﻃﻴﻢ ﺍﻗﻞ ﻣﺎ ﻳﻤﻜﻦ ﺍﻥ ﻳﻘﺎﻝ ﻋﻠﻴﻬﺎ ﻋﻴﺸﺔ ﺩﻳﺎﻝ ﺍﻟﻜﻼﺏ ﻓﻲ ﺯﺭﻳﺒﺔ ﺩﻳﺎﻝ ﺍﻟﺤﻠﻮﻑ.
ﺩﺍﺭ ﺍﻟﺤﺴﻴﻦ ﻛﺎﻧﺖ ﻋﺒﺎﺭﺓ ﻋﻦ ﺯﺭﻳﺒﺔ ﻓﻲ ﺷﻜﻞ ﺩﺍﺭ ﺍﻟﻨﺺ ﻣﻘﺰﺩﺭ ﻭﺍﻟﻨﺺ ﻣﻦ ﺍﻟﺘﺮﺍﺏ ﻭﺧﺮﻯ ﺍﻟﺒﻘﺮ، ﻻ ﻓﺮﺍﺵ ﻛﻴﻒ ﺍﻟﻨﺎﺱ ﻻ ﻣﺎﻋﻦ ﻛﻴﻒ ﺍﻟﻨﺎﺱ ﻻ ﺗﻠﻔﺎﺯﺓ ﻻ ﺗﻼﺟﺔ ﻻ ﻓﺮﺍﻥ، ﻏﻴﺮ ﻻﺻﻘﻴﻦ ﻓﻲ ﻗﺰﻳﺒﺔ ﺍﻟﺪﻧﻴﺎ ﻭﻛﺎﻳﺘﺴﻨﺎﻭ ﻓﻲ ﺳﺎﻋﺔ ﺍﻟﺼﻔﺮ ﻟﻠﻘﺎﺀ ﺍﻟﻮﺍﺣﺪ ﺍﻟﻘﻬﺎﺭ... ﻫﺎﺩﺷﻲ ﻛﻠﻮ ﻛﻮﻡ ﻭﺩﺍﻛﺸﻲ ﻟﻲ ﻛﺎﻳﻮﻗﻊ ﻓﻲ ﺍﻟﺪﺍﺭ ﻛﻮﻡ ﺛﺎﻧﻲ ﺩﺍﺭ ﻣﺴﻜﻮﻧﺔ ﻭ ﺳﻜﺎﻧﻬﺎ ﻣﺴﺤﻮﺭﻳﻦ، ﺍﻻﻡ ﻣﺴﻜﻮﻭﻧﺔ ﻭ ﻣﺴﺤﻮﺭﺓ ﺍﻷﺧﺖ ﻣﺴﻜﻮﻧﺔ ﺍﻻﺏ ﻣﺴﺤﻮﺭ ﻭ ﺍﻟﻌﺎﻟﻢ ﺍﻟﻠﻪ ﺍﻣﻜﻦ ﺣﺘﻰ ﻫﻮ ﻣﺴﻜﻮﻥ ﻭ ﻫﻮ ﺍﺻﻼ ﻣﺎﻛﻴﺼﻠﻴﺶ ﻭﻋﺎﻃﻴﻬﺎ ﻟﻠﻄﺎﺳﺔ ﻭﺍﻟﻘﺮﻃﺎﺳﺔ ﺃﻣﺎ ﻓﺎﻃﻴﻢ ﻫﺎﺩﻳﻚ ﻗﺼﺔ ﺑﺤﺪﻫﺎ ﻭﺍﻟﻘﺼﺔ ﺩﻳﺎﻟﻬﺎ ﺑﺪﺍﺕ ﻧﻬﺎﺭ ﻣﺸﺎﺕ ﻣﻊ ﻣﻬﺎ ﺗﺪﻳﺮ ﺍﻟﺮﻗﻴﺎ ﻭﺑﺎﻧﻮ ﻓﻴﻬﺎ ﺍﻟﻌﻼﻣﺎﺕ ﺣﺘﻰ ﻫﻴﺎ ﻭﻣﻦ ﺯﻫﺮﻫﺎ ﺍﻟﻤﻜﻮﺯ ﺣﺘﺎ ﻣﻦ ﺍﻟﺠﻦ ﺍﻟﻠﻲ ﻓﻴﻬﺎ ﺳﻠﻢ ﻭﻟﺪ ﺍﻟﻜﻠﺒﺔ ﻭﻣﺎﺑﻘﺎﺵ ﺑﻐﺎ ﻳﺨﺮﺝ.. ﻓﺎﻃﻴﻢ ﻟﻲ ﻛﺎﻧﺖ ﺁﻳﺔ ﻣﻦ ﺍﻟﺠﻤﺎﻝ ﻭﻛﺎﻧﻮ ﺗﺎﻳﺸﺒﻬﻮﻫﺎ ﺑﻨﺠﻮﻡ ﺍﻟﻐﻨﺎﺀ ﻓﻘﺪﺍﺕ ﻓﺠﺄﺓ ﺍﻟﺸﻬﻴﺔ ﻛﺮﻫﺎﺕ ﺍﻟﺠﻨﺲ ﺍﻟﺬﻛﺮﻱ ﻭﻭﻓﻲ ﺍﻟﻮﻗﺖ ﻟﻲ ﻗﺮﺍﻧﺎﺗﻬﺎ ﻋﺎﻃﻴﻨﻬﺎ ﻟﻠﺤﺐ ﻭﺍﻟﺘﺼﺎﺣﻴﺐ ﻭﺍﻟﺒﻼﻧﺎﺕ ﻓﺎﻃﻴﻢ ﻣﺎﻛﺘﺤﻤﻠﺶ ﺣﺲ ﺑﻮﺭﻛﺎﺑﻲ ﻭﻣﻬﻤﺎ ﺑﻠﻎ ﺟﻤﺎﻝ ﺍﻟﺮﺟﻞ ﻣﺎ ﻛﺘﺤﺲ ﺑﺤﺘﻰ ﺇﺛﺎﺭﺓ ﺍﻭ ﺍﻧﺠﺪﺍﺏ ﺟﻴﻬﺘﻮ، ﻭﻋﻮﺽ ﺍﻟﺼﻼﺓ ﻭﺍﻟﺬﻛﺮ ﻭﻻﺕ ﻋﺎﻃﻴﺎﻫﺎ ﻏﻴﺮ ﻟﻠﻨﻌﺎﺱ ﺣﺘﻰ ﺿﻌﺎﻓﺖ ﻭﻣﺎﺑﻘﺎ ﻓﻴﻬﺎ ﻣﺎﻳﺘﺸﺎﻑ...
ﻣﺴﻴﻜﻴﻨﺔ ﻓﺎﻃﻴﻢ ﺑﺎﻟﺮﻏﻢ ﻣﻦ ﺍﻟﺤﺰﻗﺔ ﻭﺍﻟﺠﻨﻴﻦ ﻣﺎﺯﺍﻝ ﻣﺴﺘﻤﺮﺓ ﻓﻲ ﺍﻟﻘﺮﺍﻳﺔ ﻭﻟﻜﻦ ﻻﻳﻤﺘﺎ؟ ﻣﺎﻋﺮﻓﺘﺶ... ﻛﻞ ﺻﺒﺎﺡ ﺳﺎﻋﺘﻴﻦ ﺩﻳﺎﻝ ﺍﻟﻄﺮﻳﻖ ﺍﻭ ﺛﻼﺛﺔ ﺍﻟﺴﻮﺍﻳﻊ ﻋﻠﻰ ﺣﺴﺎﺏ ﺍﻟﻀﺮﻭﻑ ﺑﺎﺵ ﺗﻮﺻﻞ ﻟﻼﻓﺎﻙ، ﻫﺎﺩﻱ ﻣﺎﺑﻘﺎﺗﺶ ﻻﻓﺎﻙ ﻫﺎﺩﻱ ﻭﻻﺕ ﻻﻓﺎﻙ ﺑﺎﻟﻤﻌﻨﻰ ﻻﺧﺮ ﺩﻳﺎﻝ ﺍﻻﻧﺠﻠﻴﺰ، ﻛﻞ ﻧﻬﺎﺭ ﺗﻮﺻﻞ ﻣﻌﻄﻠﺔ ﻛﺎﺗﺠﻠﺲ ﻓﻲ ﺍﻟﻤﻘﺎﻋﺪ ﺍﻟﺨﻠﻘﻴﺔ ﻭﻓﺎﺵ ﻛﺎﻳﺠﻲ ﻭﻗﺖ ﺍﻟﻐﺪﺍ ﻓﻲ ﻏﻴﺎﺏ ﺍﻟﺒﻴﻨﻜﺔ ﻛﺎﺗﺒﻘﺎ ﺑﺎﻟﺠﻮﻉ... ﺣﺘﻰ ﺍﻟﺪﺭﺍﺭﻱ ﻟﻲ ﻛﺎﻳﺤﺎﻭﻟﻮ ﻳﺘﻘﺮﺑﻮ ﻣﻨﻬﺎ ﻭﻟﻲ ﺗﻘﺪﺭ ﺗﺤﻠﺒﻬﻢ ﻛﻴﻒ ﻛﺎﻳﺪﻳﺮﻭ ﺩﻭﻙ ﺍﻟﻌﺎﻗﺴﺎﺕ ﺩﻳﺎﻝ ﻻﻓﺎﻙ ﻛﺎﺗﻨﻔﺮ ﻣﻨﻬﻢ ﻭﻋﺎﻃﻴﺎﻫﻢ ﺍﻟﻨﺨﺎﻥ ﺣﺘﻰ ﻛﺎﻉ ﺻﺤﺎﺏ ﺍﻟﺠﺎﻣﻌﺔ ﻭﻻﻭ ﺗﺎﻳﻘﻮﻟﻮ ﻋﻠﻴﻬﺎ ﺍﻟﻌﺮﻭﺑﻴﺔ ﺍﻟﻤﻌﻔﺮﺓ ﻭﻫﻲ ﻣﺴﻴﻜﻴﻨﺔ ﻣﺎﺷﻲ ﻟﺨﺎﻃﺮﻫﺎ... ﺣﺘﺎ ﻣﻦ ﺩﺍﻙ ﺭﺍﺱ ﺍﻟﺤﻤﺎﺭ ﺗﺎﻉ ﺍﻟﺤﺴﻴﻦ ﺑﺎﻫﺎ ﻣﺎﻣﺴﻮﻗﺶ ﺍﺻﻼ ﻭﺿﺎﺭﺏ ﺍﻟﺪﻧﻴﺔ ﺑﺮﻛﻠﺔ ﻭﻣﺎﻳﻌﺘﻘﻬﺎﺵ ﺑﺎﻟﺮﻳﺎﻝ، ﺍﻟﺮﻳﺎﻝ ﻳﺨﺴﺮﻭ ﻋﻠﻰ ﺍﻟﻄﺎﺳﺔ ﺍﻳﻪ ﻭﻟﻜﻦ ﻣﺎﺷﻲ ﻋﻠﻰ ﻭﻻﺩﻭ ﺍﻟﻠﻪ ﻳﻠﻘﻴﻬﺎ ﻟﻴﻪ ﻓﻬﺎﺩ ﺍﻟﻨﻬﺎﺭ... ﻳﻼ ﻛﺎﻧﻮ ﺍﻵﺑﺎﻫﺎﺕ ﻫﺎﻛﺎ ﻏﻴﺮ ﺑﻼﺵ ﻣﻨﻬﻢ... ﻭﺟﻪ ﺍﻟﻜﻠﺐ ﺣﺘﻰ ﻓﺎﺵ ﻛﺎﺗﺰﻳﺮ ﻓﺒﻌﺾ ﺍﻟﺤﺎﻻﺕ ﺍﻟﻤﺴﺘﻌﺠﻠﺔ ﻛﻴﻒ ﻧﻬﺎﺭ ﻛﺎﺗﺒﻐﻲ ﺷﻲ ﺍﻭﻟﻮﻳﺰ ﻣﺜﻼ ﻛﺎﻳﻌﻄﻴﻬﺎ ﺩﻳﻚ ﺟﺪﺭﻳﺎﻝ ﻓﺤﺎﻝ ﻳﻼ ﻛﺎﻳﻘﻄﻌﻬﺎ ﻣﻦ ﻟﺤﻤﻮ، ﺍﻟﻠﻪ ﻳﺨﻠﻲ ﻟﻴﻨﺎ ﺍﻟﻤﻴﻤﺔ ﺍﻟﺤﻨﻴﻨﺔ ﻭﺍﻟﻠﻪ ﻣﺎﻋﺮﻓﺖ ﺍﺷﻨﻮ ﺍﻧﺪﻳﺮﻭ ﺑﻼ ﻣﺎﻭﺍﺗﻨﺎ ﺍﻟﻘﻠﺐ ﺍﻟﻜﺒﻴﺮ.... ﻳﺎﻣﻨﺔ ﻣﺎﻣﺎﺕ ﻓﺎﻃﻴﻢ ﻭﺍﺧﺎ ﻋﺮﻭﺑﻴﺔ ﻭﻣﺎﻗﺎﺭﻳﺎﺵ ﻋﺎﺭﻓﺔ ﺑﺤﻖ ﺍﻟﻘﺮﺍﻳﺔ ﻭﻣﻌﻮﻻ ﻋﻼ ﺑﻨﺎﺗﻬﺎ ﻳﺨﺮﺟﻮﻫﺎ ﻣﻦ ﺍﻟﻘﻴﻬﺮﺓ ﻭﻳﻬﺮﺑﻮﻭ ﻣﻦ ﺍﻟﺠﺤﻴﻢ ﻟﻲ ﻣﻌﻴﺸﻬﻢ ﻓﻴﻪ ﺍﻟﺤﺴﻴﻦ ﻛﻴﻒ ﺩﺍﺭﺕ ﺳﻌﺎﺩ ﻣﺮﺗﻮ ﺍﻻﻭﻟﻰ ﻟﻲ ﺑﻨﺘﻬﺎ ﺁﻳﺔ ﻭﻻﺕ ﻣﺴﺆﻭﻟﺔ ﻛﺒﻴﺮﺓ ﻭﻋﺎﺩ ﻏﺎﺗﺴﻴﻔﻂ ﻣﻬﺎ ﻟﻠﺤﺞ، ﺳﻌﺎﺩ ﻣﺮﺕ ﺍﻟﺤﺴﻴﻦ ﺍﻻﻭﻟﻰ ﻣﻦ ﺑﻌﺪ ﻣﺎﺧﺪﺍﺕ ﺍﻟﻄﻼﻕ ﺧﺪﻣﺎﺕ ﻓﻲ ﺍﻟﺪﻳﻮﺭ ﺗﺠﺮﺗﻼﺕ ﺑﺎﺵ ﻗﺮﺍﺕ ﺑﻨﺘﻬﺎ ﻟﻲ ﻛﻴﻒ ﺧﺪﺍﺕ ﺍﻻﺟﺎﺯﺓ ﺧﺪﻣﺎﺕ ﻣﺴﺆﻭﻟﺔ ﻓﻲ ﻭﺯﺍﺭﺓ ﺍﻟﻤﺎﻟﻴﺔ ﻭﻛﺎﺗﺸﺪ ﺯﺑﺎﻟﺔ ﺍﻟﻔﻠﻮﺱ، ﺁﻳﺔ ﺣﻘﺪﺍﺕ ﻋﻠﻰ ﺑﺎﻫﺎ ﻟﻲ ﺗﻜﺮﻓﺺ ﻋﻠﻰ ﻣﻬﺎ ﻭﻧﻬﺎﺭ ﺟﺎﺕ ﺗﺸﻮﻓﻮ ﻓﻲ ﺍﻟﺪﻭﺍﺭ ﻓﺤﺎﻝ ﻳﻼ ﺟﺎﺕ ﺗﻘﻮﻟﻴﻪ ﺷﻮﻑ ﻛﻴﻒ ﻭﻟﻴﺖ ﺑﻼ ﺑﻴﻚ ﻳﺎ ﺍﻟﺒﻐﻞ، ﺍﻟﺤﺎﺻﻮﻝ ﺍﻟﺪﻧﻴﺎ ﻗﺤﺒﻮﻧﻴﺔ ﺷﻲ ﻋﻄﺎﺗﻮ ﻭﺷﻲ ﺭﺯﺍﺗﻮ، ﻭﻧﺮﺟﻊ ﻧﻘﻮﻝ ﺍﻟﺨﻴﺮ ﻓﻴﻤﺎ ﺍﺧﺘﺎﺭﻩ ﺍﻟﻠﻪ ﻛﻮﻥ ﺑﻘﺎﺕ ﺳﻌﺎﺩ ﻣﺰﻭﺟﺔ ﺑﺎﻟﺤﺴﻴﻦ ﻛﻮﻥ ﺭﺍﻩ ﺁﻳﺔ ﻋﻴﺸﺎ ﻧﻔﺲ ﻋﻴﺸﺔ ﺍﻟﻔﻴﺮﺍﻥ ﺩﻳﺎﻝ ﻓﺎﻃﻴﻢ ﻟﻲ ﺧﺘﻬﺎ ﻣﻦ ﺑﺎﻫﺎ، ﻓﺎﻃﻴﻢ ﻧﻬﺎﺭ ﻏﺎﺗﺸﻮﻑ ﺁﻳﺔ ﺑﻘﺎﺕ ﻏﻴﺮ ﺣﺎﻟﺔ ﻓﻤﻬﺎ ﻭﻣﺎﺗﻴﻘﺎﺗﺶ ﺍﻥ ﻋﻨﺪﻫﺎ ﺧﺘﻬﺎ ﻭﺍﺻﻠﺔ ﻓﻲ ﺁﻛﺎﺩﻳﺮ، ﻓﺎﻃﻴﻢ ﻣﺴﻴﻜﻴﻨﺔ ﻗﺎﻟﺖ ﺻﺎﻓﻲ ﺣﻦ ﻋﻠﻴﺎ ﺍﻟﻠﻪ ﻣﻦ ﺍﻟﻄﻮﺑﻴﺴﺎﺕ ﻭﻏﺎﻧﻤﺸﻲ ﻧﻜﻠﺲ ﻋﻨﺪ ﺧﺘﻲ ﻗﺮﻳﺒﺔﺓ ﻟﻼﻓﺎﻙ ﺍﻟﺴﺎﻋﺔ ﻭﺍﻟﻠﻪ ﻣﺎﻋﻘﻼﺕ ﻋﻠﻴﻬﺎ ﻭﺣﺘﻰ ﻧﻬﺎﺭ ﺳﺨﻦ ﻋﻠﻴﻬﺎ ﺭﺍﺳﻬﺎ ﻭﻗﺮﺭﺍﺕ ﺗﻼﻗﺎﻫﺎ ﻓﻲ ﺁﻛﺎﺩﻳﺮ ﺩﺍﺗﻬﺎ ﺁﻳﺔ ﻟﻮﺍﺣﺪ ﺍﻟﻘﻬﻮﺓ ﻭﻣﻦ ﺑﻌﺪ ﻭﺻﻠﻠﺘﻬﺎ ﺑﻄﻮﻧﻮﺑﻴﻠﺘﻬﺎ ﻟﺒﻼﻛﺔ ﺍﻟﻄﻮﺑﻴﺲ.
ﺍﻟﺤﺴﻴﻦ ﺍﺳﻮﺀ ﺃﺏ ﻳﻘﺪﺭ ﻳﻜﻮﻥ ﻋﻨﺪﻙ، ﺧﺮﺝ ﺍﻟﺒﻨﺎﺕ ﻛﻠﻬﻢ ﻣﻦ ﺍﻟﻤﺪﺭﺳﺔ ﺑﺪﻋﻮﻯ ﺍﻧﻪ ﻣﺎﻋﻨﺪﻭﺵ ﺍﻟﻔﻠﻮﺱ ﺑﺎﺵ ﻳﻘﺮﻳﻬﻢ ﻭﺑﺎﻟﺮﻏﻢ ﻣﻦ ﺃﻥ ﻣﻬﻢ ﺗﺴﻠﻔﺎﺕ ﻭﺗﻜﻠﻔﺎﺕ ﺑﺎﺵ ﺗﺨﻠﺺ ﻟﻴﻬﻢ ﻓﻠﻮﺱ ﺍﻟﺘﺴﺠﻴﻞ ﻭﺍﻟﻄﻮﺑﻴﺴﺎﺕ ﺍﻻ ﺍﻥ ﺍﻟﺮﺍﺟﻞ ﻟﻲ ﻣﻌﻮﻟﻴﻦ ﻋﻠﻴﻪ ﻛﺎﻥ ﺿﺪ ﻓﻜﺮﺓ ﻳﺨﺴﺮ ﺍﻟﻔﻠﻮﺱ ﻋﻠﻰ ﺍﻟﻜﺘﻮﺑﺔ، ﺁﻭﻭﻭ ﺗﺎ ﺣﻤﻖ!!! ﻳﻼ ﺷﺮﺍ ﺍﻟﻜﺘﻮﺑﺔ ﺷﻜﻮﻥ ﺍﻳﻀﺮﺏ ﺍﻟﻄﺎﺳﺔ... ﻣﻦ ﺣﺴﻦ ﺣﻆ ﻓﺎﻃﻴﻢ ﻛﺎﻧﺖ ﺧﺎﻟﺘﻬﺎ ﻓﻲ ﺍﻻﻣﺎﺭﺍﺕ ﻛﺎﺗﺴﻴﻔﻂ ﻟﻴﻬﻢ ﻓﻠﻮﺱ ﺍﻟﻌﺸﻮﺭ ﻟﻲ ﻛﺎﺗﺨﺒﻴﻬﺎ ﻳﺎﻣﻨﺔ ﺑﺎﺵ ﺗﺨﻠﺺ ﻟﺒﻨﺘﻬﺎ ﻓﺎﻃﻴﻢ ﻓﻠﻮﺱ ﺍﻟﺘﺴﺠﻴﻞ ﻭﺭﺑﻌﻄﺎﻋﺸﺮﻣﻴﺔ ﺩﻳﺎﻝ ﺍﻟﻄﻮﺑﻴﺲ ﻛﻞ ﺷﻬﺮ ﻭﺷﻲ ﺷﻮﻱ ﺩﻳﺎﻝ ﺍﻟﺸﺮﺍﻭﻁ ﺗﺤﺸﻢ ﺗﻌﻄﻴﻬﻢ ﻟﻠﻤﺴﻜﻴﻦ...ﻣﺮﺣﻠﺔ ﺍﻟﺜﺎﻧﻮﻱ ﺩﻭﺯﺗﻬﺎ ﻓﺎﻃﻴﻢ ﺑﺼﻨﺪﺍﻟﺔ ﺩﻳﺎﻝ ﺍﻟﻤﻴﻜﺔ ﻭﺣﺘﻰ ﻣﻦ ﺍﺑﺴﻂ ﺍﻟﺤﻮﻳﺞ ﻓﺤﺎﻝ ﺍﻟﻜﻴﻄﻤﺎ ﺩﻳﺎﻝ ﺍﻟﺮﻳﺎﺿﺔ ﻃﻠﺒﺘﻬﺎ ﻣﻦ ﺑﻨﺖ ﺧﺎﻟﺘﻬﺎ، ﻛﻴﻄﻤﺔ ﻛﺎﺷﻔﺔ ﺗﺤﺸﻢ ﺗﺪﻳﺮﻫﺎ ﺗﺎ ﺟﻔﺎﻑ ﻭﻟﻜﻦ ﻣﺎﻓﻲ ﺍﻟﻴﺪ ﺣﻴﻠﺔ، ﺍﻟﺤﺰﻗﺔ ﻟﻲ ﻛﺎﻧﺖ ﻋﻴﺸﺎ ﻓﻴﻬﺎ ﺧﻼﺗﻬﺎ ﺗﺪﻭﺯ ﺍﻟﺜﺎﻧﻮﻱ ﻛﻠﻮ ﺑﻠﺒﺴﺔ ﻭﺣﺪﺓ ﻓﺎﺵ ﻛﺘﻮﺳﺦ ﻛﺎﺗﺼﺒﻨﻬﺎ ﻭﺗﺴﺘﺎﻫﺎ ﺣﺘﻰ ﺗﻨﺸﻒ ﻫﺎﺩﻱ ﻳﻼ ﻣﺎ ﺿﺒﺮﺍﺗﺶ ﻋﻠﻴﻬﺎ ﺑﻨﺖ ﺧﺎﻟﺘﻬﺎ ﺑﺸﻲ ﺷﺮﻳﻮﻃﺎﺕ ﺗﻌﺪﻱ ﺑﻴﻬﻢ.... ﺍﻟﺤﺎﻟﺔ ﻟﻲ ﻛﺎﻧﺖ ﻋﺎﻳﺸﺎ ﻓﻴﻬﺎ ﻓﺎﻃﻴﻢ ﻛﺎﻧﺖ ﻛﺘﺨﻠﻲ ﺯﻣﻼﺀﻫﺎ ﻓﻲ ﺍﻟﻠﻴﺴﻲ ﻳﺴﻤﻌﻮﻫﺎ ﺷﻲ ﺗﻌﻠﻴﻘﺎﺕ ﺣﺎﻣﻀﺔ ﻓﺤﺎﻝ ﻗﺰﺍﺯﺑﻬﻢ ﻛﺎﻳﺨﻠﻴﻮﻫﺎ ﺗﺮﺟﻊ ﻟﺪﺍﺭﻫﻢ ﺗﺒﻜﻲ ﻭﺗﺨﻨﻦ، ﻛﻠﻤﺎ ﻛﺎﺗﺴﻤﻊ ﺷﻲ ﺗﻌﻠﻴﻖ ﻣﻦ ﺷﻲ ﺑﺮﻫﻮﺵ ﺍﻭ ﺑﺮﻫﻮﺷﺔ ﻛﺎﺗﺤﺒﺲ ﺍﻟﺪﻣﻮﻉ ﻓﻌﻴﻨﻴﻬﺎ ﺑﺎﺵ ﻣﺘﺒﺎﻧﺶ ﺿﻐﻴﻔﺔ ﻭﻳﺰﻳﺪﻭ ﻳﺮﻛﺒﻮ ﻋﻠﻴﻬﺎ ﻛﺜﺮ، ﺣﺘﻰ ﻭﻫﻲ ﻓﻼﻓﺎﻙ ﻧﻈﺮﺓ ﺍﻟﻨﺎﺱ ﻣﺘﻐﻴﺮﺍﺗﺶ ﻭﺷﻲ ﺣﻴﻮﺍﻧﺎﺕ ﻛﺎﻳﺸﻮﻓﻮ ﻓﻴﻬﺎ ﻓﺤﺎﻝ ﻳﻼ ﺗﺎﻳﺸﻮﻓﻮ ﻓﺸﻲ ﺧﺎﻧﺰﺓ ﺩﻳﺎﻝ ﺍﻟﺨﻠﻰ ﺑﺴﺒﺎﺏ ﺳﻤﻌﺔ ﺍﻟﺪﻭﺍﺭ ﻟﻲ ﻛﺎﺗﺴﻜﻦ ﻓﻴﻪ ﻣﻊ ﺍﻧﻬﺎ ﺍﺷﺮﻑ ﻣﻦ ﻫﺎﺩﻳﻚ ﻟﻲ ﻭﺍﻟﺪﺍﻫﻢ، ﺣﺘﻰ ﻣﻦ ﻭﻻﺩ ﺩﻭﺍﺭﻫﺎ ﻣﺎﺭﺣﻤﻮﻫﺎﺵ ﻣﻦ ﺷﻮﻓﺎﺗﻬﻢ ﻭﻛﺎﻳﻌﺘﺎﺑﺮﻭﻫﺎ ﺧﺎﻧﺰﺓ ﻭﺗﺎﺑﻌﺔ ﺍﻟﻤﺴﺦ ﻭﻛﺎﺗﻨﺘﻒ ﺣﺠﺒﺎﻧﻬﺎ ﻓﺤﺎﻝ ﺍﻟﻘﺤﺎﺏ ﻋﻠﻰ ﺣﺪ ﻗﻮﻟﻬﻢ ﻭﻫﻴﺎ ﻣﺴﻴﻜﻴﻨﺔ ﺭﺑﻲ ﻋﻄﺎﻫﺎ ﺯﻳﻦ ﺭﺑﺎﻧﻲ ﺍﻟﺤﺠﺒﺎﻥ ﻣﻄﺮﺍﺳﻴﻴﻦ ﻣﻦ ﻋﻨﺪ ﺍﻟﻠﻪ ﻭﻛﺎﺗﺒﺎﻥ ﻓﺤﺎﻝ ﻳﻼ ﺩﺍﻳﺮﺍ ﺍﻟﻤﻴﻜﺎﺏ ﻭﻫﻲ ﺣﺘﺎ ﻣﻦ ﺻﺎﺑﻮﻧﺔ ﺍﻟﻜﻒ ﻣﺎﻛﺘﺪﻭﺯﻫﺎ ﻋﻠﻰ ﻭﺟﻬﻬﺎ... ﺭﻏﻢ ﺍﻟﻔﻘﺮ ﺍﻟﻤﺘﻘﻊ ﻓﺎﻃﻴﻢ ﺩﻳﻤﺎ ﺿﺎﺣﻜﺔ ﻭﺳﻨﻴﻨﺎﺗﻬﺎ ﻓﺤﺎﻝ ﺭﻳﻮﺱ ﺍﻟﻤﺸﻄﺔ ﻣﺴﺘﻔﻴﻴﻦ ﻭﺑﻴﻀﻴﻦ ﻛﺎﻳﺸﻌﻠﻮ ﻭﻫﺎﺩﺷﻲ ﻟﻲ ﻛﺎﻳﺰﻳﺪ ﻳﻔﻘﺺ ﺍﻟﺒﺸﺮ... ﻭﺃﻧﺎ ﻛﺎﻧﺘﺒﺎﺩﻝ ﻣﻊ ﻓﺎﻃﻴﻢ ﺍﻃﺮﺍﻑ ﺍﻟﺤﺪﻳﺚ ﻭﻫﻴﺎ ﻛﺎﺗﻌﺎﻭﺩ ﻟﻴﺎ ﻗﺼﺘﻬﺎ ﺣﺴﻴﺖ ﺑﻮﺍﺣﺪ ﺍﻟﺘﻔﺎﺋﻞ ﻣﺎ ﻛﺘﺤﺴﻮﺵ ﻣﻦ ﻋﻨﺪ ﺷﻲ ﺑﻨﺎﺩﻡ ﻋﻄﺎﻩ ﺍﻟﻠﻪ ﻧﻌﻤﺔ ﺍﻟﻠﻌﺎﻗﺔ ﻭﻛﺎﺗﻘﻮﻝ ﻟﻴﺎ ﺩﺍﺑﺎ ﺭﺑﻲ ﻳﻔﺮﺟﻬﺎ ﻋﻠﻴﻨﺎ
ﻛﻞ ﻧﻬﺎﺭ ﻛﺎﺗﺪﺧﻞ ﻟﻠﺪﺍﺭ ﻣﻦ ﺑﻌﺪ ﻧﻬﺎﺭ ﺩﻳﺎﻝ ﺍﻟﺤﺮﺏ ﻓﻲ ﺍﻟﻄﻮﺑﻴﺴﺎﺕ ﻛﺎﺗﻠﻘﺎ ﺍﻟﺤﺴﻴﻦ ﻭﻳﺎﻣﻨﺔ ﻣﺪﺍﺑﺰﻳﻦ ﻭﺍﻟﺪﺍﺭ ﺳﻔﺎﻫﺎ ﻋﻠﻰ ﻋﻼﻫﺎ ﻭﻋﻠﻰ ﺣﺴﺎﺏ ﻗﻮﻝ ﺍﻟﺮﺍﻗﻲ ﺷﻲ ﺳﺤﻮﺭ ﺩﻳﺎﻝ ﺗﺸﺘﻴﺖ ﺍﻟﻌﺎﺋﻠﺔ ﻣﺪﻳﻮﺭ ﻟﻴﻬﻢ ﻭﻓﻌﻼ ﺍﻟﻌﺎﻳﻠﺔ ﺑﺪﺍﺕ ﻛﺎﺗﺸﺘﺖ... ﺣﺎﻟﺔ ﻣﺘﺒﻐﻴﻬﺎﺵ ﻟﻌﺪﻭﻙ ﻣﺎﺷﻲ ﺳﺎﻫﻠﺔ ﺗﻜﻮﻥ ﻣﺴﻜﻮﻥ،، ﻋﺎﺋﻠﺘﻚ ﻣﺴﺤﻮﺭﺓ ﻭﻋﺎﻳﺶ ﺍﻟﺤﺰﻗﺔ ﻷﺑﻌﺪ ﺣﺪﻭﺩﻫﺎ. ﻓﺎﻃﻴﻢ ﻣﻦ ﻧﻬﺎﺭ ﺷﺎﻓﺖ ﺍﻟﺪﻧﻴﺎ ﻋﻤﺮﻫﺎ ﺳﻤﻌﺎﺕ ﻭﺍﻟﺪﻳﻬﺎ ﻣﺠﻤﻌﻴﻦ ﻛﻴﻒ ﺍﻟﻨﺎﺱ ﺍﻭ ﻛﺎﻳﺪﻭﻳﻮ ﺑﺎﻟﺨﺎﻃﺮ، ﻋﺎﺋﻠﺔ ﻣﻘﻮﺩﺓ ﻋﻠﻴﻬﺎ ﻣﺎﺩﻳﺎ ﻭﻣﻌﻨﻮﻳﺎ ﻭﻟﻲ ﻛﺎﻳﺰﻳﺪ ﻳﻌﻘﺪ ﺍﻻﻣﻮﺭ ﻧﺴﺎﺏ ﻳﺎﻣﻨﺔ ﻟﻲ ﻣﻌﻴﺸﻴﻨﻬﺎ ﺍﻟﻤﺮﺍﺭ ﻭﻣﺎﺧﻼﻭ ﻓﻴﻦ ﺣﻄﻮ ﻟﻴﻬﺎ ﺍﻟﺴﺤﻮﺭ ﺑﺠﻤﻴﻊ ﺍﻧﻮﺍﻋﻪ ﺣﺘﻰ ﻣﻦ ﻛﺜﺮﺗﻮ ﻣﺎﺑﻘﺎﺗﺶ ﺗﺘﺴﻮﻕ ﻟﻴﻪ ﻭﻛﺎﺗﺨﻄﺎﻩ ﻭﺭﺑﻲ ﻛﺒﻴﺮ.... ﻭﺍﺣﺪ ﻭﻋﺸﺮﻳﻦ ﻋﺎﻡ ﺩﻳﺎﻝ ﺍﻟﺨﺒﺰ ﻭﺍﺗﺎﻱ ﺗﻘﺪﺭﻭ ﻋﻠﻴﻬﺎ؟ ﻭﺍﺣﺪ ﻭﻋﺸﺮﻳﻦ ﻋﺎﻡ ﺩﻳﺎﻝ ﺍﻟﺴﺮﺩﻳﻦ ﻓﻲ ﺍﻟﻐﺪﺍ ﻭﺍﻟﻌﺪﺱ ﻓﻲ ﺍﻟﻌﺸﺎ ﺍﻣﺎ ﺩﺍﺑﺎ ﺣﺘﻰ ﺍﻟﻌﺸﺎ ﻣﺎﺑﻘﺎﻭﺵ ﻗﺪﺭﻭ ﻋﻠﻴﻪ... ﻣﻦ ﺣﺴﻦ ﺣﻆ ﻳﺎﻣﻨﺔ ﺧﺘﻬﺎ ﻟﻲ ﻓﺎﻻﻣﺎﺭﺍﺕ ﻓﺎﺽ ﻋﻠﻴﻬﺎ ﺍﻟﺨﻴﺮ ﻫﺎﺩ ﺍﻟﻌﺎﻡ ﻭﻋﻄﺎﺗﻬﻢ ﻣﻴﺔ ﺍﻟﻔﺮﻳﺎﻝ ﺑﺎﺵ ﻣﺸﺎﻭ ﻟﺴﻮﻕ ﺍﻧﺰﻛﺎﻥ ﺷﺮﺍﺕ ﺣﻮﻳﺞ ﺟﺪﺍﺩ ﻭﺗﻠﻔﻮﻥ ﻟﻔﺎﻃﻴﻢ ﻛﺎﻥ ﺳﺒﺎﺑﻲ ﺑﺎﺵ ﻋﺮﻓﺖ ﻫﺎﺩ ﺍﻟﻜﺎﺋﻨﺔ ﻣﺴﻴﻜﻴﻨﺔ... ﻭﺳﻂ ﻣﻦ ﻫﺎﺩ ﺍﻟﺨﺮﻯ ﻛﺎﻣﻞ ﻳﺎﻣﻨﺔ ﻭﻭﻻﺩﻫﺎ ﺣﺎﻣﺪﻳﻦ ﺍﻟﻠﻪ ﻭﺑﻨﺎﺗﻬﺎ ﻣﺤﺘﺎﻓﻈﻴﻦ ﺑﺸﺮﻓﻬﻢ. ﺍﻟﺤﻤﺪ ﻟﻠﻪ ﻫﺎﺩ ﺍﻟﻌﺎﻡ ﺍﻟﺨﺎﻟﺔ ﺗﻔﻜﺮﺍﺗﻬﻢ ﻭﺳﻴﻔﻄﺎﺕ ﻟﻴﻬﻢ ﻓﻠﻮﺱ ﺍﻟﻌﻴﺪ ﺑﺎﺵ ﺷﺮﺍﻭ ﺧﺮﻭﻑ ﻟﻲ ﺑﺎﻟﺮﻏﻢ ﻣﻦ ﻋﻴﺸﻬﻢ ﻓﻲ ﺍﻟﻌﺮﻭﺑﻴﺔ ﻋﻤﺮﻫﻢ ﻓﺮﺣﻮ ﺑﻴﻪ ﻓﺸﻲ ﻋﻴﺪ، ﻫﺎﺩ ﺍﻟﻌﺎﻡ ﻛﺎﻧﺖ ﺍﻟﻔﻠﻮﺱ ﺑﺰﺍﻳﺪ ﻭﺷﺮﺍﺕ ﻳﺎﻣﻨﺔ ﻧﻌﻴﺠﺔ ﻭﺧﺮﻭﻑ ﻭﻭﻻﺕ ﻛﺎﺗﺴﺮﺣﻬﻢ ﻭﻭﻟﺪﺍﺕ ﻟﻴﻬﺎ ﺍﻟﻨﻌﺠﺔ ﺧﺮﻭﻑ ﺑﺎﺵ ﻏﺎﻳﻌﻴﺪﻭ ﺍﻟﻌﺎﻡ ﺍﻟﺠﺎﻱ ﻭﻓﻨﻔﺲ ﺍﻟﻮﻗﺖ ﻛﻞ ﻣﺮﺓ ﻛﺎﺗﺼﻴﻔﻂ ﻟﻴﻬﺎ ﺧﺘﻬﺎ ﻛﺎﺗﺰﻳﺪ ﻏﻨﻴﻤﺎﺕ ﺑﺎﺵ ﻛﺎﺗﻼﻫﻲ ﺍﻟﻮﻗﺖ... ﻣﻌﻠﻮﻡ ﺗﻼﻫﻲ ﺍﻟﻮﻗﺖ ﻻﻥ ﺩﺍﻛﺸﻲ ﻟﻲ ﻣﺎﻳﻮﻗﻊ ﻓﻲ ﺍﻟﺪﺍﺭ ﺍﺷﺒﻪ ﺑﺪﺍﻛﺸﻲ ﻟﻲ ﻛﺎﻳﻮﻗﻊ ﻓﺎﻓﻼﻡ ﺍﻟﺨﻠﻴﻊ... ﺍﻟﺤﻮﺍﻳﺞ ﻛﺎﻳﺘﺤﺮﻛﻮ ﻣﻦ ﺑﻼﻳﺼﻬﻢ ﺑﻮﺣﺪﻫﻢ، ﺍﻏﺮﺍﺽ ﻛﺎﺗﺨﺘﺎﻓﻲ ﻣﻦ ﺍﻟﺪﺍﺭ ﺗﺒﺎﺕ ﻣﺎﺗﺼﺒﺢ ﺣﺘﻰ ﻣﻦ ﻭﺭﺍﻕ ﻻﻓﺎﻙ ﻧﻬﺎﺭ ﺍﻟﺘﺴﺠﻴﻞ ﺿﻼﺕ ﻛﺎﺗﺠﻤﻊ ﻓﻴﻬﻢ ﻓﺎﻗﺖ ﻟﻘﺎﺕ ﻏﻴﺮ ﺑﻼﺻﺘﻢ ﺍﻣﺎ ﻧﻬﺎﺭ ﺍﺗﺼﺎﻳﺐ ﻻﻛﺎﺭﻁ ﺣﻠﻔﻮ ﺻﺤﺎﺏ ﺍﻟﺤﺎﻝ ﻣﺎﻳﺨﻠﻴﻮﻫﺎ ﻃﻠﻊ ﺍﻟﻮﺭﺍﻕ ﻭﻓﺎﺵ ﺑﻘﺎﺕ ﻟﻴﻬﺎ ﻏﻴﺮ ﺗﺤﻂ ﻳﺪﻳﻬﺎ ﺗﺒﺼﻢ ﻟﻘﺎﺕ ﻏﻴﺮ ﺍﻟﻀﺒﺎﺑﺔ ﻭﻋﺎﻭﺩﺕ ﺻﻴﺒﺎﺕ ﺍﻟﻮﺭﺍﻕ ﻣﻦ ﺟﺪﻳﺪ... ﺍﺻﻮﺍﺕ ﻏﺮﻳﺒﺔ ﻛﻞ ﻧﻬﺎﺭ ﻓﻜﺎﻉ ﺍﺭﺟﺎﺀ ﺍﻟﺪﺍﺭ ﻭﺣﺘﻰ ﻣﻦ ﻳﺎﻣﻨﺔ ﻛﺎﺗﻔﻴﻖ ﺷﻲ ﻣﺮﺍﺕ ﻛﺎﺗﻠﻘﺎ ﻛﺮﺷﻬﺎ ﻛﺒﻴﺮﺓ ﻓﺤﺎﻝ ﺩﻳﺎﻝ ﺍﻟﻤﺮﺍ ﺍﻟﺤﺎﻣﻠﺔ ﺍﻣﺎ ﻓﺎﺵ ﻛﺎﻳﺮﺷﻮ ﻋﻠﻴﻬﺎ ﺍﻟﺮﻳﺤﺔ ﻛﺎﺗﺒﺪﺍ ﺗﺪﻭﻱ ﺑﻠﻐﺔ ﻓﺮﻧﺴﻴﺔ ﺳﻠﻴﻤﺔ ﻭﺻﻮﺕ ﺭﺟﺎﻟﻲ ﻭﺷﻲ ﻣﺮﺍﺕ ﺑﻠﻐﺎﺕ ﺍﺧﺮﻯ ﻭﻋﻠﻰ ﻣﺎﻳﺒﺪﻭ ﺳﺎﻛﻨﻬﺎ ﺍﻛﺜﺮ ﻣﻦ ﻭﺍﺣﺪ، ﻳﺎﻣﻨﺔ ﻭﻟﻔﺎﺗﻬﻢ ﻭﻳﻼ ﺷﻤﺎﺕ ﺷﻲ ﺭﻳﺤﺔ ﺯﻭﻳﻨﺔ ﻓﺤﺎﻝ ﺳﺎﻧﻴﻜﺮﻭﺍ ﺍﻭ ﺍﻟﻌﻄﺮ ﺍﻭ ﺍﻟﻮﺭﺩ ﻭﻣﺎﺗﻨﻔﺨﺎﺗﺶ ﻟﻴﻬﺎ ﻛﺮﺷﻬﺎ ﻛﺘﺠﻴﻬﺎ ﻏﺮﻳﺒﺔ... ﻫﺎﺩﻱ ﺍﻻﻡ ﺍﻣﺎ ﻓﺎﻃﻴﻢ ﻫﺎﺩﻳﻚ ﻗﺼﺔ ﺩﻳﺎﻝ ﺍﻟﺨﻠﻌﺔ ﺑﻮﺣﺪﻫﺎ ﻭﺑﻤﺎ ﺍﻧﻨﻲ ﺑﻮﺣﺪﻱ ﻓﻲ ﺍﻟﺪﺍﺭ ﻭﺧﻔﺖ ﺻﺤﺎﺏ ﺍﻟﻤﻜﺎﻥ ﻳﻐﻀﺒﻮ ﻋﻠﻴﺎ ﺍﻧﺨﻠﻴﻬﺎ ﺣﺘﻰ ﻳﻄﻠﻊ ﺍﻟﻨﻬﺎﺭ ﻭﻧﻌﻮﺩﻫﺎ ﻟﻴﻜﻢ ﻣﻦ ﺷﻲ ﺑﻼﺻﺔ ﻋﺎﻣﺮﺓ...
تحويل كودإخفاء محول الأكواد الإبتساماتإخفاء