البدوية_والجني_العاشق (الحلقة الرابعة و الخامسة ) الكاتب Unknown في 7:21 ص #ﺍﻟﺒﺪﻭﻳﺔ_ﻭﺍﻟﺠﻨﻲ_ﺍﻟﻌﺎﺷﻖ (ﺍﻟﺤﻠﻘﺔ ﺍﻟﺮﺍﺑﻌﺔ ﻭﺍﻟﺨﺎﻣﺴﺔ) ﻭﺍﺵ ﻋﺎﺭﻑ ﻧﺘﺎ ﻟﻲ ﻛﺎﺗﻘﺮﺍ ﻓﻲ ﺍﻟﻘﺼﺔ ﺩﺍﺑﺎ ﺃﻧﻚ ﻣﺮﺍﻗﺐ ﻋﻠﻰ ﻃﻮﻝ ﺍﻟﻴﻮﻡ ﻣﻦ ﻃﺮﻑ ﺍﻟﺠﻦ ﻭﻳﻘﺪﺭ ﻛﺎﻉ ﻳﻜﻮﻥ ﻛﺎﻟﺲ ﺣﺪﺍﻙ ﺩﺍﺑﺎ ﺗﺎﻳﻘﺮﺍ ﻣﻌﺎﻙ ﻭﻧﺘﺎ ﻛﺎﺗﻔﺮﻧﺲ ﻭﻣﺎﻛﺘﺤﺴﺶ ﺑﻴﻪ ﻧﻬﺎﺋﻴﺎ ﻟﻘﻮﻟﻪ ﺗﻌﺎﻟﻰ ﻓﻲ ﺳﻮﺭﺓ ﺍﻻﻋﺮﺍﻑ "ﺍﻧﻪ ﻳﺮﺍﻛﻢ ﻫﻮ ﻭﻗﺒﻴﻠﻪ ﻣﻦ ﺣﻴﺚ ﻻ ﺗﺮﻭﻧﻬﻢ" ﺻﺪﻕ ﺍﻟﻠﻪ ﺍﻟﻌﻈﻴﻢ، ﻛﺎﻳﻦ ﻟﻲ ﻣﺴﻜﻮﻥ ﺳﻨﻴﻦ ﻫﺎﺩﻱ ﻭﻣﺎﺯﺍﻝ ﻣﺎﻋﺎﻕ، ﺧﺎﺻﺔ ﺍﻟﺘﻴﺘﻴﺰ ﺍﻻﻛﺜﺮ ﻋﺮﺿﺔ ﻟﻠﺠﻦ ﺍﻟﻌﺎﺷﻖ ﻭﻟﻲ ﻣﻤﻜﻦ ﺗﻘﻠﻌﻬﻢ ﺑﻮﺍﺣﺪ ﺍﻟﺴﻬﻮﻟﺔ ﻛﺒﻴﺮﺓ ﺑﺴﺒﺎﺏ ﺍﻻﻋﺮﺍﺽ ﺍﻟﻜﺜﻴﺮﺓ ﻟﻲ ﻛﺎﺗﺒﺎﻥ ﻓﻴﻬﻢ ﻭﻟﻲ ﻳﻤﻜﻦ ﺗﺨﻠﻂ ﻣﻊ ﺃﻋﺮﺍﺽ ﺍﻟﺴﺤﺮ ﻭﺍﻟﻌﻴﻦ، ﻭﺍﻟﺴﺤﺮ ﻣﺎﻛﻴﻌﻨﻴﺶ ﺑﺎﻟﻀﺮﻭﺭﺓ ﻳﻀﺮﺑﻚ ﺟﻨﻲ ﻫﺎﺩﺷﻲ ﻋﻼﺵ ﺍﻟﻮﺍﺣﺪ ﺧﺎﺻﻮ ﻳﺘﺄﻛﺪ ﻣﻦ ﺍﻻﻋﺮﺍﺽ ﻟﻲ ﻛﺎﻳﻜﻮﻥ ﻣﻦ ﺃﻫﻤﻬﺎ ﺍﺑﺘﻌﺎﺩ ﺍﻹﻧﺴﺎﻥ ﻋﻦ ﺍﻟﺪﻳﻦ ﻭﻛﺎﻳﻦ ﺷﻲ ﻭﺣﺪﻳﻦ ﻣﺎﻛﻴﺤﻤﻠﻮﺵ ﻳﺴﻤﻌﻮ ﺣﺘﻰ ﺻﻮﺕ ﺍﻵﺫﺍﻥ، ﻛﺜﺮﺓ ﺍﻻﺣﺘﻼﻡ ﻭﻧﺘﺎ ﺍﻭ ﻧﺘﻲ ﻧﺎﻋﺴﺔ ﻭﺷﻲ ﻣﺮﺍﺕ ﺣﺘﻰ ﻓﻲ ﺍﻟﻴﻘﻈﺔ. ﻛﺎﻳﻦ ﻟﻲ ﺑﻤﺠﺮﺩ ﻣﺎﻛﺘﻜﻮﻥ ﺑﺤﺪﻫﺎ ﻛﺎﺗﺤﺲ ﺑﻮﺍﺣﺪ ﺍﻻﺛﺎﺭﺓ ﺑﺪﻭﻥ ﺳﺒﺐ ﻭﻛﺎﺗﻮﻟﻲ ﺗﻤﻴﻞ ﻟﻠﻌﺰﻟﺔ. ﻛﺎﻳﻦ ﺷﻲ ﺑﻨﺎﺕ ﻭﻫﻮﻣﺎ ﻧﺎﻋﺴﻴﻦ ﻛﺎﻳﺤﺴﻮ ﺑﻜﺎﻣﻞ ﻣﺮﺍﺣﻞ ﺍﻟﻤﻌﺎﺷﺮﺓ ﺍﻟﺰﻭﺟﻴﺔ. ﻭﺑﺰﺍﺍﺍﻑ ﻣﺎﻛﺘﻜﻮﻧﺶ ﻋﻨﺪﻫﻢ ﺍﻟﺮﻏﺒﺔ ﻓﻲ ﺍﻟﺰﻭﺍﺝ ﻭﻛﺎﻳﺮﻓﻀﻮ ﺭﺟﺎﻝ ﺑﺪﻭﻥ ﺳﺒﺐ ﻣﻌﻴﻦ. ﺃﻣﺎ ﻳﻼ ﻛﺎﻧﺖ ﻣﺰﻭﺟﺔ ﻣﺎﻛﺘﺤﻤﻠﺶ ﻓﺮﺍﺟﻠﻬﺎ ﺍﻟﺸﻌﺮﺓ... ﺍﻟﺠﻦ ﺍﻟﻌﺎﺷﻖ ﻳﻘﺪﺭ ﻳﻤﺸﻲ ﺑﻌﻴﺪ ﻭﻳﻤﻜﻦ ﻛﺎﻉ ﻳﻮﻗﻒ ﻋﻠﻰ ﺍﻟﻤﺮﺍ ﻓﻲ ﺻﻔﺔ ﺭﺟﻞ ﻭﺳﻴﻢ ﺑﺰﺍﻑ ﻭﻋﺮﻳﺎﻥ ﻭﺍﺧﺎ ﺗﻘﺮﺍ ﻋﻠﻴﻪ ﺍﻟﻘﺮﺁﻥ ﺣﺘﻰ ﻳﺨﺮﺟﻮ ﻋﻴﻨﻴﻬﺎ ﻛﻴﻒ ﺗﻘﺪﺭ ﺗﻮﻗﻒ ﺍﻟﺠﻨﻴﺔ ﺑﺼﻮﺭﺓ ﻣﺮﺍ ﻗﻨﺒﻮﻟﺔ ﻭﺗﺸﺪ ﺍﻟﺮﺍﺟﻞ ﺗﻬﻴﺠﻮ ﺣﺘﻰ ﻳﻨﻌﺲ ﻣﻌﺎﻫﺎ (ﻫﺎﺩﻱ ﺑﺎﻟﻀﺒﻂ ﻋﺠﺒﺎﺗﻨﻲ). ﺍﻟﺠﻦ ﺍﻟﻌﺎﺷﻖ ﻭﺍﻟﻌﻴﺎﺩﻭ ﺑﺎﻟﻠﻪ ﻣﻦ ﺃﻗﻮﺩ ﺃﻧﻮﺍﻉ ﺍﻟﺠﻦ ﻭﻳﻘﺪﺭ ﻳﻘﺮﺑﻞ ﺣﻴﺎﺓ ﺍﻻﻧﺴﺎﻥ ﺧﺎﺻﺔ ﺍﻟﺒﻨﺎﺕ ﻣﻨﻬﻢ ﻭﻣﻦ ﺍﻟﺤﻮﻳﺞ ﻟﻲ ﻛﺎﻳﺴﻬﻠﻮ ﻋﻠﻴﻪ ﺍﻟﺘﺴﻠﻂ ﻋﻠﻰ ﺍﻟﻌﻴﺎﻻﺕ ﻧﺴﻴﺎﻥ ﺗﻌﺎﻟﻴﻢ ﺍﻟﻨﺒﻲ (ﺹ) ﻓﻲ ﺍﻟﺤﻴﺎﺓ ﺍﻟﻴﻮﻣﻴﺔ ﺩﻳﺎﻟﻬﻢ، ﻭﻛﺎﺗﻠﻘﺎ ﺑﻨﺖ ﻗﺮﻃﺎﺳﺔ ﺁﻳﺔ ﻓﻲ ﺍﻟﺠﻤﺎﻝ ﺩﺍﺧﻠﺔ ﻟﻠﻄﻮﺍﻟﻴﻂ ﺩﺍﻳﺮﺍ ﻟﻴﺰﻳﻜﻮﺗﻮﺭ ﻓﻮﺫﻧﻴﻬﺎ ﻭﻻ ﻛﺎﺗﺪﻭﻱ ﻣﻊ ﺻﺎﺣﺒﻬﺎ ﻓﻲ ﺍﻟﺘﻠﻔﻮﻥ ﺍﻭ ﻃﺎﻟﻘﺔ ﺍﻟﻤﻮﺳﻴﻘﻰ ﻋﻮﺽ ﻣﺎﺗﻌﻮﺩ ﺑﺎﻟﻠﻪ ﻭﺗﺴﺪ ﻛﺎﺑﻴﻨﻬﺎ ﺗﺪﻭﺵ ﺑﺎﻟﺰﺭﺑﺔ ﻭﺗﺨﺮﺝ ﺗﻘﻮﺩ ﻓﺤﺎﻟﻬﺎ ﻛﺎﺗﺒﻘﺎ ﻃﺎﻟﻘﺔ ﺍﻟﺪﻭﺵ ﻭﺗﻐﻨﻲ ﻓﺈﻟﻴﺴﺎ ﻣﺎﻋﺎﺭﻓﺎﺵ ﺃﻧﻬﺎ ﺑﻤﺠﺮﺩ ﻣﺎﻛﺘﺴﻠﺖ ﺣﻮﻳﺠﻬﺎ ﻳﻘﺪﺭ ﻳﺘﺰﻋﻂ ﻓﻴﻌﺎ ﺍﻟﺠﻨﻴﻦ ﺩﻳﺎﻝ ﺍﻟﻘﺮﻗﺎﺭﺓ ﻭﻛﺎﻳﺴﻜﻨﻬﺎ ﻭﺁﺵ ﺟﺎ ﻣﺎ ﺧﺮﺟﻮ... ﻛﺎﻳﻦ ﺷﻲ ﺳﻨﻦ ﻭﺍﺧﺎ ﺑﺴﻴﻄﺔ ﻭﻟﻜﻦ ﻋﻨﺪﻫﺎ ﻭﺍﺣﺪ ﺍﻟﺪﻭﺭ ﻣﻬﻢ ﻓﻲ ﺍﻟﺘﺤﺼﻴﻦ ﺩﻳﺎﻝ ﺍﻟﻤﺮﺍ ﻭﺍﻟﻮﻗﺎﻳﺔ ﺩﻳﺎﻟﻬﺎ ﻓﺤﺎﻝ ﺍﺫﻛﺎﺭ ﺍﻟﺼﺒﺎﺡ ﻭﺍﻟﻤﺴﺎﺀ ﻟﻲ ﻧﺘﺤﺪﺍ ﺷﻲ ﻭﺣﺪﺓ ﻓﻲ ﻫﺎﺩ ﺍﻟﻌﺼﺮ ﺗﻜﻮﻥ ﺣﺎﻓﻀﺎﻫﻢ. ﺍﻟﺠﻦ ﺍﻟﻌﺎﺷﻖ ﻳﻘﺪﺭ ﻳﻘﻮﺩ ﻋﻠﻴﻚ ﺍﻟﺴﻮﺍﻳﻊ ﺍﻛﺜﺮ ﻣﻦ ﺩﺍﻛﺸﻲ ﻟﻲ ﺗﻘﺪﺭﻭ ﺗﺨﻴﻠﻮ ﻭﻳﻜﻮﻥ ﺳﺒﺎﺏ ﻓﻲ ﻫﺘﻚ ﺍﻟﻌﺮﺽ، ﻛﺎﻳﻦ ﻟﻲ ﺍﻟﻤﻬﻤﺔ ﺩﻳﺎﻟﻮ ﻛﺎﺗﻜﻮﻥ ﺗﺸﻮﻳﻪ ﺍﻟﺼﻤﻌﺔ ﺩﻳﺎﻝ ﺍﻟﺒﻨﺖ ﻭﻓﻴﻨﻤﺎ ﻛﺎﻳﺸﻮﻓﻴﻬﺎ ﺷﻲ ﻭﺍﺣﺪ ﺍﻭ ﻳﺒﻐﻲ ﻳﺨﻄﺒﻬﺎ ﺍﻭ ﻳﺘﺰﻭﺟﻬﺎ ﻛﺎﻳﻠﻘﺎﻫﺎ ﻣﻌﻔﺮﺓ ﻭﻛﺎﻳﻦ ﻟﻲ ﻛﺎﻳﻜﻮﻥ ﺳﺒﺎﺏ ﺍﻟﺒﻨﺖ ﻓﻲ ﺍﻟﻌﻜﺲ ﻭﻛﺎﻳﻮﻗﻒ ﻟﻴﻬﺎ ﻓﻜﻠﺸﻲ ﺣﺘﻰ ﻛﺎﺗﻮﻟﻲ ﺷﺎﺩﺓ ﻏﻴﺮ ﺍﻟﺮﻛﻨﺔ ﺑﺎﺵ ﻣﺎﻳﺸﻮﻓﻬﺎ ﺣﺪ ﻣﻦ ﻏﻴﺮﻭ... ﺍﻟﺴﺆﺍﻝ ﺍﻟﺬﻱ ﻳﻄﺮﺡ ﻧﻔﺴﻪ ﻫﻮﺍ ﻛﻴﻔﺎﺵ ﺗﻨﻌﺲ ﺑﻼ ﻣﺎﻳﻀﻮﺭ ﺑﻴﻚ ﺣﺘﺎ ﺷﻲ ﻗﻤﻘﻮﻡ، ﻛﺘﺒﻘﺎ ﻗﺮﺍﺀﺓ ﺁﻳﺔ ﺍﻟﻜﺮﺳﻲ ﻗﺒﻞ ﻣﺎﺗﻨﻌﺲ ﺍﺳﻬﻞ ﺍﻟﺤﻠﻮﻝ ﻟﻘﻮﻟﻪ (ﺹ) "ﺃﺩﺍ ﺍﻭﻳﺖ ﺍﻟﻰ ﻓﺮﺍﺷﻚ ﻓﺎﻗﺮﺃ ﺍﻳﺔ ﺍﻟﻜﺮﺳﻲ ﻟﻦ ﻳﺰﺍﻝ ﻋﻠﻴﻚ ﻣﻦ ﺍﻟﻠﻪ ﺣﺎﻓﻆ ﻭﻻ ﻳﻘﺮﺑﻚ ﺷﻴﻄﺎﻥ ﺣﺘﻰ ﺗﺼﺒﺢ" ﻳﻌﻨﻲ ﺑﺎﻟﻌﺮﺑﻴﺔ ﺍﻟﺘﺎﻋﺮﺍﺑﻴﺖ ﺗﺎﻳﺼﻴﻔﻂ ﻟﻴﻚ ﺍﻟﻠﻪ ﻓﻴﺪﻭﺭ ﺗﺎﻳﻀﺮﺏ ﻋﻠﻴﻚ ﺍﻟﻌﺴﺔ ﺣﺘﻰ ﻛﺎﺗﻔﻴﻖ ﻣﻊ ﺍﻟﺼﺒﺎﺡ، ﻭﻓﺎﺵ ﺗﻨﻘﻮﻝ ﺍﻟﺼﺒﺎﺡ ﺭﺍﻩ ﻣﺎﺷﻲ ﺍﻟﻄﻨﺎﻋﺶ، ﻫﺬﺍﻙ ﻟﻲ ﻛﺎﻳﺒﻘﺎ ﻧﺎﻋﺲ ﺗﺎﻝ ﺍﻟﻌﺼﺮ ﻣﺎﺷﻲ ﻏﻴﺮ ﻛﺎﻳﺒﻮﻝ ﻟﻴﻪ ﺍﻟﺸﻴﻄﺎﻥ ﻓﻮﺫﻧﻴﻪ ﺭﺍﻩ ﻛﺎﻳﺘﺒﻮﻉ ﻭﻳﺨﺮﻯ ﻭﺍﻗﻴﻠﺔ... ﺍﻟﺤﻞ ﺍﻟﺜﺎﻧﻲ ﻫﻮ ﺍﻟﺮﻗﻴﺔ ﺍﻟﺸﺮﻋﻴﺔ ﻭﻋﻜﺲ ﺩﺍﻛﺸﻲ ﻟﻲ ﻛﺎﻳﺘﺼﺤﺎﺏ ﻟﻴﻨﺎ ﺭﺍﻩ ﻣﺎﺷﻲ ﺿﺮﻭﺭﻱ ﻳﻘﺮﺍﻫﺎ ﻋﻠﻴﻚ ﺷﻲ ﻭﺍﺣﺪ ﺭﺍﻩ ﺗﻘﺪﺭ ﺗﺪﻳﺮﻫﺎ ﻟﺮﺍﺳﻚ ﻭﻋﻄﻰ ﺍﻟﻠﻪ ﺍﻟﺮﻗﻰ ﻓﺎﻧﺘﺮﻧﻴﺖ ﻏﻴﺮ ﺑﻨﺎﺩﻡ ﻣﺎﻣﺴﺎﻟﻴﺶ، ﺍﻻﻛﺜﺎﺭ ﻣﻦ ﺍﻻﺳﺘﻌﺎﺩﺓ ﺑﺎﻟﻠﻪ ﻭﺍﻟﺼﻼﺓ ﻋﻠﻰ ﺍﻟﻨﺒﻲ ﻣﺎﻛﺘﺨﻠﻴﺶ ﺷﻲ ﻭﻟﺪ ﺩﻳﻠﻜﻠﺐ ﻳﻀﻮﺭ ﺑﺠﻨﺎﺑﻚ ﻭﻟﻘﻴﺖ ﺣﺘﻰ ﻭﺍﺣﺪ ﺍﻟﺤﺪﻳﺚ ﺗﺎﻳﻘﻮﻝ ﺑﻴﻼ ﻏﻴﺮ ﻗﺮﺍﺀﺓ ﺍﻻﻳﺘﻴﻦ ﺍﻻﺧﻴﺮﺗﻴﻦ ﻣﻦ ﺻﻮﺭﺓ ﺍﻟﺒﻘﺮﺓ ﻗﺒﻞ ﺍﻟﻨﻌﺎﺱ ﻛﺎﻓﻴﺔ... ﻣﻦ ﺑﻴﻦ ﺍﻟﻘﻮﺍﻟﺐ ﻟﻲ ﻣﺎﺗﺨﻠﻴﺶ ﺩﻳﻠﻤﻮ ﺷﻲ ﺟﻦ ﻳﺪﻭﺭ ﺑﺠﻴﻬﺘﻚ ﺍﻟﻤﺴﻚ ﻟﻲ ﺗﺎﻳﺨﻠﻴﻬﻢ ﻳﻨﻔﺮﻭ ﻭﻛﺎﻳﺘﻌﺘﺎﺑﺮ ﺍﻟﻤﺴﻚ ﻣﻦ ﺍﺣﺐ ﺍﻻﺷﻴﺎﺀ ﻋﻨﺪ ﺍﻟﻤﻼﺋﻜﺔ ﻟﻲ ﻣﻦ ﻃﺒﻴﻌﺔ ﺍﻟﺤﺎﻝ ﻛﻴﻒ ﻛﺎﺗﺤﻀﺮ ﻛﺎﺗﻌﻠﻖ ﺷﻴﺎﻃﻴﻦ ﺍﻟﺠﻦ ﻫﺎﺩﺷﻲ ﻋﻼﺵ ﺍﻟﻮﺍﺣﺪ ﻣﺎﻳﺘﺮﺩﺩﺵ ﻳﺴﺘﻌﻤﻞ ﺍﻟﻤﺴﻚ ﻭ ﻣﻦ ﺍﻻﻓﻀﻞ ﻳﺪﻫﻦ ﻟﺤﻤﻮ ﻣﺎﺑﻴﻦ ﺍﻟﺒﻮﻁ (ﺍﻟﺴﺮﺓ) ﻭﺍﻟﺮﻛﺒﺔ.... ﻭﻫﺬﺍ ﺟﻬﺪﻱ ﻋﻠﻴﻜﻢ. ﺧﻠﻴﻨﺎ ﻣﻦ ﺍﻟﺠﻨﻮﻥ ﻭﺍﺟﻲ ﻧﺮﺟﻌﻮ ﻟﺘﺰﻧﻴﺖ ﻭﺑﺎﻟﻀﺒﻂ ﻟﺪﻭﺍﺭ "ﺗﺰﻭﻧﺖ ﺇﺩﺍﻭﻳﺰﻳﺪ" ﻧﺴﺒﺔ ﺍﻟﻰ ﻳﺰﻳﺪ ﺑﻦ ﻣﻌﺎﻭﻳﺔ ﻟﻲ ﻣﺎﻓﻬﻤﺘﺶ ﺍﺻﻼ ﻋﻼﺵ ﻣﺴﻤﻴﻴﻦ ﻋﻠﻴﻪ ﻫﺎﺩ ﺍﻟﺪﻭﺍﺭ ﻋﻠﻤﺎ ﺍﻧﻪ ﻣﺎﻋﻤﺮﻭ ﻣﺎﻛﺎﻥ ﻛﺮﺑﻮﺯ، ﺗﺰﻭﻧﺖ ﺍﺩﺍﻭﻳﺰﻳﺪ ﻃﺮﻑ ﻣﻦ ﺍﻟﺠﻨﺔ، ﻣﻦ ﺯﻫﺮﻫﻢ ﺍﻟﻤﻜﻮﺯ ﻃﺎﺡ ﻓﻲ ﺟﻤﺎﻋﺔ "ﺃﻓﻼ ﺇﻏﻴﺮ" ﻧﻮﺍﺣﻲ ﺗﺎﻓﺮﺍﻭﺕ ﺑﻠﺪ ﺍﻟﺰﻳﻦ ﻭﺍﻟﺘﺒﻮﻛﻴﺼﺔ ﻭﻻﻃﺎﻱ ﻣﺎﻧﻜﺎﻥ ، ﻣﻜﺎﻥ ﻓﻘﻴﺮ ﺟﺪﺍ ﺣﻴﺖ ﻧﺎﺳﻮ ﻣﻦ ﻏﻴﺮ ﺍﻟﻔﻼﺣﺔ ﻣﺎﺗﻴﻌﺮﻓﻮ ﺗﺎ ﺧﺮﻳﺔ ﻭﻏﻨﻲ ﺟﺪﺍ ﺑﺤﻜﻢ ﺗﻮﺍﺟﺪ ﻣﺼﺎﻧﻊ ﺍﺳﺘﺨﺮﺍﺝ ﺍﻟﺬﻫﺐ ﻭﺍﻟﻔﻀﺔ ﻟﻲ ﺣﺎﻟﻬﺎ ﺣﺎﻝ ﻛﺎﻉ ﻣﻨﺎﻃﻖ ﺍﻟﻤﻐﺮﺏ ﻛﺎﻳﺴﺘﺎﻓﺪﻭ ﻣﻨﻬﺎ ﺻﺤﺎﺏ ﺍﻟﺸﻜﺎﺭﺓ ﻭﺍﻟﺸﻔﺎﺭﺓ ﻭﻟﻲ ﺑﻘﺎ ﻛﺎﺗﺎﺧﺪﻭ ﺍﻟﺪﻭﻟﺔ، ﺩﻭﺍﺭ ﺗﺰﻭﻧﺖ ﺟﺎ ﺑﻌﻴﺪ ﺑﺨﻤﺴﺔ ﻭﻋﺸﺮﻳﻦ ﻛﻠﻤﺘﺮ ﻋﻠﻰ ﺍﻟﺤﻀﺎﺭﺓ ﻭﻋﻜﺲ ﺍﻟﺪﻭﺍﻭﺭ ﺍﻟﻤﺠﺎﻭﺭﺓ ﻧﺎﺱ ﺍﻟﺪﻭﺍﺭ ﺍﻏﻠﺒﻬﻢ ﻛﺎﻳﺪﻭﻱ ﺍﻟﻌﺮﺑﻴﺔ ﻻﻥ ﺍﺻﻠﻬﻢ ﺻﺤﺮﺍﻭﻱ ﻭﻣﺎﺷﻲ ﺳﻮﺳﻲ ﻭﻟﻜﻦ ﺑﺤﻜﻢ ﺍﻟﻘﺮﺍﺑﺔ ﺗﺨﻠﻄﻮ ﻣﻊ ﺍﻟﺸﻠﻮﺡ ﻭﺩﺍﺭﻭ ﻭﺍﺣﺪ ﺍﻟﻤﺰﻳﺞ ﺣﺘﻰ ﻣﺎﺑﻘﻴﺘﻲ ﺗﻌﺮﻑ ﺍﻟﺸﻠﺢ ﻣﻦ ﺍﻟﻌﺮﺑﻲ ﺣﺘﻰ ﻃﺮﻳﻘﺔ ﻧﻄﻖ ﺍﻟﻌﺮﺑﻴﺔ ﻋﻨﺪﻫﻢ ﻗﺮﻳﺒﺔ ﻟﻠﺸﻠﺤﺔ ﺍﻛﺜﺮ ﻣﻨﻬﺎ ﻟﻠﻌﺮﺑﻴﺔ ﻭﺷﻲ ﻣﺮﺍﺕ ﻣﺎﺗﺘﻔﺮﺯﻫﻤﺶ ﺍﺻﻼ ﺍﺷﻨﻮ ﺗﺎﻳﻘﻮﻟﻮ. ﺩﻭﺍﺭ ﺗﺰﻭﻧﺖ ﺟﺎ ﻣﻌﻠﻖ ﻓﻲ ﺍﻟﺠﺒﻞ ﻭﺳﻂ ﺍﻟﺸﺠﺮ ﺩﻳﺎﻝ ﺍﻟﻠﻮﺯ ﻭﺍﻟﺰﻳﺘﻮﻥ ﻭﺍﻟﻨﺨﻞ ﻭﺣﻴﺖ ﺑﻨﺎﺩﻡ ﺩﻳﻠﻤﻮ ﻣﺮﻳﺾ ﻓﻜﺮﻭ ﺧﻼﻭ ﻫﺎﺩ ﺍﻟﺨﻴﺮ ﻛﺎﻣﻞ ﺷﻲ ﻣﺸﺎ ﻟﺘﺰﻧﻴﺖ ﺷﻲ ﻫﻮﺩ ﻵﻛﺎﺩﻳﺮ ﻭﺍﻻﻏﻠﺒﻴﺔ ﺑﺎﻋﻮ ﺍﻟﺒﻘﺮﺓ ﻭﺣﻠﻮ ﺣﺎﻧﻮﺕ ﻛﻞ ﻭﺍﺣﺪ ﻓﻘﻨﻂ ﻣﻦ ﺍﺭﺑﺎﻉ ﺍﻟﻤﻤﻠﻜﺔ ﻭﺗﺎﻳﺮﺟﻌﻮ ﻟﻠﺒﻼﺩ ﻏﻴﺮ ﻓﻲ ﺃﻳﺎﻡ ﺍﻟﻌﻴﺪ.. ﻛﻴﻒ ﺣﺎﻝ ﻛﺎﻉ ﻧﺎﺱ ﺍﻟﺪﻭﺍﺭ ﻛﺎﻥ ﺍﻟﺤﺴﻴﻦ ﻣﻦ ﻣﺴﺎﺧﻴﻂ ﺍﻟﻮﺍﻟﺪﻳﻦ ﻟﻲ ﻋﻠﻘﻮ ﺍﻟﺒﻠﻐﺔ ﻭﻫﺒﻄﻮ ﻟﻠﻤﺪﻳﻨﺔ، ﻓﻲ ﺍﻟﻮﻗﺖ ﻟﻲ ﻛﺎﻥ ﻓﻌﻤﺮﻭ ﺭﺑﻌﻄﺎﻋﺸﺮ ﻋﺎﻡ ﺭﻛﺐ ﻓﻮﻕ ﺣﻤﺎﺭﺗﻮ ﻣﻦ ﺍﻟﺪﺍﺭ ﺗﺎﻝ ﺗﺰﻧﻴﺖ ﺭﺑﻄﻬﺎ ﻓﻲ ﺍﻟﺴﻮﻕ ﺣﺘﺎ ﺟﺎﺏ ﺍﻟﻠﻪ ﺍﻟﺸﺎﺭﻱ ﺑﺎﻋﻬﺎ ﺑﺮﺑﻌﻤﻴﺘﺮﻳﺎﻝ ﻭﺷﺪ ﻭﺭﻗﺔ ﺩﻳﺎﻝ ﺍﻟﻜﺎﺭ ﻻﻛﺎﺩﻳﺮ، ﺃﻛﺎﺩﻳﺮ ﻣﻦ ﺑﻌﺪ ﺍﻟﺰﻟﺰﺍﻝ ﻛﺎﻧﺖ ﻣﺪﻳﻨﺔ ﻛﺎﺗﺒﺮﻱ ﻛﻠﺸﻲ ﻓﻴﻬﺎ ﺟﺪﻳﺪ ﺷﻮﺍﺭﻉ ﺩﻳﻮﺭ ﻓﻨﺎﺩﻕ ﻃﻮﻧﻮﺑﻴﻼﺕ ﺷﺠﺮ ﻛﻠﺸﻲ ﺑﺎﻗﻲ ﻓﻴﻪ ﺭﻳﺤﺔ ﺍﻟﺼﺒﺎﻏﺔ ﺣﺘﺎ ﻣﻦ ﺑﻨﺎﺩﻡ ﺑﺎﻗﻲ ﺟﺪﻳﺪ ﺑﻤﻴﻜﺘﻮ، ﺗﺨﻠﻄﻮ ﻋﺮﻳﺒﺎﻥ ﻣﻊ ﺍﻟﺸﻠﻮﺡ ﻭﺣﻴﺖ ﺟﺎﺕ ﻓﻮﻗﺖ ﺍﻟﺴﻴﺒﺔ ﻭﻻﺕ ﺍﻛﺎﺩﻳﺮ ﺍﻛﺒﺮ ﻭﻛﺮ ﻣﻔﺘﻮﺡ ﻟﻠﺪﻋﺎﺭﺓ ﻗﻲ ﺇﻓﺮﻳﻘﻴﺎ ﺁﻧﺪﺍﻙ، ﺍﻟﺤﺴﻴﻦ ﻣﺎﻛﻴﻌﺮﻓﺶ ﺷﻲ ﺣﺎﺟﺔ ﻣﻦ ﻏﻴﺮ ﺍﻟﻔﻼﺣﺔ ﻭﻣﺎﻛﻴﻔﻬﻤﺶ ﺷﻲ ﺣﺎﺟﺔ ﻣﻦ ﻏﻴﺮ ﺍﻟﺸﻠﺤﺔ... ﻣﻦ ﺑﻌﺪ ﻣﺎ ﺿﺎﺭ ﺣﺘﺎ ﻃﺎﺑﻮ ﺭﺟﻠﻴﻪ ﻋﻠﻰ ﻛﺎﻉ ﻟﻮﻃﻴﻼﺕ ﺍﻟﻘﻬﺎﻭﻱ ﻭﺍﻟﺒﻴﺮﺍﻥ ﺩﻳﺎﻝ ﺁﻛﺎﺩﻳﺮ ﺗﺎ ﻭﺍﺣﺪ ﻣﺎﺑﻐﺎ ﻳﺨﺪﻣﻮ ﺑﺤﻜﻢ ﺍﻟﻌﻤﺮ ﺩﻳﺎﻟﻮ ﻭﻓﻮﻕ ﻫﺎﺩﺷﻲ ﻣﺎﻛﻴﻌﺮﻓﺶ ﻟﻠﻌﺮﺑﻴﺔ... ﺑﻘﺎ ﺗﺎﻳﻨﻘﺰ ﻣﻦ ﻗﻨﻂ ﻟﻘﻨﻂ ﺣﺘﺎ ﻭﺻﻠﻮﻩ ﺭﺟﻠﻴﻪ ﻟﻠﻤﺮﺳﻰ ﺩﻳﺎﻝ ﺁﻛﺎﺩﻳﺮ ﺗﻤﺎﻙ ﺗﻼﻗﻰ ﻣﻊ ﺑﺮﺍﻫﻴﻢ ﻟﻲ ﻛﺎﻥ ﻛﺎﻳﺒﻴﻊ ﻭﻳﺸﺮﻱ ﻓﻲ ﺍﻟﺤﻮﺕ ﺣﻂ ﺣﺪﺍﻩ ﺻﻨﺪﻭﻕ ﻭﻗﻠﺒﻬﺎ ﺗﻘﺸﺎﺭ ﺑﺸﻮﻱ ﺑﺸﻮﻱ ﺣﺘﻰ ﻭﻟﻰ ﺑﺮﻭﻓﻴﺴﻴﻮﻧﻴﻞ ﺩﻳﺎﻝ ﺗﻘﺸﺎﺭ ﺍﻟﺤﻮﺕ ﻭﻣﻦ ﺑﻌﺪ ﻣﺎ ﺟﺎ ﺣﺎﺯﻕ ﻣﻦ ﺍﻟﺒﻼﺩ ﻭﻛﺎﻥ ﺗﺎﻳﺒﺎﺕ ﻓﺎﻟﺠﺮﺩﺓ ﻭﻻ ﺗﺎﻳﻀﺮﺏ ﺧﻤﺴﻴﻦ ﺩﺭﻫﻢ ﻓﻲ ﺍﻟﻨﻬﺎﺭ ﻭﻛﺮﻯ ﻭﺍﺣﺪ ﺍﻟﻜﺮﺍﺝ ﻓﻘﻠﺐ ﺍﻟﻤﺮﺳﻰ ﺑﺨﻤﺴﺎﻻﻑ ﺭﻳﺎﻝ ﻟﻠﺸﻬﺮ ﺣﻂ ﻓﻴﻪ ﺣﺼﻴﺮﺓ ﻣﻼﻳﺔ ﻣﺨﺪﺓ ﺭﺍﺩﻳﻮ ﻭﺑﻮﻁ... ﺣﻴﺎﺓ ﺍﻟﺤﺴﻴﻦ ﻛﺎﻧﺖ ﻓﻲ ﺍﻻﻭﻝ ﺩﺍﻳﺮﺍ ﻓﺤﺎﻝ ﺍﻟﻔﻴﺮﺍﻥ ﻣﻦ ﻏﻴﺮ ﺍﻟﺤﻮﺍﻳﺞ ﻟﻲ ﻛﺎﻥ ﻛﺎﻳﻠﺒﺲ ﻋﻠﻰ ﻟﺤﻤﻮ ﻭﺍﻟﺴﺎﻟﻮﺑﻴﻂ ﺩﻳﺎﻝ ﺍﻟﻤﻴﻜﺔ ﺑﺎﺵ ﻛﺎﻳﺨﺪﺍﻡ ﻣﺎﻛﺎﻥ ﻋﻨﺪﻭ ﺣﺘﻰ ﻛﺎﺭﺻﻮﻥ ﺑﺎﺵ ﻳﻤﺸﻲ ﻟﻠﺤﻤﺎﻡ، ﻭﺑﻼ ﻣﺎﻧﻘﻮﻟﻴﻜﻢ ﻛﻴﻔﺎﺵ ﺩﺍﻳﺮﻳﻦ ﺍﻟﺸﻠﻮﺡ.... ﺍﻟﺠﻮﻉ ﻭﺍﻟﻨﻮﻉ ﻭﻣﻦ ﻏﻴﺮ ﺍﻟﺤﻮﺕ ﻟﻲ ﻛﺎﻧﻮ ﻛﺎﻳﻌﻄﻮﻩ ﻓﺎﺑﻮﺭ ﻓﻲ ﺍﻟﻤﺮﺳﻰ ﻋﻤﺮ ﺍﻟﻠﺤﻢ ﻭﺍﻟﺪﺟﺎﺝ ﻣﺎﻧﺰﻝ ﻣﻊ ﺣﻠﻘﻮ ﺣﺘﻰ ﻧﺴﺎ ﺍﻟﻄﻌﻢ ﺩﻳﺎﻟﻬﻢ. ﻭﺍﺣﺪ ﺍﻟﻨﻬﺎﺭ ﻓﻲ ﺍﻟﻮﻗﺖ ﻟﻲ ﻛﺎﻳﺤﻞ ﻓﻲ ﻛﺎﺭﺍﺟﻮ ﺑﺎﺵ ﻳﺨﺮﺝ ﻳﺘﺮﺯﻕ ﺍﻟﻠﻪ ﻣﺎﻳﺠﻲ ﻭﺟﻬﻮ ﻏﻴﺮ ﻓﻲ ﻭﺟﻪ ﻭﺍﺣﺪ ﺍﻟﻐﻨﺪﻭﺭ ﻗﺮﺟﻮﻃﺘﻮ ﻗﺪ ﺩﻳﺎﻝ ﺍﻟﻜﺮﻭﻛﻮﺩﻳﻞ، ﻣﺎﻋﺮﻓﺘﺶ ﺷﻨﻮ ﺟﺎﻩ ﻣﺸﺎ ﻣﺪ ﻟﻴﻪ ﻳﺪﻳﻪ ﻣﻊ ﺍﻟﻌﻠﻢ ﺍﻧﻪ ﺩﻭﺯ ﺛﻠﺚ ﺷﻬﺮ ﻭﺟﻤﻊ ﺳﺘﻴﻦ ﺍﻟﻒ ﺭﻳﺎﻝ ﻣﻌﻤﺮ ﺑﻴﻬﺎ ﺍﻟﻤﺨﺪﺓ، ﺍﻟﻐﻨﺪﻭﺭ ﻻﺡ ﻟﻴﻪ ﻭﺍﺣﺪ ﺍﻟﻌﺸﺮﺓ ﺩﺭﻳﺎﻝ ﻭﻗﺎﻟﻴﻪ ﻧﺘﺎ ﻗﺪﻙ ﻗﺪ ﺍﻟﺠﻤﻞ ﺭﺍﻩ ﺧﺎﺻﻚ ﺗﻤﺸﻲ ﺗﺨﺪﻡ، ﻗﺎﻟﻴﻪ ﺍﻟﺤﺴﻴﻦ ﺭﺍﻧﻲ ﺧﺪﺍﻡ ﻛﺎﻧﻘﺸﺮ ﺍﻟﺤﻮﺕ ﻭﻣﺮﺓ ﻣﺮﺓ ﻛﺎﻧﺒﻴﻊ ﺍﻟﺴﺮﺩﻳﻦ ﻏﻴﺮ ﻫﻴﺎ ﻫﺎﺩ ﺍﻻﻳﺎﻡ ﺍﻟﺤﺮﻛﺔ ﻋﻴﺎﻧﺔ ﻛﺎﻉ ﺍﻟﺒﺎﺭﻛﻮﺍﺕ ﻫﻮﺩﻭ ﻟﻠﺼﺤﺮﻯ ﺍﻟﺤﻮﺕ ﻣﺎﻛﻴﻨﺶ... ﺍﻟﻐﻨﺪﻭﺭ ﻣﺎﻋﻄﻠﻮﺵ ﻗﺎﻟﻴﻊ ﺳﻴﺮ ﻟﻠﻤﺎﻛﺎﺯﺓ ﻧﻤﺮﺓ ﺳﺒﻌﺔ ﻭﺳﻮﻝ ﻋﻠﻰ ﺍﻟﻤﺤﺠﻮﺏ ﻗﻮﻟﻴﻪ ﺻﺎﻳﻔﻄﻨﻲ ﻋﻨﺪﻙ ﺍﻟﺤﺎﺝ ﺣﻤﻮ ﺭﺍﻩ ﻏﺎﻳﺸﻮﻑ ﻟﻴﻚ ﺧﺪﻣﺔ... ﻓﻌﻼ ﻣﺸﺎ ﻛﺎﻳﺠﺮﻱ ﻭﺍﻟﻤﺤﺠﻮﺏ ﺧﻔﺔ ﻧﺎﺷﺎﻁ ﺧﺸﺎﻩ ﻣﻌﺎﻫﻢ ﻓﻲ ﺍﻟﺒﺎﺭﻛﻮ ﺩﻳﺎﻝ ﺍﻟﺤﺎﺝ ﺣﻤﻮ، ﻓﻲ ﺍﻻﻭﻝ ﺧﺪﻡ "ﻣﻮﺱ" ﻳﻌﻨﻲ ﻛﺎﻳﻨﻘﻲ ﻭﻳﺴﻴﻖ ﺍﻟﺒﺎﺭﻛﻮ ﻭﻣﻦ ﺑﻌﺪ ﺭﺑﻊ ﺳﻨﻴﻦ ﺍﻛﺘﺎﺳﺐ ﺧﺒﺮﺓ ﻭﻭﻟﻰ ﺑﺤﺮﻱ.... ﺍﻛﺎﺩﻳﺮ ﻓﻲ ﺍﻟﺜﻤﺎﻧﻴﻨﺎﺕ ﺍﻟﺤﻮﺕ ﻏﻴﺮ ﻣﺸﺘﺖ ﻭﺍﻟﻠﻌﺎﻗﺔ ﻣﻮﺟﻮﺩﺓ ﺩﺍﺭ ﺍﻟﺤﺴﻴﻦ ﻻﺑﺎﺱ ﻭﻗﺮﺭ ﻳﻜﺮﻱ ﺩﻭﻳﺮﺓ ﻣﺤﺘﺮﻣﺔ ﻓﻲ ﺣﻲ ﻣﺤﺘﺮﻡ ﻓﺂﻛﺎﺩﻳﺮ، ﺧﻤﺴﻄﺎﺵ ﺍﻟﻒ ﺭﻳﺎﻝ ﻟﻠﺸﻬﺮ ﻭﺍﻟﻔﺮﺍﺵ ﺗﻜﻠﻒ ﺑﻴﻪ ﺍﻟﺤﺎﺝ ﺣﻤﻮ ﻟﻲ ﺍﺻﺒﺢ ﻛﺎﻳﻌﺘﺎﺑﺮﻭ ﻓﺤﺎﻝ ﻭﻟﺪﻭ ﻟﻼﻣﺎﻧﺔ ﺩﻳﺎﻟﻮ، ﺍﻟﺤﺴﻴﻦ ﻛﺎﻥ ﺍﻟﺠﻠﺪﺓ ﻋﻠﻰ ﺍﻟﻌﻈﻢ ﺿﻌﻴﻴﻴﻒ ﻭﻋﻴﻨﻴﻪ ﺧﺎﺭﺟﻴﻦ ﻣﻴﺘﺮﻭ ﻭﺳﺒﻌﻴﻦ ﻓﻲ ﺍﻟﻄﻮﻝ ﻭﺣﺘﻰ ﺍﻟﺸﻜﻞ ﺩﻳﺎﻟﻮ ﻣﺎﻛﻴﺸﺒﻬﺶ ﻟﻠﺸﻠﻮﺡ ﺑﺰﺍﻑ ﺑﻤﺠﺮﺩ ﻣﺎﺗﺠﻤﻌﺖ ﻋﻨﺪﻭ ﻣﻠﻴﻮﻥ ﺑﺪﺍ ﺗﺎﻳﻔﻜﺮ ﺑﺎﻟﺰﻭﺍﺝ ﻭﻛﺎﻥ ﺿﺪ ﻓﻜﺮﺓ ﻳﺘﺰﻭﺝ ﺷﻠﺤﺔ ﻣﻦ ﺍﻟﺪﻭﺍﺭ... ﺍﻟﺤﺴﻴﻦ ﻣﺎﻃﻠﻌﺶ ﺳﺎﻫﻞ ﻭﺣﺎﻁ ﻋﻴﻨﻴﻪ ﻋﻠﻰ ﺍﻟﺴﺮﺑﺎﻳﺔ ﺩﻳﺎﻝ ﻭﺍﺣﺪ ﺍﻟﻘﻬﻮﺓ ﻓﻲ ﺍﻟﻤﺪﻳﻨﺔ ﻭﻟﻲ ﻛﺎﻥ ﻣﻮﺍﻋﺪﻫﺎ ﺑﺎﻟﺰﻭﺍﺝ، ﻛﺎﻥ ﺳﻤﻴﺘﻬﺎ ﺳﻌﺎﺩ ﻭﺟﺎﺕ ﻣﻦ ﺑﻨﻲ ﻣﻼﻝ ﻣﻊ ﺍﻻﻓﻮﺍﺝ ﺍﻟﺒﺸﺮﻳﺔ ﻟﻲ ﻫﺒﻄﺎﺕ ﺗﺘﺮﺯﻕ ﺍﻟﻠﻪ ﻓﻲ ﺁﻛﺎﺩﻳﺮ ﻳﺎﻣﺎﺕ ﺍﻟﻐﻔﻠﺔ، ﺭﺿﺎﺕ ﺍﻟﻮﺍﻟﺪﻳﻦ ﻭﻗﻔﺎﺕ ﻣﻊ ﺳﻌﺎﺩ ﻟﻲ ﻛﺎﻧﺖ ﻧﺎﺯﻟﺔ ﺑﻨﻴﺔ ﺍﻋﺘﻨﺎﻕ ﺍﻟﺪﻋﺎﺭﺓ ﻻﻗﺎﻫﺎ ﺭﺑﻲ ﺑﻮﺍﺣﺪ ﻣﺮﺿﻲ ﺍﻟﻮﻟﻴﺪﻳﻦ ﻋﻄﺎﻫﺎ ﺑﻴﺖ ﻓﻲ ﺍﻟﺴﻄﺢ ﻭﺧﺪﻣﻬﺎ ﺳﺮﺑﺎﻳﺔ ﻋﻨﺪﻭ ﻓﻲ ﺍﻟﻘﻬﻮﺓ... ﺳﻌﺎﺩ ﻛﺎﻧﺖ ﻃﺮﻓﺔ ﻓﺤﺎﻝ ﻛﺎﻉ ﺑﻨﺎﺕ ﺑﻨﻲ ﻣﻼﻝ ﻟﻲ ﻛﺎﻧﻮ ﻣﺴﺘﻘﺮﻳﻦ ﻓﺎﻛﺎﺩﻳﺮ ﺑﺎﻟﺤﻖ ﻣﺎﻛﺎﻧﺘﺶ ﻗﺎﺭﻳﺔ ﻭﻳﺘﻴﻤﺔ ﺗﻜﺮﻓﺺ ﻋﻠﻴﻬﺎ ﻭﻟﺪ ﻋﻤﻬﺎ ﻭﻫﻴﺎ ﻓﻲ ﻋﻤﺮﻫﺎ ﻋﺸﺮ ﺳﻨﻴﻦ ﻭﻣﺎﻛﺎﻧﺘﺶ ﻛﺎﺗﺂﻣﻦ ﺍﻧﻪ ﺷﻲ ﻧﻬﺎﺭ ﺍﻳﻘﺒﻞ ﻋﻠﻴﻬﺎ ﺷﻲ ﻭﺍﺣﺪ، ﺍﻟﺤﺴﻴﻦ ﻃﺰﻋﻂ ﻓﻴﻬﺎ ﺯﻋﻄﺔ ﺍﻟﻌﻤﻰ ﻭﺣﻠﻒ ﺑﺤﻠﻮﻓﻮ ﺗﺎﻳﺘﺰﻭﺝ ﺑﻴﻬﺎ ﻭﻓﻌﻼ ﺛﻢ ﺍﻟﻤﻨﻰ ﺗﺰﻭﺝ ﺑﻴﻬﺎ ﻭﻛﻠﺴﻬﺎ ﻓﻲ ﺍﻟﺪﺍﺭ ﻭﻣﺎﻫﻴﺎ ﺍﻻ ﺗﺴﻊ ﺷﻬﺮ ﺣﺘﻰ ﺑﺰﻻﺕ ﻟﻴﻪ ﻭﺍﺣﺪ ﺍﻟﺒﻨﻴﺔ ﻛﻴﻒ ﺷﻲ ﻃﺮﻳﻒ ﺩﻳﺎﻝ ﺍﻟﺰﺑﺪﺓ ﺁﻳﺔ ﻣﻦ ﺍﻟﺠﻤﺎﻝ ﺳﻤﺎﻭﻫﺎ ﺁﻳﺔ، ﺷﻬﺮ ﻣﻦ ﺑﻌﺪ ﻣﺎﺗﺰﺍﺩﺕ ﺁﻳﺔ ﺍﻟﺤﺴﻴﻦ ﺑﺪﺍ ﻛﺎﻳﻄﻠﻊ ﻣﻌﺎﻩ ﺍﻟﺰﻣﺎﻥ ﻭﻋﻄﺎﻫﺎ ﻟﻠﻄﺎﺳﺔ ﻭﺍﻟﻘﺤﺎﺏ ﻣﻊ ﺍﻟﺒﺤﺮﻳﺔ ﺩﻳﺎﻝ ﺍﻟﺒﺎﺭﻛﻮ ﻭﻋﻮﺽ ﻳﺼﺮﻑ ﻋﻠﻰ ﻣﺮﺗﻮ ﻭﺑﻨﺘﻮ ﻣﺸﺎ ﻛﺮﺍ ﺑﺮﺗﻮﺵ ﻣﻊ ﺑﺮﺍﻫﻴﻢ ﺻﺎﺣﺒﻮ ﻭﻭﻟﺪ ﺣﻤﻮ ﻣﻮﻝ ﺍﻟﺸﻲ... ﻛﻞ ﻧﻬﺎﺭ ﺟﺎﻱ ﺳﻜﺮﺍﻥ ﺣﺘﺎﻝ ﻭﺍﺣﺪ ﺍﻟﻨﻬﺎﺭ ﺟﺎ ﻟﻘﻰ ﺳﻌﺎﺩ ﺧﻮﺍﺕ ﺍﻟﺪﺍﺭ ﻭﻣﺸﺎﺕ ﺟﺎﺗﻮ ﻣﻦ ﺍﻟﺠﻨﺔ ﻭﺍﻟﻨﺎﺱ ﻃﻠﻖ ﺍﻟﺒﺮﺗﻮﺵ ﻭﺭﺟﻊ ﺩﺍﺭﻭ ﻣﻠﻬﻰ ﻛﺎﻳﻀﺮﺏ ﻓﻴﻪ ﺍﻟﻄﺎﺳﺔ ﻭﻛﺎﺯﺍ ﺣﺘﺎﻝ ﻧﻬﺎﺭ ﻭﻗﻔﺖ ﻋﻠﻴﻪ ﺳﻌﺎﺩ ﻫﻲ ﻭﺍﻟﻤﻘﺪﻡ ﻭﺟﻮﺝ ﺩﻳﺎﻝ ﺍﻟﺒﻮﻟﻴﺲ ﺟﻤﻌﻮﻩ ﻫﻮ ﻭﻗﺮﺍﻋﻴﻪ ﺩﻭﺯ ﻓﻴﻬﺎ ﺷﻬﺮﻳﻦ ﺩﻳﺎﻝ ﺍﻟﺤﺒﺲ ﻓﺴﺎﺩ ﻭﻃﻠﻘﺎﺗﻮ ﺍﻟﻤﺮﺍ.... ﻣﻦ ﺑﻌﺪ ﺍﻟﺤﺒﺲ ﺳﻌﺎﺩ ﺳﺮﻃﺎﺗﻬﺎ ﺍﻻﺭﺽ ﻭﻣﺎ ﺑﺎﻧﺖ ﺣﺘﺎ ﺩﺍﺯﺕ ﻋﺸﺮﻳﻦ ﻋﺎﻡ، ﻓﺎﺵ ﻏﺎﺗﺒﺎﻥ ﺳﻌﺎﺩ ﺍﺗﻠﻘﻰ ﺍﻟﺤﺴﻴﻦ ﺗﺰﻭﺝ ﻭﻭﻟﺪ ﺛﻼﺛﺔ ﺍﻟﻮﻻﺩ ﻓﺎﻃﻴﻢ، ﺣﺴﻨﺎﺀ ﻭﻋﺜﻤﺎﻥ... ﺳﻌﺎﺩ ﻟﻲ ﺧﻼﻫﺎ ﻋﺸﺮﻳﻦ ﻋﺎﻡ ﻫﺎﺩﻱ ﻣﺎﺷﻲ ﻫﻴﺎ ﺳﻌﺎﺩ ﺩﻳﺎﻝ ﺩﺍﺑﺎ ﻭﺁﻳﺔ ﻟﻲ ﻓﻌﻤﺮﻫﺎ ﻭﺍﺣﺪ ﻭﻋﺸﺮﻳﻦ ﻋﺎﻡ ﺻﺪﻣﺎﺗﻮ ﺻﺪﻣﺔ ﺣﻴﺎﺗﻮ.... شارك المقال : Tweet ✚ مقالات ذات صلة
تحويل كودإخفاء محول الأكواد الإبتساماتإخفاء