الشربيل 2 الكاتب Unknown في 9:37 ص #ﺍﻟﺸﺮﺑﻴﻞ (ﺍﻟﺤﻠﻘﺔ ﺍﻟﺜﺎﻧﻴﺔ) ﺍﻟﻌﻴﺎﻻﺕ ﻭﺍﻟﻤﺎﻛﻴﺎﺝ ﻗﺼﺔ ﺣﺐ ﻻﻳﻌﻠﻤﻬﺎ ﺇﻻ ﺍﻟﻘﻠﻴﻞ، ﺍﻹﻋﺘﻨﺎﺀ ﺑﺎﻟﻨﻔﺲ ﻣﻦ ﺧﻼﻝ ﺑﻌﺾ ﺍﻟﻤﺴﺎﺣﻴﻖ ﻭﺍﻟﺒﻮﻣﺎﺩﺍﺕ ﻭﺍﻟﻐﻴﺴﻴﻞ ﻭﺍﻟﻤﺎﺳﻜﺎﺭﺍ ﻭﺍﻟﻌﻜﺮ ﻭﺍﻟﻔﻴﺮﻧﻲ ﻭﺍﻟﻔﻮﻧﺪﻭﺗﺎﻥ ﻭﺍﻟﻔﺎﻏﺎﺟﻮ ﻭﺍﻟﻘﻠﻢ ﻭﺍﻟﻜﻮﻧﺘﻮﺭﻳﻨﻚ ﻭﺍﻟﺴﻤﻮﻙ ﻭﺍﻟﺒﺎﻟﻴﻄﺎﺕ ﻭ ﻭ ﻭ ﺑﺎﻟﻨﺴﺒﺔ ﻟﻠﺒﻨﺎﺕ ﻳﺴﺎﻭﻱ ﻣﺸﺎﻫﺪﺓ ﻣﺎﺗﺶ ﺩﻳﺎﻝ ﺍﻟﺒﺎﺭﺻﺎ ﻭﺍﻟﺮﻳﺎﻝ ﺑﺎﻟﻨﺴﺒﺔ ﻟﻠﺪﺭﺍﺭﻱ، ﻧﺘﻴﻒ ﺍﻟﺤﺠﺒﺎﻥ ﻻﺳﻴﻎ ﻟﻴﺒﻴﻼﺳﻴﻮﻥ ﺍﻟﻄﺮﻃﻴﺒﺔ ﻟﻴﻤﻴﺶ ﻭ ﺍﻟﺒﺮﻭﺷﻴﻨﻎ ﻻ ﻳﻀﺎﻫﻴﻪ ﺳﻮﻯ ﻣﺸﺎﻫﺪﺓ ﺳﻠﺴﻠﺔ "ﻛﻴﻢ ﺃﻭﻑ ﻃﺮﻭﻧﺰ" ﻋﻨﺪ ﺍﻟﺠﻨﺲ ﺍﻟﺬﻛﺮﻱ، ﻛﻞ ﻭﺍﺣﺪ ﺑﺎﺵ ﺑﻼﻩ ﺍﻟﻠﻪ، ﻣﺎﻓﻬﻤﺘﺶ ﻋﻼﺵ ﻭﺍﺣﺪ ﺍﻟﻌﺪﺩ ﻛﺒﻴﺮ ﺩﻳﺎﻝ ﺍﻟﺬﻛﻮﺭ ﺗﺎﻳﻀﺮﻫﻢ ﻫﺎﺩ ﺍﻷﻣﺮ ﻭﺗﺎﻳﻌﺘﺎﺑﺮﻭﻩ ﻭﺳﻴﻠﺔ ﻟﻠﺘﺨﻔﻲ ﻭﺇﺧﻔﺎﺀ ﺍﻟﻮﺍﻗﻊ، ﻣﺎﻋﺎﺭﻓﻴﻨﺶ ﺃﻥ ﺃﻗﻮﺩ ﻣﺎﻛﺘﻌﺎﻧﻲ ﻣﻨﻮ ﺍﻟﻤﺮﺍ ﻫﻮ ﺍﻟﺰﻣﺎﻥ، ﻣﺎﻛﻴﻨﺶ ﺷﻲ ﻣﺮﺍ ﻋﻠﻰ ﻭﺟﻪ ﺍﻻﺭﺽ ﻣﺎﻛﺘﺨﺎﻓﺶ ﻣﻦ ﺍﻟﺰﻣﺎﻥ ﻏﻴﺮ ﺗﺎﻳﻮﺻﻠﻮ ﻟﺜﻼﺛﻴﻦ ﻋﺎﻡ ﺗﺎﻳﺒﺪﺍﻭ ﻳﺨﺮﺍﻭ ﺧﺮﻳﺔ ﻫﻨﺎ ﻭﺧﺮﻳﺔ ﻟﻬﻴﻪ ﻭﻋﻜﺲ ﺍﻟﺮﺍﺟﻞ ﻟﻲ ﻏﻴﺮ ﺗﺎﻳﻮﺻﻞ ﺛﻼﺛﻴﻦ ﻋﺎﻡ ﺗﺎﻳﺰﻳﺎﻥ ﻭﻳﺼﺤﺎﺡ ﻭﻳﺘﺒﻮﻛﺺ ﻭﻳﺒﺎﻧﻮ ﻟﻴﻪ ﺩﻭﻙ ﺍﻟﺰﻏﻴﺒﺎﺕ ﺑﻴﻀﻴﻦ ﻟﻲ ﻛﺎﻳﺰﻳﺪﻭﻩ ﻭﺳﺎﻣﺔ ﻭﻛﻞ ﻣﺎﻛﻴﻜﺒﺮ ﻛﺎﻳﺰﻳﺪ ﻳﺘﻘﺎﻝ ﻭﻳﺘﺮﺯﻥ، ﺍﻟﻌﻴﺎﻻﺕ ﺑﻤﺠﺮﺽ ﻇﻬﻮﺭ ﺃﻭﻟﻰ ﺍﻟﺘﺠﺎﻋﻴﺪ ﺗﺎﺗﺒﺪﺍ ﺍﻟﺤﺮﺏ ﻭﻫﺎﺭﺍﻙ ﻟﻠﺒﻮﻣﺎﺩﺍﺕ، ﻛﻞ ﻭﺍﺣﺪ ﻭﺑﺎﺵ ﺑﻼﻩ ﺍﻟﻠﻪ، ﻛﻴﻒ ﻛﺎﺗﻠﻘﺎ ﺑﻮﺭﻛﺎﺑﻲ ﺑﺎﻳﺖ ﺑﻼ ﻧﻌﺎﺱ ﺑﺴﺒﺎﺏ ﺍﻟﺮﻳﺎﻝ ﻟﻲ ﺧﺴﺮﺍﺕ ﻣﻊ ﺍﻟﺒﺎﺭﺻﺔ ﺃﻭ ﺑﺴﺒﺎﺏ ﻋﻮﺩ ﻣﺎﺩﺧﻠﺶ ﻓﻲ ﺍﻟﺘﻴﺮﺳﻲ ﺃﻭ ﺑﺴﺒﺐ ﻧﻤﺮﺓ ﻣﺎﺩﺧﻠﻬﺎﺵ ﻓﻲ ﺍﻟﻄﻮﻃﻮﻓﻮﺕ ﻋﻠﻤﺎ ﺃﻥ ﺍﻟﻜﻮﺭﺓ ﻣﺠﺮﺩ 22 ﺣﻤﻖ ﺗﺎﺑﻌﻴﻦ ﻧﻔﺎﺧﺔ ﻋﺎﻣﺮﺓ ﺑﺎﻟﺒﺮﺩ ﺭﺍﻩ ﺣﺘﻰ ﺍﻟﺸﻨﺘﻴﺖ ﺗﺎﻳﺒﺎﺕ ﺑﻼ ﻧﻌﺎﺱ ﻓﺎﺵ ﺗﺎﻳﺪﻭﺯ ﻣﻦ ﻗﺪﺍﻡ ﺍﻟﻔﻴﺘﺮﻳﻨﺔ ﺩﻳﺎﻝ ﻣﺎﻙ ﻭﻻ ﻓﻠﻮﻣﺎﻍ ﻭﻛﺎﻳﺸﻮﻑ ﺷﻲ ﻋﻜﺮ ﺯﻭﻳﻦ ﻣﺎﻛﻴﻘﺪﺭﺵ ﻳﺸﺮﻳﻪ، ﻛﻠﻬﺎ ﻭﻫﻤﻮ.... ﻭﻟﻜﻦ ﺑﺤﻜﻢ ﺍﻟﺴﻠﻄﻮﻳﺔ ﺩﻳﺎﻝ ﺍﻟﺮﺍﺟﻞ ﺍﻟﻤﻔﺮﻃﺔ ﺍﻟﺘﻲ ﻳﻈﻦ ﻣﻦ ﺧﻼﻟﻬﺎ ﺃﻧﻪ ﻋﻠﻰ ﺻﻮﺍﺏ ﻓﻲ ﻛﻞ ﺷﻲﺀ ﻭﻣﻨﻬﻢ ﺣﺘﻰ ﺃﻧﺎ ﺑﺎﺵ ﻣﺎﻧﺨﺎﻟﻔﺶ ﺍﻟﻄﺒﻴﻌﺔ ﻭﻳﺘﺼﺤﺎﺏ ﻟﻴﻬﻢ ﺗﺎ ﺃﻧﺎ ﺷﻲ ﺃﺩﻭﻣﺔ (ﺁﺩﻡ ﺍﻟﺤﻠﻮ) ﺍﻟﺮﺍﺟﻞ ﻛﺎﻳﻌﺘﺒﺮ ﺃﻥ ﻛﻞ ﺷﻲﺀ ﻣﺒﻠﻲ ﺑﻴﻪ ﺃﻭ ﻛﺎﻳﺪﻳﺮﻭ ﺃﻣﺮ ﻃﺒﻴﻌﻲ ﻭﺃﻱ ﺷﻲﺀ ﻛﺎﺗﻘﻮﻡ ﺑﻴﻪ ﺍﻟﻤﺮﺍ ﻣﺨﺎﻟﻒ ﻟﻠﻄﺒﻴﻌﺔ ﻭﻟﺸﺮﻉ ﺍﻟﻠﻪ، ﻭﺑﺎﻟﺘﺎﻟﻲ ﻛﺘﻠﻘﺎ ﺍﻟﻘﺎﺩﻭﺳﻴﻴﻦ ﻟﻲ ﻳﺎ ﺍﻟﻠﻪ ﺣﺎﻃﻴﻦ ﻋﺸﺮﻳﻦ ﺩﺭﻫﻢ ﻓﻲ ﺍﻟﻄﻮﻃﻮﻓﻮﺕ ﻛﺎﻳﻌﻠﻘﻮ ﻋﻠﻰ ﻣﺎﻛﻴﺎﺝ ﺑﻨﺖ ﺃﻭ ﺍﻟﺸﻖ ﻓﻲ ﺻﺪﺭ ﺑﻨﺖ ﺑﺎﻳﻦ ﻓﺸﻲ ﺗﺼﻮﻳﺮﺓ ﻛﺄﻧﻪ ﺍﻟﺸﻴﺦ ﺣﻤﺰﺓ ﻋﻠﻤﺎ ﺃﻥ ﺣﺘﻰ ﺍﻟﻘﻤﺎﺭ ﺣﺮﺍﻡ ﻻ ﺑﻞ ﻣﻦ ﺍﻟﻜﺒﺎﺋﺮ، ﻛﺘﻠﻘﺎ ﻭﺍﺣﺪ ﺧﺎﺭﺝ ﻣﻦ ﺍﻟﺒﺎﺭ ﺳﻜﺮﺍﻥ ﻭﻛﺎﺗﺒﺎﻥ ﻟﻴﻪ ﺷﻲ ﺗﺮﻣﺔ ﻣﺨﺸﻴﺔ ﻓﺸﻲ ﻛﻮﻟﻮﻥ ﻓﺎﻟﺸﺎﺭﻳﻊ ﺗﺎﻳﻮﻟﻲ ﻫﻮﺍ ﺍﻹﻣﺎﻡ ﺍﻟﺒﺨﺎﺭﻱ ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻭﺍﻹﺛﻨﺎﻥ ﻋﻠﻰ ﺧﻄﺄ.... ﺻﻌﻴﺐ ﻋﻠﻰ ﺍﻟﺮﺍﺟﻞ ﻳﻔﻬﻢ ﻫﺎﺩ ﻗﺼﺔ ﺍﻟﺤﺐ ﻣﻊ ﺍﻟﻤﻴﻜﺎﺏ ﻭﺍﻟﺸﺮﺍﻭﻁ ﺇﻻ ﻳﻼ ﻛﺎﻥ ﻓﺎﻳﺖ ﻣﻨﻮ ﺧﺪﻡ ﻓﻲ ﺍﻟﻤﻴﺪﺍﻥ ﺃﻭ ﻗﺮﺍ ﻣﺎﻳﻜﻔﻲ ﻣﻦ ﺍﻟﻜﺘﻮﺑﺔ ﻋﻠﻰ ﺑﺴﻴﻜﻮﻟﻮﺟﻴﺎ ﺍﻟﻤﺮﺃﺓ ﺃﻭ ﻋﻠﻰ ﺍﻷﻗﻞ ﺗﻜﻮﻥ ﻋﻨﺪﻭ ﺷﻲ ﺻﺎﺣﺒﺘﻮ ﻣﺒﻠﻴﺔ ﻭﻛﺎﻳﺎﻛﻞ ﻟﻴﻬﺎ ﻛﺎﻛﺎ ﺩﻳﺎﻟﻬﺎ ﻣﻦ ﺣﺒﻪ ﻟﻬﺎ.... ﻛﻔﺎﻧﺎ ﺇﺳﺘﻬﺘﺎﺭﺍ ﺑﺎﻟﻨﺴﺎﺀ ﺑﺴﺒﺎﺏ ﻋﻜﺮ ﺍﻭ ﻓﻮﻧﺪﻭﺗﺎﻥ ﺍﻭ ﻣﺎﺳﻜﺎﺭﺍ ﻭﺑﺎﺭﺍﻙ ﻣﺎﻧﻌﺘﺎﺑﺮﻭ ﻫﺎﺩﺷﻲ ﻏﺶ ﺃﻭ ﻛﺬﻭﺏ ﻷﻥ ﻛﻞ ﻭﺍﺣﺪ ﻭﻋﻄﺎﻩ ﺍﻟﻠﻪ ﻭﺳﻴﻠﺔ ﺑﺎﺵ ﻳﺪﺍﻓﻊ ﺑﻴﻬﺎ ﻋﻠﻰ ﺭﺍﺳﻮ، ﻛﻴﻒ ﺭﺑﻲ ﻋﻄﻰ ﻟﻠﺮﺍﺟﻞ ﺍﻟﻠﺴﺎﻥ ﻟﻲ ﺗﺎﻳﺨﻠﻴﻪ ﻳﻜﺬﺏ ﺑﻴﻪ ﻛﻴﻒ ﺑﻐﺎ ﻋﻠﻰ ﺑﻨﺎﺕ ﺍﻟﻨﺎﺱ ﻭﻳﻄﻴﺢ ﻓﻲ ﺷﺒﺎﻛﻮ ﺍﻟﺘﻴﺘﻴﺰ ﺑﺄﻧﻮﺍﻋﻪ ﻭﺃﺷﻜﺎﻟﻪ ﺑﺴﺒﺎﺏ ﺣﻼﻭﺓ ﺍﻟﻠﺴﺎﻥ ﺣﺘﻰ ﺍﻟﺸﻨﺘﻴﺖ ﻋﻨﺪﻭ ﻭﺳﻴﻠﺔ ﺑﺎﺵ ﻳﻄﻴﺢ ﺍﻟﺮﺟﺎﻝ ﻟﻲ ﻫﻴﺎ ﺍﻟﻤﻴﻜﺎﺏ، ﻣﺎﺗﺶ ﺧﺎﺭﺝ ﺗﻌﺎﺩﻝ ﺷﻲ ﻳﻜﺬﺏ ﻋﻠﻰ ﺷﻲ ﺗﺎﻝ ﻋﻨﺪ ﻣﻮﻝ ﺍﻟﺸﻲ... ﻭﻛﻴﻒ ﺗﺰﻋﻄﻮ ﻋﻴﺎﻻﺕ ﺑﺮﺟﺎﻝ ﻣﺎﻓﻲ ﺩﻳﻠﻤﻬﻢ ﻣﺎﻳﺘﺸﺎﻑ ﺑﺴﺒﺎﺏ ﺣﻼﻭﺓ ﺍﻟﻠﺴﺎﻥ ﺗﺰﻋﻄﻮ ﺭﺟﺎﻝ ﻓﻲ ﻋﻴﺎﻻﺕ ﺩﺍﻳﺮﻳﻦ ﻓﺤﺎﻝ ﺍﻟﺨﺮﻳﺔ ﺍﻟﺠﺎﺭﻳﺔ ﺑﺴﺒﺎﺏ ﻟﺒﺴﺔ ﻭﻣﺎﻛﻴﺎﺝ ﺯﻭﻳﻦ ﻓﺸﻲ ﻋﺮﺱ ﺩﻳﺎﻝ ﺍﻟﻌﺎﺋﻠﺔ ﺃﻭ ﻓﺸﻲ ﺑﻮﺍﻁ ﻟﻘﺎﻫﺎ ﺿﺎﺭﺑﺔ ﺍﻟﻤﻘﺰﺏ ﻭﻃﺎﻟﻴﺎ ﻭﺟﻬﻬﺎ ﺑﻨﺺ ﻛﻴﻠﻮ ﺩﻳﺎﻝ ﺍﻟﺼﺒﺎﻏﺔ... ﺍﻟﻤﺸﻜﻠﺔ ﻣﺎﻋﻤﺮﻫﺎ ﻣﺎﻛﺎﻧﺖ ﻓﻲ ﺍﻟﻤﺎﻛﻴﺎﺝ ﻭﻟﻜﻦ ﻓﻲ ﻃﺮﻳﻘﺔ ﺇﺳﺘﻌﻤﺎﻟﻮ، ﺷﻲ ﻋﻴﺎﻻﺕ ﺍﻟﻠﻪ ﻳﺴﻤﺢ ﻟﻴﻬﻢ ﻓﻲ ﻫﺎﺩ ﺍﻟﻨﻬﺎﺭ ﻛﺎﻳﻨﻜﺤﻮ ﺍﻟﺠﻤﺎﻝ ﺑﻜﻞ ﻣﺎ ﻓﻲ ﺍﻟﻜﻠﻤﺔ ﻣﻦ ﻣﻌﻨﻰ ﻭﻋﻮﺽ ﻳﺴﺘﻌﻤﻠﻮﻩ ﺑﻄﺮﻳﻘﺔ ﻣﻼﺋﻤﺔ ﺃﻭ ﺧﻔﻴﻔﺔ ﻣﻦ ﺃﺟﻞ ﺇﺧﻔﺎﺀ ﻋﻴﻮﺏ ﺃﻭ ﺍﻟﻈﻬﻮﺭ ﺑﺸﻜﻞ ﺃﻓﻀﻞ ﺗﺎﻳﻜﻮﺭﻭ ﻭﻳﺨﻮﺭﻭ ﻭﻳﺼﻨﻌﻮ ﺷﻲ ﻃﺎﺑﻠﻮ ﺩﻳﺎﻝ ﻓﺎﻥ ﻏﻮﻍ ﻓﻲ ﻭﺟﻬﻬﻢ ﻭﺗﺎﻳﻮﻟﻮ ﺩﺍﻳﺮﻳﻦ ﻓﺤﺎﻝ ﺍﻟﺰﻭﻣﺒﻲ، ﻫﺎﺩﻭ ﺳﻴﺮ ﺩﻳﻠﻤﻬﻢ ﻳﻌﻠﻘﻮﻫﻢ ﻓﻲ ﺳﺎﺣﺔ ﺍﻟﻬﺪﻳﻢ، ﺷﻲ ﺑﻨﺎﺕ ﺗﺎﻳﺒﻘﺎﻭ ﻳﻄﻠﻴﻮ ﻓﻲ ﺍﻟﺒﻮﻣﺎﺩﺍﺕ ﺣﺘﻰ ﻛﺎﻳﻮﻭﻟﻲ ﺍﻟﻘﻤﻘﻮﻡ ﻋﻨﺪﻫﻢ ﺩﺍﻳﺮ ﻓﺤﺎﻝ ﺷﻲ ﺭﻏﻴﻔﺔ ﻣﻄﻠﻴﺔ ﺑﺎﻟﻔﺮﻣﺎﺝ ﻭﻻ ﺷﻲ ﻛﻠﻮﻥ ﺩﻳﺎﻝ ﺍﻟﺤﺪﻳﻘﺔ... ﺇﺗﻘﻮ ﺍﻟﻠﻪ ﻳﺎ ﻋﺒﺎﺩ ﺍﻟﻠﻪ ﺇﻥ ﺍﻟﻠﻪ ﺟﻤﻴﻞ ﻭﻳﺤﺐ ﺍﻟﺠﻤﺎﻝ، ﺗﺤﺴﻴﻦ ﺍﻟﻤﻈﻬﺮ ﻭﻟﻮ ﻛﺎﻥ ﻋﻠﻴﻪ ﺇﺧﺘﻼﻑ ﺩﻳﻨﻲ ﻭﺷﺮﻋﻲ ﻣﺎﺑﻐﻴﺘﺶ ﻧﺪﺧﻞ ﻟﻠﻤﺘﺎﻫﺎﺕ ﺩﻳﺎﻟﻮ ﻭﻟﻜﻦ ﻣﺰﻳﺎﻥ، ﺃﻣﺎ ﺗﺸﻮﻳﻪ ﺍﻟﻤﻈﻬﺮ ﺭﺍﻩ ﻣﺎﻳﺒﻐﻴﻪ ﻻ ﺭﺑﻲ ﻻ ﻋﺒﺪﻭ، ﺍﻟﺸﻴﻄﺎﻥ ﺑﺮﺍﺳﻮ ﻳﻼ ﺑﻐﺎ ﻳﻮﺳﻮﺱ ﻟﻠﺮﺍﺟﻞ ﻟﻲ ﻏﺎﺩﻱ ﻳﺘﺰﻋﻂ ﻓﻴﻚ ﻣﺎﻏﺎﻳﻠﻘﺎ ﻟﻴﻚ ﺟﻬﺪ... ﺃﻗﻮﻝ ﻗﻮﻟﻲ ﻫﺬﺍ ﻭﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ. ﺍﻟﻤﻮﺻﻴﺒﺔ ﻭﺍﻟﻄﺎﻣﺔ ﺍﻟﻜﺒﺮﻯ ﻟﻲ ﻛﺘﺂﻟﻤﻨﻲ ﺷﺨﺼﻴﺎ ﻋﻲ ﺑﻨﺎﺕ ﺍﻟﻌﺮﻭﺑﻴﺔ ﻟﻲ ﺗﺎﻫﻮﻣﺎ ﺩﺧﻠﻬﻢ ﺍﻟﻜﺎﻃﺠﻲ ﻭﺍﻟﺴﻨﺎﺑﺸﺎﺕ ﻭﺍﻵﻧﺴﺘﺎﻛﺮﺍﻡ ﻭﻭﻻﻭ ﺣﺘﺎ ﻫﻮﻣﺎ ﺑﺎﻏﻴﻦ ﻳﻀﺮﺑﻮ ﻟﻴﻚ ﺍﻟﻄﺎﻟﻮﻥ ﺗﺎﻫﻮﻣﺎ ﻭﻳﺪﻳﺮﻭ ﺍﻟﻐﻴﺴﻴﺮ ﻭﺍﻟﻔﺎﻏﺎﺟﻮ، ﺭﺍﻩ ﻟﻜﻞ ﻣﻘﺎﻡ ﻣﻘﺎﻝ ﻭﺍﺵ ﺃﻋﺒﺎﺩ ﺍﻟﻠﻪ ﺍﻟﻄﺎﻟﻮﻥ ﻓﻲ ﺍﻟﺰﺭﻳﺒﺔ، ﻛﺎﻧﻤﺸﻲ ﻟﻠﺪﻭﺍﺭ ﻛﺎﻧﻠﻘﻰ ﺷﻲ ﺑﺮﻫﻮﺷﺔ ﻣﺰﻭﻗﺔ ﻓﺤﺎﻝ ﺍﻟﻄﻌﺮﻳﺠﺔ ﻭﻛﺎﺗﺤﻠﺐ ﻓﻲ ﺍﻟﺒﻘﺮﺓ... ﻭﺍ ﺃﺳﻔﺎﻩ!!! ... ﺩﻭﺍﺭ ﺳﻴﺪ ﺍﻟﺮﺍﺿﻲ ﻣﺎﻛﻴﺨﺘﺎﻟﻔﺶ ﻋﻠﻰ ﺑﺎﻗﻲ ﺩﻭﺍﻭﻳﺮ ﺍﻟﻤﻐﺮﺏ ﺍﻟﺴﻌﻴﺪ ﻟﻲ ﺑﺠﻬﺪ ﺍﻟﻠﻪ ﻭﺍﺗﺼﺎﻻﺕ ﺍﻟﻤﻐﺮﺏ ﻭﺻﻠﻮ ﺍﻟﺮﻳﺰﻭ ﻓﻜﻞ ﻣﻜﺎﻥ، ﻣﻨﺪ ﻧﻌﻮﻣﺔ ﺃﻇﺎﻓﺮﻱ ﻭﺃﻧﺎ ﻛﻨﻀﺮﺏ ﺑﻌﻴﺎﻻﺕ ﺍﻟﺪﻭﺍﺭ ﺍﻟﻤﺜﻞ ﻓﻲ ﺍﻟﺰﻳﻦ، ﺍﻟﺰﻳﻦ ﺍﻟﻄﺒﻴﻌﻲ ﻟﻲ ﻣﺎﺩﺍﺧﻞ ﻟﻴﻪ ﺣﺘﺎ ﺑﺮﻭﺩﻭﻱ ﺷﻴﻤﻴﻚ ﻛﺎﻥ ﺟﻤﺎﻟﻬﻢ ﺯﻭّﻳﻦ، ﺟﻤﺎﻝ ﺍﻟﺤﻨﺎﺀ، ﻭﺍﻟﻐﺎﺳﻮﻝ، ﻭﺗﺨﻠﻴﻄﺔ "ﺍﻟﺴﺎﻟﻤﻴّﺔ". ﻗﻠﻴﻞ ﻓﻬﺎﺫ "ﺟﻴﻞ ﻛﺎﺭﺩﺷﻴﺎﻥ" ﻟﻲ ﻏﺎﻳﻌﺮﻑ "ﺧﻠﻄﺔ ﺍﻟﺴﺎﻟﻤﻴﺔ"، ﻭﻟﻲ ﻛﺎﻧﺖ ﺍﻟﺒﻨﺎﺕ ﻓﺎﻟﺪﻭﺍﻭﺭ ﻛﻴﻄﻠﻴﻮ ﺑﻴﻬﺎ ﻭﺟﻮﻫﻢ ﺑﺎﺵ ﻳﺤﻴﺪ ﺣﺐ ﺍﻟﺸﺒﺎﺏ. ﺍﻟﺰﻳﻦ ﻛﺎﻥ ﺩﻳﺎﻝ ﺳﻴﺪﻱ ﺭﺑﻲ، ﻟﻢ ﺗﻤﺴﺴﻪ ﻛﻴﻤﺎﻭﻳﺎﺕ، ﻭﻟﻢ ﺗﺘﺪﺧﻞ ﻓﻲ ﺗﺸﻜﻴﻠﻪ ﻣﺴﺘﺤﻀﺮﺍﺕ ﺗﺠﻤﻴﻞ ﻛﺜﻴﺮﺓ، ﻭﺍﻟﻐﺎﺳﻮﻝ ﻛﺎﻥ ﻛﺎﻳﻜﻔﻲ ﻟﺸﻌﺮﻫﻢ ﻛﻞ ﺻﻴﻤﺎﻧﺔ ﻣﻠﻲ ﻛﻴﻤﺸﻮ ﻟﻠﺤﻤﺎﻡ. ﻭﻛﻞّ ﺷﻬﺮ ﻛﻴﻄﻠﻮﻩ ﺑﻮﺍﺣﺪ ﺍﻟﻄﻠﻴﺔ ﺑﺎﻟﺤﻨﺔ ﻭﻛﻴﻨﺰﻝ ﺫﺍﻙ ﺍﻟﺨﻂ ﺍﻟﺤﻤﺮ، ﻭﻛﻴﺨﻠﻲ ﺍﻟﺮﻗﻌﺔ ﻋﻠﻰ ﺍﻟﺤﻨﺎﻙ، ﻛﺎﻥ ﺍﻟﺴﺮ ﻓﺰﻳﻨﻬﻢ ﻭﻧﻬﺎﺭ ﻳﺘﻌﺮﺿﻮ ﻟﺸﻲ ﻋﺮﺱ، ﻛﺎﻥ ﺍﻟﻜﺤﻞ، ﻭﺍﻟﺴﻮﺍﻙ ﻭﺍﻟﻘﺮﻓﺔ ﺍﻟﻤﺪﺳﻤﺔ ﻫﻲ ﻣﻮﺍﺩ ﺍﻟﺘﺠﻤﻴﻞ، ﻭﺍﻟﺴﺎﻟﻒ ﺭﺍﺱ ﻣﺎﻟﻬﻢ، ﻭﺷﻮﻳﺔ ﺩﻳﺎﻝ ﺍﻟﻌﻜﺮ ﺍﻟﻔﺎﺳﻲ ﻟﻠﺸﻨﺎﻧﻒ، ﻭﻣﻠﻲ ﻛﻴﺘﻠﻘﻰ ﺣﻤﺮ ﺍﻟﻌﻜﺮ ﻣﻊ ﻗﺮﻓﻴﺔ ﺍﻟﺴﻮﺍﻙ ﻳﺎ ﻋﻴﻨﻲ ﻋﻠﻰ ﺍﻟﺠﻤﺎﻝ!! ﺍﻟﻴﻮﻡ ﺑﻨﺎﺕ ﺍﻟﻌﺮﻭﺑﻴﺔ ﻓﻘﺪﻭ ﺩﻳﻚ ﺍﻟﻘﺪﺳﻴﺔ ﻓﺎﻟﺠﻤﺎﻝ ﺩﻳﺎﻟﻬﻢ، ﺣﻴﺖ ﻣﺎﻋﻤﺮ ﻟﻮﻥ ﺍﻟﻌﻴﻨﻴﻦ ﻟﻲ ﻋﺴﻠﻲ ﺭﺑﺎﻧﻲ ﻳﺠﻲ ﻣﻊ ﻟﻮﻥ ﺍﻷﺭﺽ ﺑﺴﺒﺎﺏ ﺩﻭﻙ ﻟﻲ ﻟﻮﻧﺘﻲ ﺩﻳﺎﻝ ﺳﺘﻤﻴﺪﺭﻳﺎﻝ. ﻭﺑﻘﺪﺭ ﺍﺳﺘﻌﺎﻧﺘﻬﻦ ﺑﻤﻮﺍﺩ ﺍﻟﺘﺠﻤﻴﻞ ﺩﻳﺎﻝ ﺍﻟﺸﻴﻨﻮﺍ ﺗﻤﺴﺨﻮ.. ﺭﺟﺎ ﻓﻲ ﺍﻟﻠﻪ! ﺍﻟﻴﻮﻡ ﻛﺎﻧﺸﻮﻑ، ﻭﻛﻮﻥ ﺟﺎﻧﻲ ﺍﻟﻌﻤﺎ ﻗﺒﻞ ﻣﺎﻧﺸﻮﻑ ﺑﻨﺖ ﺍﻟﺪﻭﺍﺭ ﻟﻲ ﻛﻨﺖ ﻛﻨﺪﻭﺯ ﻓﻴﻪ ﺃﻳﺎﻡ ﻃﻔﻮﻟﺘﻲ ﻻﺑﺴﺔ ﺳﺮﻭﺍﻝ ﺩﺟﻴﻦ ﻭﺻﺒﺎﻁ ﻃﺎﻟﻮ، ﻋﺬﺑﻬﺎ ﺍﻟﻠﻪ ﺭﺟﻌﻬﺎ ﺯﺭﺍﻓﺔ ﻋﺮﺟﺔ ﻓﻘﺪﺍﺕ ﺍﻟﺴﺮ ﻭﻃﻼﺕ ﻭﺟﻬﻬﺎ ﺑﺎﻟﻤﻮﻣﺎﺩﺍ ﻛﻴﻒ ﺍﻟﻜﻠﻮﻥ، ﻓﻴﻦ ﻋﻤﺮﻙ ﺷﻔﺘﻲ ﺑﻨﺖ ﺍﻟﺪﻭﺍﺭ ﻛﺎﺗﻠﺒﺲ ﺍﻟﻄﺎﻟﻮﻥ، ﻛﺎﻥ ﺍﻟﺸﺮﺑﻴﻞ ﺍﻟﻤﻄﺮﻭﺯ ﻛﺎﻳﻌﻄﻲ ﻟﺮﺟﻠﻴﻬﻢ ﺍﻟﻤﻨﻘﻮﺷﺔ ﺑﺎﻟﺤﻨﺎﺀ ﻣﺸﺒﻌﺔ ﺑﺎﻟﺤﺎﻣﺾ، ﺭﻭﻧﻘﺎ ﻭﺟﻤﺎﻻ ﻏﺠﺮﻱ... ﺍﻟﺤﺎﺻﻮﻝ ﺍﻟﻠﻪ ﻳﺮﺣﻤﻚ ﻳﺎ ﺍﻟﺸﺮﺑﻴﻞ... #ﻳﺘﺒﻊ شارك المقال : Tweet ✚ مقالات ذات صلة
تحويل كودإخفاء محول الأكواد الإبتساماتإخفاء