الشربيل الحلقة اﻷولى الكاتب Unknown في 8:31 ص #ﺍﻟﺸﺮﺑﻴﻞ (ﺍﻟﺤﻠﻘﺔ ﺍﻷﻭﻟﻰ) ﻛﺎﻥ ﻳﺎﻣﻜﺎﻥ ﻣﺎﺷﻲ ﺑﻌﻴﺪ ﻓﻲ ﻫﺎﺩ ﺍﻟﺰﻣﺎﻥ، ﻓﻲ ﻗﺮﻳﺔ ﻧﻮﺍﺣﻲ ﻣﺪﻳﻨﺔ ﺁﺳﻔﻲ... ﻛﺎﻥ ﺣﺘﻰ ﻛﺎﻥ، ﻛﺎﻥ ﺍﻟﻠﻪ ﻓﻲ ﻛﻞ ﻣﻜﺎﻥ ﺣﺘﻰ ﻛﺎﻥ ﺍﻟﺤﺒﻖ ﻭﺍﻟﺴﻮﺳﺎﻥ ﻓﻲ ﺣﺠﺮ ﺍﻟﻨﺒﻲ ﺍﻟﻌﺪﻧﺎﻥ ﻋﻠﻴﻪ ﺃﻓﻀﻞ ﺍﻟﺼﻼﺓ ﻭﺃﺯﻛﻰ ﺍﻟﺴﻼﻡ... ﻛﺎﻥ ﻭﺍﺣﺪ ﻭﻟﺪ ﺩﻳﻠﻜﻠﺐ ﻣﻘﻄﺮ ﺳﻤﻴﺘﻮ ﺍﻟﻤﻌﻄﻲ ﻣﻦ ﺍﻟﺰﻫﺮ ﻟﻲ ﻋﻄﺎﻩ ﺍﻟﻠﻪ ﺟﺎ ﻓﻲ ﻭﺍﺣﺪ ﺍﻟﻮﻗﺖ ﻣﺎﻛﻴﻨﺶ ﺩﺍﻛﺸﻲ ﺩﻳﺎﻝ ﺟﻤﻌﻴﺎﺕ ﺣﻘﻮﻕ ﺍﻟﻤﺮﺃﺓ ﻭﺣﻘﻮﻕ ﺍﻹﻧﺴﺎﻥ ﻭﺍﻟﺤﻴﻮﺍﻥ ﻭﺣﻘﻮﻕ ﺍﻟﺰﻭﺍﻣﻞ ﻭﺍﻟﻌﺎﻫﺮﺍﺕ، ﺟﺎ ﻓﻲ ﻭﻗﺖ ﺍﻟﻐﻔﻠﺔ ﻭﻗﺖ ﺍﻟﺴﻴﺒﺔ، ﻭﺍﺣﺪ ﺍﻟﻮﻗﺖ ﻟﻲ ﻋﻨﺪﻭ ﺭﺍﺩﻳﻮ ﺗﺎﻳﺤﻜﻢ ﺩﻭﺍﺭ ﻟﻲ ﻋﻨﺪﻭ ﻣﻜﺤﻠﺔ ﺗﺎﻳﺤﻜﻢ ﻣﺪﻳﻨﺔ ﻭﻳﻘﺎﻝ ﺃﻥ ﺣﺘﻰ ﺷﻲ ﻣﻠﻚ ﻣﻦ ﺩﺍﻙ ﺍﻟﺰﻣﺎﻥ ﺳﻤﺢ ﻓﺒﻼﺩ ﻋﻠﻰ ﻗﺪﻫﺎ ﻣﻘﺎﺑﻞ ﺑﻜﺸﻠﻴﻂ ﺟﺎﺑﻮﻫﺎ ﻟﻴﻪ ﺷﻲ ﻓﺮﺍﻧﺴﺎﻭﻳﻴﻦ ﻭﻳﺤﻜﻰ ﺃﻳﻀﺎ ﺃﻥ ﻓﺪﻳﻚ ﺍﻟﻮﻗﺖ ﺷﻲ ﻭﺍﺣﺪ ﺟﺎ ﻻﺑﺲ ﺳﺒﺮﺩﻳﻠﺔ ﺁﺩﻳﺪﺍﺱ ﺑﺎﻳﻌﻮﻩ ﻋﻠﻰ ﺃﺳﺎﺱ ﺃﻧﻪ ﺍﻟﻤﻬﺪﻱ ﺍﻟﻤﻨﺘﻈﺮ ﻭﺍﻟﻠﻪ ﺃﻋﻠﻢ ﻫﻬﻬﻬﻪ... ﺑﺪﺍﻳﺔ ﺍﻟﻘﺮﻥ ﺍﻟﻌﺸﺮﻳﻦ ﻓﻲ ﺍﻟﻤﻐﺮﺏ ﻛﺎﻧﺖ ﺑﺪﺍﻳﺔ ﻋﻬﺪ ﺍﻟﺘﺨﻠﻒ، ﻓﻲ ﺍﻟﻮﻗﺖ ﻟﻲ ﺍﻟﻌﺎﻟﻢ ﻛﺎﺍﺍﻣﻞ ﻋﺮﻑ ﺛﻮﺭﺓ ﺻﻨﺎﻋﻴﺔ ﻣﻦ ﺑﻌﺪ ﺍﻛﺘﺸﺎﻑ ﺍﻟﻜﻬﺮﺑﺎﺀ ﻭﺍﻟﺮﺍﺩﻳﻮ ﻭﺍﻟﺘﻠﻔﺎﺯﺓ ﻭﺍﻟﻨﻔﻂ ﻛﺎﻥ ﺍﻟﻤﻐﺮﺏ ﻋﺒﺎﺭﺓ ﻋﻦ ﺯﺭﻳﺒﺔ ﻛﺒﻴﺮﺓ ﻣﻘﺎﺭﻧﺔ ﻣﻊ ﺑﺎﻗﻲ ﺍﻟﺪﻭﻝ ﺍﻟﻌﺮﺑﻴﺔ ﻭﺍﻟﻤﺴﻠﻤﺔ ﺍﻟﻤﺠﺎﻭﺭﺓ ﻛﺎﻟﺠﺰﺍﺋﺮ ﻭﺗﻮﻧﺲ ﻭﻟﻴﺒﻴﺎ ﻭﺗﺮﻛﻴﺎ ﻭﻣﺎﺟﺎﻭﺭﻫﻤﺎ ﻟﻲ ﻛﺎﻧﺖ ﻛﺎﺗﺤﻜﻤﻬﻢ ﺁﻧﺪﺍﻙ ﺍﻻﻣﺒﺮﺍﻃﻮﺭﻳﺔ ﺍﻟﻌﺜﻤﺎﻧﻴﺔ، ﻟﻲ ﻛﺎﻳﻌﺎﻭﺩﻭ ﻋﻠﻴﻬﺎ ﺷﺄﻧﻬﺎ ﺷﺄﻥ ﺍﻻﻣﺒﺮﺍﻃﻮﺭﻳﺔ ﺍﻟﻌﺒﺎﺳﻴﺔ ﻭﺍﻟﻤﺮﺍﺑﻄﻴﻦ ﻓﻲ ﺍﻷﻧﺪﻟﺲ ﻭﺻﻼﺕ ﻟﻮﺍﺣﺪ ﺍﻟﻌﺰ ﻻﻣﺜﻴﻞ ﻟﻪ ﻟﺪﺭﺟﺔ ﺃﻥ ﺍﻟﻨﺎﺱ ﻛﺎﻧﻮ ﻛﺎﻳﺪﻭﺷﻮ ﺑﺎﻟﺮﻭﺝ ﻭﺍﻟﺒﻴﺮﺓ ﻭﻓﻲ ﺍﻟﻘﺼﻮﺭ ﺩﻳﺎﻟﻬﻢ ﻛﺎﻥ ﻋﻨﺪﻫﻢ ﺑﺎﻧﻴﻮﺍﺕ ﺗﺎﻳﻌﻤﺮﻭﻫﻢ ﺑﺎﻟﺤﻠﻴﺐ ﻭﻧﺎﺩﺭﺍ ﻣﺎﻛﺘﻠﻘﺎ ﺷﻲ ﺭﺍﺟﻞ ﻣﺎﻋﻨﺪﻭﺵ ﺍﻟﺠﻮﺍﺭﻱ، ﺍﻟﺨﺮﻯ ﻛﻠﺸﻲ ﻣﺰﻭﺝ ﺭﺑﻌﺔ ﺍﻟﻌﻴﺎﻻﺕ ﺯﻳﺪ ﻋﻠﻴﻬﻢ ﺍﻟﺠﻮﺍﺭﻱ ﻭﺍﻟﻐﻠﻤﺎﻥ (ﺍﻟﺰﻭﺍﻣﻞ ﺩﻳﺎﻝ ﺯﻣﺎﻥ)... ﺑﻨﺎﺩﻡ ﺗﺎﻳﺒﺎﺕ ﻣﻠﺒﻄﻬﺎ ﻃﺎﺳﺔ ﻭﻗﺤﺎﺏ ﺗﺎﻝ ﺍﻟﻔﺠﺮ ﻭﻣﻊ ﺍﻟﺼﺒﺢ ﺗﺎﻳﺼﺒﺢ ﻓﻲ ﺍﻟﺠﺎﻣﻊ ﻳﻨﺎﺩﻱ ﺇﻟﻰ ﺍﻟﺠﻬﺎﺩ... ﺣﺎﻝ ﺍﻟﻤﻐﺮﺏ ﻓﻲ ﺑﺪﺍﻳﺔ ﺍﻟﻘﺮﻥ ﺍﻟﻌﺸﺮﻳﻦ ﻣﺎﺑﻌﻴﺪﺵ ﺑﺰﺍﻑ ﻋﻠﻰ ﺣﺎﻟﻮ ﻓﻲ ﺍﻟﻮﻗﺖ ﺍﻟﺮﺍﻫﻦ، ﺑﺎﺳﺘﺘﻨﺎﺀ ﺍﻟﺘﻮﻳﻦ ﺳﺎﻧﺘﺮ ﻓﻜﺎﺯﺍ ﻭﻇﻬﻮﺭ ﺍﻟﻬﺎﺗﻒ ﺍﻟﻨﻘﺎﻝ ﻭﻭﺳﺎﺋﻞ ﺍﻟﺘﻮﺍﺻﻞ ﺍﻻﺟﺘﻤﺎﻋﻲ ﺍﻟﻤﻐﺎﺭﺑﺔ ﻣﺎﺩﺍﺭﻭﺵ ﺷﻲ ﻃﻔﺮﺓ ﻛﺒﻴﺮﺓ ﺑﺎﻟﻌﻜﺲ ﻋﺎﺩ ﻣﺎﺯﺍﺩﺕ ﺗﻜﻔﺴﺎﺕ ﻋﻠﻴﻬﻢ، ﻋﻠﻰ ﺍﻻﻗﻞ ﺁﻧﺪﺍﻙ ﻛﻨﺘﻲ ﻛﺘﻠﻘﺎ ﺑﻨﺎﺩﻡ ﻋﻨﺪﻭ ﺑﻘﺮﺓ ﺍﻭ ﺃﺭﺽ ﺃﻭ ﺩﺟﻴﺠﺎﺕ ﺃﻣﺎ ﺩﺍﺑﺎ ﺗﺴﻌﻴﻦ ﻓﻲ ﺍﻟﻤﻴﺔ ﻣﺎﻋﻨﺪﻫﻢ ﺗﺎ ﺧﺮﻳﺔ ﻭﻛﺤﺎﻟﻨﺎ ﻓﻲ ﺑﺪﺍﻳﺔ ﺍﻟﻘﺮﻥ ﺍﻟﻌﺸﺮﻳﻦ ﻣﺎﺯﺍﻟﻴﻦ ﻛﺎﻧﺘﻔﺮﺟﻮ ﻓﻲ ﺗﺮﻛﻴﺎ ﻭﻣﺰﻋﻮﻭﻃﻴﻦ ﻓﻴﻬﺎ ﻛﻴﻒ ﻛﺎﻧﻮ ﺟﺪﻭﺩﻧﺎ ﻣﺰﻋﻮﻃﻴﻦ ﻓﻴﻤﺎ ﻭﺻﻠﺖ ﻟﻴﻪ ﺍﻻﻣﺒﺮﺍﻃﻮﺭﻳﺔ ﺍﻟﻌﺜﻤﺎﻧﻴﺔ ﻗﺒﻞ ﻣﺎﻳﺠﻴﻮ ﺍﻟﺼﻠﻴﺒﻴﻴﻦ ﻳﺤﻴﺪﻭ ﻟﻴﻬﺎ ﺍﻟﺴﺮﻭﺍﻝ ﻭﻳﺎﺧﺪﻭ ﻟﻴﻬﺎ ﻛﻠﺸﻲ ﻣﻦ ﺑﻌﺪ ﻫﺰﻳﻤﺔ ﺍﻟﺤﺮﺏ ﺍﻟﻌﺎﻟﻤﻴﺔ ﺍﻷﻭﻟﻰ. ﺍﻟﻤﻐﺮﺏ ﻋﺎﻻﺍﺍﺍﻡ ﻭﺍﻟﻠﻪ ﻛﺎﻉ ﺍﻟﺪﻭﻝ ﺩﻳﺎﻝ ﺍﻟﺪﻧﻴﺎ ﻛﺘﻠﻘﺎ ﻋﻨﺪﻫﻢ ﺷﻲ ﻗﺼﺔ ﺣﺐ ﻣﻌﺮﻭﻓﺔ ﻓﺤﺎﻝ ﻛﻠﻴﻮﺑﺎﺗﺮ ﻭﻣﺎﺭﻙ ﺃﻧﻄﻮﻧﻴﻮ، ﺭﻭﻣﻴﻮ ﻭﺟﻮﻟﻴﻴﺖ، ﻻﻧﺴﻮﻳﺖ ﻭﺍﻟﻤﻠﻜﺔ ﻏﻮﻳﻨﻔﺮ، ﻧﺎﺑﻠﻴﻮﻭﻥ ﻭﺟﻮﺯﻳﻔﻴﻦ، ﻗﻴﺲ ﻭﻟﻴﻠﻰ، ﺍﻷﻣﻴﺮﺓ ﺍﻟﻬﻨﺪﻳﺔ ﺑﻮﻛﺎﻫﺎﻧﺘﻮﺱ ﻭﺍﻟﺠﻨﺪﻱ ﺟﻮﻥ ﺳﻤﻴﺖ، ﺷﺎﻩ ﺟﺎﻫﺎﻥ ﻭﻣﻤﺘﺎﺯ ﻣﺤﻞ ﻟﻲ ﻣﻦ ﻛﺜﺮﺓ ﺍﻟﺤﺐ ﺩﻳﺎﻟﻮ ﻟﻴﻬﺎ ﺑﻨﺎ ﻟﻴﻬﺎ ﻗﺼﺮ ﻣﻦ ﻋﺠﺎﺋﺐ ﺍﻟﺪﻧﻴﺎ ﺳﻤﺎﻩ ﺗﺎﺝ ﻣﺤﻞ ﻭﻳﻘﺎﻝ ﺍﻧﻪ ﺑﻘﺎ ﻛﺎﻳﺒﻜﻲ ﻋﺸﺮﻳﻦ ﻋﺎﻡ ﻣﻦ ﺑﻌﺪ ﻣﺎﻣﺎﺗﺖ. ﺣﺘﻰ ﺍﻟﻤﻠﻜﺔ ﻓﻴﻜﺘﻮﺭﻳﺎ ﻭﺍﻻﻣﻴﺮ ﺍﻟﺒﻴﺮﺕ ﻛﺎﻧﺖ ﻋﻨﺪﻫﻢ ﻗﺼﺔ ﺣﺐ ﺍﺳﻄﻮﺭﻳﺔ ﺣﺎﻟﻬﻢ ﺣﺎﻝ ﻋﺮﻭﺓ ﻭﻋﻔﺮﺍﺀ ﺑﻨﺖ ﻋﻤﻮ ﻭﺟﻤﻴﻞ ﻭﺑﺜﻴﻨﺔ ﺃﻣﺎ ﺃﻛﺜﺮ ﻭﺣﺪﺓ ﻛﺎﺗﻌﺠﺒﻨﻲ ﺷﺨﺼﻴﺎ ﻫﻲ ﻗﺼﺔ ﺗﻮﺑﺔ ﺍﺑﻦ ﺣﻤﻴﺮ ﻭﻟﻴﻠﻰ ﺍﻷﺧﻴﻠﻴﺔ ﻟﻲ ﻛﺎﻧﺖ ﺷﺎﻋﺮﺓ ﻣﻦ ﺃﻏﺮﺏ ﻧﺴﺎﺀ ﺍﻟﻌﺮﺏ ﻭﻛﺎﻧﺖ ﺃﻭﻝ ﻣﺮﺍ ﺻﺮﺣﺎﺕ ﺑﺤﺒﻬﺎ ﺃﻣﺎﻡ ﺍﻟﻨﺎﺱ ﻗﺒﻞ ﻣﺎﻳﺪﻳﺮﻭ ﺩﻳﻚ ﺍﻟﺘﻮﻳﺸﻴﺔ ﺩﻳﺎﻝ ﺍﻭﻧﻜﻮﺑﻞ ﻓﻲ ﻓﺎﻳﺴﺒﻮﻙ ﻣﻨﺪ ﻣﺌﺎﺕ ﺍﻟﺴﻨﻴﻦ، ﻫﺎﺩ ﻟﻴﻠﻰ ﻣﺎﻛﺎﻧﺘﺶ ﻛﺎﺗﺨﺎﻑ ﺗﻘﻮﻝ ﺍﻟﺸﻌﺮ ﻋﻠﻰ ﺣﺒﻴﻬﺎ ﻗﺪﺍﻡ ﺑﺎﻫﺎ ﻭﺧﻮﺗﻬﺎ ﺣﺘﻰ ﺃﻣﺮ ﺍﻟﻮﺍﻟﻲ ﺍﻟﺤﺠﺎﺝ ﺑﻘﻄﻊ ﻟﺴﺎﻧﻬﺎ ﻭﻛﻴﻒ ﺗﻌﻮﺩﻧﺎ ﻓﺪﺍﻛﺸﻲ ﺩﻳﺎﻝ ﻗﺼﺺ ﺍﻟﺤﺐ ﺗﺰﻭﺟﺎﺕ ﻟﻴﻠﻰ ﺑﺮﺍﺟﻞ ﺁﺧﺮ ﻭﻟﻜﻦ ﺑﻘﺎﺕ ﻛﺎﺗﻼﻗﺎ ﺻﺎﺣﺒﻬﺎ ﺗﻮﺑﺔ ﻣﻦ ﻭﺭﺍﻩ ﻭﻛﺎﺗﺨﻮﻥ ﺭﺍﺟﻠﻬﺎ ﻣﻌﺎﻩ ﺣﺘﺎﻝ ﻧﻬﺎﺭ ﻣﺎﺕ ﺗﻮﺑﺔ ﻓﻮﺍﺣﺪ ﺍﻟﻐﺎﺭﺓ ﻭﻣﺎﺗﺖ ﻟﻴﻠﻰ ﻣﻦ ﺣﺰﻧﻬﺎ ﻋﻠﻴﻪ... ﺍﻟﻤﻐﺮﺏ ﻣﺎﻓﻴﻪ ﻗﺼﺺ ﺣﺐ ﻣﺎﻓﻴﻪ ﺍﻓﻼﻡ ﺭﻭﻣﺎﻧﺴﻴﺔ ﻣﺎﻓﻴﻪ ﻣﺴﻠﺴﻼﺕ ﺭﻭﻣﻨﺴﻴﺔ ﻭﻳﻤﻜﻦ ﻋﻠﻰ ﻣﺮ ﺍﻟﻌﺼﻮﺭ ﻗﺼﺔ ﺣﺐ ﺍﻟﻮﺯﻳﺮ ﺍﻟﺸﻮﺑﺎﻧﻲ ﻭﺍﻟﻮﺯﻳﺮﺓ ﺳﻤﻴﺔ ﺑﻨﺨﻠﺪﻭﻥ ﻛﺎﻧﺖ ﻣﻦ ﺍﻟﻘﻼﺋﻞ ﻧﺰﻳﺪﻭ ﻋﻠﻴﻬﺎ ﻭﺍﺣﺪ ﺍﻟﺠﻮﺝ ﻓﺎﺭﻋﻴﻦ ﻟﻴﻨﺎ ﻛﺮﻧﺎ ﻣﺄﺧﺮﺍ ﻓﻲ ﻓﺎﻳﺴﺒﻮﻙ ﺳﻤﻴﺘﻬﻢ ﺳﻘﺮﺍﻁ ﻭﻏﻴﺜﺔ ﻟﻲ ﺷﻮﻫﻮ ﺩﻳﻠﻤﻬﻢ ﻣﺰﻳﺎﻥ ﻣﻦ ﺑﻌﺪ ﻣﺎﻋﺎﺷﻮ ﺍﻟﺤﺐ ﻓﻼﻛﺎﻡ ﺩﻳﺎﻝ ﻓﺎﻳﺴﺒﻮﻙ ﻭﻣﺎﻧﻨﺴﺎﻭﺵ ﺟﺎﺩ ﻭﺳﺎﺭﺓ ﻟﻲ ﻛﻮﻥ ﺷﺎﻓﻮﻫﻢ ﺭﻭﻣﻴﻮ ﻭﺟﻮﻟﻴﻴﺖ ﺍﺵ ﺩﺍﻳﺮﻳﻦ ﻛﻮﻥ ﻧﺘﺎﺣﺮﻭ... ﻣﺸﻴﺖ ﺗﻨﻘﻠﺐ ﻓﺂﻧﺘﺮﻧﻴﺖ ﻋﻠﻰ ﺷﻲ ﻗﺼﺔ ﺣﺐ ﻓﻲ ﻫﺎﺩ ﺍﻟﺒﻼﺩ ﺍﻟﺴﻌﻴﺪﺓ ﻓﺤﺎﻝ ﺩﺍﻛﺸﻲ ﺩﻳﺎﻝ ﺍﻻﻣﻴﺮﺓ ﻭﺍﻟﻮﺣﺶ ﻣﺎﻟﻘﻴﺖ ﺗﺎﻭﺯﺓ ﺑﺎﺳﺘﺘﻨﺎﺀ ﻭﺍﺣﺪ ﺍﻟﺤﻜﺎﻳﺔ ﻭﻟﻜﻦ ﻣﺎﺷﻲ ﺣﻘﻴﻘﻴﺔ ﻭﻛﻌﺎﺩﺗﻬﻢ ﺍﻟﻤﻐﺎﺭﺑﺔ ﺗﻠﻘﻮ ﻓﻴﻬﺎ ﺍﻟﺴﻠﻮﻛﻴﺔ ﻗﺎﻟﻴﻚ ﻛﺎﻥ ﻓﻨﻮﺍﺣﻲ ﺧﻨﻴﻔﺮﺓ ﻓﻲ ﻗﺪﻳﻢ ﺍﻟﺪﻫﺮ ﻭﺍﺣﺪ ﺍﻟﻜﻮﺑﻞ ﺳﻤﻴﺘﻬﻢ ﺍﻳﺴﻠﻲ ﻭﺗﻴﺴﻠﻲ ﻓﺮﻗﻮﻫﻢ ﻧﺎﺿﻮ ﺃﺳﻴﺪﻱ ﻣﺸﺎﻭ ﻛﻞ ﻭﺍﺣﺪ ﻟﺠﺒﻞ ﺑﻘﺎﻭ ﻛﺎﻳﺒﻜﻴﻮ ﺣﺘﻰ ﺗﻜﻮﻧﺎﺕ ﺑﺤﻴﺮﺓ ﺍﻳﺴﻠﻲ ﻣﻦ ﺩﻣﻮﻉ ﺍﻳﺴﻠﻲ ﻭﺑﺤﻴﺮﺓ ﺗﻴﺴﻠﻲ ﻣﻦ ﺩﻣﻮﻉ ﺻﺎﺣﺒﻬﺎ.... ﺁﻭﻭﻭﻭﻭ ﺗﻮﻣﺎ ﻛﻴﺪﺭﺗﻮ ﻟﻴﻬﺎ، ﻭﻣﻊ ﻣﺎﻛﻴﻦ ﺗﺎ ﺧﺮﻳﺔ ﺗﻮﺣﻲ ﻋﻠﻰ ﺃﻥ ﻫﺎﺩ ﺍﻟﺒﻼﺩ ﻓﻴﻬﺎ ﺷﻲ ﺣﺐ ﻗﻠﺖ ﻣﻊ ﺭﺍﺳﻲ ﺁﺟﻲ ﻧﺨﺘﺎﺭﻉ ﺷﻲ ﻗﺼﺔ ﺣﺐ ﻣﻦ ﺭﺍﺳﻲ ﻟﻌﻞ ﻭﻋﺴﻰ ﻳﺪﻭﺭ ﻋﻠﻴﻬﺎ ﺍﻟﻮﻗﺖ ﻭﺗﻮﻟﻲ ﺗﺎﻫﻴﺎ ﻓﺤﺎﻝ ﻗﺼﺔ ﺭﻭﻣﻴﻮ ﻭﺟﻮﻟﻴﻴﺖ ﻭﻧﻮﻟﻲ ﺗﺎ ﺃﻧﺎ ﻛﺎﺗﺐ ﻣﻌﺮﻭﻑ ﻭﻳﻌﻠﻘﻮ ﻟﻴﺎ ﺍﻟﻮﺳﺎﻡ ﻣﻦ ﺑﻌﺪ ﻣﺎﻋﻠﻘﺖ ﻳﺪﻱ ﻋﺸﺮ ﺍﻳﺎﻡ ﺑﺴﺒﺐ ﺗﺤﺠﺮ ﻋﺼﺐ ﺍﻟﻴﺪ ﺑﺴﺒﺎﺏ ﺍﻟﺴﻮﺍﻳﻊ ﺩﻳﺎﻝ ﺍﻟﻜﺘﺎﺑﺔ ﻓﺎﺑﻮﺭ ﻟﻮﺍﺣﺪ ﺍﻟﻘﻮﻡ ﻟﻲ ﻣﺎﺗﻴﻘﻮﻟﻮﺵ ﺣﺘﻰ ﺷﻜﺮﺍ... ﺗﺴﺘﻤﺮ ﺍﻟﻤﻌﺎﻧﺎﺕ ﻣﻊ ﻗﺮﺍﺻﻨﺔ ﻓﺎﻳﺴﺒﻮﻙ ﻟﻲ ﻏﻴﺮ ﺗﺎﻧﺴﺎﻟﻲ ﺍﻟﻘﺼﺔ ﺗﺎﻳﻜﺘﺒﻮ ﻓﻴﻬﺎ ﺳﻤﻴﺘﻬﻢ ﻭﺗﺎﻳﺴﺘﻌﺮﺿﻮ ﺑﻴﻬﺎ ﺍﻟﻌﻈﻼﺕ ﺩﻳﺎﻟﻬﻢ ﻋﻠﻰ ﺍﺳﺎﺱ ﺃﻧﻬﻢ ﻛﺘﺎﺏ ﻭﻣﺄﻟﻔﻮﻥ ﻭﻫﻮﻣﺎ ﺩﻳﻠﻤﻬﻢ ﺣﺘﻰ ﺟﻤﻠﺔ ﻣﻔﻴﺪﺓ ﻣﺎﺗﻴﻌﺮﻓﻮ ﻳﻜﺘﺒﻮﻫﺎ، ﺃﻣﺎ ﺍﻟﻔﻘﻬﺔ ﺩﻳﺎﻝ ﻓﺎﻳﺴﺒﻮﻙ ﻫﺎﺩﻭﻙ ﻏﺎﺩﻱ ﻳﺒﻘﺎ ﻳﺠﻲ ﻳﺪﻭﻱ ﻣﻌﺎﻳﺎ ﺷﻲ ﻭﻟﺪ ﺍﻟﻔﺎﺟﺮﺓ ﻏﺎﺩﻱ ﻧﺴﻠﺖ ﻋﻠﻴﻪ ﺍﻟﺴﻠﻴﺐ ﺩﻳﺎﻟﻲ، ﺑﻨﺎﺩﻡ ﺩﻳﻠﻤﻮ ﻛﻴﻠﻮﻃﻮ ﻣﻄﻠﻲ ﺑﺎﻟﺨﺮﻯ ﻋﺎﺩ ﻏﺎﻳﺠﻲ ﻳﻮﺭﻳﻚ ﻃﺮﻳﻖ ﺍﻟﻠﻪ ﻓﻴﻨﺠﺎﺕ، ﻃﺮﻳﻖ ﺍﻟﻠﻪ ﺭﺍﻩ ﻋﺎﺭﻓﻴﻨﻬﺎ ﻭﻋﺎﺭﻓﻴﻦ ﺃﻧﻨﺎ ﺧﻠﻴﻨﺎﻫﺎ ﻭﻣﺸﻴﻨﺎ ﻓﻲ ﻃﺮﻳﻚ ﺍﻟﻬﻮﻯ ﺍﻟﻠﻪ ﻳﺮﺩ ﺑﻴﻨﺎ، ﻭﺣﻖ ﻣﻮﻻﻧﺎ ﻳﻼ ﺍﻟﺠﺎﻣﻊ ﻣﻦ ﻣﻮﺭﺍ ﺍﻟﺪﺍﺭ ﻭﻣﺎﺗﻨﻤﺸﻴﺶ ﻟﻴﻪ ﺍﻟﻠﻪ ﻳﺴﻤﺢ ﻟﻴﺎ ﻭﺍﻟﺒﺎﺭ ﺑﻌﻴﺪ ﻋﻠﻴﺎ ﺑﺨﻤﺴﺔ ﻛﻴﻠﻮﻣﺘﺮ ﻛﻞ ﻧﻬﺎﺭ ﺷﺎﺩ ﻋﻠﻴﻪ ﺍﻟﻄﺮﻳﻖ، ﺍﻟﺨﺒﺮﺓ ﺩﻳﺎﻟﻲ ﺍﻟﻘﺼﻴﺮﺓ ﻓﻲ ﺍﻟﺤﻴﺎﺓ ﻋﻠﻤﺎﺗﻨﻲ ﻣﺎﻧﺤﻜﻤﺶ ﻋﻠﻰ ﺍﻟﻨﺎﺱ ﻣﻦ ﺧﻼﻝ ﺍﻣﺎﻛﻦ ﺍﻟﺘﻮﺍﺟﺪ ﺩﻳﺎﻟﻬﻢ، ﻣﺎﻋﻤﺮﻧﻲ ﻣﺎﻧﻨﺴﺎ ﻧﻬﺎﺭ ﺧﻠﻴﺖ ﻛﺎﺳﻜﻴﻄﺔ ﻓﻲ ﺍﻟﺠﺎﻣﻊ ﻣﻦ ﺑﻌﺪ ﺧﻤﺴﺔ ﺍﻟﺪﻗﺎﻳﻖ ﺭﺟﻌﺖ ﻟﻴﻬﺎ ﻟﻘﻴﺘﻬﺎ ﻃﺎﺭﺕ ﺃﻣﺎ ﺍﻟﺒﺎﺭ ﻛﻞ ﻧﻬﺎﺭ ﻛﺎﻧﺨﻠﻲ ﻓﻴﻪ ﺗﻠﻔﻮﻧﻲ ﻛﺎﻧﺴﺎ ﺑﺰﻃﺎﻣﻲ ﺧﻠﻴﺖ ﺍﻟﺒﻴﺴﻲ ﺧﻠﻴﺖ ﺩﺟﺎﻛﻴﻄﺎﺕ ﻭﻛﻞ ﻧﻬﺎﺭ ﻛﻨﺨﺮﺝ ﻣﻜﻠﻮﺏ ﻋﻤﺮ ﺷﻲ ﻭﺍﺣﺪ ﺣﻂ ﻳﺪﻳﻪ ﻋﻠﻰ ﺷﻲ ﺣﺎﺟﺔ ﺍﻭ ﺳﺮﻗﻬﺎ، ﻓﺎﺵ ﻛﺘﺪﺧﻞ ﻟﻠﺒﺎﺭ ﻭﻛﺎﺗﺸﻮﻑ ﺑﻨﺎﺩﻡ ﻛﺎﻳﻌﺎﻭﺩ ﻣﺸﺎﻛﻴﻠﻮ ﻭﺍﻟﺒﺸﺮ ﻛﻴﻔﺎﺵ ﻣﻨﺘﺎﺑﻪ ﻟﻴﻪ ﻭﻛﺘﻘﺎﺭﻧﻮ ﻣﻊ ﺷﻲ ﻗﻤﺎﻗﻢ ﻓﻲ ﺍﻟﺠﺎﻣﻊ ﻟﻲ ﻏﻴﺮ ﻛﺎﻳﺒﺪﺍ ﺍﻟﻔﻘﻴﻪ ﻛﺎﻳﺨﻄﺐ ﺗﻴﺠﺒﺪ ﻋﻠﻴﻬﺎ ﺑﻨﻌﺴﺔ ﻛﻼﻡ ﺍﻟﻠﻪ ﻣﺎﻛﻴﻘﺪﺭﺵ ﻳﺴﻤﻌﻮ ﻛﺎﻧﻘﻮﻝ ﺑﺎﺯ، ﻟﻘﻴﻨﺎ ﺍﻟﻤﺤﻨﺔ ﻓﻲ ﺍﻟﺴﻜﺎﻳﺮﻳﺔ ﻣﺎﻟﻘﻴﻨﺎﻫﺎ ﻓﻲ ﺍﻟﻠﺤﺎﻳﺎ ﺣﻔﻈﺔ ﻛﺘﺎﺏ ﺍﻟﻠﻪ، ﻭﺍﺣﺪ ﺑﻮﻟﺤﻴﺔ ﺻﺎﺣﺒﻲ ﻭﻟﺪ ﺍﻟﻘﺤﺒﺔ ﺣﺎﺷﻰ ﺍﻟﺴﺎﻣﻌﻴﻦ ﻣﺎﻳﻌﺘﻘﻜﺶ ﻭﺍﺧﺎ ﺗﻤﻮﺕ ﻗﺪﺍﻣﻮ، ﺍﻟﻔﻠﻮﺱ ﻋﻠﻰ ﻗﻠﺒﻮ ﻛﻴﻒ ﺍﻟﺴﻮﺳﺔ ﻭﻭﺍﻟﻮ ﻭﺍﻟﻠﻪ ﻣﺎﺗﺮﺑﺢ ﻣﻨﻮ ﻓﺮﺍﻧﻚ ﻳﺎﻛﻞ ﻗﺪﺍﻣﻚ ﻣﺎﻳﻘﻮﻝ ﻟﻴﻚ ﺩﻭﻕ ﺍﻟﺤﺎﺟﺔ ﺍﻟﻮﺣﻴﺪﺓ ﻟﻲ ﺣﺎﺩﻙ ﻓﻴﻬﺎ ﻗﺎﻝ ﺍﻟﻠﻪ ﻗﺎﻝ ﺍﻟﺮﺳﻮﻝ ﻭﺷﻲ ﺳﻜﺎﻳﺮﻳﺔ ﺻﺤﺎﺑﻲ ﻣﺴﺎﻛﻦ ﻭﺍﻟﻠﻪ ﻣﺎﻳﺤﻄﻬﺎ ﻓﻲ ﻓﻤﻮ ﻳﻼﻣﺎ ﻛﻠﻴﺘﻲ ﻣﻌﺎﻩ ﻭﻳﻼ ﻟﻘﺎﻙ ﻛﺘﺨﻠﺺ ﺷﻲ ﺣﺎﺟﺔ ﻫﻮﺍ ﻳﺤﻠﻒ ﻭﺃﻧﺎ ﻧﺤﻠﻒ، ﻟﺪﺭﺟﺔ ﻛﻞ ﻣﺮﺓ ﻛﺎﺗﻮﻗﻊ ﻟﻴﺎ ﺷﻲ ﻣﻮﺻﻴﺒﺔ ﻭﻛﺎﺗﺨﺼﻨﻲ ﺍﻟﻔﻠﻮﺱ ﺍﻭ ﻣﺴﺎﻋﺪﺓ ﻛﺎﻧﻌﻴﻂ ﻟﻠﺴﻜﺎﻳﺮﺓ ﺑﻼ ﻣﺎﻧﺤﺲ ﻻﻧﻨﻲ ﻋﺎﺭﻑ ﺩﻭﻙ ﻭﻻﺩ ﺩﻳﻠﻜﻠﺐ ﺻﺤﺎﺏ ﻗﺎﻝ ﺍﻟﻠﻪ ﻗﺎﻝ ﺍﻟﺮﺳﻮﻝ ﻣﺎﻏﺎﻳﻨﻔﻌﻮﻧﻲ ﺑﺘﺎ ﺧﺮﻳﺔ، ﻭﻓﺎﺵ ﻛﺎﻧﺮﺟﻊ ﺑﺎﻟﺬﺍﻛﺮﺓ ﺩﻳﺎﻟﻲ ﻟﻠﻮﺭﺍﺀ ﻭﻛﺎﻧﺘﻔﻜﺮ ﺃﻳﺎﻡ ﻛﻨﺖ ﺧﺪﺍﻡ ﻓﻲ ﺍﻟﺒﻨﻜﺔ ﻭﺧﺼﻨﺎ ﻧﺒﻴﻌﻮ ﺩﻭﻙ ﺍﻟﺒﺎﺩﺟﺎﺕ ﺩﻳﺎﻝ "ﻟﻨﺘﺤﺪ ﺿﺪ ﺍﻟﺤﺎﺟﺔ" ﻛﺎﻳﺠﻲ ﺷﻲ ﺑﻮﻟﺤﻴﺔ ﻣﺨﺮﺝ ﻋﺸﺮﻳﻦ ﻣﻠﻴﻮﻥ ﻣﻦ ﺍﻟﻜﻮﻧﺖ ﻣﺎﻛﻴﺴﺨﺎﺵ ﺑﺪﻳﻚ ﺧﻤﺴﺔ ﺍﻟﺪﺭﺍﻫﻢ، ﺃﻣﺎ ﻫﺎﺩﻭﻙ ﻟﻲ ﺗﺎﻳﻘﻮﻟﻮ ﻋﻠﻴﻬﻢ ﺧﺎﺭﺟﻴﻦ ﻣﻦ ﺭﺣﻤﺔ ﺍﻟﻠﻪ ﻫﻮﻣﺎ ﻟﻲ ﻛﺎﺗﻠﻘﺎ ﻓﻴﻬﻢ ﺍﻟﻤﺤﻨﺔ، ﻭﻓﺎﺵ ﻛﻨﺸﻮﻑ ﻓﻲ ﺟﻨﺎﺑﻲ ﺳﻮﺍﺀ ﻓﻲ ﺍﻟﻌﺎﺋﻠﺔ ﺃﻭ ﺍﻟﺠﻴﺮﺍﻥ ﺃﻭ ﺍﻟﺼﺤﺎﺏ ﺗﻨﻠﻘﺎ ﺩﺍﻙ ﺍﻟﺴﻜﺎﻳﺮﻱ ﺑﻮﻗﺮﻋﺔ ﻫﻮﺍ ﻟﻲ ﻭﻻﺩﻭ ﻣﺮﺑﻴﻴﻦ ﺍﺣﺴﻦ ﺗﺮﺑﻴﺔ ﻭﺗﺎﻳﻤﻮﺗﻮ ﻋﻠﻰ ﺑﺎﻫﻢ ﻭﻣﺮﺗﻮ ﻛﺎﺗﺤﻤﺎﻕ ﻋﻠﻴﻪ ﺍﻣﺎ ﺑﻮﻟﺤﻴﺔ ﻏﺎﻟﺒﺎ ﻛﺘﻠﻘﺎ ﻣﺮﺗﻮ ﻣﻌﻴﻄﺔ ﻣﻊ ﺍﻟﺨﻤﺴﺔ ﺍﻟﻌﺸﻴﺔ ﻟﺸﻲ ﺑﺮﻧﺎﻣﺞ ﻓﻲ ﺍﻟﺮﺍﺩﻳﻮ ﻛﺎﺗﺸﻜﻲ ﻋﻠﻴﻬﻢ ﺭﺍﺟﻠﻲ ﺑﻐﺎ ﻳﺘﺰﻭﺝ ﻋﻠﻴﺎ ﺍﻭ ﺭﺍﺟﻠﻲ ﻣﺎﻛﻴﺼﺮﻓﺶ ﻋﻠﻴﺎ ﺍﻭ ﺭﺍﺟﻠﻲ ﻋﻨﺪﻭ ﻣﺸﻜﻠﺔ ﻓﻲ ﺍﻟﻘﺪﻑ ﻭﺩﻭﻙ ﺍﻟﺨﺰﻋﺒﻴﻼﺕ... ﻃﺮﻳﻖ ﺍﻟﻠﻪ ﺯﻭﻳﻨﺔ ﻭﺗﺎﻭﺍﺣﺪ ﻣﺎﻛﺮﻩ ﻳﻤﺸﻲ ﻓﻴﻬﺎ ﺑﻼ ﺭﺟﻌﺔ ﻭﻟﻜﻦ ﻓﺎﺵ ﻛﺎﺗﺸﻮﻑ ﺍﻟﻘﻤﺎﻗﻢ ﻟﻲ ﻛﺎﻳﻨﺼﺤﻮﻙ ﺑﻴﻬﺎ ﻭﺍﻟﻄﺮﻳﻘﺔ ﺍﻟﺸﺎﺩﺓ ﺑﺎﺵ ﺗﺎﻳﻨﺼﺤﻮﻙ ﺗﺮﺟﻊ ﻟﻠﻄﺮﻳﻖ ﻛﺎﺗﻘﻮﻝ ﺑﻼﺵ ﻣﻦ ﻫﺎﺩ ﺍﻟﺨﺮﻯ، ﻓﺎﺵ ﻛﻨﺘﻔﻜﺮ ﻗﺼﺔ ﺍﻟﻨﺒﻲ (ﺹ) ﻣﻊ ﺩﺍﻙ ﺍﻟﻜﺎﻓﺮ ﻟﻲ ﺣﺼﻠﻮﻩ ﺗﺎﻳﺒﻮﻝ ﻓﻲ ﺍﻟﺠﺎﻣﻊ ﻋﻠﻰ ﻣﻨﺒﺮ ﺍﻹﻣﺎﻡ ﻭﻛﻴﻔﺎﺵ ﺗﻌﺎﻣﻞ ﻣﻌﺎﻩ ﺗﺎﻧﺘﺄﻛﺪ ﺃﻧﻨﺎ ﺿﺎﻳﺮﻳﻦ ﺑﻴﻨﺎ ﻏﻴﺮ ﻭﻻﺩ ﺍﻟﻘﺤﺎﺏ ﻟﻲ ﺗﺎﻳﺤﺎﻭﻟﻮ ﻳﻮﺭﻳﻮﻧﺎ ﺍﻟﺪﻳﻦ ﺑﻄﺮﻳﻘﺔ ﻣﺸﻮﻫﺔ... ﺍﻟﺼﺤﺎﺑﺔ ﻓﺎﺵ ﺷﺎﻓﻮ ﺩﺍﻙ ﺍﻟﻜﺎﻓﺮ ﻛﺎﻳﺒﻮﻝ ﻓﻲ ﺍﻟﺠﺎﻣﻊ ﻧﺎﺿﻮ ﺑﻐﺎﻭ ﻳﻤﻠﺨﻮﻩ ﻋﺼﺎ ﻭﻟﻜﻦ ﺳﻴﺪ ﺍﻟﻨﺒﻲ ﻣﺎﺧﻼﻫﻤﺶ ﻳﻘﺮﺑﻮ ﻟﻴﻪ ﻭﻗﺎﻟﻴﻬﻢ ﺧﻠﻴﻮﻩ ﻳﻜﻤﻞ ﺑﻌﺪﺍ ﺍﻟﺒﻮﻟﺔ ﺩﻳﺎﻟﻮ ﻻﻧﻬﻢ ﻳﻼ ﻗﻄﻌﻮ ﻋﻠﻴﻪ ﺑﻮﻟﺘﻮ ﻏﺎﺩﻱ ﻳﺸﻜﻞ ﻣﻀﺮﺓ ﻋﻠﻰ ﺍﻟﻨﺒﻮﻟﺔ ﺩﻳﺎﻟﻮ، ﻭﺧﻼﻭﻩ ﻓﻌﻼ ﺣﺘﻰ ﺳﺎﻻ ﺍﻟﺒﻮﻟﺔ ﺩﻳﺎﻟﻮ ﻋﻠﻰ ﺧﺎﻃﺮﻭ ﻋﺎﺩ ﻣﺸﺎ ﻋﻨﺪﻭ ﺍﻟﻨﺒﻲ ﻣﺎﻫﺰﺵ ﻋﻠﻴﻪ ﺍﻟﺴﻴﻒ ﻣﺎﻗﻄﻊ ﻟﻴﻪ ﺭﺍﺳﻮ ﻣﺎﺳﺒﻮ ﻣﺎﻋﻴﺮﻭ ﻭﻟﻜﻦ ﺩﻭﺍ ﻣﻌﺎﻩ ﺑﺎﻟﺘﻲ ﻫﻲ ﺃﺣﺴﻦ ﻭﻛﻮﻥ ﻛﻨﺖ ﺃﻧﺎ ﻫﻮ ﺩﺍﻙ ﺍﻟﻜﺎﻓﺮ ﻓﺪﻳﻚ ﺍﻟﻮﻗﺖ ﻛﻨﺖ ﺃﻛﻴﺪ ﻏﺎﺩﻱ ﻧﻌﺘﺎﻧﻖ ﺍﻻﺳﻼﻡ ﻣﻦ ﺑﻌﺪ ﻫﺎﺩ ﺍﻟﺠﻴﺴﺖ. ﻣﺎﻋﻠﻴﻨﺎ ﻛﺎﻧﺖ ﻫﺎﺩﻱ ﻣﺠﺮﺩ ﻣﻼﺣﻈﺔ ﺑﺴﻴﻄﺔ ﻗﺒﻞ ﺍﻻﻧﺘﻘﺎﻝ ﻟﻠﻘﺼﺔ ﻟﻲ ﺧﺘﺎﺭﻳﺖ ﻟﻴﻬﺎ ﻛﻤﻜﺎﻥ ﺯﺍﻭﻳﺔ ﺳﻴﺪ ﺍﻟﺮﺍﺿﻲ، ﺯﺍﻭﻳﺔ ﺳﻴﺪﻱ ﺍﻟﺮﺍﺿﻲ ﺃﻭ ﺍﻟﺰﺍﻭﻳﺔ ﻛﻴﻔﻤﺎ ﻛﺎﻳﻌﻴﻄﻮ ﻟﻴﻬﺎ ﻣﺎﻟﻴﻦ ﺍﻟﻄﺎﻛﺴﻴﺎﺕ ﻭﺍﻟﺪﻭﺍﺭ ﺍﺧﺘﺼﺎﺭﺍ ﻋﺒﺎﺭﺓ ﻋﻦ ﻭﺍﺣﺪ ﺍﻟﻤﺠﻤﻮﻋﺔ ﺩﻳﺎﻝ ﺍﻟﺪﻳﻮﺭ ﻣﻼﺻﻘﺔ ﺑﻴﻨﺎﺗﻬﺎ ﻋﻠﻰ ﺷﻜﻞ ﻣﺮﺑﻊ ﻓﻲ ﺍﻟﻮﺳﻂ ﺩﻳﺎﻟﻬﺎ ﻗﺒﺮ ﺍﻟﺸﺮﻳﻒ ﺍﻟﺮﺍﺿﻲ ﺟﺪ ﺟﺪﻱ ﻟﻲ ﺑﻨﺎ ﻭﺣﺪﺓ ﻣﻦ ﺃﻛﺒﺮ ﺍﻟﻤﺪﺍﺭﺱ ﺍﻟﻘﺮﺁﻧﻴﺔ ﻓﻲ ﺍﻟﻤﻐﺮﺏ ﻭﻳﻤﻜﻦ ﻓﻲ ﺍﻓﺮﻳﻘﻴﺎ ﻭﺭﺑﻤﺎ ﺍﻟﻮﺣﻴﺪﺓ ﻟﻲ ﻣﺎﺯﺍﻝ ﺧﺪﺍﻣﺔ ﻋﻠﻰ ﺍﻟﻄﺮﻳﻘﺔ ﺍﻟﻜﻼﺳﻴﻜﻴﺔ ﺍﻟﻤﺘﻤﺘﻠﺔ ﻓﻲ ﺍﻟﻘﺮﺍﻳﺔ ﻓﺎﺑﻮﺭ ﺍﺳﺘﻨﺎﺩﺍ ﻋﻠﻰ ﺟﻮﺝ ﺩﻳﺎﻝ ﺍﻟﺤﻮﺍﻳﺞ ﻟﻲ ﻫﻮﻣﺎ ﺍﻟﻘﺮﺁﻥ ﻭﺍﻟﺼﺤﻴﺤﻴﻦ ﻓﻘﻂ ﻻ ﻏﻴﺮ ﻣﺎﻛﻴﻦ ﻻ ﻓﺘﺎﻭﻱ ﻻ ﺍﻟﻔﻘﻴﻪ ﺯﺍﻛﻮﺭ ﻻ ﺗﺎﻭﺯﺓ، ﻳﻌﻨﻲ ﻣﻦ ﺍﻻﺧﻴﺮ ﻛﺎﺗﺤﻔﺾ ﺍﻟﻘﺮﺁﻥ ﻭﻛﺎﺗﻔﻬﻤﻮ ﻭﻛﺘﺤﻔﺾ ﺍﻻﺣﺎﺩﻳﺚ ﺍﻟﺼﺤﻴﺤﺔ ﻭﻛﺎﺗﺰﻳﺪ ﻣﻊ ﺍﻟﻄﺮﻳﻖ ﻭﺳﺒﺤﺎﻥ ﺍﻟﻠﻪ ﻛﺎﻳﺠﻴﻮ ﺍﻟﻄﻠﺒﺔ ﻣﻦ ﺟﻤﻴﻊ ﺑﻘﺎﻉ ﺍﻟﻌﺎﻟﻢ ﻟﻬﺎﺩ ﺍﻟﺪﻭﺍﺭ ﻟﻲ ﻣﺎﻛﻴﻨﺶ ﺣﺘﻰ ﻓﻲ ﺍﻟﺨﺮﻳﻄﺔ، ﻧﺎﺱ ﺟﺎﻭ ﻟﺨﺎﻃﺮﻫﻢ ﺑﻼ ﻣﺎﻳﻔﺮﺽ ﻋﻠﻴﻬﻢ ﺗﺎ ﻭﺍﺣﺪ ﺍﻟﺪﻳﻦ ﺩﻳﺎﻟﻨﺎ.... ﺍﻟﻤﻔﺎﺭﻗﺔ ﺍﻟﻐﺮﻳﺒﺔ ﺃﻥ ﻫﺎﺩ ﺍﻟﺪﻭﺍﺭ ﻟﻲ ﻓﻴﻪ ﺃﻛﺒﺮ ﺍﻟﻤﺪﺍﺭﺱ ﺍﻟﻘﺮﺁﻧﻴﺔ ﺍﻟﻌﺘﻴﻘﺔ ﻫﻮ ﻧﻔﺴﻮ ﻣﺮﺗﻊ ﺩﻳﺎﻝ ﺍﻟﺴﻜﺎﻳﺮﻳﺔ ﻭﺿﺮﻳﺐ ﺍﻟﺸﻘﻮﻓﺎ ﻭﺍﻟﺴﻬﺮﺍﺕ ﺩﻳﺎﻝ ﺍﻟﺸﻴﺨﺎﺕ ﻭﺟﻤﻴﻊ ﺃﻧﻮﺍﻉ ﺍﻟﻤﻮﺑﻴﻘﺎﺕ... ﺍﻟﻐﺮﻳﺐ ﻓﻲ ﺍﻻﻣﺮ ﺃﻥ ﻻ ﺍﻟﻔﻘﻬﺔ ﻟﻲ ﻓﻲ ﺍﻟﺪﻭﺍﺭ ﺃﺗﺮﻭ ﻓﻲ ﺍﻟﺴﻜﺎﻳﺮﻳﺔ ﻭﻻ ﺍﻟﺴﻜﺎﻳﺮﻳﺔ ﻛﺎﻳﺸﻮﺷﻮ ﻋﻠﻰ ﺣﻔﻈﺔ ﻛﺘﺎﺏ ﺍﻟﻠﻪ، ﻛﻞ ﻭﺍﺣﺪ ﺩﺍﺧﻞ ﺳﻮﻕ ﺭﺍﺳﻮ ﻭﺑﺎﺏ ﺍﻟﺘﻮﺑﺔ ﻣﻔﺘﻮﺡ ﻟﺮﺍﺳﻮ ﻣﺎﻭﺍﻗﻒ ﻋﻠﻴﻪ ﺗﺎﻭﺍﺣﺪ، ﻧﺎﺱ ﺍﻟﺪﻭﺍﺭ ﺃﻏﻠﺒﻬﻢ ﺧﺪﺍﻣﻴﻦ ﻓﻲ ﺍﻟﺒﺤﺮ ﻭﻣﺎﺗﺒﻘﻰ ﻛﺎﻳﻤﺎﺭﺳﻮ ﺷﻮﻱ ﺩﻳﺎﻝ ﺍﻟﻔﻼﺣﺔ ﻭﺣﺎﻣﺪﻳﻦ ﺍﻟﻠﻪ ﻣﻦ ﺑﻌﺪ ﻣﺎﺧﻨﻘﻮﻫﻢ ﺍﻟﺴﻠﻄﺎﺕ ﻭﺍﻟﺪﺭﻙ ﺣﻴﺖ ﺷﺎﻓﻮﻫﻢ ﻛﺎﻳﺒﻴﻌﻮ ﺍﻟﺮﻣﻠﺔ ﻟﻲ ﻛﺎﻳﺠﻤﻌﻮﻫﺎ ﻣﻦ ﻭﺍﺣﺪ ﻣﻦ ﺃﺟﻤﻞ ﺷﻮﺍﻃﻰﺀ ﺍﻟﻘﺎﺭﺓ ﻟﻲ ﻟﺤﺴﻦ ﺍﻟﺤﻆ ﻣﺎﺗﻴﻌﺮﻓﻮﺵ ﻛﺤﻞ ﺍﻟﺮﺍﺱ ﻷﻧﻪ ﻣﺨﺒﻲ ﻋﻠﻰ ﺍﻟﻌﻴﻦ ﻭﻏﺎﻟﺒﺎ ﻛﺎﻳﺠﻴﻮ ﻟﻴﻪ ﻏﻴﺮ ﻫﻮﺍﺕ ﺭﻛﻮﺏ ﺍﻻﻣﻮﺍﺝ ﻣﻦ ﻛﻞ ﺑﻘﺎﻉ ﺍﻻﺭﺽ... ﻣﻜﺎﻥ ﻫﺎﺩﻯﺀ ﻭﺭﻭﻣﻨﺴﻲ ﻳﺼﻠﺢ ﻓﻘﻂ ﻟﻤﻤﺎﺭﺳﺔ ﺍﻟﺤﺐ ﻭﺍﻟﺮﺩﻳﻠﺔ ﺍﻟﻠﻪ ﻳﺴﻤﺢ ﻟﻴﺎ... ﻫﺎﺩ ﺍﻟﻤﻜﺎﻥ ﺷﻬﺪ ﺳﻨﺔ 1912 ﻗﺼﺔ ﺣﺐ ﻫﺰﺕ ﺍﺭﻛﺎﻥ ﺍﻟﻤﻤﻠﻜﺔ ﺍﻟﺸﺮﻳﻔﺔ ﻭﻭﺻﻞ ﺻﺪﺍﻫﺎ ﻟﻜﻞ ﻣﻜﺎﻥ. ﻫﻲ ﻗﺼﺔ ﺍﻟﻐﺎﻟﻴﺔ ﻭﺍﻟﺤﺒﻴﺐ، ﻗﺼﺔ ﺍﻟﺤﺐ ﺍﻟﺘﻲ ﺃﺩﻫﻠﺖ ﺍﻟﻌﺎﻟﻢ ﻭﺧﻼﺕ ﺍﻟﺸﻴﻄﺎﻥ ﺍﻟﺤﺮﺍﻣﻲ ﻳﻌﺘﺎﺯﻝ ﺍﻟﺘﺎﺷﻴﻄﺎﻧﻴﺖ ﻭﻳﺴﻴﻔﻂ ﻭﻻﺩﻭ ﻟﻠﺪﻭﺍﺭ ﻳﺪﻭﺯﻭ ﺳﻄﺎﺝ ﻋﻠﻰ ﻛﻴﺪ ﺍﻟﻨﺴﺎ ﻭﺩﻫﺎﺀ ﺭﺟﺎﻝ ﻋﺒﺪﺓ ﺍﻟﺤﺮﺍﺭ... شارك المقال : Tweet ✚ مقالات ذات صلة
تحويل كودإخفاء محول الأكواد الإبتساماتإخفاء