البدوية_والجني_العاشق (الحلقة الثانية و الثالتة) الكاتب Unknown في 7:09 ص #ﺍﻟﺒﺪﻭﻳﺔ_ﻭﺍﻟﺠﻨﻲ_ﺍﻟﻌﺎﺷﻖ (ﺍﻟﺤﻠﻘﺔ ﺍﻟﺜﺎﻧﻴﺔ ﻭﺍﻟﺜﺎﻟﺜﺔ) ﻋﻼﻗﺘﻲ ﺑﺎﻟﺠﻨﻮﻥ ﻟﺤﺪﻭﺩ 2006 ﻛﺎﻧﺖ ﻋﻼﻗﺔ ﻋﺎﺩﻳﺔ ﺟﺪﺍ ﻭﻛﺎﻧﺖ ﻋﺒﺎﺭﺓ ﻋﻦ ﻃﻨﻴﺰ ﻭﻧﻜﺖ ﻭﺿﺤﻚ ﺑﻴﻨﺎﺕ ﺍﻟﺪﺭﺍﺭﻱ ﻭﺗﺸﺒﻪ ﺑﺎﻻﺷﺒﺎﺡ ﻭﺷﻲ ﻣﺮﺍﺕ ﻛﻨﺖ ﻛﺎﻉ ﻛﺎﻧﺒﻐﻲ ﻧﺸﻠﻞ ﺁﺗﺎﻱ ﻭﻧﻜﺐ ﺍﻟﺸﻼﻟﺔ ﻓﻲ ﻻﻓﺎﺑﻮ ﻣﺎﻛﺘﺨﻠﻴﻨﻴﺶ ﺍﻟﻮﺍﻟﻴﺪﺓ ﻟﻲ ﻛﺘﺨﻠﻴﻬﺎ ﺣﺘﻰ ﺗﺒﺮﺩ ﺑﺎﺵ ﻣﺎﺗﺂﺩﻳﺶ ﺳﻜﺎﻥ ﺍﻟﻘﺮﻗﺎﺭﺓ ﻋﻠﻰ ﺣﺴﺐ ﺍﻟﻔﻜﺮ ﺩﻳﺎﻝ ﺍﻟﻮﻟﻴﺪﺓ ﻟﻲ ﻣﻦ ﻭﺣﻨﺎ ﺻﻐﺎﺭ ﻣﺎﻛﺘﺨﻠﻴﻨﺎﺵ ﻧﺪﻭﺷﻮ ﻓﻲ ﺍﻟﻠﻴﻞ ﻻﻧﻪ ﺑﺎﻟﻨﺴﺒﺔ ﻟﻴﻬﺎ ﻳﻼ ﻛﺒﻴﻨﺎ ﺍﻟﻤﺎ ﻃﺎﻳﺐ ﻓﻲ ﺍﻟﻘﺮﻗﺎﺭﺓ ﺍﻳﻄﻠﻌﻮ ﻟﻴﻨﺎ... ﻣﻦ ﺍﻟﻤﺮﺍﺕ ﺍﻟﻘﻠﻴﻠﺔ ﻟﻲ ﻛﻨﺖ ﻛﺎﻧﺪﻳﺮ ﻟﻴﻬﻢ ﺍﻋﺘﺒﺎﺭ ﻫﻴﺎ ﻓﺎﺵ ﻛﺘﺸﺪﻧﻲ ﺍﻟﺒﻮﻟﺔ ﻓﺸﻲ ﺧﻠﻰ ﻭﺗﺎﻧﻤﺸﻲ ﻧﺨﻮﻱ ﺍﻟﻨﺒﻮﻟﺔ ﻭﺭﺍ ﺷﻲ ﺣﻴﻂ ﻭﻛﺎﻧﺘﻌﻮﺩ ﺑﺎﻟﻠﻪ ﻣﻦ ﺍﻟﺨﺒﺚ ﻭﺍﻟﺨﺒﺎﺋﺖ ﻭﻛﻴﻒ ﻛﻨﺴﺎﻟﻲ ﺑﻮﻟﺘﻲ ﻛﺎﻧﻀﺮﺑﻬﺎ ﺑﺠﺮﻳﺔ ﻗﺒﻞ ﻣﺎﻳﺸﻮﻓﻮﻧﻲ ﺻﺤﺎﺏ ﺍﻟﺤﺎﻝ ﻭﺷﻲ ﻣﺮﺍﺕ ﺗﺎﻳﺠﻴﺐ ﻟﻴﺎ ﺍﻟﻠﻪ ﻓﺤﺎﻝ ﻳﻼ ﺷﻲ ﻭﺍﺣﺪ ﻓﻴﻬﻢ ﻣﻜﺴﻞ ﺗﻤﺎﻙ ﻭﻋﻔﻄﺖ ﻋﻠﻴﻪ ﺍﻭ ﺑﻠﺖ ﻋﻠﻴﻪ ﻭﻏﺎﺩﻱ ﻳﻨﻮﺽ ﻟﻴﺎ... ﻓﻲ ﺷﻬﺮ ﺩﺟﻨﺒﺮ 2006 ﺗﺒﺪﻻﺕ ﺍﻻﻣﻮﺭ ﻭﻓﻲ ﺍﻟﻮﻗﺖ ﻟﻲ ﻛﺎﻧﺴﺘﺎﻋﺪ ﻟﻼﺣﺘﻔﺎﻝ ﺑﻌﻴﺪ ﻣﻴﻼﺩ ﺩﻳﺎﻟﻲ ﺍﻟﻌﺸﺮﻳﻦ ﻛﺎﻧﺖ ﻋﻨﺪﻱ ﺭﺣﻠﺔ ﻣﻬﻤﺔ ﺍﺗﺠﺎﻩ ﻣﺪﻳﻨﺔ ﻣﺮﺍﻛﺶ ﺑﺎﺵ ﻧﺸﺎﺭﻙ ﻓﻲ ﺍﻟﻤﻬﺮﺟﺎﻥ ﺍﻟﻮﻃﻨﻲ ﻟﻠﻔﻨﻮﻥ ﺍﻟﺠﺎﻣﻌﻴﺔ، ﺍﻟﻄﺮﻳﻖ ﻛﻠﻬﺎ ﻭﺍﻧﺎ ﻫﺎﺯ ﺍﻟﻮﺭﺍﻕ ﻭﺗﻨﺮﺍﺟﻊ ﺁﺧﺮ ﻣﺮﺓ ﻓﻲ ﺍﻟﺤﻮﺍﺭ ﺍﺳﺘﻌﺪﺍﺩﺍ ﻟﺘﻘﺪﻳﻢ ﻭﺍﺣﺪ ﺍﻟﻤﺴﺮﺣﻴﺔ ﻗﺪﺍﻡ ﻣﺌﺎﺕ ﺍﻟﻤﺸﺎﻫﺪﻳﻦ... ﻛﺎﻥ ﻣﻦ ﺍﻟﻤﻔﺮﻭﺽ ﻧﺰﻟﻮ ﻓﻲ ﺃﺣﺪ ﺍﻟﻔﻨﺎﺩﻕ ﺍﻟﻤﺼﻨﻔﺔ ﻭﻟﻜﻦ ﺍﻟﺘﻮﺍﺟﺪ ﺩﻳﺎﻟﻨﺎ ﺗﻤﺎﻙ ﺗﺼﺎﺩﻑ ﻣﻊ ﺗﻮﺍﺟﺪ ﺍﻟﻤﻠﻚ ﻭﻣﻬﺮﺟﺎﻥ ﻣﺮﺍﻛﺶ ﻭﺑﺎﻟﺘﺎﻟﻲ ﻛﺎﻧﻮ ﺟﻤﻴﻊ ﺍﻟﻔﻨﺎﺩﻕ ﻣﺤﺠﻮﺯﺓ... ﻣﺎﻛﺎﻧﺶ ﺷﻲ ﺣﻞ ﻋﻨﺪ ﻭﺯﺍﺭﺓ ﺍﻟﺜﻘﺎﻓﺔ ﻣﻦ ﻏﻴﺮ ﺃﻧﻬﻢ ﻳﻄﻮﻋﻮﻧﺎ ﻓﻲ ﺃﺣﺪ ﻣﺮﺍﻛﺰ ﺍﻻﺻﻄﻴﺎﻑ ﺍﻟﺨﺎﺻﺔ ﺑﺎﻟﻤﻜﺘﺐ ﺍﻟﻮﻃﻨﻲ ﻟﻠﻜﻬﺮﺑﺎﺀ ﻟﻲ ﻛﺎﻥ ﻣﺠﻠﻮﻕ ﻓﻲ ﻭﺍﺣﺪ ﺍﻟﺨﻼ ﻣﺎﺑﻴﻦ ﻣﺮﺍﻛﺶ ﻭﻭﺭﺯﺯﺍﺕ ﺑﺎﺵ ﻧﻠﻘﺎﻭ ﻓﻴﻦ ﻧﺤﻄﻮ ﺭﻳﻮﺳﻨﺎ ﻓﻲ ﺍﻟﻠﻴﻞ. ﻓﻌﻼ ﻣﺸﻴﻨﺎ ﻟﺴﻮﻧﻄﺮ ﻭﻛﺎﻥ ﻣﻜﺎﻥ ﺃﻗﻞ ﻣﺎﻳﻤﻜﻦ ﺍﻧﻨﻲ ﻧﻘﻮﻝ ﻋﻠﻴﻪ ﻣﺮﻛﺰ ﻟﻼﺷﺒﺎﺡ..... ﻛﺎﻥ ﺍﻟﻈﻼﻡ ﺩﺍﺍﺍﻣﺲ ﻭﺍﻟﻤﻜﺎﻥ ﻣﻮﺣﺶ ﺷﺠﺮ ﻛﺒﻴﻴﻴﻴﺮ ﺿﺎﻳﺮ ﺑﻮﺍﺣﺪ ﺍﻟﺒﻨﺎﻳﺔ ﻣﻦ ﺛﻼﺙ ﻃﻮﺍﺑﻖ ﺟﺎﺕ ﺍﻟﻮﺳﻂ ﻭﻓﻲ ﺃﻣﺎﻛﻦ ﻣﺘﻔﺮﻗﺔ ﻣﻦ ﺍﻟﻤﺮﻛﺰ ﻛﺎﻳﻦ ﺷﻲ ﻋﺸﺮﺓ ﺩﻳﺎﻝ ﻟﻲ ﺑﻮﻧﻜﺎﻟﻮ ﺍﻟﻤﺨﺼﺼﺔ ﻟﻠﺘﺨﻴﻴﻢ، ﺑﻤﺠﺮﺩ ﻣﺎﻛﺘﻮﺻﻞ ﺗﻤﺎﻙ ﺍﻭﻝ ﺍﺣﺴﺎﺱ ﻛﺎﻳﺠﻴﻚ ﻫﻮﺍ ﺍﻟﺮﻋﺐ.... ﺍﻟﻤﻜﺎﻥ ﻛﺎﻥ ﺧﺎﻭﻱ ﻣﻦ ﺍﻟﻤﻘﻴﻤﻴﻦ ﻣﻦ ﻏﻴﺮ ﺍﻟﻌﺴﺎﺱ ﻭﻛﻼﺑﻮ ﻏﻴﺮ ﺍﻟﻌﺴﺎﺱ ﻳﻼ ﺷﻔﺘﻴﻪ ﺍﻟﻠﻪ ﻳﺴﺘﺮ ﺗﺒﻘﻰ ﺑﻠﻰ ﻧﻌﺎﺱ، ﺑﺴﻢ ﺍﻟﻠﻪ ﺍﻟﺮﺣﻤﺎﻥ ﺍﻟﺮﺣﻴﻢ ﻣﻊ ﻛﺎﺗﺪﺧﻞ ﻛﺎﻳﺠﻴﺐ ﻟﻴﻚ ﺍﻟﻠﻪ ﻓﺤﺎﻝ ﻳﻼ ﺷﻲ ﻭﺍﺣﺪ ﺍﻭ ﺷﻲ ﻭﺣﺪﻳﻦ ﺣﺎﺿﻴﻨﻚ، ﻫﺪﻭﺀ ﺭﻫﻴﻴﻴﺐ ﻛﺴﺮﻭ ﻏﻴﺮ ﺍﻟﺼﺪﺍﻉ ﺩﻳﺎﻝ ﺍﻋﻀﺎﺀ ﺍﻟﻔﺮﻗﺔ ﻭﺍﻻﺳﺎﺗﺪﺓ ﺍﻟﻤﺮﺍﻓﻘﻴﻦ ﻭﺍﻟﺘﻘﻨﻴﻴﻦ ﻭﺍﻟﻤﻮﺳﻴﻘﻴﻴﻦ، ﻣﻦ ﺳﻮﺀ ﺣﻀﻲ ﺃﻧﻨﻲ ﻛﻨﺖ ﺇﻧﺴﺎﻥ ﺍﻧﻄﻮﺍﺋﻲ ﻫﺎﺩﻳﻚ ﺍﻟﻮﻗﺖ ﻭﻣﺎﻛﻨﺪﻭﻱ ﻣﻊ ﺣﺪ ﻭﻛﺎﻥ ﻻﺯﻡ ﻋﻠﻴﻨﺎ ﻧﻜﻮﻧﻮ ﻣﺠﻤﻮﻋﺎﺕ ﻣﻦ ﺛﻼﺙ ﺫﻛﻮﺭ ﻟﻜﻞ ﻏﺮﻗﺔ ﻓﻲ ﺍﻟﺒﻨﺎﻳﺔ ﻭﺧﻤﺲ ﺇﻧﺎﺙ ﻟﻜﻞ ﺑﻮﻧﻜﺎﻟﻮ ﻓﻌﻼ ﺗﻜﻮﻧﻮ ﺍﻟﻤﺠﻤﻮﻋﺎﺕ ﻭﻛﻞ ﻭﺣﺪﺓ ﺧﺪﺍﺕ ﺳﺎﺭﻭﺕ ﺍﻟﺪﺭﺍﺭﻱ ﻓﻲ ﺍﻟﻐﺮﻑ ﻭﺍﻟﺒﻨﺎﺕ ﻓﻲ ﺍﻟﺒﻮﻧﻜﺎﻟﻮﺍﺕ... ﺑﻘﻴﺖ ﺑﻮﺣﺪﻱ ﻭﺩﺍﻙ ﺷﻲ ﻟﻲ ﻛﻨﺖ ﺑﺎﻏﻲ ﻓﻌﻼ ﻣﺎﺑﻐﻴﺖ ﺣﺘﻰ ﺷﻲ ﻗﻨﺪﻭﺡ ﻳﺼﺪﻋﻨﻲ ﻣﻦ ﺍﻻﻓﻀﻞ ﻧﺪﺧﻞ ﻧﻨﻌﺲ ﻭﻧﺮﺗﺎﺡ ﻻﻧﻨﻲ ﻛﺎﻥ ﻋﻨﺪﻱ ﺩﻭﺭ ﺍﻟﺒﻄﻮﻟﺔ ﻭﻣﺎﺧﺼﻨﻴﺶ ﻳﻨﺴﺎ ﻋﻠﻴﺎ ﺍﻟﺤﻮﺍﺭ... ﻛﻨﺖ ﺁﺧﺮﺍﻟﻤﻠﺘﺤﻘﻴﻦ ﺑﺎﻟﺒﻨﺎﻳﺔ.... ﺍﻟﻈﻼﺍﺍﺍﺍﺍﻡ!!! ﺭﺟﻠﻴﻚ ﻣﺎﻳﺒﺎﻧﻮﺵ ﻟﻴﻚ ﺣﺘﻰ ﻭﺍﻧﺎ ﻃﺎﻟﻊ ﻣﻊ ﺍﻟﺪﺭﻭﺝ ﻣﺎﻛﺎﻧﺶ ﺍﻟﻀﻮ ﻓﻲ ﺍﻟﻜﻮﻟﻮﺍﺭﺍﺕ ﺷﺪﻳﺖ ﺻﺎﻛﻲ ﻓﻲ ﻳﺪ ﻭﺍﻟﻨﻮﻛﻴﺎ ﺑﻴﻞ ﻓﻲ ﺍﻟﻴﺪ ﺍﻻﺧﺮﻯ ﻣﻊ ﻏﺎﻧﻮﺻﻞ ﻟﻠﻄﺎﺑﻖ ﺍﻟﺜﺎﻟﺚ ﺟﺎﺕ ﻋﻴﻨﻲ ﻓﻮﺍﺣﺪ ﺟﻮﺝ ﻧﻘﻄﺎﺕ ﻛﺎﻳﺒﺮﻳﻮ ﺑﺎﻟﻀﻮ ﺣﺘﻰ ﻗﻔﺰﺕ ﻣﻦ ﺑﻼﺻﺘﻲ، ﺑﻨﺖ ﺩﻳﻠﻜﻠﺐ ﻭﺍﺣﺪ ﺍﻟﻘﻄﺔ ﺧﺮﺟﺎﺗﻬﺎ ﻣﻨﻲ ﺧﻠﻌﺔ ﺣﺘﻰ ﺣﺴﻴﺖ ﺑﻮﺍﺣﺪ ﺍﻟﻘﻄﺮﺓ ﺩﻳﺎﻝ ﺑﻴﺒﻲ ﻧﺰﻻﺕ ﻟﻴﺎ... ﺍﻟﻤﺸﺔ ﺩﺍﺭﺕ ﺩﻭﻣﻲ ﺗﻮﺭ ﻭﺭﺟﻌﺎﺕ ﻣﻨﻴﻦ ﺟﺎﺕ ﻭﻣﺎﺣﺎﻭﻟﺘﺶ ﺣﺘﻰ ﻧﻔﻜﺮ ﻓﻴﻦ ﻣﺸﺎﺕ ﻻﻧﻪ ﻛﺎﻧﻮ ﺟﻮﺝ ﺑﻴﺒﺎﻥ ﻓﻲ ﺍﻟﻄﺎﺑﻖ ﺍﻟﺜﺎﻟﺚ ﻭﺍﺣﺪ ﺩﻳﺎﻝ ﺍﻟﻐﺮﻓﺔ ﺩﻳﺎﻟﻲ ﻭﻻﺧﺮ ﺩﻳﺎﻝ ﺑﺎﺏ ﺍﻟﺴﻄﺢ ﻟﻲ ﻣﻦ ﺍﻟﺤﺪﻳﺪ ﻭﻛﺎﻥ ﻣﺴﺪﻭﺩ ﻭﻓﻴﻪ ﻗﻔﻞ... ﻣﺎﺣﺎﻭﻟﺘﺶ ﻧﻔﻜﺮ ﺑﺰﺍﻑ ﻓﺪﻳﻚ ﺍﻟﻘﻄﺔ ﻭﻣﺎﺑﻐﻴﺘﺶ ﻧﺒﻘﺎ ﻧﻔﻜﺮ ﻓﺄﻧﻬﺎ ﺍﺧﺘﻔﺎﺕ، ﻓﻴﻦ؟ ﺍﻟﻠﻪ ﺃﻋﻠﻢ... ﺩﺧﻠﺖ ﻟﻠﺒﻴﺖ ﻛﺎﻥ ﺑﺎﺍﺍﺍﺍﺍﺍﺭﺩ ﻓﺤﺎﻝ ﺷﻲ ﺛﻼﺟﺔ ﻭﺍﻟﺨﺎﻭﻣﻲ ﻛﺎﻳﻄﻴﺮ ﻓﻴﻬﻢ ﺍﻟﺮﻳﺢ ﻛﺎﺗﺴﻤﻊ ﻏﻴﺮ ﺍﻟﻨﺒﻴﺢ ﺩﻳﺎﻝ ﺍﻟﻜﻼﺏ ﺳﺪﻳﺖ ﺍﻟﺸﺮﺟﻢ ﻭﺧﻠﻴﺖ ﺍﻟﺮﻳﺪﻭ ﻣﺤﻠﻮﻝ ﻣﺎﻛﺎﻥ ﻛﺎﻳﺒﺎﻥ ﻭﺍﺍﺍﺍﻟﻮ!!! ﺧﺪﻣﺖ ﺍﻟﺸﻮﻓﺎﺝ ﺑﺪﻟﺖ ﺣﻮﻳﺠﻲ ﻭﺷﻌﻠﺖ ﺍﻟﺘﻠﻔﺎﺯﺓ ﻟﻲ ﻛﺎﻧﺖ ﻓﻴﻬﺎ ﻏﻴﺮ ﺩﻭﺯﺍﻡ ﻭﻣﻊ ﺍﻟﺴﻴﻨﻴﺎﻝ ﻋﻴﺎﻥ ﺍﻟﻮﺟﻮﻩ ﻓﻲ ﺍﻟﺘﻠﻔﺎﺯﺓ ﻛﺎﻳﺒﺎﻧﻮ ﻣﻀﻮﺑﻠﻴﻦ ﻋﺎﺩ ﻣﺎﺯﺍﺩﻭ ﺧﻠﻌﻮﻧﻲ... ﻃﻔﻴﺖ ﺩﻳﻠﻤﻬﺎ ﻛﺎﻉ ﻭﺗﻬﻨﻴﺖ ﻭﻣﻊ ﺍﻟﺮﻋﺐ ﻟﻲ ﻓﻲ ﺍﻟﻤﻜﺎﻥ ﻣﺎﻗﺪﺭﺗﺶ ﻧﻤﺸﻲ ﻟﻠﻄﻮﺍﻟﻴﻂ ﺳﻤﺤﺖ ﻛﺎﻉ ﻓﻲ ﺍﻟﺨﺮﻳﺔ ﻭﺣﻜﺎﻥ ﺍﻟﺴﻨﺎﻥ ﺗﺎﻳﻄﻠﻊ ﺍﻟﻨﻬﺎﺭ، ﺍﻟﺒﻴﺖ ﺳﺨﻦ ﻣﺰﻳﺎﻥ ﻃﻔﻴﺖ ﺍﻟﺸﻮﻓﺎﺝ ﻭﺍﻟﺮﻳﺪﻭ ﺑﺎﺵ ﻣﺎﻳﺪﺧﻠﺶ ﻋﻠﻴﺎ ﺍﻟﺸﻌﺎ ﻓﻲ ﺍﻟﺼﺒﺎﺡ ﻣﺸﻴﺖ ﻧﻨﺰﻝ ﺍﻟﺮﻳﺪﻭ ﻣﺎﺗﺒﺎﻥ ﻟﻴﺎ ﻏﻴﺮ ﻧﻔﺲ ﺍﻟﻘﻄﺔ ﻛﺎﻟﺴﺔ ﻓﻲ ﺍﻟﺸﺮﺟﻢ ﺷﻔﺘﻬﺎ ﻭﻗﻒ ﻟﻴﺎ ﺍﻟﺰﻏﺐ ﺩﻳﺎﻝ ﺭﺟﻠﻲ ﻛﺎﻧﻮ ﻋﻴﻨﻴﻬﺎ ﻛﺎﻳﺒﺮﻗﻮ ﻭﻛﺎﺗﺸﻮﻑ ﻓﻴﺎ ﻏﻤﻀﺖ ﻋﻴﻨﻲ ﻭﻃﻴﺤﺖ ﺍﻟﺮﻳﺪﻭ ﻃﻔﻴﺖ ﺍﻟﻀﻮ ﻭﻣﺸﻴﺖ ﺗﺎﻧﺠﺮﻱ ﻟﻔﺮﺍﺷﻲ... ﻣﺮﺓ ﺧﺮﻯ ﻣﺎﺣﺎﻭﻟﺘﺶ ﻧﺨﻠﻲ ﺭﺍﺳﻲ ﻳﻔﺴﺮ ﻛﻴﻔﺎﺵ ﻣﺸﺔ ﻭﺍﻗﻔﺔ ﻓﻲ ﺍﻟﺸﺮﺟﻢ ﺩﻳﺎﻝ ﻏﺮﻓﺔ ﻓﻲ ﺍﻟﻄﺎﺑﻖ ﺍﻟﺜﺎﻟﺚ ﻭﺑﺪﻳﺖ ﺗﺎﻧﻘﻨﻊ ﺭﺍﺳﻲ ﺑﺸﻲ ﺣﻮﺍﻳﺞ ﻣﻦ ﻗﺒﻴﻞ ﺍﻧﻨﻲ ﻣﺎﺷﻔﺘﺶ ﺍﻟﺒﻨﺎﻳﺔ ﻛﻴﻒ ﺩﻳﺎﺭﺓ ﻣﻊ ﺍﻟﻠﻴﻞ ﻭﻳﻤﻜﻦ ﻛﺎﻳﻦ ﺷﻲ ﻃﺮﻳﻖ ﺩﺍﺯﺕ ﻣﻨﻬﺎ ﺍﻟﻘﻄﺔ ﺍﻭ ﺭﺑﻤﺎ ﻃﻠﻌﺎﺕ ﻣﻊ ﺍﻟﺸﺠﺮﺓ ﻭﻧﻘﺰﺍﺕ... ﻛﻴﻒ ﻏﻤﻀﺖ ﻋﻴﻨﻲ ﺑﺪﺍﺕ ﺍﻟﺤﻔﻠﺔ ﻣﻊ ﺍﻧﻨﻲ ﻛﻨﺖ ﻋﻠﻰ ﻳﻘﻴﻦ ﻣﻴﺔ ﻓﻲ ﺍﻟﻤﻴﺔ ﺍﻧﻨﻲ ﻓﻲ ﺍﻟﻄﺎﺑﻖ ﺍﻟﺜﺎﻟﺚ ﻭﻓﻮﻗﻲ ﻛﺎﻳﻦ ﻏﻴﺮ ﺍﻟﺴﻄﺢ ﻭﺍﻟﺴﻤﺎ ﻭﺍﻥ ﺍﻟﺒﻨﺎﻳﺔ ﻓﻴﻬﺎ ﻏﻴﺮ ﺍﻟﺪﺭﺍﺭﻱ ﻭﺍﻥ ﺑﺎﺏ ﺍﻟﺴﻄﺢ ﻣﺴﺪﻭﺩ ﺑﻘﻔﻞ ﺍﻻ ﺍﻧﻨﻲ ﻛﻨﺖ ﻛﻨﺴﻤﻊ ﺻﻮﺕ ﺩﻳﺎﻝ ﻃﺎﻟﻮﻥ ﺟﺎﻱ ﻣﻦ ﺳﻘﻒ ﺩﻳﺎﻝ ﺍﻟﺒﻴﺖ... ﺷﺪﺍﺗﻨﻲ ﺍﻟﻘﻔﻘﺎﻓﺔ ﻭﺑﺪﻳﺖ ﺗﺎﻧﻘﺮﺍ ﻓﻲ ﺍﻟﻘﺮﺁﻥ ﻏﻴﺮ ﺗﻨﻘﺮﺍ ﺍﻟﻘﺮﺁﻥ ﺗﺎﻳﺤﺒﺲ ﺍﻟﺼﻮﺕ ﺗﺎﻧﺤﺒﺲ ﺍﻟﻘﺮﺁﻥ ﺗﺎﻳﺮﺟﻊ ﺍﻟﺼﻮﺕ ﺩﻳﺎﻝ ﺍﻟﻄﺎﻟﻮﻥ ﻟﻤﺪﺓ ﺳﺎﻋﺔ ﺩﻳﺎﻝ ﺍﻟﻤﻜﺎﻧﺔ ﻭﺣﻨﺎ ﺩﺍﻳﺮﻳﻦ ﻛﻴﻒ ﺍﻟﻤﺶ ﻭﺍﻟﻔﺎﺭ ﻭﺍﺣﺪ ﺍﻟﺸﻮﻱ ﻛﺎﻧﺴﻤﻊ ﺻﻮﺕ ﺁﺧﺮ ﺟﺎﻱ ﻣﻦ ﺍﻟﺴﻄﺎﺡ ﺣﺘﻰ ﻫﻮﺍ ﻓﻴﻤﺎ ﻳﺸﺒﻪ ﺷﻲ ﺣﺎﺟﺔ ﻛﺎﺗﺠﺮ ﻓﺤﺎﻝ ﺻﻮﺕ ﺍﻟﺮﻭﺍﻳﺾ ﺩﻳﺎﻝ ﺷﻲ ﻓﺎﻟﻴﺰﺓ ﻧﻔﺲ ﺍﻟﺴﻴﻨﺎﺭﻳﻮ ﺗﺎﻧﻘﺮﺍ ﺍﻟﻘﺮﺁﻥ ﺗﺎﻳﺤﺒﺲ ﺻﻮﺕ ﺍﻟﺠﺮﺍﻥ ﺗﺎﻧﺴﻜﺖ ﺗﺎﻳﺮﺟﻊ ﺍﻟﺼﻮﺕ، ﺟﺎﺗﻨﻲ ﺍﻟﺒﻜﻴﺔ ﻭﺭﺟﻠﻲ ﺟﻤﺪﺯ ﻟﻴﺎ ﺑﺎﻟﺨﻠﻌﺔ ﺗﺨﺸﻴﺖ ﺗﺤﺖ ﻣﻦ ﺍﻟﻤﺎﻧﻄﺎ ﻭﺷﻌﻠﺖ ﺍﻟﻀﻮ ﺩﻳﺎﻝ ﺍﻟﺘﻠﻔﻮﻥ ﻭﺑﻘﻴﺖ ﺗﻨﻘﻮﻝ ﺑﺴﻢ ﺍﻟﻠﻪ ﺍﻟﺮﺣﻤﺎﻥ ﺍﻟﺮﺣﻴﻢ ﺣﺘﺎ ﺩﺍﻧﻲ ﺍﻟﻨﻌﺎﺱ ﻭﻓﻲ ﻋﺰ ﺍﻟﻨﻌﺎﺱ ﻛﺎﻧﺴﻤﻊ ﺷﻲ ﺻﻮﺕ ﺭﺟﻮﻟﻲ ﺣﺮﺵ ﺗﺎﻳﻬﻤﺲ ﻟﻴﺎ ﻓﻮﺫﻧﻲ "ﻋﺒﺪ ﺭﺣﻴﻴﻴﻴﻴﻴﻴﻢ!!!" ﻗﻔﺰﺕ ﺑﺎﻟﺨﻠﻌﺔ ﻟﺤﺖ ﺍﻟﻤﺎﻧﻄﺎ ﻟﻘﻴﺖ ﺍﻟﻀﻮ ﺷﺎﻋﻞ ﻟﺮﺍﺳﻮ ﻏﻮﺕ ﻭﺍﺣﺪ ﺍﻟﻐﻮﺗﺔ ﻣﺎﺳﻤﻌﻨﻲ ﺣﺪ، ﺣﺎﻭﻟﺖ ﻧﻮﻫﻢ ﺭﺍﺳﻲ ﺍﻧﻨﻲ ﺭﺑﻤﺎ ﻛﻨﺖ ﻏﻴﺮ ﻛﺎﻧﺤﻠﻢ ﻭﺭﺑﻤﺎ ﺩﺍﻧﻲ ﺍﻟﻨﻌﺎﺱ ﻭﺧﻠﻴﺖ ﺍﻟﻀﻮ ﺷﺎﻋﻞ ﺑﺎﻟﻌﻴﺎ ﻭﺍﻥ ﻫﺎﺩﺷﻲ ﻛﻠﺸﻲ ﻛﺎﻥ ﺣﻠﻤﺔ ﺑﻘﻴﺖ ﻓﺎﻳﻖ ﻭﺧﺎﺷﻲ ﺭﺍﺳﻲ ﺗﺤﺖ ﺍﻟﻤﺎﻧﻄﺔ ﻭﻛﻨﻘﺮﺍ ﺍﻟﻘﺮﺁﻥ ﺣﺘﻰ ﺳﻤﻌﺖ ﺁﺫﺍﻥ ﺍﻟﻔﺠﺮ ﺗﻤﺎ ﺟﺎ ﻭﺍﺣﺪ ﺍﻟﻬﺪﻭﺀ ﻗﺎﺍﺍﺍﺗﻞ ﺍﻟﻜﻼﺏ ﻟﻲ ﻣﺎﺳﻜﺘﻮﺵ ﻣﻦ ﺍﻟﻨﺒﺎﺡ ﺣﺒﺴﻮ ﻭﺑﺪﺍ ﺍﻟﺸﻌﺎ ﻛﺎﻳﺪﺧﻞ ﻣﻦ ﺍﻟﺸﻘﻮﻕ ﺩﻳﺎﻝ ﺍﻟﺮﻳﺪﻭ ﺗﻤﺎﻙ ﻧﻌﺴﺖ ﻣﺎﻓﻘﺖ ﺣﺘﺎﻝ ﺍﻟﻨﻬﺎﺭ ﺍﻟﺜﺎﻧﻲ ﻣﻊ ﺍﻟﻌﺸﺮﺓ ﺩﻭﺷﺖ ﻟﺒﺴﺖ ﺣﻮﻳﺠﻲ ﻭﺧﺮﺟﺖ ﻟﻘﻴﺖ ﻛﻠﺸﻲ ﻛﺎﻳﺘﺴﻨﺎ ﻓﻴﺎ ﺭﻛﺒﺖ ﻓﻲ ﺍﻟﺤﺎﻓﻠﺔ ﺍﺗﺠﺎﻩ ﻻﻓﺎﻙ ﺩﻳﺎﻝ ﺍﻟﺴﻤﻼﻟﻴﺔ ﻓﻴﻦ ﻏﺎﻧﺪﻳﺮﻭ ﺁﺧﺮ ﺍﻟﺘﺤﻀﻴﺮﺍﺕ ﻗﺒﻞ ﺍﻟﻌﺮﺽ ﺳﻮﻟﺖ ﺍﻟﺪﺭﺍﺭﻱ ﻭﺍﺵ ﻣﻌﺎﻧﺎ ﺷﻲ ﺑﻨﺎﺕ ﻓﻲ ﺍﻟﻌﻤﺎﺭﺓ ﺍﻭ ﻛﺎﻧﻮ ﻛﺎﻳﺴﻤﻌﻮ ﺷﻲ ﺍﺻﻮﺍﺕ ﻛﺎﻥ ﺍﻻﻳﺠﺎﺏ ﺑﺎﻟﻨﻔﻲ ﻫﻮﻣﺎ ﺍﺻﻼ ﺑﻘﺎﻭ ﻛﺎﻳﻀﺮﺑﻮ ﺍﻟﻄﺎﺳﺔ ﺗﺎﻝ ﺍﻟﺼﺒﺎﺡ ﻭﻃﺎﻟﻘﻴﻦ ﺍﻟﻤﻮﺳﻴﻘﻰ ﻣﺎﺷﺎﻓﻮ ﻭﺍﻟﻮ ﻣﺎﺳﻤﻌﻮ ﻭﺍﻟﻮ... ﺩﺍﺯ ﺍﻟﻌﺮﺽ ﻭﺭﺟﻌﻨﺎ ﺍﻟﻠﻴﻠﺔ ﺍﻟﺜﺎﻧﻴﺔ ﻟﻠﺴﻮﻧﻄﺮ ﻣﻊ ﻧﺺ ﺍﻟﻠﻴﻞ ﻛﻴﻒ ﺩﺧﻠﺖ ﻟﺒﻴﺘﻲ ﻟﻘﻴﺘﻮ ﻣﺠﻤﻮﻉ ﻭﻣﻘﺎﺩ ﺩﺍﺯﺕ ﺍﻟﻤﺮﺍ ﻟﻲ ﻛﺎﺗﺠﻤﻊ ﺍﻟﺒﻴﻮﺕ ﻭﻗﺎﺩﺍﺕ ﻛﻠﺸﻲ ﺍﻟﺸﺮﺟﻢ ﻣﺴﺪﻭﺩ ﻭﺍﻟﺒﺎﺏ ﻣﺴﻮﺭﺕ ﻭﻟﻜﻦ ﺍﻟﻘﻄﺔ ﺍﺷﻨﻮ ﺗﺎﺩﻳﺮ ﻓﺒﻴﺘﻲ... ﺭﺟﻌﺖ ﺧﻄﻮﺓ ﻟﻮﺭ ﻭﻫﺒﻄﺖ ﻛﻨﺠﺮﻱ ﻋﻨﺪ ﺍﻟﺪﺭﺍﺭﻱ ﻗﻠﺖ ﻟﻴﻬﻢ ﻣﺴﺘﺤﻴﻞ ﻧﺒﺎﺕ ﺑﻮﺣﺪﻱ ﻭﻋﺎﻭﺩﺕ ﻟﻴﻬﻢ ﺍﺷﻨﻮ ﺷﻔﺖ ﺍﻟﺒﺎﺭﺡ ﻭﻗﻠﺖ ﻟﻴﻬﻢ ﺭﺍﻩ ﻧﻔﺲ ﺍﻟﻘﻄﺔ ﻟﻘﻴﺘﻬﺎ ﻓﺎﻟﺒﻴﺖ ﻣﺎﺗﻮ ﻋﻠﻴﺎ ﺑﺎﻟﻀﺤﻚ ﻭﻃﻠﻌﻨﺎ ﻟﺒﻴﺘﻲ ﻛﺎﻧﺖ ﺍﻟﻤﺸﺔ ﻣﺸﺎﺕ، ﺗﺎﻭﺍﺣﺪ ﻓﻴﻬﻢ ﻭﻻﺩ ﺍﻟﻜﻼﺏ ﻣﺎﺑﻐﺎ ﻳﺘﻴﻘﻨﻲ ﻛﺎﻧﻮ ﺛﻼﺛﺔ ﺍﻟﻮﻻﺩ ﻋﺼﺎﻡ ﻣﻬﺪﻱ ﻭﻋﺜﻤﺎﻥ ﺿﺤﻜﻮ ﻋﻠﻴﺎ ﺣﺘﻰ ﺷﺒﻌﻮ ﻭﻋﺎﻭﻧﻮﻧﻲ ﺑﺎﺵ ﻧﺰﻟﻨﺎ ﻟﺤﺎﻓﺘﻲ ﻟﻠﻄﺎﺑﻖ ﺍﻻﻭﻝ ﺑﺎﺵ ﻧﺒﺎﺕ ﻣﻌﺎﻫﻢ ﺟﻤﻌﻨﺎ ﺷﻮﻱ ﻭﻛﻞ ﻭﺍﺣﺪ ﻓﻴﻬﻢ ﺗﺨﺸﻰ ﻓﺒﻼﺻﺘﻮ ﻭﺣﻴﺖ ﻣﺎﻛﻴﻨﺶ ﺍﻟﺘﻴﺴﺎﻉ ﺑﺰﺍﻑ ﺣﻄﻴﻨﺎ ﻟﺤﺎﻓﺘﻲ ﻓﻲ ﺍﻟﻜﻮﻟﻮﺍﺭ ﻗﺮﻳﺐ ﻟﻠﻄﻮﺍﻟﻴﻂ ﻭﻟﺒﺎﺏ ﺍﻟﻐﺮﻓﺔ... ﻧﺎﺽ ﺩﺍﻙ ﺍﻟﺤﻤﺎﺭ ﺩﻳﺎﻝ ﻋﺼﺎﻡ ﺍﺷﻜﻴﻦ ﻣﺎﻛﻴﻦ ﻗﺎﻟﻴﻚ ﺍﺳﻴﺪﻱ ﺑﻐﺎ ﻳﺪﻭﺵ ﻃﻠﻖ ﺍﻟﻤﺎ ﻃﺎﻳﺐ ﻭﺍﺣﺪ ﻋﺸﺮﺓ ﺍﻟﺪﻗﺎﻳﻖ ﺑﺎﺵ ﻳﺴﺨﻦ ﺍﻟﺪﻭﺵ ﺩﺧﻞ ﺩﻭﺵ ﻭﺭﺟﻊ ﻧﻌﺲ.... ﻳﺎﺍﺍﺍﺭﺑﻲ ﺁﺵ ﻫﺎﺩﺷﻲ!!!! ﻫﻮﻣﺎ ﻃﺎﺣﻮ ﻧﻌﺴﻮ ﻓﺤﺎﻝ ﺍﻟﻤﻮﺗﺎ ﻭﺍﻧﺎ ﺭﺍﺩ ﺍﻟﺒﺎﻝ ﻏﻴﺮ ﻻﺗﺒﺎﻥ ﺩﻳﻚ ﺍﻟﻤﺸﺔ ﺗﺎﻧﻲ ﻭﻛﻨﺘﺨﻠﻊ ﻏﻴﺮ ﺑﻮﺣﺪﻱ ﻓﺠﺄﺓ ﻛﺎﻧﺴﻤﻊ ﺍﻟﺴﺎﺭﻭﺕ ﺩﻳﺎﻝ ﺍﻟﺒﺎﺏ ﻛﺎﻳﻀﻮﺭ ﺑﻮﺣﺪﻭ ﺑﺎﻟﺮﻏﻢ ﻣﻦ ﺍﻥ ﺍﻟﺴﺎﺭﻭﺕ ﻛﺎﻥ ﻻﺻﻖ ﻟﺪﺍﺧﻞ ﺗﺤﻞ ﺍﻟﺒﺎﺏ ﻭﺗﻌﺎﻭﺩ ﺗﺴﺪ ﻭﺿﺎﺭ ﺍﻟﺴﺎﺭﻭﺕ ﺛﺎﻧﻲ ﻓﺤﺎﻝ ﻳﻼ ﺩﺧﻞ ﺷﻲ ﻭﺍﺣﺪ ﻗﻠﺒﻲ ﻛﺎﻥ ﻏﺎﺩﻱ ﻳﺴﻜﺖ ﻟﻴﺎ ﻭﺍﻧﺎ ﻧﻘﻮﻝ "ﺷﻜﻮﻭﻭﻭﻥ!!!" ﻭﻳﺎﺭﻳﺘﻨﻲ ﻣﺎﻗﻠﺘﻬﺎ... ﻣﺎﺯﺍﻝ ﻣﺎﻛﻤﻠﺘﻬﺎ ﻛﻨﺴﻤﻊ ﺍﻟﻤﺎ ﻃﻠﻖ ﻓﻼﺷﺎﺱ ﺩﻳﺎﻝ ﺍﻟﻄﻮﺍﻟﻴﻂ ﻏﻴﺮ ﺑﻮﺣﺪﻭ ﺷﻮﻱ ﺗﺤﻞ ﺍﻟﺮﻭﺑﻴﻨﻲ ﺩﻳﺎﻝ ﺍﻟﺪﻭﺵ ﻭ ﺍﻟﺮﻭﺑﻴﻨﻲ ﺩﻳﺎﻝ ﻻﻓﺎﺑﻮ ﻭﺍﻟﻀﻮ ﻛﺎﻳﺸﻌﻞ ﻭﻛﺎﻳﻄﻔﺎ ﺑﻮﺣﺪﻭ ﻓﻲ ﺍﻟﺤﻤﺎﻡ ﻏﻮﺗﺖ ﻭﺍﺣﺪ ﺍﻟﻐﻮﺗﺔ ﺣﺘﻰ ﻗﻔﺰﻭ ﺍﻟﺪﺭﺍﺭﻱ ﻣﻦ ﺑﻼﺻﺘﻬﻢ ﻭﺗﻤﺎ ﺷﻔﺖ ﺩﺍﻛﺸﻲ ﻟﻲ ﻋﻤﺮﻧﻲ ﺷﻔﺘﻮ ﻓﻲ ﺣﻴﺎﺗﻲ ﻭﺭﺑﻲ ﺷﺎﻫﺪ ﻋﻠﻴﺎ ﺍﻟﺤﻮﺍﻳﺞ ﻛﺎﻳﻄﻴﺮﻭ ﻓﻲ ﺍﻟﺴﻤﺎ ﺍﻟﺘﻠﻔﺎﺯﺓ ﻛﺎﺗﺸﻌﻞ ﻭﻛﺎﻃﻔﺎ ﺍﻟﻀﻮ ﻛﺎﻳﺘﺸﻌﻞ ﻭﻛﺎﻳﻄﻔﺎ ﺍﻟﺮﻳﺪﻭ ﺩﻳﺎﻝ ﺍﻟﺸﺮﺟﻢ ﻛﺎﻳﺘﺮﺩﺥ ﺑﻮﺣﺪﻭ ﻭﺍﻟﺸﺮﺟﻢ ﻛﺎﻳﺘﺴﺪ ﻭﻛﺎﻳﺘﺤﻞ ﻭﺻﻮﺕ ﺍﻟﻐﻮﺍﺕ ﺩﻳﺎﻟﻲ ﺍﻧﺎ ﻭﺍﻟﺪﺭﺍﺭﻱ ﻟﻲ ﺗﺠﻤﻌﻨﺎ ﻓﻲ ﺍﻟﻘﻨﻂ ﺩﻳﺎﻝ ﺍﻟﺒﻴﺖ ﻭﻛﺎﻧﻐﻮﺗﻮ ﺭﺑﻲ ﻟﻲ ﺧﻠﻘﻨﺎ ﺗﺨﻠﻂ ﻣﻊ ﺍﺻﻮﺍﺕ ﺍﻟﺠﻨﻮﻥ ﻟﻲ ﻛﺎﻥ ﺻﻮﺗﻬﻢ ﺑﻮﺍﺣﺪ ﺍﻟﻠﻐﺔ ﻣﺎﻋﺮﻓﺘﺶ ﺷﻨﻮ ﻫﻴﺎ ﻓﺤﺎﻝ ﻳﻼ ﺷﻲ ﻋﺸﺮﻳﻦ ﻭﺍﺣﺪ ﻛﺎﻳﺪﻭﻱ ﺑﺎﻟﺸﻴﻨﻮﻳﺔ ﻭﻛﺎﻳﻐﻮﺗﻮ ﻟﻴﻨﺎ ﻓﻮﺩﻧﻴﻨﺎ... ﺍﻟﺒﻴﺖ ﻛﻠﻮ ﺗﺮﻭﻥ ﻭﺗﻘﻠﺐ ﺳﻔﺎﻩ ﻋﻠﻰ ﻋﻼﻩ ﻛﺎﻧﺖ ﺍﻃﻮﻝ ﺧﻤﺴﺔ ﺍﻟﺪﻗﺎﻳﻖ ﻓﻲ ﺣﻴﺎﺗﻲ ﻧﺎﺽ ﻋﺼﺎﺍﺍﻡ ﺗﺎﻳﺠﺮﻱ ﺟﻴﻬﺖ ﺍﻟﺒﺎﺏ ﺣﻞ ﺍﻟﺒﺎﺏ ﻭﻋﻠﻖ ﺑﺎﻥ ﻟﻴﻨﺎ ﺍﻟﺒﺎﺏ ﺗﺤﻞ ﺧﺮﺟﻨﺎ ﻛﺎﻧﺠﺮﻳﻮ ﻭﻛﺎﻧﻐﻮﺗﻮ ﻭﺳﻂ ﺍﻟﺴﻮﻧﻄﺮ "ﺍﻟﺠﻨﻮﻭﻭﻥ ﺍﻟﺠﻨﻮﻭﻭﻥ ﺍﻟﺠﻨﻮﻭﻭﻭﻥ ﻋﺘﻘﻮ ﺍﻟﺮﻭﻭﻭﻭﺡ!!!!" ﺑﻘﻴﻨﺎ ﺗﺎﻧﺠﺮﻳﻮ ﺣﺘﺎ ﻭﺻﻠﻨﺎ ﺣﺪﺍ ﻭﺍﺣﺪ ﺍﻟﺒﻮﻧﻜﺎﻟﻮ ﺩﻗﻴﻨﺎ ﻋﻠﻰ ﺍﻟﺒﻨﺎﺕ ﺣﻠﻮ ﻟﻴﻨﺎ ﺍﻟﺒﺎﺏ ﺩﺧﻠﻨﺎ ﻛﺎﻧﻐﻮﺗﻮ ﻭﻃﺤﻨﺎ ﻓﻲ ﺍﻟﺼﺎﻟﻮﻥ ... ﻋﺼﺎﻡ ﻭﻋﺜﻤﺎﻥ ﻭﻣﻬﺪﻱ ﻛﻞ ﻭﺍﺣﺪ ﻃﺎﺡ ﻓﻮﻕ ﻟﺤﺎﻓﺔ ﻓﻲ ﺍﻟﺼﺎﻟﻮﻥ ﻭﻛﺎﻳﻨﻬﺞ ﻭﻓﻤﻬﻢ ﻣﻜﺸﻜﺶ ﻣﺎﻣﺘﻴﻘﻴﺘﺶ ﺩﺍﻛﺸﻲ ﻟﻲ ﺷﻔﻨﺎ، ﺍﻟﺒﻨﺎﺕ ﻣﺎﺗﻴﻘﻮﻧﺎﺵ ﻭﺍﻧﺎ ﺁﺧﺮ ﺣﺎﺟﺔ ﻋﻘﻠﺖ ﻋﻠﻴﻬﺎ ﻫﻴﺎ ﺭﻳﺤﺔ ﺍﻟﺒﺼﺔ ﻛﺎﻧﺤﻞ ﻋﻴﻨﻲ ﻛﺎﻧﻠﻘﺎ ﻋﺼﺎﻡ ﺣﺎﻁ ﻟﻴﺎ ﺑﺼﻠﺔ ﻋﻠﻰ ﻧﻴﻔﻲ... ﺧﺮﺟﻨﺎ ﺟﻤﻌﻨﺎ ﻛﺎﻉ ﻟﻲ ﻣﻌﺎﻧﺎ ﻓﻲ ﺍﻟﺴﻮﻧﻄﺮ ﻭﻛﻠﺴﻨﺎ ﻓﺼﺎﻟﻮﻥ ﻭﺍﺣﺪ ﻭﺑﻘﻴﻨﺎ ﻓﻴﻘﻴﻦ ﺗﺎﻝ ﺍﻟﺼﺒﺎﺡ ﺗﻤﺎﻙ ﻏﺎﺩﻱ ﻧﻜﺘﺎﺷﻔﻮ ﺍﻥ ﻛﻞ ﻭﺍﺣﺪ ﻭﻗﻌﺎﺕ ﻟﻴﻪ ﺷﻲ ﺣﺎﺟﺔ ﻓﻲ ﺍﻟﻨﻬﺎﺭ ﻟﻲ ﻗﺒﻞ ﻭﺳﺎﻛﺖ ﻭﺍﻟﻘﺎﺳﻢ ﺍﻟﻤﺸﺘﺮﻙ ﺑﻴﻦ ﺍﻟﻘﺼﺺ ﻛﻠﻬﺎ ﺍﻧﻨﺎ ﻛﻠﻨﺎ ﺷﻔﻨﺎ ﻧﻔﺲ ﺍﻟﻘﻄﺔ ﺍﻟﻜﺤﻠﺔ ﻗﺒﻞ ﻣﺎﻳﻮﻗﻊ ﺩﺍﻛﺸﻲ... ﻭﺍﺣﺪ ﺍﻟﺒﻨﺖ ﺳﻤﻌﺎﺕ ﺍﻟﺪﻗﺎﻥ ﺍﻟﻨﻬﺎﺭ ﻟﻲ ﻗﺒﻞ ﺣﻼﺕ ﻟﻘﺎﺕ ﺟﻮﺝ ﺗﻮﻳﻤﻴﻴﻦ ﺳﻠﻤﺎﺕ ﻋﻠﻴﻬﻢ ﻭﺳﺪﺍﺕ ﺍﻟﺒﺎﺏ ﺑﺎﻟﺮﻏﻢ ﺍﻧﻪ ﻣﺎﻣﻌﺎﻧﺎ ﺣﺘﻰ ﺗﻮﻳﻤﻴﻴﻦ ﺻﻐﺎﺭ ﻓﻲ ﺍﻟﻤﺠﻤﻊ ﻭﻛﺎﻳﻨﻴﻦ ﺑﻮﺣﺪﻧﺎ ﻭﺍﻟﻌﺴﺎﺱ ﻣﺎﻋﻨﺪﻭﺵ ﺍﻟﻮﻻﺩ، ﻣﺠﻤﻮﻋﺔ ﺍﺧﺮﻯ ﺩﻳﺎﻝ ﺍﻟﺒﻨﺎﺕ ﻟﻘﺎﻭ ﺍﻟﻐﺮﻑ ﺩﻳﺎﻟﻬﻢ ﺳﻔﺎﻫﺎ ﻋﻠﻰ ﻋﻼﻫﺎ ﻭﺍﻟﻤﻮﺍﻋﻦ ﺩﻳﺎﻝ ﺍﻟﻜﻮﺯﻳﻨﺔ ﻣﺸﺘﺘﻴﻦ ﻓﻜﻞ ﻗﻨﻂ ﻭﻧﻔﺲ ﺍﻟﻘﻄﺔ ﻛﺎﺗﺪﻭﺭ ﻓﻲ ﺍﻟﺼﺎﻟﻮﻥ ﻭﻛﺎﻧﻮ ﻛﺎﻳﺘﺼﺤﺎﺑﻮ ﺷﻲ ﻭﺍﺣﺪ ﻛﺎﻥ ﻛﺎﻳﻄﻨﺰ ﻋﻠﻴﻬﻢ ﻗﺒﻞ ﻣﺎﻳﻜﺘﺎﺷﻔﻮ ﺍﻥ ﺗﺎﻭﺍﺣﺪ ﻣﺎﻗﺮﺏ ﻟﻴﻬﻢ... ﺟﺎ ﺍﻟﺼﺒﺎﺡ ﺟﻤﻌﻨﺎ ﺣﻮﻳﺠﻨﺎ ﻣﺎﻛﻨﺪﺧﻠﻮﺵ ﻟﺸﻲ ﺑﻴﺖ ﺍﻭ ﺩﺍﺭ ﻳﻼﻣﺎ ﻛﻨﺎ ﻣﺠﻤﻮﻋﻴﻦ ﻭﻛﺎﻧﻘﺮﺍﻭ ﻓﻲ ﺍﻟﻘﺮﺁﻥ ﻭﻗﻠﻨﺎ ﻟﻴﻬﻢ ﻭﺍﻟﻠﻪ ﻣﺎﻧﺰﻳﺪﻭ ﻧﻬﺎﺭ ﻫﻨﺎ ﻭﺍﻥ ﺍﻟﻤﻜﺎﻥ ﻣﺴﻜﻮﻥ ﺑﺪﺍ ﺍﻟﻤﺴﺆﻭﻭﻝ ﻛﺎﻳﻀﺤﻚ ﻋﻠﻴﻨﺎ ﻭﻧﺘﺎﻗﻠﻨﺎ ﻟﻮﺍﺣﺪ ﺍﻟﻔﻨﺪﻕ ﻣﺤﺸﺮ ﻓﻮﺳﻂ ﻛﻴﻠﻴﺰ ﻭﻟﻜﻦ ﻋﻠﻰ ﺍﻻﻗﻞ ﻣﺎﻣﺴﻜﻮﻧﺶ ﻭﻗﻠﺒﻨﺎﻫﺎ ﺿﺤﻚ ﻭﺑﻘﻴﻨﺎ ﺷﺎﺩﻳﻦ ﻓﺒﻌﻀﻴﺎﺗﻨﺎ ﺑﺪﺍﻛﺸﻲ ﻟﻲ ﻭﻗﻊ ﻭﻟﻜﻦ ﻣﻦ ﺗﻤﺎﻙ ﻭﻻﺕ ﻋﻨﺪﻱ ﻭﺍﺣﺪ ﺍﻟﻔﻮﺑﻲ ﻭﻛﺎﻧﺤﺎﻭﻝ ﻣﺎ ﺍﻣﻜﻦ ﻣﺎ ﻧﺂﺩﻳﺶ ﺍﻟﺠﻦ ﻣﻦ ﺧﻼﻝ ﺑﻌﺾ ﺍﻟﺘﺼﺮﻓﺎﺕ ﺍﻟﻄﺎﺋﺸﺔ ﻭﺍﻟﻨﻈﺮﺓ ﺩﻳﺎﻟﻲ ﻟﻴﻬﻢ ﺗﻐﻴﺮﺍﺕ ﻭﺣﺘﻰ ﻣﻦ ﺩﺍﺭﻱ ﻭﺍﺧﺎ ﺳﺎﻛﻦ ﺑﻮﺣﺪﻱ ﻛﺎﻧﺪﺧﻞ ﻭﻧﻘﻮﻝ ﺍﻟﺴﻼﻡ ﻋﻠﻴﻜﻢ ﻛﻴﻔﻤﺎ ﻭﺻﻰ ﺍﻟﻨﺒﻲ، ﺍﻟﻨﻈﺮﺓ ﺩﻳﺎﻟﻲ ﻟﻠﺠﻦ ﺗﺒﺪﻻﺕ ﺑﺸﻜﻞ ﻛﻠﻲ ﻣﻦ ﺑﻌﺪ ﻣﺎﻗﺮﻳﺖ ﻛﺘﺎﺏ ﺩﻳﺎﻝ "ﺣﻮﺍﺭ ﻣﻊ ﺍﻟﺠﻦ ﺟﻨﻜﻮﺭ" ﺩﻳﺎﻝ ﻭﺍﺣﺪ ﺍﻟﻔﻘﻴﻪ ﻟﻲ ﺩﺍﺭ ﺍﻟﺮﻗﻴﺎ ﻟﻮﺍﺣﺪ ﺍﻟﻤﺮﺍ ﺧﺮﺝ ﻣﻨﻬﺎ ﺍﻟﺠﻦ ﻟﻲ ﻛﺎﻥ ﺳﺎﻛﻨﻬﺎ ﻭﺗﺼﺎﺣﺐ ﻣﻌﺎﻩ ﻭﻣﻦ ﺗﻤﺎ ﻛﺘﺐ ﻛﺘﺎﺏ ﻛﺎﻳﻌﺎﻭﺩ ﻓﻴﻊ ﺣﻘﺎﺋﻖ ﻫﺎﺩﺍﻙ ﺍﻟﻌﺎﻟﻢ ﺍﻟﺨﻔﻲ ﺗﻤﺎﻙ ﺍﻛﺘﺸﻔﺖ ﺍﺷﻨﻮ ﺗﺎﻳﺎﻛﻠﻮ ﻭﻛﻴﻔﺎﺵ ﻛﺎﻳﻌﻴﺸﻮ ﻭﺍﻧﻬﻢ ﺗﺎﻫﻮﻣﺎ ﻓﻴﻬﻢ ﺍﻟﻤﺴﻠﻢ ﻭﺍﻟﻴﻬﻮﺩﻱ ﻭﺍﻟﻤﺴﻴﺤﻲ ﻭﺍﻟﻤﻠﺤﺪ ﻭﺍﻧﻬﻢ ﻋﻨﺪﻫﻢ ﻧﻈﺎﻡ ﻗﻀﺎﺋﻲ ﻭﻣﻠﻮﻙ ﻭﺍﻧﺘﺨﺎﺑﺎﺕ ﻓﺤﺎﻟﻨﺎ ﻭﺍﻧﻬﻢ ﻋﺎﻳﺸﻴﻦ ﻣﻌﺎﻧﺎ ﻭﺍﻧﻬﻢ ﻛﺎﻳﺴﺘﺨﺪﻣﺎ ﻧﻔﺲ ﺍﻟﻤﺮﺍﻓﻖ ﻟﻲ ﻛﺎﻧﺴﺘﺨﺪﻣﻮ ﻭﺍﻥ ﺍﻟﻤﺮﺍ ﻓﺎﺵ ﻛﺘﻜﻮﻥ ﻓﺒﻴﺘﻬﺎ ﻭﺍﺧﺎ ﺑﻮﺣﺪﻫﺎ ﻭﻛﺎﺗﻀﻬﺮ ﺍﻟﻤﻔﺎﺗﻦ ﺩﻳﺎﻟﻬﺎ ﻳﻘﺪﺭ ﻳﺘﺰﻋﻂ ﻓﻴﻬﺎ ﻭﺍﻧﻬﻢ ﻛﺎﻳﻤﺎﺭﺳﻮ ﺍﻟﺠﻨﺲ ﻣﻊ ﻧﺴﺎﺀ ﺑﻨﻲ ﺁﺩﻡ ﻟﻲ ﻣﺎﺗﻴﻜﻮﻧﻮﺵ ﻋﻠﻰ ﻃﻬﺎﺭﺓ ﺍﻭ ﻧﺎﻋﺴﻴﻦ ﺑﻼ ﺻﻼ ﻭﺧﺎﺻﺔ ﺍﻟﻨﺴﺎ ﻟﻲ ﻛﺎﻳﺒﻘﺎﻭ ﺑﺰﺍﻑ ﻗﺪﺍﻡ ﺍﻟﻤﺮﺍﻳﺎ... ﺍﻛﺘﺸﻔﺖ ﺍﻧﻪ ﻛﻴﻒ ﻛﻴﺂﺩﻳﻮ ﺑﻨﺎﺩﻡ ﺑﻘﺼﺪ ﺍﻭ ﺩﻭﻥ ﻗﺼﺪ ﺣﺘﻰ ﺑﻨﺎﺩﻡ ﻛﺎﻳﺂﺩﻳﻬﻢ ﻭﺍﻥ ﺍﻟﻤﺸﻌﻮﺩﻳﻦ ﻛﺎﻳﺨﺮﺟﻮﻫﻢ ﻭﻛﺎﻳﺴﺘﻐﻠﻮﻫﻢ ﻭﺍﻥ ﺍﻟﺠﻨﻲ ﺍﻟﻐﻴﺮ ﺍﻟﻤﻮﻣﻦ ﻣﻦ ﺑﻴﻦ ﺍﻻﺷﻴﺎﺀ ﻟﻲ ﻳﻘﺪﺭ ﻳﻄﻠﺐ ﻣﻨﻚ ﺍﻧﻚ ﺗﺒﻮﻝ ﺍﻭ ﺗﺘﻐﻮﻁ ﻋﻠﻰ ﻛﺘﺎﺏ ﺍﻟﻠﻪ ﻋﺰ ﻭﺟﻞ ﺑﺎﺵ ﻳﺤﻘﻖ ﻟﻴﻚ ﻟﻲ ﺑﻐﻴﺘﻲ... ﺍﻧﻬﻢ ﻛﺎﻳﺘﺰﻭﺟﻮ ﻭﻛﺎﻳﻌﻴﺸﻮ ﻣﺌﺎﺕ ﺍﻻﻋﻮﺍﻡ ﻭﺍﻥ ﺍﻟﺠﻨﻴﺔ ﻓﺎﺵ ﻛﺎﺗﺤﻤﻞ ﻛﺎﺗﺤﻤﻞ ﻋﺸﺮﺍﺕ ﺍﻻﻋﻮﺍﻡ ﻭﻛﻴﻒ ﻭﺻﻒ ﺍﻟﺸﻜﻞ ﺩﻳﺎﻟﻬﻢ ﻭﺍﻟﻠﻪ ﻣﺎﺟﺎﻧﻲ ﺍﻟﻨﻌﺎﺱ ﻭﺍﻥ ﺳﻴﺪﻱ ﺭﺑﻲ ﻣﻦ ﻧﻌﻤﻪ ﺍﻟﻜﺘﻴﺮﺓ ﻭﺿﻊ ﻋﻠﻰ ﻋﻴﻦ ﺑﻨﺎﺩﻡ ﻭﺍﺣﺪ ﺍﻟﺸﺒﻜﺔ ﻫﻴﺎ ﻟﻲ ﻣﺎﻛﺘﺨﻠﻴﻬﺶ ﻳﺸﻮﻓﻬﻢ ﻻﻧﻪ ﻳﻼ ﺷﺎﻓﻬﻢ ﻳﻘﺪﺭ ﻳﺤﻤﺎﻕ ﺍﻟﻠﻪ ﻳﺴﺘﺮ ﻭﺍﻥ ﻣﻦ ﺍﻟﺤﻮﺍﻳﺞ ﻟﻲ ﻛﺎﺗﺨﻠﻲ ﺍﻟﺠﻦ ﺑﻌﻴﺪ ﻋﻠﻴﻚ ﻫﻮ ﺍﻻﻛﺘﺎﺭ ﻣﻦ ﺍﻛﻞ ﺍﻟﺘﻤﺮ ﻟﻲ ﺗﺎﻳﻜﻮﻥ ﻋﻠﻰ ﺟﺴﻢ ﺍﻻﻧﺴﺎﻥ ﻭﺍﺣﺪ ﺍﻟﻄﺒﻘﺔ ﻫﻼﻣﻴﺔ ﺻﻌﺐ ﻋﻠﻰ ﺍﻟﺠﻦ ﺍﺧﺘﺮﺍﻗﻬﺎ ﻭﻫﺎ ﻋﻼﺵ ﺳﻴﺪ ﺍﻟﻨﺒﻲ ﻛﺎﻥ ﻛﺎﻳﻮﺻﻴﻨﺎ ﺑﺎﻻﻛﺜﺎﺭ ﻣﻦ ﺍﻛﻞ ﺍﻟﺘﻤﺮ.... ﻧﻔﺲ ﺍﻟﻜﺘﺎﺏ ﺗﺤﺪﺙ ﻋﻦ ﻣﻌﺎﻧﺎﺕ ﺍﻟﺠﻦ ﺍﻟﻤﺴﻠﻢ ﻓﻲ ﻓﻠﺴﻄﻴﻦ ﻭﺍﻓﻐﺎﻧﺴﺘﺎﻥ ﻭﺍﻟﻌﺮﺍﻕ، ﺳﺒﺤﺎﻥ ﺍﻟﻠﻪ ﺍﻟﻌﻈﻴﻢ ﻓﺤﺎﺍﺍﺍﻟﻨﺎ ﺗﻤﺎﻣﺎ... ﺷﺨﺼﻴﺎ ﻋﻤﺮﻧﻲ ﻣﺎﺗﻼﻗﻴﺖ ﺑﺸﻲ ﻭﺍﺣﺪ ﺁﺩﺍﻩ ﺍﻟﺠﻦ ﺑﺎﺳﺘﺘﻨﺎﺀ ﺍﻟﻘﺼﺺ ﻟﻲ ﻛﺎﻧﻘﺮﺍ ﻓﻲ ﺍﻧﺘﺮﻧﻴﺖ ﻭﻛﺎﻧﺴﻤﻊ ﻓﻲ ﺍﻟﺮﺍﺩﻳﻮ ﻭﻛﺎﻳﺠﻴﻨﻲ ﺩﺍﻛﺸﻲ ﻛﺜﻴﺮ ﺑﺰﺍﻑ ﻭﺻﻌﻴﺐ ﻋﻠﻰ ﺍﻟﺘﺼﺪﻳﻖ ﺣﺘﺎﻝ ﻧﻬﺎﺭ ﻋﺮﻓﺖ ﻓﺎﻃﻴﻢ ﻭﻗﺪﺭﺍﺕ ﺗﻘﻨﻌﻨﻲ ﺑﺎﻟﻌﻜﺲ ﻭﻛﺎﻧﺖ ﻣﺴﺘﻌﺪﺓ ﺗﻮﺭﻳﻨﻲ ﺻﻮﺭ ﺩﻳﺎﻝ ﺍﻣﻮﺭ ﻋﺠﻴﺒﺔ ﻛﺎﺗﻮﻗﻊ ﻋﻨﺪﻫﻢ ﻓﻲ ﺍﻟﺪﺍﺭ ﻟﻜﻨﻨﻲ ﺭﻓﻀﺖ.... ﻓﺎﻃﻴﻢ 21 ﺳﻨﺔ ﻣﻦ ﻗﺮﻳﺔ ﻧﻮﺍﺣﻲ ﺗﺰﻧﻴﺖ ﺑﻌﻴﺪﺓ ﻋﻦ ﺃﻛﺎﺩﻳﺮ ﺑﺜﻼﺛﺔ ﺍﻟﺴﻮﺍﻳﻊ ﺑﺎﻟﺤﺎﻓﻠﺔ، ﻧﺘﻮﻣﺎ ﻟﻲ ﺍﻟﻤﺪﺭﺳﺔ ﺣﺪﺍ ﺑﺎﺏ ﺩﺍﺭﻛﻢ ﻛﺎﺗﺠﻴﻜﻢ ﺑﻌﻴﺪﺓ... ﻓﺎﻃﻴﻢ ﻛﺎﺗﻔﻴﻖ ﻛﻞ ﻧﻬﺎﺭ ﻣﻊ ﺍﻟﻔﺠﺮ ﺑﺎﺵ ﺗﻤﺸﻲ ﺗﻘﺮﺍ ﻓﻼﻓﺎﻙ ﻛﺎﺗﺎﺧﺪ ﺍﻟﻄﻮﺑﻴﺲ ﻣﻦ ﻧﻮﺍﺣﻲ ﺗﺰﻧﻴﺖ ﻟﻮﺍﺣﺪ ﺍﻟﻘﺮﻳﺔ ﻧﻮﺍﺣﻲ ﺍﻛﺎﺩﻳﺮ ﻭﻣﻦ ﺗﻤﺎ ﻛﺎﺗﺎﺧﺪ ﻃﻮﺑﺲ ﺁﺧﺮ ﻭﺍﺣﻴﺎﻧﺎ ﺟﻮﺝ ﺑﺎﺵ ﺗﻮﺻﻞ ﻻﻓﺎﻙ، ﺗﺘﺎﺑﻊ ﺩﺭﺍﺳﺘﻬﺎ ﻓﻲ ﺍﻟﺴﻨﺔ ﺍﻟﺜﺎﻟﺜﺔ ﺑﻴﻮﻟﻮﺟﻴﺎ ﻭﺑﺤﻜﻢ ﺍﻟﻄﺮﻳﻖ ﺍﻟﻄﻮﻳﻠﺔ ﻣﺎﺑﻴﻦ ﻻﻓﺎﻙ ﻭﺍﻟﺪﻭﺍﺭ ﻭﻗﻠﺔ ﺍﻟﺤﻴﻠﺔ ﻣﺎﺑﻘﺎﺗﺶ ﻛﺎﺗﻤﺸﻲ ﺩﻳﻤﺎ ﻭﻟﻜﻦ ﺭﻏﻢ ﺫﺍﻟﻚ ﻓﺎﻃﻴﻢ ﻃﺎﻟﺒﺔ ﻧﺠﻴﺒﺔ ﻭﻗﺪﺭﺍﺕ ﺗﻔﺎﻟﻴﺪﻱ ﺟﻤﻴﻊ ﺍﻟﻤﻮﺩﻳﻼﺕ ﺩﻳﺎﻟﻬﺎ، ﻓﻼﻓﺎﻙ ﻛﺎﻳﺸﺒﻬﻮﻫﺎ ﻟﻨﺠﻮﻯ ﻛﺮﻡ ﻭﻟﻜﻦ ﻓﺎﺵ ﺷﻔﺖ ﺍﻟﺼﻮﺭﺓ ﺩﻳﺎﻟﻬﺎ ﻟﻘﻴﺘﻬﺎ ﻧﺴﺨﺔ ﻃﺒﻖ ﺍﻻﺻﻞ ﻟﻮﺍﺣﺪ ﺍﻟﻤﻤﺜﻠﺔ ﻣﻐﺮﺑﻴﺔ ﺍﻋﺸﻘﻌﺎ ﺷﺨﺼﻴﺎ ﺍﺳﻤﻬﺎ ﺍﻳﻀﺎ ﻓﺎﻃﻴﻢ ﺍﻟﻌﻴﺎﺷﻲ، ﺳﺒﺤﺎﻥ ﺍﻟﻠﻪ ﻧﻔﺲ ﺍﻻﺳﻢ ﻧﻔﺲ ﺍﻟﻜﻨﻴﺔ ﻭﺑﺠﻮﺝ ﺷﻠﻮﺡ ﻭﻟﻜﻦ ﺍﻟﻤﺴﺎﻓﺔ ﻣﺎﺑﻴﻦ ﺩﺍﻛﺸﻲ ﻟﻲ ﻭﺍﺻﻠﺔ ﻟﻴﻪ ﻓﺎﻃﻴﻢ ﺍﻟﻌﻴﺎﺷﻲ ﺍﻟﻤﻤﺜﻠﺔ ﻭﻓﺎﻃﻴﻢ ﺍﻟﻌﻴﺎﺷﻲ ﺩﻳﺎﻝ ﺍﻟﻘﺼﺔ ﺩﻳﺎﻟﻨﺎ ﻗﺪ ﺍﻟﻤﺴﺎﻓﺔ ﻣﺎﺑﻴﻦ ﺍﻟﺴﻤﺎ ﻭﺍﻻﺭﺽ... ﻓﺎﻃﻴﻢ ﻣﻴﺘﺮ ﻭﺳﺒﻌﻴﻦ، ﺳﺘﻴﻦ ﻛﻴﻠﻮ ﺩﻳﺎﻝ ﺍﻟﺰﺑﺪﺓ ﻣﺎﺷﻲ ﺍﻟﻠﺤﻢ، ﺁﻳﺔ ﻣﻦ ﺁﻳﺎﺕ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﺻﻌﻴﻴﻴﻴﺐ ﺗﺸﻮﻑ ﺍﻟﻮﺟﻪ ﺩﻳﺎﻟﻬﺎ ﻭﺗﻨﺴﺒﻬﺎ ﻟﻠﻌﺮﻭﺑﻴﺔ ﻭﻟﻜﻦ ﻳﻜﻔﻲ ﺍﻟﻘﺎﺀ ﻧﻈﺮﺓ ﻋﻠﻰ ﺍﺷﻨﻮ ﻻﺑﺴﺔ ﻓﻲ ﺭﺟﻠﻴﻬﺎ ﺑﺎﺵ ﺗﻜﺘﺎﺷﻒ ﺍﻥ ﺍﻟﻤﺤﻴﻂ ﻟﻲ ﺟﺎﻳﺎ ﻣﻨﻮ ﺍﻛﺜﺮ ﻣﻦ ﻓﻘﻴﺮ، ﻻﺑﺎﺱ ﺑﻌﺪﺍ ﻋﻠﻰ ﺍﻻﻗﻞ ﻓﻼﻓﺎﻙ ﻛﺘﻠﺒﺲ ﺻﻨﺪﺍﻟﺔ ﻣﻘﻄﻌﺔ ﺍﻟﺜﺎﻧﻮﻱ ﺭﺍﻩ ﺩﻭﺯﺍﺗﻮ ﻛﺎﻣﻞ ﺑﻘﺮﻗﺎﺑﺔ ﺩﻳﺎﻝ ﺍﻟﻤﻴﻜﺔ... ﻓﻲ ﺍﻟﻮﻗﺖ ﻟﻲ ﺑﻨﺎﺕ ﺍﻟﻤﺪﻳﻨﺔ ﻛﺎﻳﻠﻮﻳﻮ ﻗﺰﺍﺯﺑﻬﻢ ﻓﺎﻟﻤﻮﻝ ﻭﺍﻟﺒﻮﺗﻴﻜﺎﺕ ﺑﺎﺵ ﻳﺸﺮﻳﻮ ﺁﺧﺮ ﻣﺎﻛﻴﻦ ﻓﻲ ﺍﻟﻤﻴﻜﺎﺏ ﻭﺍﻟﺸﺮﺍﻭﻁ ﻭﺍﻟﺼﺒﺎﺑﻂ ﻓﺎﻃﻴﻢ ﻣﺎﻛﺎﻧﺶ ﻋﻨﺪﻫﺎ ﺣﺘﻰ ﺑﺎﺵ ﺗﺸﺮﻱ ﻗﺮﻗﺎﺑﺔ ﻭﻟﻮﻻ ﻓﻠﻮﺱ ﺍﻟﺰﻛﺎﺓ ﻟﻲ ﻛﺎﻧﺖ ﻛﺎﺗﻌﻄﻴﻬﺎ ﺧﺎﻟﺘﻬﺎ ﺍﻟﻤﻘﻴﻤﺔ ﻓﻲ ﺍﻟﺨﻠﻴﺞ ﻟﻤﺎﻣﺎﻫﺎ ﻟﻲ ﻛﺎﺗﺨﺒﻴﻬﺎ ﻛﻮﻥ ﻣﺎﻟﻘﺎﺗﺶ ﺣﺘﻰ ﺑﺎﺵ ﺗﺸﺮﻱ ﺍﻟﺪﻓﺎﺗﺮ ﻭﺗﺨﻠﺺ ﺍﻟﻄﻮﺑﻴﺲ... ﺍﻟﺪﻧﻴﺎ ﻗﺤﺒﻮﻧﻴﺔ ﺑﻨﺖ ﺩﻳﻠﻜﻠﺐ ﻭﺍﻟﻠﻪ ﺍﻟﻌﻈﻴﻢ ﻫﺎﺩ ﻓﺎﻃﻴﻢ ﻛﻮﻥ ﻛﺎﻧﺖ ﻓﻲ ﺍﻟﻤﺪﻳﻨﺔ ﻭﺍ ﺑﺮﺑﻲ ﺣﺘﻰ ﺗﻠﻘﺎ ﺍﻟﻄﺎﻳﺢ ﺍﻛﺜﺮ ﻣﻦ ﺍﻟﻨﺎﻳﺾ، ﻭﺍﺣﺪ ﺍﻟﻌﻴﻨﻴﻦ ﻭﺍﺣﺪ ﺍﻟﺤﺮﻭﻑ ﻭﺍﺣﺪ ﺍﻟﺸﻌﺮ ﻭﺍﺣﺪ ﺍﻟﻨﻮﻳﻒ ﻭﺍﺣﺪ ﺍﻟﻘﻨﻴﻨﻔﺎﺕ ﻏﻮﺯ ﺍﺵ ﺍﻧﻘﻮﻟﻴﻜﻢ ﺳﺒﺤﺎﻥ ﻟﻲ ﺧﻠﻘﻬﺎ، ﻣﻦ ﻏﻴﺮ ﺷﻮﻱ ﺩﻳﺎﻝ ﺍﻟﻜﺤﻞ ﻟﻲ ﻛﺎﻳﺪﻳﺮﻭﻩ ﻛﺎﻉ ﺑﻨﺎﺕ ﺩﻭﺍﺭﻫﺎ ﻋﻤﺮﻫﺎ ﻋﺮﻓﺎﺕ ﺍﺷﻨﻮ ﻫﻮﺍ ﺍﻟﻤﺎﻛﻴﺎﺝ ﻣﺴﻜﻴﻨﺔ... ﻗﺼﺘﻬﺎ ﺗﺪﻣﻲ ﺍﻟﻘﻠﺐ، ﻗﺼﺔ ﺩﻳﺎﻝ ﺗﺎﻣﺎﺭﺓ ﻭﺗﺠﺮﺗﻴﻞ ﻭﺗﻜﺮﻓﻴﺺ ﻭﺟﺎ ﻭﺍﺣﺪ ﺍﻟﺠﻦ ﺍﻟﻌﺎﺷﻖ ﻛﻤﻞ ﻋﻠﻴﻬﺎ ﺍﻟﺒﻘﻴﺔ.... شارك المقال : Tweet ✚ مقالات ذات صلة
تحويل كودإخفاء محول الأكواد الإبتساماتإخفاء