#ﺍﻟﺸﺮﺑﻴﻞ
(ﺍﻟﺤﻠﻘﺔ ﺍﻟﺮﺍﺑﻌﺔ)
ﻣﻮﺳﻢ ﺳﻴﺪﻱ ﻣﺤﻤﺪ ﺍﻟﺮﻛﺮﺍﻛﻲ، ﺳﻨﺔ 1892 ﻣﻴﻼﺩﻳﺔ ﺍﻟﻤﻮﺍﻓﻖ ﻟﻤﻌﺮﻓﺘﺶ ﺷﺤﺎﻝ ﻫﺠﺮﻳﺔ ﻣﺎﻓﻴﺎ ﻟﻲ ﻳﺤﺴﺐ، ﻣﻮﻫﻴﻢ ﻭﺍﺣﺪ ﻣﻦ ﺃﻋﺮﻕ ﺍﻟﻤﻮﺍﺳﻢ ﻓﻲ ﻫﺎﺩ ﺍﻟﺒﻼﺩ ﺍﻟﺴﻌﻴﺪﺓ ﻭﻟﻲ ﻛﺎﻥ ﻛﺎﻳﺠﻲ ﻟﻴﻪ ﺍﻟﺮﻫﻂ ﻣﻦ ﻛﻞ ﻣﻜﺎﻥ ﻓﻲ ﺍﻟﻤﻤﻠﻜﺔ ﺍﻟﺸﺮﻳﻔﺔ، ﻧﻬﺎﺭ ﺍﻟﻤﻮﺳﻢ ﻛﺎﻥ ﻧﻬﺎﺭ ﻋﻴﺪ ﺃﻭ ﺃﻛﺜﺮ ﻣﻦ ﻋﻴﺪ ﻓﻲ ﻣﺪﻳﻨﺔ ﺁﺳﻔﻲ ﺁﻧﺪﺍﻙ ﻭﻟﻲ ﻛﺎﻧﺖ ﻛﺎﺗﺴﺘﻌﺪ ﻟﻴﻪ ﻋﻠﻰ ﻣﺪﻯ ﺃﺳﺎﻟﻴﻊ ﻭﻟﻲ ﺗﺠﺎﺭ ﻫﺎﺩﻳﻚ ﺍﻟﺤﻘﺒﺔ ﻛﺎﻧﻮ ﻛﺎﻳﻮﺟﺪﻭ ﻟﻴﻪ ﺍﻟﺴﻠﻌﺔ ﻋﻠﻰ ﻃﻮﻝ ﺍﻟﻌﺎﻡ ﻭﻛﺎﻥ ﺳﻜﺎﻥ ﺍﻟﻘﺮﻯ ﺍﻟﻤﺠﺎﻭﺭﺓ ﻛﻤﺮﺍﻛﺶ ﻭﺍﻟﺠﺪﻳﺪﺓ ﻭﺍﻟﺪﺍﺭﺍﻟﺒﻴﻀﺎﺀ ﻛﺎﻳﻌﺘﺎﺑﺮﻭﻩ ﺣﺞ ﻟﻠﺘﺒﻀﻊ ﻭﻛﺎﻥ ﻣﺎﻳﺸﺒﻪ ﺁﻧﺪﺍﻙ ﺍﻟﻤﻮﺭﻭﻛﻮﻣﻮﻝ ﺩﻳﺎﻝ ﺍﻟﻘﺮﻥ 19 ﺑﺴﺒﺎﺏ ﺍﻟﻌﺠﺐ ﺍﻟﻤﺘﻌﺠﺐ ﻟﻲ ﻛﺎﻳﺘﺤﻂ ﻓﻴﻪ، ﺗﻤﺎﻙ ﺍﻛﺘﺎﺷﻔﻮ ﺳﻜﺎﻥ ﺍﻟﻤﻐﺮﺏ ﺍﻟﻘﺪﻳﻢ ﺷﻲ ﺣﺎﺟﺔ ﺳﻤﻴﺘﻬﺎ ﺍﻟﺒﻜﺸﻠﻴﻂ ﻭﺍﻟﻤﻮﻃﻮﺭ ﻣﻮﻝ ﺛﻼﺛﺔ ﺍﻟﺮﻭﺍﻳﺾ ﻭﺣﺘﻰ ﻣﻦ ﺍﻟﻄﻮﻧﻮﺑﻴﻼﺕ ﺩﻳﺎﻝ ﺟﺮ ﻭﺩﻓﻊ ﺩﻳﺎﻝ ﺭﻭﺍﻳﺾ ﺍﻟﺨﺸﺐ ﺑﺎﻧﻮ ﻓﺂﺳﻔﻲ ﻷﻭﻝ ﻣﺮﺓ ﻋﻠﻰ ﺣﺴﺐ ﺑﺰﺍﻑ ﺩﻳﺎﻝ ﺍﻟﺮﻭﺍﻳﺎﺕ ﻭﻛﺎﻧﺖ ﻓﺮﺻﺔ ﻟﻨﺎﺱ ﺍﻟﻤﻐﺮﺏ ﺁﻧﺪﺍﻙ ﻳﺸﻮﻓﻮ ﻫﺎﺩ ﺍﻻﺧﺘﺮﺍﻉ ﺍﻟﻌﺠﻴﺐ ﻟﻲ ﻛﺎﻳﻤﺸﻮ ﺑﻼ ﻣﺎﺗﺠﺮﻭ ﻻ ﺑﻐﻠﺔ ﻻ ﺣﻤﺎﺭﺓ... ﺍﻻﻧﺠﻠﻴﺰ ﻟﻲ ﻛﺎﻧﻮ ﻣﺴﺘﻘﺮﻳﻴﻦ ﺁﻧﺪﺍﻙ ﺑﺂﺳﻔﻲ ﻭﻟﻲ ﺍﻟﻌﺪﺩ ﺩﻳﺎﻟﻬﻢ ﻳﻔﻮﻕ ﺑﻜﺜﻴﻴﻴﺮ ﺟﺪﺍ ﻣﺠﻤﻮﻉ ﺍﻻﻧﺠﻠﻴﺰ ﺍﻟﻘﺎﻃﻨﻴﻦ ﺣﺎﻟﻴﺎ ﻗﻲ ﺍﻟﻤﻐﺮﺏ ﺷﻜﻠﻮ ﺍﻟﻌﻤﻮﺩ ﺍﻟﻔﻘﺮﻱ ﺩﻳﺎﻝ ﺍﻻﺭﺳﺘﻮﻗﺮﺍﻃﻴﺔ ﺍﻻﺟﻨﺒﻴﺔ ﻟﻲ ﻛﺎﻧﺖ ﻛﺜﻴﺮﺓ ﻭﺩﺧﻠﻮ ﻟﻠﻤﻐﺮﺏ ﻋﺒﺮ ﺑﻮﺍﺑﺔ ﻣﻴﻨﺎﺀ ﺁﺳﻔﻲ ﺍﻟﻌﺠﺐ ﺩﻳﺎﻝ ﺍﻟﺘﺨﺮﺑﻴﻖ ﻣﻦ ﻣﻜﺎﺣﻞ ﻭﻣﺪﺍﻓﻊ ﻭﺧﻴﻞ ﻭﻣﻮﻃﻮﺭﺍﺕ ﻭﺑﻜﺸﻠﻴﻄﺎﺕ ﻭﺭﺍﺩﻳﻮﺍﺕ ﻭﺗﻮﺏ ﻭﺣﺮﻳﺮ ﻓﻲ ﺍﻟﻮﻭﻗﺖ ﻟﻲ ﻛﺎﻥ ﻣﻴﻨﺎﺀ ﺁﺳﻔﻲ ﺃﻛﺒﺮ ﻣﻴﻨﺎﺀ ﻓﻲ ﺍﻟﻌﺎﻟﻢ ﻟﺘﺼﺪﻳﺮ ﺍﻟﺤﺒﻮﺏ ﻭﺍﻟﺴﻜﺮ ﻭﺍﻟﺼﻮﻑ، ﺍﻟﺸﻲﺀ ﻟﻲ ﺧﻼ ﻣﻦ ﻫﺎﺩ ﺍﻟﻤﺪﻳﻨﺔ ﻭﺍﺣﺪ ﻣﻦ ﺃﻛﺒﺮ ﺧﺰﺍﻧﺎﺕ ﺍﻟﺤﺒﻮﺏ ﻟﻲ ﺑﻨﺎﻭﻫﺎ ﺍﻻﻧﺠﻠﻴﺰ ﻓﻲ ﺍﻟﻌﺎﻟﻢ ﻓﺪﺍﻙ ﺍﻟﻮﻗﺖ ﻗﺒﻞ ﻣﺎﻳﺠﻴﻮ ﺑﻮﺯﺑﺎﻝ ﻭﻳﺮﺑﻮ ﺍﻟﺤﺰﺍﻕ ﻛﺎﻣﻞ ﺑﺎﺵ ﻳﺼﺎﻭﺑﻮ ﻣﺎﻳﺴﻤﺎ ﺣﺎﻟﻴﺎ ﺳﺎﺣﺔ ﻣﻮﻻﻱ ﻳﻮﺳﻒ...
ﻧﻬﺎﻳﺔ ﺍﻟﻘﺮﻥ 19 ﻛﺎﻧﺖ ﺑﺪﺍﻳﺔ ﻣﺎﻳﺴﻤﺎ ﺑﺪﺑﻠﻮﻣﺎﺳﻴﺔ ﺍﻟﺴﻜﺮ ﻟﻲ ﻛﺎﻥ ﻛﺎﻳﺠﻲ ﻣﻦ ﺷﻴﺸﺎﻭﺓ ﻭﻛﺎﻳﺘﺤﻤﻞ ﻓﻲ ﺍﻟﺒﺎﻃﻮﺍﺕ ﻣﻦ ﻣﻴﻨﺎﺀ ﺁﺳﻔﻲ ﻻﻧﺠﻠﺘﺮﺍ ﺑﺎﻻﺿﺎﻓﺔ ﺇﻟﻰ ﻣﻠﺢ ﺍﻟﺒﺎﺭﻭﺩ ﻟﻲ ﻛﺎﻥ ﺃﺣﺴﻦ ﻣﻠﺢ ﻓﻲ ﺍﻟﻌﺎﻟﻢ ﻭﻣﺎﻛﺎﻧﺶ ﻛﺎﻳﺴﻌﻤﻞ ﺍﻟﺠﻴﺶ ﺍﻻﻧﺠﻠﻴﺰﻱ ﻟﻲ ﻛﺎﻥ ﻓﺪﻳﻚ ﺍﻟﻮﻗﺖ ﺃﻗﻮﻯ ﺟﻴﺶ ﻋﻠﻰ ﺳﻄﺢ ﺍﻻﺭﺽ ﻭﻣﺴﺘﻌﻤﺮ ﻧﺼﻒ ﺍﻟﻜﺮﺓ ﺍﻻﺭﺿﻴﺔ ﺷﻲ ﺑﺎﺭﻭﺩ ﻣﻦ ﻏﻴﺮﻭ ﺑﺎﻹﺿﺎﻓﺔ ﺇﻟﻰ ﺗﺼﺪﻳﺮ ﺃﺟﻮﺩ ﺍﻟﺼﻘﻮﺭ ﺍﻟﻤﻐﺮﺑﻴﺔ ﻟﻲ ﻛﺎﻧﻮ ﺗﺎﻳﺴﺘﻌﻤﻠﻮﻫﺎ ﺍﻟﻤﻠﻌﻘﻴﻦ ﺩﻳﺎﻝ ﺃﻭﺭﻭﺑﺎ ﻓﻲ ﺭﻳﺎﺿﺔ ﺍﻟﻘﻨﺺ، ﺃﻣﺎ ﺍﻟﺸﻤﻊ ﻟﻲ ﻛﺎﻥ ﻫﻮ ﺍﻟﻮﺳﻴﻠﺔ ﺍﻟﻮﺣﻴﺪﺓ ﻹﺿﺎﺀﺓ ﺟﻞ ﺑﻴﻮﺕ ﺍﻟﻌﺎﻟﻢ ﺁﻧﺪﺍﻙ ﻓﻜﺎﻥ ﺷﻤﻊ ﻋﺒﺪﺓ ﻳﺸﺒﻪ ﺍﻟﺒﻮﻟﺔ ﺩﻳﺎﻝ ﻓﻴﻠﻴﺒﺲ ﻓﻲ ﻫﺎﺩ ﺍﻟﻮﻗﺖ، ﻭﻛﺎﻧﻮ ﺍﻟﺘﺠﺎﺭ ﺩﻳﺎﻝ ﺍﻷﺭﺽ ﻛﻠﻬﺎ ﻛﺎﻳﺠﻴﻮ ﻳﺘﻘﺪﺍﻭﻩ ﻟﻘﻮﺓ ﺍﻹﻧﺎﺭﺓ ﺩﻳﺎﻟﻮ ﻭﺍﻟﺼﻔﺎﺀ ﻭﺍﻟﺮﻳﺤﺔ ﺍﻟﺰﻭﻳﻨﺔ ﻟﻲ ﻛﺎﺗﺨﺮﺝ ﻣﻨﻮ ﻻﻧﻪ ﻛﺎﻥ ﻣﻤﺰﻭﺝ ﺑﺎﻟﻌﻄﺮ... ﻛﺎﻥ ﻣﻴﻨﺎﺀ ﺁﺳﻔﻲ ﻳﻀﺎﻫﻲ ﺍﻭ ﻳﻔﻮﻕ ﻓﻲ ﺍﻟﻘﻴﻤﺔ ﺍﻻﻗﺘﺼﺎﺩﻳﺔ ﺩﻳﺎﻟﻮ ﺃﻛﺒﺮ ﻣﻮﺍﻧﻰﺀ ﺍﻟﻌﺎﻟﻢ ﺍﻟﺘﺠﺎﺭﻳﺔ ﺑﺎﻻﺿﺎﻓﺔ ﺇﻟﻰ ﺃﻧﻪ ﻛﺎﻥ ﺃﻛﺒﺮ ﻣﻴﻨﺎﺀ ﻟﻠﺼﻴﺪ ﻓﻲ ﺍﻟﻌﺎﻟﻢ ﺣﺘﺎﻝ ﺑﺪﺍﻳﺔ ﺍﻟﻘﺮﻥ ﺍﻟﻌﺸﺮﻳﻦ، ﻫﺎﺩﺷﻲ ﻛﺎﻣﻞ ﺧﻠﻰ ﺍﻟﺴﻠﻄﺎﻥ ﺩﻳﺎﻝ ﺍﻟﻤﻐﺮﺏ ﻓﺪﺍﻙ ﺍﻟﺰﻣﺎﻥ ﻳﺒﻨﻲ ﻓﺂﺳﻔﻲ ﺩﺍﺭ ﻟﻠﺴﻜﺔ ﻓﻴﻦ ﻛﺎﻧﺖ ﻛﺎﺗﺼﺎﻳﺐ ﺍﻟﻔﻠﻮﺱ ﻣﻦ ﺍﻟﺬﻫﺐ ﻭﺍﻟﻔﻀﺔ ﻭﻛﺎﻧﺖ ﺳﻤﻴﺘﻬﺎ ﺩﺍﺭ ﺍﻟﺬﻫﺐ ﻗﺒﻞ ﻣﺎﻳﺤﻴﺪﻭ ﺩﻳﻠﻤﻬﺎ ﻭﻭﻳﺪﻓﻨﻮ ﻓﺒﻼﺻﺘﻬﺎ ﺁﺧﺮ ﻭﻟﻲ ﺻﺎﻟﺢ ﺍﺳﻤﻪ ﺳﻴﺪﻱ ﺑﻮﺫﻫﺐ ﻟﻲ ﺧﺪﺍ ﺳﻤﻴﺘﻴﻮ ﻣﻦ ﺇﺳﻢ ﺍﻟﻤﻜﺎﻥ ﻭﻛﺎﻥ ﺑﺎﻟﺘﺎﻟﻲ ﻫﻮ ﺍﻟﻮﻟﻲ ﺭﻗﻢ ﻭﺍﺣﺪ ﻭﺭﺑﻌﻴﻦ... ﻭﻣﻦ ﻫﻨﺎ ﺧﺪﺍﺕ ﺁﺳﻔﻲ ﺇﺳﻢ ﺑﻼﺩ ﺍﻟﻮﺍﺣﺪ ﻭﺭﺑﻌﻴﻦ ﻭﻟﻲ... ﺃﻏﻠﺒﻬﻢ ﺟﺎﻭ ﻣﻦ ﺑﻼﻳﺺ ﺧﺮﺍﻳﻦ ﻭﺗﻮﻓﺎﻭ ﻓﻲ ﺍﻟﻤﺪﻳﻨﺔ ﻛﻴﻒ ﻛﺎﻳﻮﻗﻊ ﺣﺎﻟﻴﺎ ﻟﻠﻤﻐﺎﺭﺑﺔ ﻟﻲ ﻣﺸﺎﻭ ﻟﻜﺎﺯﺍ ﺧﺪﻣﻮ ﻓﻴﻬﺎ ﻭﺩﻓﻨﻮ ﺗﻤﺎﻙ...
ﺃﻣﺎ ﻣﻮﺳﻢ ﺍﻟﺤﺞ ﻟﻲ ﻛﺎﻥ ﻛﺎﻳﺠﻲ ﻓﻨﻔﺲ ﺍﻟﻮﻗﺖ ﺩﻳﺎﻝ ﻣﻮﺳﻢ ﺳﻴﺪﻱ ﻣﺤﻤﺪ ﺍﻟﺮﻛﺮﺍﻛﻲ ﻓﻜﺎﻥ ﻛﺎﻳﺮﺟﻊ ﻣﻦ ﺍﻟﻤﺪﻳﻨﺔ ﻣﺎﻳﺸﺒﺢ ﺣﺎﻟﻴﺎ ﻣﻄﺎﺭ ﻣﺤﻤﺪ ﺍﻟﺨﺎﻣﺲ، ﺳﺘﺔ ﻭﺭﺑﻌﻴﻦ ﻃﺮﻳﻖ ﻛﺎﺗﺠﻴﺐ ﺍﻟﺒﺸﺮ ﻣﻦ ﻛﻞ ﺣﺪﺏ ﻭﺻﻮﺏ ﺍﺗﺠﺎﻩ ﻣﻴﻨﺎﺀ ﺁﺳﻔﻲ ﺑﺎﺵ ﻳﺮﻛﺒﻮ ﻓﻲ ﺍﻟﺒﺎﺭﻛﻮﺍﺕ ﻭﻳﻤﺸﻴﻮ ﻳﺄﺩﻳﻮ ﺷﻌﺎﺋﺮ ﺍﻟﺤﺞ.... ﻛﺎﻥ ﻭﺍﺣﺪ ﺍﻟﻤﺰﻳﺞ ﻏﺮﻳﺐ ﻭﻓﻲ ﺷﻜﻞ ﻭﻛﺎﻥ ﻛﺎﻳﺮﺍﻓﻘﻮ ﻭﺍﺣﺪ ﺍﻟﻬﻴﺒﺔ ﻛﺒﻴﺮﺓ ﻟﻬﺎﺩ ﺍﻟﻤﺪﻳﻨﺔ ﻭﻭﺍﺣﺪ ﺍﻟﻌﻼﻗﺔ ﻭﻃﻴﺪﺓ ﺑﺄﻛﺒﺮ ﺍﻗﺘﺼﺎﺩ ﻓﻲ ﺍﻟﻌﺎﻟﻢ ﻟﻲ ﻫﻮﺍ ﺍﻧﺠﻠﺘﺮﺍ ﻭﻟﻲ ﺑﺴﺒﺎﺑﻮ ﻋﻴﻦ ﺍﻟﺴﻠﻄﺎﻥ ﻭﺍﺣﺪ ﺧﻮﻧﺎ ﻣﻦ ﺍﻟﻤﺪﻳﻨﺔ ﺳﻤﻴﺘﻮ ﺳﻴﺪﻱ ﺍﺣﻤﺪ ﺑﻦ ﻋﺪﻭ ﺍﻟﻌﻄﺎﺭ ﺳﻔﻴﺮ ﻋﻨﺪ ﺍﻣﺒﺮﺍﻃﻮﺭﻳﺔ ﺍﻧﺠﻠﺘﺮﺍ ﻛﺎﻥ ﻫﻮﺍ ﺳﺒﺎﺏ ﺍﺗﻔﺎﻕ ﺍﻟﺴﻼﻡ ﻭﺍﻟﺘﺠﺎﺭﺓ ﻭﻟﻲ ﺧﻼﻩ ﻳﺎﺧﺪ ﻭﺳﺎﻡ ﻣﻠﻜﻲ ﻣﻦ ﺍﻟﺤﻜﻮﻣﺔ ﺍﻻﻧﺠﻠﻴﺰﻳﺔ...
ﻓﻲ ﺍﻟﻮﻗﺖ ﻟﻲ ﻣﺮﺍﻛﺶ ﺑﻼﺩ ﺳﺒﻌﺔ ﺭﺟﺎﻝ ﺑﺪﺍﺕ ﻛﺎﺗﺒﺎﻥ ﻭﻛﺎﺗﻜﺒﺮ ﻭﺗﻌﺮﻑ ﻛﺎﻧﺖ ﺑﻼﺩ ﺍﻟﻮﺍﺣﺪ ﻭﺭﺑﻌﻴﻦ ﺭﺍﺟﻞ (ﻭﻟﻲ ﺻﺎﻟﺢ) ﻛﺘﻨﻐﺎﻟﻖ ﻋﻠﻰ ﻧﻔﺴﻬﺎ ﺑﺴﺒﺎﺏ ﻣﻨﺎﻓﺴﺔ ﻣﺪﻥ ﺃﺧﺮﻯ ﻭﺍﻻﻧﺠﻠﻴﺰ ﻟﻲ ﻛﺎﻧﻮ ﺍﻗﻮﻯ ﻗﻮﺓ ﻓﻲ ﺍﻟﺪﻧﻴﺎ ﺑﺪﺍﻭ ﻛﺎﻳﺘﺮﺍﺟﻌﻮ ﻓﻲ ﺟﻞ ﺩﻭﻝ ﺍﻟﻌﺎﻟﻢ ﻭﺑﺎﻟﺘﺎﻟﻲ ﻛﺎﻳﻨﺴﺎﺣﺒﻮ ﺑﺸﻮﻱ ﺑﺸﻮﻱ ﻣﻦ ﺁﺳﻔﻲ ﺣﺘﻰ ﺗﻘﻠﺺ ﺣﺠﻢ ﺍﻟﺼﺎﺩﺭﺍﺕ ﻭﺍﻧﺪﺍﺗﺮﺍﺕ ﺑﺸﻜﻞ ﻛﻠﻲ ﻭﻣﻦ ﺑﻌﺪ ﻫﺮﺑﻮ ﺍﻟﻴﻬﻮﺩ ﻟﻲ ﻛﺎﻧﻮ ﺗﻘﺮﻳﺒﺎ ﻧﺼﻒ ﺳﻜﺎﻥ ﺍﻟﻤﺪﻳﻨﺔ ﻫﺮﺑﻮ ﻻﺳﺮﺍﺋﻴﻞ ﻭﺑﻘﺎﺕ ﺍﻟﻤﺪﻳﻨﺔ ﻋﺎﻣﺮﺓ ﺑﺎﻻﺷﺒﺎﺡ ﻭﺍﻟﺴﺮﺩﻳﻦ ﻓﻘﻂ ﻻﻏﻴﺮ ﺣﺘﻰ ﺣﻦ ﻋﻠﻴﻬﺎ ﺍﻟﺴﻠﻄﺎﻥ ﻣﻮﻻﻱ ﺍﻟﺤﺴﻦ ﺍﻟﺜﺎﻧﻲ ﻓﻲ ﺯﻳﺎﺭﺓ ﺗﺎﺭﻳﺨﻴﺔ ﺭﻓﻘﺔ ﺷﺎﻩ ﺇﻳﺮﺍﻥ ﻭﺑﻨﺎﻭ ﻓﻴﻬﺎ ﺍﻛﺒﺮ ﻗﻨﺒﻮﻟﺔ ﻓﻲ ﺍﻟﻤﻐﺮﺏ ﻟﻲ ﻫﻮﺍ ﻟﻮﺻﻴﺒﻲ...
ﻣﺎﻋﻠﻴﻨﺎ ﺧﻠﻴﻨﺎ ﻓﻲ 1892 ﻭﺧﻠﻴﻮﻧﺎ ﻓﻲ ﺍﻟﺤﻀﺎﺭﺓ ﻭﻓﻤﻮﺳﻢ ﺳﻴﺪﻱ ﻣﺤﻤﺪ ﺍﻟﺮﻛﺮﺍﻛﻲ ﺃﻭ ﺣﻲ ﺳﻌﻴﺪﺓ 2 ﺣﺎﻟﻴﺎ ﻣﻊ ﺍﻻﺳﻒ ﺑﻌﺪ ﺯﺣﻒ ﺍﻟﺒﻨﺎﻳﺎﺕ، ﻛﺎﻥ ﺃﺳﻴﺪﻱ ﻫﺎﺩ ﺍﻟﻤﻮﺳﻢ ﻭﺟﻬﺔ ﻟﻜﻞ ﻣﻐﺮﺑﻲ ﻓﻲ ﻣﺎﻳﺸﺒﻪ ﺍﻟﺬﻫﺎﺏ ﺍﻟﻰ ﺍﻟﻤﻮﺭﻭﻛﻮ ﻣﻮﻝ ﺃﻭ ﻛﺎﺭﻱ ﺇﻳﺪﻳﻦ ﻳﺎﻣﺎﺕ ﺍﻟﺼﻮﻟﺪ، ﺍﻟﻤﻮﺍﻋﻦ ﻭﻭﺍﻟﻄﻮﺍﺑﻞ ﻭﺍﻟﺴﺪﺍﺩﺭ ﻭﺍﻟﺰﺭﺍﺑﻲ ﻭﺍﻟﺨﻮﺍﻣﻲ ﻭﺍﻟﺘﻮﺏ ﻭﺍﻟﺒﻘﺮ ﻭﺍﻟﺤﻮﺍﻻ، ﺍﻟﻘﻬﺎﻭﻱ ﺩﻳﺎﻝ ﺍﻟﺸﻔﻨﺞ ﻭﺁﺗﺎﻱ ﺑﺎﻟﻤﺌﺎﺕ، ﺍﻟﺤﻠﺒﺎﺕ ﺩﻳﺎﻝ ﺍﻟﻤﺼﺎﺭﻋﺔ ﻭﺍﻟﺘﻴﺮﺍﺕ ﺑﺎﺵ ﻳﺘﺒﻮﺭﺩ ﺍﻟﺨﻴﻞ، ﺑﻬﺎﻳﻢ ﻭﻛﺮﺍﻭﻝ ﻟﻠﺒﻴﻊ ﻭﻭﺭﺷﺎﺕ ﻟﻼﺻﻼﺡ ﺍﻭ ﺗﺮﻛﻴﺐ ﺍﻟﺤﺪﻳﺪ ﻟﻠﺨﻴﻞ ﻭﺍﻟﺒﻐﺎﻝ، ﻣﺎﻟﻴﻦ ﺍﻟﺪﻫﺐ ﻭﺍﻟﻨﺤﺎﺱ ﻭﺍﻟﻔﻀﺔ ﻟﻌﻠﻚ ﺗﺮﺿﻰ ﺃﻣﺎ ﺍﻟﺤﻼﻭﻱ ﻭﺍﻟﺴﻔﻮﻑ ﺑﺄﻧﻮﺍﻋﻬﺎ ﻭ ﻭ ﺃﺷﻜﺎﻟﻬﺎ، ﻣﺎﻟﻴﻦ ﺍﻟﺤﻴﻚ ﻭﺍﻟﺠﻼﺑﺔ ﻭﺍﻟﺘﻮﺏ ﻣﺴﺘﻔﻴﻦ ﻭﺍﻟﺨﻴﺎﻃﺔ ﺣﺪﺍﻫﻢ، ﺳﻮﻕ ﺍﻟﺒﻠﻐﺔ ﻛﺒﺮ ﻣﻦ ﺩﻳﺎﻝ ﻓﺎﺱ ﻭﺑﻼﺻﺔ ﻗﻠﻴﺎﻥ ﺍﻟﺤﻮﺕ ﺗﺒﺪﺍﻫﺎ ﻣﺎﺗﺴﺎﻟﻴﻬﺎ ﺃﻣﺎ ﻓﻲ ﺁﺧﺮ ﺍﻟﻤﻮﺳﻢ ﻛﺎﺗﻠﻘﺎ ﺻﺤﺎﺏ ﺍﻟﺤﻼﻗﻲ ﻟﻲ ﺧﻮﺍﻭ ﺟﺎﻣﻊ ﺍﻟﻔﻨﻰ ﻭﺳﺎﺣﺔ ﺍﻟﻬﺪﻳﻢ ﻭﻫﺒﻮ ﻟﺴﻴﺪﻱ ﻣﺤﻤﺪ ﺍﻟﺮﻛﺮﺍﻛﻲ، ﺍﻟﺤﻼﻗﻲ ﺧﺎﺻﻚ ﻧﻬﺎﺭ ﻭﻟﻴﻠﺔ ﺑﺎﺵ ﺗﺴﺎﻟﻴﻬﻢ ﺃﻣﺎ ﻓﻮﺳﻂ ﺍﻟﻤﻮﺳﻢ ﺍﻟﺸﻮﺍﻳﺔ ﺩﻳﺎﻝ ﺍﻟﻠﺤﻢ ﻭﺍﻟﻘﻄﺒﺎﻥ ﺍﻟﺪﺧﺎﺧﻦ ﻃﺎﻟﻌﻴﻦ ﺗﺎﻝ ﺍﻟﺴﻤﺎ، ﺍﻟﺸﻮﺍﻓﺎﺕ ﻭﺍﻟﺴﺤﺎﺭﺓ ﻛﻴﻒ ﺍﻟﺪﻭﺩ ﺯﻳﺪ ﻋﻠﻴﻬﻢ ﺍﻟﻨﻘﺎﺷﺎﺕ ﻭﺻﺤﺎﺏ ﺿﺮﻳﺐ ﺍﻟﻜﺎﺭﻃﺔ، ﺁﺵ ﻏﺎﻧﻘﻮﻟﻴﻜﻢ ﺗﺒﺪﺍﻩ ﻣﺎﺗﺴﺎﻟﻴﻪ ﻫﺎﺩﺷﻲ ﻋﻼﺵ ﻛﺎﻥ ﻛﺎﻳﺒﻘﺎ ﻋﺸﺮﻳﺎﻡ ﻛﺎﻧﻮ ﺧﻼﻟﻬﻢ ﺍﻟﻨﺎﺱ ﻛﺎﻳﺠﻴﻮ ﻣﻦ ﻛﻞ ﻣﻜﺎﻥ ﻭﻛﺎﻳﺪﻗﻮ ﻗﻴﺎﻃﻨﻬﻢ ﻭﻳﺒﻘﺎﻭ ﺑﺎﻟﻠﻴﺎﻟﻲ ﺑﺎﺵ ﻳﺤﻀﺮﻭ ﻟﻠﺸﻴﺨﺎﺕ ﻭﺣﻤﺎﺩﺍﻣﻮﺱ... ﺃﻣﺎ ﻓﻲ ﺍﻟﻠﻴﻞ ﺍﻟﻤﺎﺣﻴﺔ ﻭﺍﻟﻘﺤﺎﺏ ﻟﻲ ﻣﺎﻛﺘﻠﻘﺎﻫﺶ ﻓﻲ ﺍﻟﻤﻮﺳﻢ ﻛﺎﺗﻠﻘﺎﻩ ﻓﺎﻟﺒﺎﺭ ﺩﻳﺎﻝ ﺍﻟﺒﻮﺳﻄﺔ ﻭﻻ ﻓﻲ ﺍﻟﻤﺮﺳﻰ ﻓﺒﺎﺭ ﺍﻻﻧﺠﻠﻴﺰ، ﺍﻟﺤﻴﺎﺍﺍﺍﺓ ﺍﻟﺴﻌﻴﺪﺓ ﺍﻟﺤﻤﺪ ﻟﻠﻪ ﻋﺸﺖ ﺟﺰﺀ ﻛﺒﻴﺮ ﻣﻦ ﻫﺎﺩﺷﻲ ﻗﺒﻞ ﺍﻻﻧﺪﺛﺎﺭ ﺩﻳﺎﻝ ﻫﺎﺩ ﺍﻟﻤﻮﺳﻢ ﺳﻨﺔ 2000،
ﻭﺳﻂ ﻫﺎﺩ ﺍﻟﺠﻘﻠﺔ ﻛﻠﻬﺎ ﻋﺎﻳﺸﺔ ﻭﺑﺮﺍﻫﻴﻢ ﻛﺎﻳﻀﻮﺭﻭ ﻣﻦ ﺑﻌﺪ ﻣﺎﺭﺑﻄﻮ ﺍﻟﺒﻐﻠﺔ ﻭﺍﻟﻜﺎﺭﻭﻳﻠﺔ ﻓﻮﺍﺣﺪ ﺍﻟﺸﺠﺮﺓ ﻓﺪﺧﻠﺔ ﺍﻟﻤﻮﺳﻢ، ﺧﻠﺼﻬﻢ ﺩﺍﻙ ﺍﻟﻤﺠﻮﻋﻒ ﺩﻳﺎﻝ ﺍﻟﻤﻌﻄﻲ ﻛﻴﻒ ﺧﻠﺺ ﻛﺎﻉ ﺍﻟﻔﻼﺣﺔ ﻭﺍﻏﻠﺒﻬﻢ ﻫﺒﻂ ﻟﻠﻤﻮﺳﻢ ﺑﺎﺵ ﻳﺘﻘﺪﺍ ﺷﻲ ﺟﺎﻱ ﻋﻠﻰ ﺭﺟﻠﻴﻪ ﺿﺮﺏ ﻳﻮﻣﻴﻦ ﺩﻳﺎﻝ ﺍﻟﻄﺮﻳﻖ ﻭﺷﻲ ﺟﺎﻱ ﻓﻲ ﺍﻟﻜﺮﺍﻭﻝ ﺧﺮﺝ ﻣﻊ ﺍﻟﻔﺠﺮ ﻭﺻﻞ ﻟﻠﻤﻮﺳﻢ ﻣﻊ ﺍﻟﻤﻐﺮﺏ، ﺑﺮﺍﻫﻴﻢ ﺿﺎﺭﺏ ﺍﻟﺠﻼﺑﻴﺔ ﺍﻟﺠﺪﻳﺪﺓ ﺍﻟﺒﻴﻀﺔ ﻭﻣﺮﺗﻮ ﻋﺎﻳﺸﺔ ﺿﺎﺭﺑﺎ ﺍﻟﺤﺎﻳﻚ ﻭﻟﻜﻦ ﺑﻼ ﻧﻘﺎﺏ، ﻋﻴﺸﺔ ﺑﻨﺖ ﻋﻼﻝ ﻭﺍﻟﻄﺎﻫﺮﺓ... ﻫﺎﺩ ﺍﻟﻄﺎﻫﺮﺓ ﺧﺼﻬﺎ ﺑﺤﺪﻫﺎ ﻗﺼﺔ ﺣﺘﺎﻝ ﺷﻲ ﻧﻬﺎﺭ ﻭﻧﻌﺎﻭﺩﻫﺎ ﻟﻴﻜﻢ ﻭﻛﻴﻒ ﺍﻟﻄﺎﻫﺮﺓ ﺧﺮﺟﺎﺕ ﺑﻨﺘﻬﺎ ﻋﺎﻳﺸﺔ ﺁﻳﺔ ﻣﻦ ﺍﻟﺠﻤﺎﻝ ﻓﻌﻤﺮﻫﺎ ﺳﻄﺎﻋﺸﺮ ﻋﺎﻡ ﻭﺟﻤﺎﻟﻬﺎ ﺭﺑﺎﻧﻲ ﻛﻮﻥ ﺷﺎﻓﻮﻫﺎ ﺷﻌﺮﺍﺀ ﺍﻟﺠﺎﻫﻠﻴﺔ ﻛﻮﻥ ﻛﺘﺒﻮ ﻓﻴﻬﺎ ﺍﻟﻤﻌﻠﻘﺎﺕ، ﺣﻮﺗﺔ ﻣﻠﻮﻳﺔ ﻓﺤﺎﻳﻚ، ﺑﻘﺎﺕ ﻛﺎﺗﺒﻴﺎﺽ ﺣﺘﻰ ﺑﺎﻧﻮ ﻟﻴﻬﺎ ﺍﻟﻌﺮﻭﻕ، ﻳﺪﻳﻬﺎ ﻋﺸﺮﺓ ﺍﻟﺸﻤﻌﺎﺕ ﻭﻛﺪﻡ ﺭﺟﻠﻴﻬﺎ ﺧﺎﺭﺝ ﻣﻦ ﺍﻟﺸﺮﺑﻴﻞ ﻓﺤﺎﻝ ﺷﻲ ﻃﺮﻑ ﺩﻳﺎﻝ ﺍﻟﻔﺮﻣﺎﺝ... ﻭﺟﻬﻬﺎ ﻧﺴﺨﺔ ﻃﺒﻖ ﺍﻻﺻﻞ ﻣﻦ ﻭﺟﻪ ﻻﻟﺔ ﺳﻠﻤﻰ ﻣﺮﺕ ﺍﻟﻤﺎﻟﻴﻚ، ﺍﻟﺤﺎﻳﻚ ﻟﻲ ﻻﻳﺤﺎ ﻋﻠﻰ ﺭﺍﺳﻬﺎ ﻛﺎﻳﺒﻴﻦ ﻃﺮﻑ ﻣﻦ ﺍﻟﺸﻌﺮ ﻛﺤﻞ ﻛﻴﻒ ﻇﻼﻡ ﻟﻴﻠﺔ ﺭﺍﺱ ﺍﻟﻌﺎﻡ... ﺍﻟﺨﻠﺨﺎﻝ ﻓﻲ ﺍﻟﺮﺟﻞ ﺍﻟﻴﻤﻨﻰ ﻭﺍﻟﺪﻣﻠﻴﺞ ﻓﻲ ﺍﻟﻴﺪ ﺍﻟﻴﺴﺮﻯ. ﺑﺮﺍﻫﻴﻢ ﻏﺎﺩﻱ ﻗﺪﺍﻣﻬﺎ ﻭﻫﻴﺎ ﺗﺎﺑﻌﺎﻩ ﻣﻦ ﻟﻮﺭ ﻛﻴﻒ ﻛﺎﻉ ﻋﻴﺎﻻﺕ ﻫﺎﺩﻳﻚ ﺍﻟﻮﻗﺖ ﻭﻣﺎﻛﻴﻨﺶ ﻟﻲ ﻳﻬﺰ ﻓﻴﻬﺎ ﻋﻴﻨﻴﻪ ﻻﻥ ﻧﺎﺱ ﺩﻳﻚ ﺍﻟﻮﻗﺖ ﻛﺎﻧﻮ ﻛﺎﻳﺴﺘﺤﻴﺎﻭ ﺗﺠﻲ ﻋﻴﻨﻬﻢ ﻓﻲ ﻋﻴﻦ ﻣﺮﺕ ﺍﻟﺮﺍﺟﻞ ﻣﺎﺷﻲ ﻓﺤﺎﻝ ﺩﺍﺑﺎ ﻭﺍﺧﺎ ﺗﻜﻮﻥ ﺍﻟﻤﺮﺍ ﺑﺮﺍﺟﻠﻬﺎ ﺗﻠﻘﺎﻫﻢ ﺗﺎﺑﻌﻴﻨﻬﺎ ﻳﻨﻜﻮ ﻋﻠﻴﻬﺎ ﻫﺎﺩ ﻗﻮﻡ "ﻗﻴﻤﺶ".
ﺑﺮﺍﻫﻴﻢ ﺍﻟﻄﻮﻟﺔ ﻭﺍﻟﺘﺠﺮﻳﺪﺓ ﻓﻌﻤﺮﻭ ﻋﺸﺮﻳﻦ ﻋﺎﻡ ﻭﻟﻜﻦ ﻋﻘﻠﻮ ﺩﻳﺎﻝ ﺭﺑﻌﻴﻦ ﻋﺎﻡ، ﻣﺎﺷﻲ ﺷﻲ ﺯﻳﻦ ﻭﻟﻜﻦ ﻣﺘﺒﺖ ﻭﻣﺮﺯﻥ ﺣﺎﻓﺾ ﻛﺘﺎﺏ ﺍﻟﻠﻪ ﻭﺻﺤﻴﺢ ﺍﻟﺒﺨﺎﺭﻱ ﻭﻟﺴﺎﻧﻮ ﺣﻠﻮ، ﻋﺎﺭﻑ ﻃﺮﻳﻖ ﺍﻟﻠﻪ ﻭﻛﺎﻳﻜﺘﺐ ﺍﻟﺸﻌﺮ، ﺍﻟﻄﺮﻳﻖ ﻛﻠﻬﺎ ﻣﻦ ﺍﻟﺰﺍﻭﻳﺔ ﺣﺘﺎﻝ ﺁﺳﻔﻲ ﻭﻫﻮﺍ ﺗﺎﻳﻌﺮﺽ ﻓﻴﻪ ﻋﻠﻰ ﻋﺎﻳﺸﺔ ﻟﻲ ﻣﺎﻗﺎﺩﺍﻫﺎ ﻓﺮﺣﺔ... ﻭﺍﺧﺎ ﻣﺎﺯﻭﻳﻨﺶ ﻛﺎﻥ ﻣﺴﺮﺍﺭ ﻭﺿﺤﻴﻜﺘﻮ ﻛﺎﺗﺪﺧﻞ ﻟﻠﻘﻠﺐ، ﻛﻴﻒ ﺗﺰﻭﺝ ﻋﺎﻳﺸﺔ ﺑﺪﺍﺕ ﻗﺼﺔ ﺣﺐ ﺧﻴﺎﻟﻴﺔ ﺑﺎﻟﺮﻏﻢ ﻣﻦ ﺃﻧﻬﺎ ﻗﺼﻴﺮﺓ ﺇﻻ ﺃﻥ ﺳﻄﻮﺭ ﺍﻟﻘﺼﺔ ﻣﺎﺗﻘﺪﻫﺎﺵ ﻫﻴﺎ ﺑﻮﻭﺣﺪﻫﺎ.... ﻋﺎﻳﺸﺔ ﻭﺑﺮﺍﻫﻴﻢ ﺗﺴﺎﺭﺍﻭ ﻓﻲ ﺍﻟﻤﻮﺳﻢ ﺷﺮﺍﻭ ﺍﻟﺬﺭﺓ ﻣﻘﻠﻴﺔ ﻭﺗﻔﺮﺟﻮ ﻓﻲ ﺍﻟﺤﻠﻘﺔ ﻛﻼﻭ ﺍﻟﺰﻧﺎﻥ ﻭﺷﺮﺑﻮ ﺑﺮﺍﺩ ﺩﻳﺎﻝ ﺃﺗﺎﻱ، ﺷﺮﺍ ﻟﻴﻬﺎ ﺳﺮﻭﺍﻝ ﺯﻭﺍﻟﻚ ﻭﺩﻣﻠﻴﺞ ﺩﻳﺎﻝ ﺍﻟﻨﻘﺮﺓ، ﺷﻮﻱ ﺩﻳﺎﻝ ﻣﺎﻋﻦ ﺍﻟﺪﺍﺭ ﻣﻦ ﻃﺒﻴﻌﺔ ﺍﻟﺤﺎﻝ ﻭﺧﺪﺍ ﻟﻴﻪ ﻫﻮﺍ ﺳﺮﻭﺍﻝ ﻗﻨﺪﺭﻳﺰﻱ ﻭﺍﻟﻤﻔﺎﺟﺄﺓ ﺍﻟﻜﺒﻴﺮﺓ ﺷﺮﺍ ﺭﺍﺩﻳﻮ ﺑﻔﻠﻮﺱ ﺍﻟﺰﺭﻭﺭ ﻟﻲ ﺟﻤﻌﻮﻫﺎ ﻟﻴﻪ ﻧﻬﺎﺭ ﺍﻟﻌﺮﺱ ﻭﻟﻲ ﺯﺍﺩ ﻋﻠﻴﻬﺎ ﻣﺪﺧﺮﺍﺕ ﻋﺸﺮﺓ ﺍﻟﺴﻨﻴﻦ، ﻗﻴﻤﺔ ﺍﻟﺮﺍﺩﻳﻮ ﺭﺑﻌﻤﻴﺔ ﺩﺭﻳﺎﻝ ﺩﻳﺎﻝ ﻫﺎﺩ ﺍﻟﻮﻗﺖ ﻭﻟﻲ ﻛﺎﻧﺖ ﻓﻲ ﻫﺎﺩﻳﻚ ﺍﻟﺰﻣﺎﻥ ﻣﺎﻛﻴﺠﻤﻌﻮﻫﺎ ﻏﻴﺮ ﺍﻟﺮﺟﺎﻝ ﻣﺎﻟﻴﻦ ﺍﻟﺸﻼﻏﻢ... ﻓﻲ ﻋﺰ ﺍﻟﻔﺮﺣﺔ ﺩﻳﺎﻟﻬﻢ ﺟﺎﺕ ﻋﻴﻨﻴﻬﻢ ﻓﻲ ﻋﻴﻦ ﺷﻴﻄﺎﻥ ﺯﻣﺎﻧﻮ، ﺍﻟﻤﻌﻄﻲ ﺑﺸﺤﻤﻪ ﻭﻟﺤﻤﻪ ﻗﺪﻭ ﻗﺪ ﺍﻟﻘﺒﺔ ﺩﻳﺎﻝ ﺍﻟﺠﺎﻣﻊ ﺩﺍﺧﻞ ﺟﺎﻣﺢ ﻭﺳﻂ ﺍﻟﺰﺣﺎﻡ ﺑﺒﻐﻠﺘﻮ ﺑﺎﺵ ﻣﺎﺗﻮﺳﺨﺶ ﻟﻴﻪ ﺑﻠﻐﺘﻮ ﻭﺗﺎﺑﻌﻴﻨﻮ ﻭﺍﺣﺪ ﺟﻮﺝ ﺭﻫﻮﻁ ﻛﻞ ﻭﺍﺣﺪ ﻓﻴﻬﻢ ﻗﺪ ﺍﻟﺒﺎﺏ ﺩﻳﺎﻝ ﺍﻟﻜﺘﺒﻴﺔ، ﺍﻟﻤﻌﻄﻲ ﺿﺮﺏ ﻋﻠﻴﻬﻢ ﻣﻦ ﺑﻌﻴﺪ ﻭﻗﺸﻊ ﺑﺮﺍﻫﻴﻢ ﻭﺣﻴﺖ ﻣﺎﻛﻴﺤﺸﻢ ﻣﺎﻛﻴﺮﻣﺶ ﺗﺒﻌﻬﻢ ﺑﺎﺵ ﻳﺸﻮﻑ ﺍﺷﻨﻮ ﺩﺍﻙ ﺍﻟﺼﻨﺪﻭﻕ ﻟﻲ ﻫﺎﺯ ﻓﻮﻕ ﻛﺘﻔﻮ، ﻛﻴﻒ ﻭﺻﻞ ﻣﻦ ﻭﺭﺍﻩ ﻧﺰﻝ ﻣﻦ ﺑﻐﻠﺘﻮ ﻭﺷﺪ ﺑﺮﺍﻫﻴﻢ ﻣﻦ ﻛﺘﻔﻮ ﻟﻲ ﻣﺴﻜﻴﻦ ﻣﻦ ﺍﻟﺨﻠﻌﺔ ﻛﺎﻥ ﻏﺎﻳﻄﻠﻖ ﺍﻟﺮﺍﺩﻳﻮ ﻭﺗﻤﺸﻲ ﻓﻠﻮﺳﻮ ﺣﺮﺍﺍﺍﻡ.... "ﻫﺎﻱ ﻫﺎﻱ ﻋﻠﻰ ﺑﺮﻳﻬﻴﻢ ﻣﺎﺗﻠﻴﺘﻴﺶ ﺳﺎﻫﻞ ﺷﺮﻳﺘﻲ ﺍﻟﺮﺍﺩﻳﻮ ﻳﺎ ﻭﻟﺪ ﺟﻮﻳﻠﻴﻠﻲ!!!" ﻗﺎﻟﻴﻪ ﺍﻟﻤﻌﻄﻲ، ﺑﺮﺍﻫﻴﻢ ﺣﺪﺭ ﻋﻴﻨﻴﻪ ﻟﻼﺭﺽ ﻭﻟﻜﻦ ﻋﺎﻳﺸﺔ ﻋﻴﻨﻴﻬﺎ ﻓﻌﻴﻨﻴﻦ ﺍﻟﻤﻌﻄﻲ ﻭﻛﺘﺴﻨﺎﻩ ﻏﻴﺮ ﻳﺪﻳﺮ ﺷﻲ ﺣﺮﻛﺔ ﺑﺎﺵ ﺗﺴﻮﻁ ﻭﺗﺠﻤﻊ ﻋﻠﻴﻪ ﻗﻮﻡ ﺭﺑﻲ ﺍﻟﻌﺎﻟﻤﻴﻦ، ﺧﺎﺻﺔ ﺃﻥ ﻭﺍﻟﻲ ﺍﻟﻤﺪﻳﻨﺔ ﻣﻨﺒﻪ ﺍﻟﻤﺨﺰﻥ ﺑﺎﺵ ﺗﺎﻭﺍﺣﺪ ﻣﺎﻳﺪﺧﻞ ﻟﻠﻤﻮﺳﻢ ﺑﺎﻟﻤﻜﺤﻠﺔ ﺍﻭ ﺍﻟﺨﻨﺠﺮ، ﺍﻟﻤﻌﻄﻲ ﺟﺎﻱ ﻃﻮﻳﻞ ﻭﺑﻼ ﻣﻜﺤﻠﺔ ﺩﺍﻳﺮ ﻓﺤﺎﻝ ﺷﻲ ﺣﻮﺗﺔ ﺧﺎﺭﺟﺔ ﻣﻦ ﺍﻟﻤﺎ، ﺷﺎﻑ ﻓﻲ ﻋﺎﻳﺸﺔ ﻭﻗﺎﻟﻴﻬﺎ "ﻣﺎﻟﻚ ﻛﺎﺗﺨﺮﺟﻲ ﻓﻴﺎ ﻋﻴﻨﻴﻚ ﺃﻋﻮﻳﺸﺔ؟ ﻣﺎﻟﻚ ﺳﺎﻳﺮﺍ ﺗﺸﻮﻓﻲ ﻓﻴﺎ؟" ﻭﺑﻜﻞ ﺗﻘﺔ ﻓﻲ ﺍﻟﻨﻔﺲ ﺟﺎﻭﺑﺎﺗﻮ "ﺗﺸﻮﻑ ﻓﻴﻚ ﺟﻨﻴﺔ ﺃ ﺍﻟﻤﻌﻴﻄﻲ!!!" ﻋﻄﺎﺍﺍﺍﺗﻮ ﺍﻟﻌﺼﻴﺮ ﻭﻣﺎﻛﺎﻥ ﻣﻨﻮ ﻏﻴﺮ ﺍﻧﻪ ﺗﺒﺮﺍ ﻣﻨﻬﺎ ﻭﻗﺎﻟﻴﻬﺎ ﺍﻟﻬﻀﺮﺓ ﻣﺎﺷﻲ ﻣﻊ ﺍﻟﻌﻴﺎﻻﺕ ﺗﺎﺗﺠﻴﻮ ﻟﻠﺪﻭﺍﺭ ﻭﻧﻮﺭﻳﻚ ﺷﻜﻮﻥ ﺍﻟﻤﻌﻴﻄﻲ.. ﻃﺎﺡ ﺍﻟﻈﻼﻡ ﺷﺪ ﺑﺮﺍﻫﻴﻢ ﺍﻟﻄﺮﻳﻖ ﻫﻮﺍ ﻭﻣﺮﺗﻮ ﻟﺰﺍﻭﻳﺔ ﺳﻴﺪﻱ ﺍﻟﺮﺍﺿﻲ ﻭﺻﻞ ﺍﻟﻔﺠﺮ ﻟﻘﺎﻫﻢ ﻧﻮﺍﺣﻲ ﺩﻭﺍﺭ ﻻﻟﺔ ﻓﺎﻃﻨﺔ ﺗﻤﺎﻙ ﻟﻘﺎﻭ ﺍﻟﻤﻌﻄﻲ ﻭﺍﻟﺮﻫﻮﻁ ﺩﻳﺎﻟﻮ ﻋﺎﺻﺮﻳﻦ ﻋﻠﻴﻬﻢ ﻭﻟﻜﻦ ﻫﺎﺩ ﺍﻟﻤﺮﺓ ﻭﺟﻪ ﺍﻟﻜﻠﺐ ﺑﻤﻜﺤﻠﺘﻮ...
التالي
المشاركةالتالية
المشاركةالتالية
السابق
المشاركة السابقة
المشاركة السابقة
الاشتراك في:
تعليقات الرسالة (Atom)
تحويل كودإخفاء محول الأكواد الإبتساماتإخفاء