الشربيل(الحلقة اﻷخيرة)5 الكاتب Unknown في 9:48 ص #ﺍﻟﺸﺮﺑﻴﻞ (ﺍﻟﺤﻠﻘﺔ ﺍﻷﺧﻴﺮﺓ) ﻟﻲ ﻣﺎﻋﻨﺪﻭ ﻓﻠﻮﺱ ﻣﺎﻋﻨﺪﻭ ﺟﺎﻩ ﻣﺎ ﻋﻨﺪﻭ ﺳﻠﻄﺔ ﻭﺣﻖ ﻣﻮﻻﻧﺎ ﻳﻼ ﻏﻴﺮ ﻣﺘﻘﻞ ﻋﻠﻰ ﺍﻟﻜﺮﺓ ﺍﻷﺭﺿﻴﺔ، ﻓﺎﺵ ﻛﻨﺘﻔﻜﺮ ﺃﻥ ﻋﺸﺮﺓ ﺍﻟﻨﺎﺱ ﻋﻨﺪﻫﻢ ﺛﻤﺎﻧﻴﻦ ﻓﻲ ﺍﻟﻤﻴﺔ ﻣﻦ ﺛﺮﻭﺓ ﺍﻟﻌﺎﻟﻢ ﺗﻨﻘﻮﻝ ﻣﻊ ﺭﺍﺳﻲ ﻣﺎﻋﺮﻓﺖ ﺍﺷﻨﻮ ﺗﻨﺪﻳﺮﻭ ﺣﻨﺎ ﻓﻲ ﻫﺎﺫ ﺍﻟﻜﻮﻛﺐ ﻣﻦ ﻏﻴﺮ ﺍﻟﺘﻮﺍﻟﺪ ﻭﺍﻟﺨﺮﺍ ﻭﺍﺳﻨﺸﺎﻕ ﻣﺎﺗﺒﻘﺎ ﻣﻦ ﺍﻷﻛﺴﺠﻴﻦ، ﺷﻲ ﻭﻟﺪ ﺍﻟﻜﻠﺒﺔ ﻳﻘﻮﻝ ﻟﻴﺎ ﺍﻟﻔﻠﻮﺱ ﻣﺎﻛﺘﺠﻴﺒﺶ ﺍﻟﺴﻌﺎﺩﺓ ﻧﺨﺮﺝ ﺃﻧﺎ ﻭﻳﺎﻩ ﻟﻠﻌﻴﺐ، ﺃﺗﻘﻮﻟﻮ ﻟﻴﺎ ﺁﻩ ﻛﺘﺠﻴﺐ ﺍﻟﺴﻌﺎﺩﺓ ﻭﻟﻜﻦ ﻣﺎﻛﺘﺠﻴﺒﺶ ﺍﻟﺼﺤﺔ ﻭﻟﻜﻦ ﺍﺷﻨﻮ ﺣﺴﻦ ﻣﺮﻳﺾ ﻭﻋﻨﻚ ﺍﻟﻔﻠﻮﺱ ﺑﺎﺵ ﺗﺪﺍﻭﺍ ﻭﺗﻤﺸﻲ ﻻﺣﺴﻦ ﺍﻻﻃﺒﺎﺀ ﻭﺗﻨﻌﺲ ﻓﺄﺣﺴﻦ ﺳﺒﻴﻄﺎﺭﺍﺕ ﻭﺗﺸﺮﺏ ﺃﺣﺴﻦ ﺩﻭﺍ ﻭﻳﻼ ﺑﺎﻧﺖ ﻟﻴﻚ ﺍﻟﻘﻀﻴﺔ ﺣﺎﻣﻀﺔ ﻭﺍﻟﻤﻮﺕ ﺟﺎﻳﺎ ﺗﻤﺸﻲ ﺗﻀﺮﺑﻬﺎ ﺑﺸﻲ ﺣﺠﺔ ﻓﺎﻋﻠﺔ ﺗﺎﺭﻛﺔ ﺃﻭ ﺗﻜﻮﻥ ﻣﺮﻳﺾ ﻭﺗﺎﺗﻼﻭﺡ ﺩﻳﻠﻤﻚ ﻓﺴﺒﻴﻄﺎﺭﺍﺕ ﺍﻟﻤﺨﺰﻥ ﻧﺎﻋﺲ ﻭﺳﻂ ﺍﻟﻔﻴﺮﺍﻥ ﻭﺳﺮﺍﻕ ﺍﻟﺰﻳﺖ ﻓﺮﻣﻠﻲ ﻳﻠﻮﺣﻚ ﻟﻔﺮﻣﻠﻲ ﻭﻋﺴﺎﺱ ﺳﺒﻴﻄﺎﺭ ﻳﻨﺘﻒ ﺍﻟﻔﺮﻣﻠﻲ ﻳﻨﺘﻒ ﺍﻟﻄﺒﻴﺐ ﻳﻨﺘﻒ ﺍﻟﻔﺮﻣﺎﺻﻴﺎﻥ ﻳﻨﺘﻒ ﺍﻟﺨﺪﻣﺔ ﺗﻨﺘﻖ ﻟﻴﻚ ﺣﻴﺖ ﻣﺎﻣﺸﻴﺘﺶ ﻭﻓﺎﺵ ﺗﻘﻮﺍﺩ ﻋﻠﻴﻚ ﻭﺗﻮﺍﻓﻴﻚ ﺍﻟﻤﻨﻴﺔ ﺗﻤﻮﺕ ﻣﻘﻮﺩﻫﺎ ﺫﻧﻮﺏ ﺗﺼﺪﻕ ﻻ ﺩﻳﻦ ﻻ ﺩﻧﻴﺎ ﻻ ﺁﺧﺮﺓ... ﺍﻟﻔﻘﺮ ﻭﻟﺪ ﺩﻳﻠﻜﻠﺐ ﻣﻘﻮﺩ ﺑﻜﻞ ﻣﺎ ﺗﺤﻮﻳﻪ ﺍﻟﻜﻠﻤﺔ ﻣﻦ ﻣﻌﻨﻰ، ﺗﻘﺮﺍ ﺣﺘﻰ ﻃﻴﺐ ﻟﻴﻚ ﻗﺰﻳﺒﺘﻚ ﻭﻓﻲ ﺍﻵﺧﻴﺮ ﻳﻮﻗﻔﻚ ﺑﻮﻟﻴﺴﻲ ﺣﻴﺖ ﻣﺎﺩﻳﺮﺵ ﺍﻟﻜﺎﺳﻚ ﻭﻳﺪﻱ ﻟﻴﻚ ﺛﻠﺜﻤﻴﺔ ﺩﺭﻫﻢ ﻣﺨﺎﻟﻔﺔ ﻳﺨﻠﻴﻚ ﻛﺎﺗﺸﺤﺖ ﺑﺎﺵ ﺗﻜﻤﻞ ﺍﻟﺸﻬﺮ ﻓﻲ ﺍﻟﻮﻗﺖ ﻟﻲ ﻛﺎﺗﻠﻘﺎ ﻭﺍﺣﺪ ﻣﺎﻗﺎﺭﻱ ﺗﺎﻭﺯﺓ ﻛﺎﻳﺘﺴﺎﺭﺍ ﺑﻄﻮﻧﻮﺑﻴﻞ ﻣﻔﺮﺷﺨﺔ ﻻ ﺻﻤﻄﺔ ﻻ ﻭﺭﺍﻕ ﻛﺎﻳﺪﻭﺯ ﻓﺤﺎﻝ ﺍﻷﻣﻴﺮ، ﺍﻟﻔﻠﻮﺱ ﻛﺎﺗﻌﻄﻲ ﺍﻟﻬﺒﺔ، ﺑﻼ ﻓﻠﻮﺱ ﻏﺎﺗﺒﻘﺎ ﺣﻴﺎﺗﻚ ﻛﻠﻬﺎ ﻣﺒﻬﺬﻝ ﻓﻲ ﺍﻟﻄﻮﺑﻴﺴﺎﺕ، ﺑﻼ ﻓﻠﻮﺱ ﺍﺗﺒﻘﺎ ﺑﻼ ﺯﻭﺍﺝ ﺑﻼ ﻭﻻﺩ ﺍﻳﻤﻮﺗﻮ ﻭﺍﻟﺪﻳﻚ ﻭﻏﺎﺗﺒﻘﺎ ﺑﻮﺣﺪﻙ ﺷﺎﺭﻑ ﻭﻣﺮﻳﺾ ﻭﻣﺎﻛﻴﻨﺶ ﻟﻲ ﻳﺪﻳﻬﺎ ﻓﻴﻚ ﻭﻏﺎﺩﻱ ﺗﻼ ﺑﺎﻟﺤﻤﺎﻕ ﺍﻭ ﻓﻲ ﺩﺍﺭ ﺍﻟﻌﺠﺰﺓ... ﺑﻼ ﻓﻠﻮﺱ ﺍﻟﻮﻋﺎﻭﻉ ﻳﻼ ﻗﺮﻳﺘﻲ ﻭﻻﺩﻙ ﻭﺍﻟﺰﻣﺮ ﻳﻼﺷﻔﺘﻲ ﺷﻲ ﺑﻼﺩ ﻣﻦ ﻏﻴﺮ ﺍﻟﻤﻐﺮﺏ ﻭﻣﻮﺣﺎﻝ ﺗﺎ ﻭﺍﺵ ﺗﺸﻮﻑ ﺁﻛﺎﺩﻳﺮ ﻗﺒﻞ ﻣﺎﺗﻤﻮﺕ، ﻣﺎﻋﻨﺪﻛﺶ ﺍﻟﻔﻠﻮﺱ ﻣﺎﻏﺘﻘﺮﺍﺵ ﻭﺑﺎﻟﺘﺎﻟﻲ ﻣﺎﻏﺘﺨﺪﻣﺶ ﻭﻳﻼ ﺧﺪﻣﺘﻲ ﻏﺎﻳﺤﺮﺛﻮ ﻋﻠﻰ ﻃﺎﺳﻴﻠﺘﻚ ﺣﺘﻰ ﻳﺎﺧﺪ ﻣﻮﻝ ﺍﻻﻣﺎﻧﺔ ﺃﻣﺎﻧﺘﻮ ﻭﺣﺘﻰ ﻳﻼ ﺳﻬﻞ ﻋﻠﻴﻚ ﺍﻟﻠﻪ ﻭﺗﺰﻭﺟﺘﻲ ﺍﺗﺰﻭﺝ ﺑﺸﻲ ﻭﺣﺪﺓ ﻣﺰﻟﻮﻃﺔ ﻛﺜﺮ ﻣﻨﻚ ﺗﺰﻳﺪ ﺗﻔﻘﺮﻙ ﻛﺜﺮ ﻣﻦ ﻣﺎﻧﺘﺎ ﻓﻘﻴﺮ ﻭﻏﺎﺩﻳﺮ ﻭﻻﺩ ﻣﻘﻮﺩﺓ ﻋﻠﻴﻬﻢ ﻭﻣﺰﻟﻮﻃﻴﻦ ﻛﺜﺮ ﻣﻨﻚ ﻳﺰﻳﺪﻭ ﻳﺤﻘﺪﻭ ﻋﻠﻰ ﻫﺎﺩ ﺍﻟﺒﻼﺩ ﻭﺗﻜﻮﻥ ﻣﺠﺘﻤﻊ ﻣﺸﺮﻣﻞ ﺗﻮﻟﻲ ﺗﺎﺑﻌﻬﻢ ﻓﻲ ﺍﻟﻤﺤﺎﻛﻴﻢ ﻭﺍﻟﺤﺒﺎﺳﺎﺕ ﻣﺎﻧﺘﺎ ﺣﻴﻠﺘﻚ ﻟﻘﻔﺔ ﺍﻟﺪﺍﺭ ﻣﺎﻧﺘﺎ ﺣﻴﻠﺘﻚ ﻟﻘﻔﺔ ﺍﻟﺤﺒﺲ... ﺍﻟﻔﻘﺮ ﻛﻔﺮ ﻭﺍﻟﻔﻠﻮﺱ ﺯﻳﻨﺔ ﺍﻟﺤﻴﺎﺓ ﺍﻟﺪﻧﻴﺎ ﻭﻳﻼ ﻣﺎﻋﻨﺪﻛﺶ ﺍﻟﻔﻠﻮﺱ ﻛﻠﻤﺘﻚ ﻣﺎﻋﻨﺪﻫﺎ ﺣﺘﻰ ﻣﻌﻨﻰ ﻭﺍﺧﺎ ﺗﻜﻮﻥ ﻋﻨﺪﻙ ﺍﻟﺤﻖ، ﺍﻟﺤﺎﺯﻕ ﻣﺎﺗﻴﺴﻤﻊ ﻟﻴﻪ ﺗﺎ ﻭﺍﺣﺪ ﺍﻟﺤﺎﺯﻕ ﻣﺎﺑﺎﻏﻴﻪ ﺗﺎ ﻭﺍﺣﺪ ﻭﺍﺧﺎ ﻳﻜﻮﻥ ﻛﺎﻳﺼﺎﻳﺐ ﺍﻟﺼﻮﺍﺭﺥ... ﺍﻟﺤﻴﺎﺓ ﺑﻼ ﻟﻌﺎﻗﺔ ﻓﺤﺎﻝ ﺷﻲ ﻃﺎﺟﻴﻦ ﺑﻼ ﻣﻠﺤﺔ ﻓﺤﺎﻝ ﺍﺗﺎﻱ ﺑﻼ ﺳﻜﺮ ﻓﺤﺎﻝ ﺍﻟﻄﻮﻧﻮﺑﻴﻞ ﺑﻼ ﺭﻭﺍﻳﺪ... ﻛﻤﻴﺔ ﺍﻟﻨﻘﻮﺩ ﻟﻲ ﻋﻨﺪﻙ ﻓﻲ ﺍﻟﻜﻮﻧﺖ ﺗﺴﺎﻭﻱ ﺣﺠﻢ ﺍﻟﻬﺒﺔ ﻟﻲ ﻛﺎﻳﻌﻄﻴﻚ ﺍﻟﻤﺠﺘﻤﻊ. ﻛﻠﻤﺎ ﻛﺎﺗﺪﻭﺯ ﺍﻻﻳﺎﻡ ﻛﻠﻤﺎ ﻛﺎﺗﺰﺍﺩ ﺗﻘﻮﺍﺩ ﻋﻠﻴﻨﺎ ﺍﻛﺜﺮ ﻭﻛﺎﻧﻮﻟﻴﻮ ﻧﺘﺴﻨﺎﻭ ﻏﻴﺮ ﻧﻬﺎﺭ ﺛﻼﺛﻴﻦ ﻓﻲ ﺍﻟﺸﻬﺮ ﺑﺎﺵ ﻧﺸﻮﻓﻮ ﺍﻟﺪﺭﻫﻢ ﻣﻦ ﺟﺪﻳﺪ ﻭﻓﺎﺵ ﺗﺎﻳﺪﻭﺯ ﺍﻟﺪﺭﻫﻢ ﺗﺎﺗﻔﺮﺡ ﺑﻴﻪ ﻧﻬﺎﺭ ﻭﻻ ﻳﻮﻣﻴﻦ ﻭﺗﺒﺪﺍ ﺗﺴﻨﺎ ﺛﺎﻧﻲ ﻧﻬﺎﺭ ﺛﻼﺛﻴﻦ ﻓﻲ ﺍﻟﺸﻬﺮ، ﺣﻴﺎﺗﻨﺎ ﻭﻻﺕ ﻣﻘﻄﺎﺳﺮﺓ ﻓﻘﻂ ﻋﻠﻰ ﻧﻬﺎﺭ ﺍﻟﺨﻠﺼﺔ ﻭﺑﺎﻗﻲ ﺍﻻﻳﺎﻡ ﻛﻨﻌﻴﺸﻮﻫﺎ ﻓﺤﺎﻝ ﻛﺎﻉ ﺍﻟﺤﻴﻮﺍﻧﺎﺕ ﺍﻟﻤﺎﻛﻠﺔ ﻭﺍﻟﻨﻌﺎﺱ ﻭﺍﻧﻌﺪﺍﻡ ﻟﻼﺣﺎﺳﻴﺲ ﻭﺍﻧﺘﻈﺎﺭ ﻳﻮﻡ ﺍﻟﺤﺴﺎﺏ... ﻓﺎﺵ ﻛﺎﻳﻮﺻﻞ ﻧﻬﺎﺭ ﺧﻤﺴﻄﺎﻋﺶ ﻓﻲ ﺍﻟﺸﻬﺮ ﻭﺗﺎﻧﺪﺧﻞ ﻟﺸﻲ ﺳﻨﺎﻙ ﺣﻘﻴﺮ ﻧﻀﺮﺏ ﺳﻮﻧﺪﻭﻳﺘﺶ ﺩﻳﺎﻝ ﺳﺒﻌﺔ ﺍﻟﺪﺭﺍﻫﻢ ﻭﺍﻧﺎ ﻣﻘﺎﺑﻞ ﻣﻊ ﺳﻮﺷﻲ ﻫﺎﻭﺱ ﺗﻨﺸﻮﻑ ﺑﻨﺎﺩﻡ ﺩﻳﺎﻝ ﺑﺼﺢ ﺗﺎﻳﺨﺸﻲ ﺍﻟﺴﻮﺷﻲ ﻓﻮﺟﻬﻮ ﺑﻤﻴﺘﻴﻦ ﺩﺭﻫﻢ ﺗﺎﻳﺨﻠﻲ ﻟﻠﻜﺎﺭﺻﻮﻥ ﺑﻮﺭﺑﻮﺍﺭ ﺩﻳﺎﻝ ﻣﻴﺔ ﺩﺭﻫﻢ ﻭﺍﻟﻌﺴﺎﺱ ﺧﻤﺴﻴﻦ ﺩﺭﻫﻢ ﻭﻣﻦ ﺗﻤﺎ ﺗﺎﻳﻨﻄﺎﻟﻖ ﺑﺸﻲ ﻃﻮﻧﻮﺑﻴﻞ ﻟﺸﻲ ﺣﻲ ﻏﻴﺮ ﺗﻨﺴﻤﻌﻮ ﺑﻴﻪ ﻣﺎﻋﺮﻓﻨﺎﻩ ﻓﻴﻦ ﻛﺎﻳﻦ ﺗﻨﻘﻮﻝ ﻣﻊ ﺭﺍﺳﻲ ﺩﻳﺮ ﺃ ﺧﺎﻱ ﻋﺒﺪ ﺍﻟﺮﺣﻴﻢ ﺷﻲ ﻗﻨﺒﺔ ﻭﺷﻨﻖ ﺭﺍﺳﻚ ﺍﻟﻤﺠﺘﻤﻊ ﻣﺎﻛﺘﻨﻔﻌﻮ ﺑﺘﺎ ﻭﺯﺓ ﺍﻟﻠﻬﻢ ﺧﻮﻱ ﺑﻼﺻﺘﻚ ﻟﺸﻲ ﻣﺴﻜﻴﻦ ﻳﺠﻲ ﻳﺨﺪﻡ ﺷﻮﻱ ﻳﺨﺮﺝ ﻣﻦ ﺍﻟﺸﻮﻣﺎﺝ ﻭﺍﺣﺪ ﺍﻟﻤﺪﺓ ﻣﻦ ﺑﻌﺪﻫﺎ ﻳﺸﻨﻖ ﺣﺘﻰ ﻫﻮﺍ ﺭﺍﺳﻮ ﻭﻏﺎﺩﻳﺎ ﺍﻟﻘﺪﻳﺔ ﻭﺗﻜﻮﻥ ﻣﺴﺎﻫﻢ ﻓﻲ ﺍﻧﺘﻌﺎﺵ ﺍﻻﻗﺘﺼﺎﺩ ﻭﺗﺪﻭﺭ ﺍﻟﺤﺮﻛﺔ ﻭﻣﺎﻳﺒﻘﻠﺶ ﺑﻨﺎﺩﻡ ﻛﺎﻟﺲ.... ﻓﺎﺵ ﺗﻨﺸﻮﻑ ﺍﻟﻜﻢ ﺩﻳﺎﻝ ﺑﻨﺎﺩﻡ ﻟﻲ ﻛﺎﻳﻘﻠﺐ ﻋﻠﻰ ﺧﺪﻣﺔ ﻭﻣﺎﻻﻗﻴﻬﺎﺵ ﻭﺍﻟﻌﺪﺩ ﺩﻳﺎﻝ ﺍﻟﺸﺒﺎﺏ ﻟﻲ ﻛﺎﻳﻀﻞ ﻳﺨﻴﻂ ﺍﻟﺪﺭﻭﺏ ﻣﻊ ﺻﺤﺎﺑﺎﺗﻮ ﻟﻲ ﻣﺎﻋﻨﺪﻭ ﻟﻴﻬﺎ ﺟﻬﺪ ﺑﺎﺵ ﻳﺴﺘﺮﻫﺎ ﺣﻴﺖ ﺑﺎﻗﻲ ﺳﺎﻛﻦ ﻣﻊ ﺩﺍﺭﻫﻢ ﻭﺍﻟﻘﺤﺎﺏ ﻟﻲ ﻛﺎﻳﻀﻠﻮ ﻳﺸﺤﺘﻮ ﻓﻲ ﺍﻟﺪﺭﻫﻢ ﻣﻦ ﺍﻟﺴﻮﺍﻋﺪﺓ ﺑﺎﻟﺮﻏﻢ ﻣﻦ ﺃﻧﻬﻢ ﻗﺮﺍﻭ ﺣﺘﻰ ﻃﺎﺏ ﻗﻠﺒﻬﻢ ﻭﻛﺎﻧﻘﺎﺭﻥ ﻫﺎﺩﺷﻲ ﻣﻊ ﺻﺤﺎﺏ ﺍﻟﺒﻴﻨﻜﺔ ﻟﻲ ﻛﺎﺗﻠﻘﺎﻩ ﺳﺎﻛﻦ ﻓﻲ ﻓﻴﻼ ﺧﻤﺴﺎﻻﻑ ﻣﻴﺘﺮﻭ ﻃﻮﻝ ﻓﺨﻤﺴﺎﻻﻑ ﻣﻴﺘﺮﻭ ﻋﺮﺽ ﻣﺰﻭﺝ ﺷﻲ ﻗﻨﺒﻮﻟﺔ ﻭﻛﺎﻳﺪﻭﺯ ﺍﻟﻮﻳﻜﺎﻧﺪ ﻓﺒﺮﺷﻠﻮﻧﺔ ﻛﺎﺗﺠﻴﻨﻲ ﺍﻟﻐﺒﻴﻨﺔ، ﺍﻟﻄﺒﻘﻴﺔ ﻟﻲ ﻛﺎﻧﻌﻴﺸﻮ ﻓﻴﻬﺎ ﺧﻼﺗﻨﺎ ﻧﺤﻘﺪﻭ ﻋﻠﻰ ﺷﻲ ﻭﻻﺩ ﺍﻟﻘﺤﺎﺏ ﺑﺎﻟﺮﻏﻢ ﻣﻦ ﺃﻧﻬﻢ ﻣﺎﺩﺍﺭﻭ ﻟﻴﻨﺎ ﻭﺍﻟﻮ، ﺑﺎﻟﻌﻜﺲ ﻫﻮﻣﺎ ﻟﻲ ﺗﺎﻳﺨﺪﻣﻮﻧﺎ ﻫﻮﻣﺎ ﻟﻲ ﺗﺎﻳﺨﻠﺼﻮﻧﺎ ﻫﻮﻣﺎ ﻟﻲ ﺗﺎﻳﺸﺮﻳﻮ ﻣﻦ ﻋﻨﺪﻧﺎ ﺍﻟﺴﻠﻌﺔ ﻭﻟﻜﻦ ﻓﻲ ﻧﻔﺲ ﺍﻟﻮﻗﺖ ﻫﻮﻣﺎ ﻟﻲ ﻣﺴﺘﻐﻠﻴﻨﺎ ﻭﻛﺎﻳﻌﻄﻴﻮﻧﺎ ﺣﺰﻗﺔ ﻻﺭﻭﺏ ﻓﻲ ﺍﻟﺸﻬﺮ ﻓﻲ ﺍﻟﻮﻗﺖ ﻟﻲ ﻛﺎﻳﻀﺮﺑﻮ ﻫﻮﻣﺎ ﻣﻴﺔ ﻣﻠﻴﻮﻥ ﻓﻲ ﺍﻟﺴﺎﻋﺔ... ﻓﺎﺵ ﻛﻨﺸﻮﻑ ﺑﺮﻟﻤﺎﻧﻲ ﻛﺎﻳﺸﺪ ﺭﺑﻌﺔ ﺍﻟﻤﻠﻴﻮﻥ ﻓﻲ ﺍﻟﺸﻬﺮ ﺑﻼ ﻣﺎﻳﺪﻳﺮ ﺣﺘﻰ ﻣﺠﻬﻮﺩ ﻭﺑﻼ ﻣﺎﻳﺨﺮﺝ ﺣﺘﻰ ﻣﻊ ﺑﺎﺏ ﺩﺍﺭﻭ ﻭﻛﺎﻧﺴﻤﻊ ﺑﻨﻜﻴﺮﺍﻥ ﻛﺎﻳﺪﻭﻱ ﻋﻠﻰ ﺍﻟﻤﻮﻇﻔﻴﻦ ﻟﻲ ﺧﺎﺻﻬﻢ ﻳﺘﺨﻠﺼﻮ ﻋﻠﻰ ﺣﺴﺐ ﺳﺎﻋﺎﺕ ﺍﻟﺤﻀﻮﺭ ﺗﺎﻧﻘﻮﻝ ﻳﻨﻌﻞ ﺑﻮ ﺍﻟﻮﻗﺖ ﻟﻲ ﺟﻤﻌﺎﺗﻨﺎ ﻣﻌﺎﻛﻢ ﻓﻲ ﺑﻼﺩ ﻭﺣﺪﺓ، ﻓﺎﺵ ﻋﺮﻓﺖ ﺍﻟﺼﺎﻟﻴﻎ ﺩﻳﺎﻝ ﺭﺋﻴﺲ ﺃﻗﻮﻯ ﺩﻭﻟﺔ ﻓﻲ ﺍﻟﻌﺎﻟﻢ ﻟﻲ ﻫﻴﺎ ﺍﻟﻤﻴﺮﻳﻜﺎﻥ ﻭﺷﻔﺖ ﺷﺤﺎﻝ ﺗﺎﻳﺸﺪﻭ ﺷﻲ ﻣﺴﺆﻭﻟﻴﻦ ﻋﻨﺪﻧﺎ ﻓﻲ ﺍﻟﺒﻼﺩ ﻣﺎﺗﻴﺪﻳﺮﻭ ﻟﻴﻨﺎ ﺣﺘﻰ ﺧﺮﻳﺔ ﻛﺎﻧﺰﻳﺪ ﻧﻐﺮﻕ ﻓﻲ ﺍﻟﺤﻘﺪ ﻭﺍﻟﻐﻞ... ﻓﻲ ﻧﻔﺲ ﺍﻟﻮﻗﺖ ﻛﺎﻧﻔﺮﺡ ﻓﺎﺵ ﻛﺎﻳﺒﺎﻥ ﻟﻴﺎ ﺷﻲ ﻭﺍﺣﺪ ﻣﻦ ﺻﺤﺎﺑﻲ ﺧﺮﺝ ﻣﻦ ﺍﻟﺤﺰﻗﺔ ﻭﺩﺍﺭ ﻻﺑﺎﺱ ﻭﺍﺧﺎ ﻋﺎﺭﻓﻮ ﻣﺎﺑﻘﺎﺵ ﻏﺎﻳﻘﻮﻝ ﺣﺘﻰ ﺍﻟﺴﻼﻡ ﺗﺎﻧﻘﻮﻝ ﻣﻌﺬﻭﺭ... ﺭﻳﺤﺔ ﺍﻟﻔﻠﻮﺱ ﺯﻳﻨﺔ، ﺍﻟﺰﺭﻗﺎﻻﻑ ﻭﺍﻟﻘﺮﻓﻴﺔ ﺍﺟﻤﻞ ﺷﻲﺀ ﺗﻌﻤﺮ ﺑﻴﻪ ﺟﻴﺒﻚ، ﺍﻻﺣﺴﺎﺱ ﺩﻳﺎﻟﻚ ﻭﻧﺘﺎ ﻛﺎﺗﺪﻳﺮ ﺍﻟﺸﻮﺑﻴﻨﻎ ﻭﻻ ﺷﺎﺩ ﺍﻟﻄﺮﻳﻖ ﻟﺸﻲ ﻗﺮﻳﻨﺔ ﻣﺎﺷﻲ ﻫﻮﺍ ﺍﻻﺣﺴﺎﺱ ﻭﻧﺘﺎ ﻛﺎﺗﺼﻨﻂ ﻟﻠﺼﻔﺎﺭﺓ ﺩﻳﺎﻝ ﺍﻟﻜﻮﻛﻮﺕ ﻛﻞ ﻧﻬﺎﺭ ﻓﻴﻬﺎ ﻧﻔﺲ ﺍﻻﻛﻠﺔ، ﺍﻻﺣﺴﺎﺱ ﺩﻳﺎﻟﻚ ﻭﻧﺘﺎ ﻣﻜﺴﻞ ﻓﺸﻲ ﺭﻭﻻﻛﺲ ﻓﻲ ﺍﻟﺘﺎﻳﻠﻨﺪ ﻭﺣﺎﻁ ﺣﺪﺍﻙ ﺷﻮﻳﺸﺔ ﻭﺷﻲ ﻟﺒﻨﺎﻧﻴﺔ ﻓﺤﺎﻝ ﺍﻟﺤﻮﺗﺔ ﻣﺎﺷﻲ ﻫﻮ ﺍﻻﺣﺴﺎﺱ ﺩﻳﺎﻟﻚ ﻭﻧﺘﺎ ﻣﺮﻳﺢ ﻓﻲ ﻗﻬﻮﺓ ﺑﺎﻗﺸﻴﺶ ﻋﺎﺻﺮ ﻋﻠﻰ ﻗﻬﻮﺓ ﻣﻦ ﺍﻟﺠﻮﺝ ﺩﻳﺎﻝ ﺍﻟﻌﺸﻴﺔ ﺣﺘﺎﻝ ﺍﻟﻌﺸﺮﺓ ﺩﻳﺎﻝ ﺍﻟﻠﻴﻞ ﻭﺿﺎﻳﺮﻳﻦ ﺑﻴﻚ ﺍﻟﻜﻮﺍﺭﺙ ﺍﻟﻤﺨﻴﺮ ﻓﻴﻬﻢ ﻋﻨﺪﻭ ﺟﻮﺝ ﺳﻨﺎﺕ ﻓﺪﻟﻘﻮﺷﻮ... ﺍﻟﻠﻌﺎﻗﺔ ﺯﻭﻳﻨﺔ ﺑﻨﺖ ﺍﻟﺤﺮﺍﻡ ﻭﺍﺧﺎ ﻏﻴﺮ ﺗﺸﺪﻫﺎ ﺗﺴﺘﻔﻬﺎ ﻭﺗﺒﻘﺎ ﺗﺸﻮﻑ ﻓﻴﻬﺎ ﻛﺎﺗﺮﺟﻊ ﻓﻴﻚ ﺍﻟﺮﻭﺡ ﻭﻛﺘﺤﺲ ﺑﺎﻷﻣﺎﻥ، ﺗﺤﻄﻬﺎ ﻏﻴﺮ ﻓﻲ ﺍﻟﻜﻮﻧﺖ ﻭﺗﺒﻘﺎ ﻛﻞ ﻧﻬﺎﺭ ﻃﻞ ﻋﻠﻴﻬﺎ ﻛﺎﺗﺮﺟﻊ ﻓﻴﻚ ﺍﻟﺤﻴﺎﺓ، ﺗﺠﺒﺪﻫﺎ ﻣﻦ ﺍﻟﺒﺰﻃﺎﻡ ﺗﺸﻢ ﺍﻟﺮﻳﺤﺔ ﺩﻳﺎﻟﻬﺎ ﻭﺗﺮﺟﻌﻬﺎ ﻓﺤﺎﻝ ﻳﻼ ﺷﻤﻴﺘﻲ ﺍﻛﺴﻴﺮ ﺍﻟﺤﻴﺎﺓ... ﺍﻟﻤﻌﻄﻲ ﻛﺎﻥ ﻋﻨﺪﻭ ﺍﻟﻔﻠﻮﺱ ﻭﺍﻟﺠﺎﻩ ﻭﺍﻟﻤﻨﺼﺐ ﻭﺍﻻﺗﺒﺎﻉ ﻭﺍﻟﻄﻮﻟﺔ ﻭﺍﻟﺘﺠﺮﻳﺪﺓ ﻭﺍﻟﺤﻤﺎﻳﺔ، ﺍﺷﻨﻮ ﻳﺒﻐﻲ ﺍﻟﺮﺍﺟﻞ ﺍﻛﺜﺮ ﻣﻦ ﻫﺎﺩﺷﻲ ﻭﻟﻜﻦ ﺍﻟﻤﻘﻮﺩﺓ ﻫﻴﺎ ﻳﻜﻮﻥ ﻋﻨﺪﻙ ﻫﺎﺩ ﺍﻟﺤﺰﺍﻕ ﻛﺎﻣﻞ ﻭﻋﻮﺽ ﻣﺎﺗﺤﺴﻦ ﺍﻻﺳﺘﻐﻼﻝ ﺩﻳﺎﻟﻮ ﺗﺒﺪﺍ ﺗﺸﺘﻒ ﻋﻠﻰ ﻋﺒﺎﺩ ﺍﻟﻠﻪ ﻭﺗﻄﺤﻦ ﻓﺎﻱ ﻭﺍﺣﺪ ﺟﺎ ﻓﻄﺮﻳﻘﻚ ﻛﻴﻒ ﻛﺎﻳﺪﻳﺮﻭ ﻫﺎﺩ ﺍﻟﻘﻮﻡ ﻟﻲ ﻋﺎﻳﺸﻴﻦ ﻣﻌﺎﻫﻢ ﻓﻲ ﻫﺎﺩ ﺍﻟﺒﻼﺩ ﺍﻟﺴﻌﻴﺪﺓ... ﻓﻲ ﺍﻟﻮﻗﺖ ﻟﻲ ﻋﺎﻳﺸﺔ ﻭﺑﺮﺍﻫﻴﻢ ﺟﺎﻳﻦ ﻣﻦ ﺍﻟﻤﻮﺳﻢ ﻭﻗﻒ ﻋﻠﻴﻬﻢ ﺩﺍﻙ ﺭﺍﺱ ﺍﻟﻜﺮﻋﺔ ﻭﺣﻂ ﺍﻟﻤﻜﺤﻠﺔ ﻓﺮﺍﺱ ﺑﺮﺍﻫﻴﻢ ﻟﻲ ﻏﻤﺾ ﻋﻴﻨﻴﻪ ﻭﺑﺪﺍ ﻛﺎﻳﺸﻬﺪ، ﻋﺎﻳﺸﺔ ﻛﻴﻒ ﺑﻐﺎﺕ ﺗﺸﻨﻖ ﻋﻠﻰ ﺍﻟﻤﻌﻴﻄﻲ ﺷﺪﻭﻫﺎ ﺩﻭﻙ ﺟﻮﺝ ﺭﻫﻮﻁ ﻛﺘﻔﻮﻫﺎ ﻭﻻﺣﻮﻫﺎ ﻓﻮﻕ ﺍﻟﺒﻐﻠﺔ، ﺍﻟﺤﺎﺟﺔ ﺍﻟﻮﺣﻴﺪﺓ ﻟﻲ ﺳﻤﻌﺎﺗﻬﺎ ﻫﻲ ﺻﻮﺕ ﺍﻟﺒﺎﺭﺩ ﻭﺍﻟﺘﺨﺮﺧﻴﺮ ﺩﻳﺎﻝ ﺑﺮﺍﻫﻴﻢ ﻟﻲ ﺗﻴﺮﺍ ﻓﻴﻪ ﺍﻟﻤﻌﻴﻄﻲ ﺑﻼ ﺭﺣﻤﺔ ﺑﻼ ﺷﻔﻘﺔ... ﺗﺴﻊ ﺷﻬﺮ ﺩﺍﺯﺕ ﻛﺎﺗﺠﺮﻱ ﻭﻭﻟﺪﺍﺕ ﻋﺎﻳﺸﺔ ﺑﻨﻴﺘﺔ ﺳﻤﺎﺗﻬﺎ ﺍﻟﻐﺎﻟﻴﺔ ﺗﺴﻊ ﺷﻬﺮ ﻧﺼﻬﻢ ﺑﻜﺎ ﻭﻧﺼﻬﻢ ﻧﻌﺎﺱ، ﻣﻊ ﺃﻥ ﺍﻟﻤﻌﻄﻲ ﻛﺎﻥ ﻣﻮﻓﺮ ﻟﻴﻬﺎ ﻛﻠﺸﻲ ﺇﻻ ﺃﻧﻬﺎ ﺣﺎﻭﻻﺕ ﻣﺎﺷﻲ ﻣﺮﺓ ﻣﺎﺷﻲ ﺟﻮﺝ ﺗﻬﺮﺏ ﻣﻦ ﺍﻟﺪﺍﺭ ﻭﻣﻦ ﺑﻌﺪ ﺩﻳﻚ ﺍﻟﻤﺤﺎﻭﻻﺕ ﻛﺎﻣﻠﺔ ﺳﺪ ﻋﻠﻴﻬﺎ ﻭﻭﻻﺕ ﻋﺎﻳﺸﺔ ﻓﻲ ﻣﺎ ﻳﺸﺒﻪ ﺍﻟﺤﺒﺲ ﻓﺪﺍﺭﻫﺎ ﻭﺣﺎﺿﻴﺎﻫﺎ ﻭﺍﺣﺪ ﺍﻟﻠﻔﻌﺔ ﺍﻟﻜﺮﻃﻴﻄﺔ ﺭﺑﻌﺔ ﻭﻋﺸﺮﻳﻦ ﺳﺎﻋﺔ ﻋﻠﻰ ﺭﺑﻌﺔ ﻭﻋﺸﺮﻳﻦ، ﺍﻟﻐﺎﻟﻴﺔ ﻧﻬﺎﺭ ﺗﻮﻟﺪﺍﺕ ﻣﺎﻛﺎﻧﺖ ﻓﻴﻬﺎ ﺗﺎﺣﺎﺟﺔ ﻛﺘﺸﺒﻪ ﻟﻠﻤﻌﻄﻲ ﻟﻲ ﺑﻤﺠﺮﺩ ﻣﺎ ﻗﺘﻞ ﺑﺮﺍﻫﻴﻢ ﺍﻭﻝ ﺣﺎﺟﺔ ﺩﺍﺭﻫﺎ ﺍﻏﺘﺎﺻﺐ ﻋﺎﻳﺸﺔ ﻓﻲ ﺍﻟﺨﻼ ﺭﻏﻢ ﺍﻥ ﺍﻟﻌﺪﺓ ﺩﻳﺎﻟﻬﺎ ﻣﺎﺯﺍﻝ ﻣﺎﺳﺎﻻﺕ ﻛﻞ ﻧﻬﺎﺭ ﻛﺎﻳﻄﻴﺢ ﻣﻌﺎﻫﺎ ﺣﺘﻰ ﺳﺎﻻﺕ ﺍﻟﻌﺪﺓ ﻭﺗﺰﻭﺟﻬﺎ ﺑﺰﺯ ﻣﻨﻬﺎ، ﺍﻟﻤﻌﻄﻲ ﻭﻻ ﺗﺎﻳﺤﻤﺎﻕ ﻋﻠﻰ ﻋﺎﻳﺸﺔ ﺑﻼ ﻣﺎﻳﺤﺲ ﺍﻭ ﻳﻌﺮﻑ ﻛﻴﻔﺎﺵ، ﺍﻟﻌﻨﺎﺩ ﺩﻳﺎﻟﻬﺎ ﺧﻼﻩ ﻳﺮﺑﻲ ﻋﻠﻴﻬﺎ ﺍﻟﻜﺒﺪﺓ ﻭﻳﺤﻦ ﻓﻴﻬﺎ ﻭﻣﻦ ﺑﻌﺪ ﻣﺎﻭﻟﺪﺍﺕ ﻟﻴﻪ ﻭﺣﺴﺴﺎﺗﻮ ﺑﺎﻟﺮﺟﻮﻟﺔ ﺩﻳﺎﻟﻮ ﺯﺍﺩﺕ ﻛﺒﺮﺍﺕ ﻓﻲ ﻋﻴﻨﻴﻪ، ﻣﻊ ﺫﺍﻟﻚ ﻛﺎﻧﺖ ﻋﺎﻳﺸﺔ ﻓﻲ ﺍﻻﻋﻤﺎﻕ ﺩﻳﺎﻟﻬﺎ ﻣﺘﺄﻛﺪﺓ ﺃﻥ ﺍﻟﺒﻨﺖ ﺑﻨﺖ ﺑﺮﺍﻫﻴﻢ ﻭﻣﺎﺷﻲ ﺍﻟﻤﻌﻴﻄﻲ... ﺩﺍﺯﺕ ﻋﺸﺮﺓ ﺍﻟﺴﻨﻴﻦ ﻛﺎﺗﺠﺮﻱ ﻭﺍﻟﻐﺎﻟﻴﺔ ﻛﺒﺮﺍﺕ ﻭﺍﻟﺪﻭﺍﺭ ﻛﻠﻮ ﻭﻟﻰ ﻛﺎﻳﻌﻴﻂ ﻟﻴﻬﺎ ﻻﻟﺔ ﺍﻟﻐﺎﻟﻴﺔ، ﺍﻟﻤﻌﻄﻲ ﻛﺒﺮ ﻭﺑﺪﺍ ﻛﺎﻳﻌﻴﺎ ﻭﺑﻨﺘﻮ ﺍﻟﻐﺎﻟﻴﺔ ﻛﺎﻥ ﻛﺎﻳﻘﻄﺮ ﻟﻴﻬﺎ ﻣﻦ ﺍﻟﻌﻴﻦ ﻭﻟﻜﻦ ﻓﻲ ﻛﻞ ﻣﺮﺓ ﺗﺎﻳﺤﺎﻭﻝ ﻳﺂﺩﻱ ﺷﻲ ﻭﺍﺣﺪ ﻣﻦ ﺍﻟﺪﻭﺍﺭ ﺭﻏﻢ ﺻﻐﺮ ﺍﻟﺴﻦ ﺩﻳﺎﻟﻬﺎ ﻛﺘﻮﻗﻒ ﻟﻴﻪ ﻓﻲ ﺍﻟﻄﺮﻳﻖ، ﺃﻣﺎ ﻋﺎﻳﺸﺔ ﻓﻌﻼﻗﺘﻬﺎ ﺑﺎﻟﻤﻌﻄﻲ ﻭﻻﺕ ﻋﻼﻗﺔ ﻋﺎﺩﻳﺔ ﻭﻟﻜﻦ ﻋﻤﺮﻫﺎ ﻣﺎﻧﺴﺎﺕ ﺑﺮﺍﻫﻴﻢ، ﺭﻏﻢ ﺍﻥ ﺍﻟﻌﻼﻗﺔ ﺑﻴﻨﻬﺎ ﻭﺑﻴﻦ ﺭﺍﺟﻠﻬﺎ ﻛﺎﻧﺖ ﻋﺎﺩﻳﺔ ﺍﻻ ﺃﻥ ﺍﻟﻤﻌﻴﻄﻲ ﻣﺎﻛﺎﻧﺶ ﻛﺎﻳﺘﻴﻖ ﻓﻴﻬﺎ ﻭﻣﺎﻳﺤﻄﺶ ﺭﺍﺳﻮ ﻋﻠﻰ ﺍﻟﻤﺨﺪﺓ ﻳﻼ ﻣﺎﺣﻂ ﺍﻟﺨﻨﺠﺮ ﺗﺤﺖ ﻣﺨﺪﺗﻮ... ﻭﺍﺣﺪ ﺍﻟﻨﻬﺎﺭ ﻭﻓﻲ ﺍﻟﻮﻗﺖ ﻟﻲ ﺍﻟﺸﻴﻄﺎﻥ ﺍﻟﺮﺟﻴﻢ ﺩﻳﺎﻝ ﺑﻨﺎﺩﻡ ﻛﺎﻥ ﻧﺎﻋﺲ ﺍﺳﺘﻐﻔﻼﺗﻮ ﻋﻴﺸﺔ ﻭﺩﺭﺑﺎﺗﻮ ﻋﻠﻰ ﺭﺍﺳﻮ ﻓﻮﺍﺣﺪ ﺍﻟﻬﺮﺍﻭﺓ ﻭﻓﻲ ﺍﻟﻮﻗﺖ ﻟﻲ ﻛﺎﺗﺴﺘﺎﻋﺪ ﺗﺰﻳﺪﻭ ﺩﻗﺔ ﺍﺧﺮﻯ ﺑﺎﺵ ﺗﺠﻴﺐ ﺃﺟﻠﻮ ﻭﺗﻬﻨﻲ ﺍﻟﻨﺎﺱ ﻣﻦ ﺍﻟﻈﻠﻢ ﺩﻳﺎﻟﻮ ﺟﺒﺪ ﺍﻟﺨﻨﺠﺮ ﻣﻦ ﺗﺤﺖ ﺍﻟﻤﺨﺪﺓ ﻭﺟﺎﺑﻮ ﻟﻴﻬﺎ ﻓﻲ ﺍﻟﻘﻠﺐ. ﻣﺎﺗﺖ ﻋﻴﺸﺔ ﺣﺘﻰ ﻗﺒﻞ ﻣﺘﻘﻮﻝ ﻟﻠﻐﺎﻟﻴﺔ ﺃﻥ ﻫﺎﺩ ﺍﻟﻮﺣﺶ ﻣﺎﺷﻲ ﺑﺎﻫﺎ ﻭﺃﻥ ﺑﺎﻫﺎ ﻫﻮﺍ ﺑﺮﺍﻫﻴﻢ ﻭﻟﺪ ﺍﻟﻌﺮﺟﺔ، ﺍﻟﻐﺎﻟﻴﺔ ﻣﻦ ﺍﻟﺼﺪﺍﻉ ﻟﻲ ﻛﺎﻥ ﺧﺎﺭﺝ ﻣﻦ ﺍﻟﺒﻴﺖ ﺩﻳﺎﻝ ﺍﻟﻤﻌﻴﻄﻲ ﻃﻠﻌﺎﺕ ﻛﺎﺗﺠﺮﻱ ﻭﺗﺒﻌﻮﻫﺎ ﺩﻭﻙ ﺟﻮﺝ ﺭﻫﻮﻁ ﻟﻲ ﻟﻘﺎﻭ ﺍﻟﻤﻌﻄﻲ ﺩﻣﺎﻳﺎﺗﻮﻭ ﻧﺎﺯﻟﺔ ﻣﻦ ﻣﺨﻮ ﻭﻋﺎﻳﺸﺔ ﻣﺠﺒﺪﺓ ﻓﻲ ﺍﻻﺭﺽ ﻓﻀﺎﻳﺔ ﺩﻳﺎﻝ ﺍﻟﺪﻡ، ﺍﻟﻐﺎﻟﻴﺔ ﻃﺎﺣﺖ ﻓﻮﻕ ﻣﺎﻣﺎﻫﺎ ﻭﺑﺪﺍﺕ ﻛﺎﺗﺒﻜﻲ ﺃﻣﺎ ﺍﻟﺮﻫﻮﻁ ﻣﺸﺎﻭ ﻛﺎﻳﺠﺮﻳﻮ ﺟﺎﺑﻮ ﺍﻟﺘﺤﻤﻴﺮﺓ ﻃﻼﻭ ﺑﻴﻬﺎ ﺭﺍﺱ ﺍﻟﻤﻌﻄﻲ ﺑﺎﺵ ﻳﺤﺒﺲ ﺍﻟﺪﻡ... ﻃﺎﺡ ﺍﻟﻤﻌﻄﻲ ﻏﻴﺐ ﻭﻓﺎﺵ ﻓﺎﻕ ﻓﺎﻕ ﻓﺤﺎﻝ ﺷﻲ ﻭﻟﺪ ﺻﻐﻴﺮ ﻣﺎﻛﻴﻌﺮﻑ ﻳﺪﻭﻱ ﻣﺎﻛﻴﻌﺮﻑ ﻳﻤﺸﻲ ﺍﻟﺪﻗﺔ ﻟﻲ ﻋﻄﺎﺗﻮ ﻟﻠﺮﺍﺱ ﺧﻼﺗﻮ ﻳﻔﻘﺪ ﺍﻟﺬﺍﻛﺮﺓ ﻭﺍﺻﺒﺢ ﻓﺠﺄﺓ ﻓﺤﺎﻝ ﺷﻲ ﺑﻴﺒﻲ ﻓﻴﺪ ﺍﻟﻐﺎﻟﻴﺔ ﻟﻲ ﻣﻦ ﺑﻌﺪ ﻋﺸﺮ ﺳﻨﻴﻦ ﺩﻳﺎﻝ ﺍﻟﻤﻌﺎﻧﺎﺕ ﺧﻼﺗﻮ ﻳﺮﺟﻊ ﺑﻨﺎﺩﻡ ﻋﻠﻤﺎﺗﻮ ﻳﺪﻭﻱ ﻭﻳﻤﺸﻲ ﺣﻔﻀﺎﺗﻮ ﻛﺘﺎﺏ ﺍﻟﻠﻪ ﻭﻭﺭﺍﺗﻮ ﻃﺮﻳﻖ ﺍﻟﺠﺎﻣﻊ ﺟﺮﺍﺕ ﻋﻠﻰ ﺩﻭﻙ ﺟﻮﺝ ﺭﻫﻮﻁ ﻭﻓﺮﻗﺎﺕ ﺟﺰﺀ ﻛﺒﻴﺮ ﻣﻦ ﻣﻤﺘﻠﻜﺎﺕ ﺑﺎﻫﺎ ﻟﻔﻘﺮﺍﺀ ﺯﺍﻭﻳﺔ ﺳﻴﺪﻱ ﺍﻟﺮﺍﺿﻲ، ﺍﻟﻔﻼﺣﺔ ﺩﻳﺎﻝ ﺍﻟﺪﻭﺍﺭ ﺩﺍﺭﻭ ﻻﺑﺎﺱ ﻭﺍﻟﻌﺒﻴﺪ ﺗﺴﻴﺒﻮ ﺃﻣﺎ ﺍﻟﻐﺎﻟﻴﺔ ﻣﻦ ﺑﻌﺪ ﻋﺸﺮﻳﻦ ﻋﺎﻡ ﻟﻲ ﺩﻭﺯﺍﺕ ﻓﺪﻳﻚ ﺍﻟﺪﺍﺭ ﺭﺑﺎﺕ ﺷﺨﺼﻴﺔ ﻗﻮﻳﺔ ﻟﻲ ﺧﻼﺗﻬﺎ ﺗﻮﻟﻲ ﻫﻲ ﺍﻵﻣﺮ ﻭﺍﻟﻨﺎﻫﻲ ﻓﺒﻼﺻﺔ ﺑﺎﻫﺎ ﻟﻲ ﻣﻦ ﺑﻌﺪ ﻣﺎﺗﺎﺏ ﻭﺍﻓﺎﺗﻮ ﺍﻟﻤﻨﻴﺔ ﻭﺑﻘﺎﺕ ﺑﻮﺣﺪﻫﺎ ﻭﻟﻜﻦ ﻗﻮﻳﺔ ﻛﺎﺗﻨﺼﺮ ﺍﻟﻤﻈﻠﻮﻡ ﻭﺗﻌﺎﻗﺐ ﺍﻟﻈﺎﻟﻢ... ﺍﻟﻐﺎﻟﻴﺔ ﻣﺴﻜﻴﻨﺔ ﻣﺎﻛﺘﻌﺮﻓﺶ ﺍﺷﻨﻮ ﻛﺎﻳﺘﺴﻨﺎﻫﺎ، ﻣﺎﻋﺎﺭﻓﺎﺵ ﺃﻥ ﻋﺒﺪﺍﻟﻠﻪ ﺑﻦ ﺑﺮﺍﻫﻴﻢ ﻭﻟﺪ ﺍﻟﻌﺮﺟﺔ ﻛﺎﻳﺤﻔﺮ ﻟﻴﻬﺎ ﺑﺎﺵ ﻳﺮﺟﻊ ﺍﻟﺘﺎﺭ ﻟﺒﺎﻩ.... ﺍﻳﻴﻴﻪ ﻟﺒﺎﻩ!!! ﺑﺮﺍﻫﻴﻢ ﻟﻲ ﻛﺎﻥ ﺍﻟﻤﻌﻄﻲ ﻭﻋﺎﻳﺸﺔ ﻛﺎﻳﻀﻨﻮﻩ ﻣﺎﺕ ﻫﺎﺩﻱ ﻋﺸﺮﻳﻦ ﻋﺎﻡ ﺟﺎﺏ ﺍﻟﻠﻪ ﻓﻄﺮﻳﻘﻮ ﻭﺍﺣﺪ ﺍﻟﺴﺎﺭﺣﺔ ﻟﻲ ﻛﺎﻧﺖ ﻣﺨﺮﺟﺎ ﺍﻟﻐﻨﻢ ﻣﻊ ﺍﻟﻔﺠﺮ ﻭﻟﻘﺎﺗﻮ ﻛﺎﻳﺘﻘﻠﺐ ﻓﻲ ﺍﻻﺭﺽ ﻋﺎﻭﻧﺎﺗﻮ ﻭﻭﻗﻔﺎﺕ ﻣﻌﺎﻩ ﺣﺘﺎ ﻭﻗﻒ ﻋﻠﻰ ﺭﺟﻠﻴﻪ ﺁﻭﺍﺗﻮ ﻓﺪﺍﺭ ﻭﺍﻟﺪﻳﻬﺎ ﻭﻣﻦ ﺑﻌﺪ ﻣﺎﺷﺮﺡ ﻟﻴﻬﺎ ﺍﻟﻘﺼﺔ ﺩﻳﺎﻟﻮ ﻣﻨﻌﺎﺗﻮ ﻳﺮﺟﻊ ﻟﻠﺪﻭﺍﺭ ﻭﺗﺰﻭﺟﺎﺗﻮ ﻭﺍﺷﻬﺮ ﻗﻠﻴﺔ ﻣﻦ ﺑﻌﺪ ﻭﻟﺪﺍﺕ ﻟﻴﻪ ﻭﻟﺪ ﺳﻤﺎﺗﻮ ﻋﺒﺪ ﺍﻟﻠﻪ، ﻋﺒﺪ ﺍﻟﻠﻪ ﻣﻦ ﻧﻌﻮﻣﺔ ﺍﻇﺎﻓﺮﻭ ﺍﻟﺤﺎﺟﺔ ﺍﻟﻮﺣﻴﺪﺓ ﻟﻲ ﻗﺮﺍﻩ ﺑﺮﺍﻫﻴﻢ ﻫﻴﺎ ﺍﻟﺘﺎﺭ ﺛﻢ ﺍﻟﺘﺎﺭ ﺛﻢ ﺍﻟﺘﺎﺭ، ﺍﻟﺘﺎﺭ ﻣﻦ ﺍﻟﻤﻌﻄﻲ ﻭﻟﻜﻦ ﻓﺎﺵ ﻛﺒﺮ ﻋﺒﺪ ﺍﻟﻠﻪ ﻭﻗﺮﺭ ﻳﺎﺧﺪ ﺗﺎﺭ ﺑﻮﻩ ﻣﺎﺕ ﺍﻟﻤﻌﻄﻲ ﻭﺑﻘﺎﺕ ﺍﻟﻐﺎﻟﻴﺔ ﻟﻲ ﺣﻄﻬﺎ ﻋﺒﺪ ﺍﻟﻠﻪ ﻓﺮﺍﺳﻮ ﻭﻗﺮﺭ ﻳﻘﺘﻠﻬﺎ ﺑﺎﺵ ﻳﺒﺮﺩ ﺍﻟﺪﻡ ﺩﻳﺎﻝ ﺑﺮﺍﻫﻴﻢ، ﺑﺮﺍﻫﻴﻢ ﺍﻟﺤﻤﺎﺭ ﻣﺎﻋﺎﺭﻓﺶ ﺍﻥ ﺍﻟﻐﺎﻟﻴﺔ ﻓﻲ ﺍﻟﻮﺍﻗﻊ ﻫﻴﺎ ﺑﻨﺘﻮ ﻭﻋﺒﺪ ﺍﻟﻠﻪ ﻛﺎﻳﺠﻬﻞ ﺃﻧﻮ ﻋﻨﺪﻭ ﺧﺘﻮ، ﻗﺮﺭ ﻳﻨﺘﺎﻗﻞ ﻟﺪﻭﺍﺭ ﺳﻴﺪ ﺍﻟﺮﺍﺿﻲ ﻣﺘﺨﻔﻲ ﻓﺼﻔﺔ ﻋﻄﺎﺭ ﺟﻮﺍﻝ ﻭﻓﻌﻼ ﻭﺻﻞ ﻟﻠﺪﻭﺍﺭ ﻭﺗﻤﺎﻙ ﺑﺪﺍ ﺍﻟﺨﻄﺔ ﺩﻳﺎﻟﻮ ﻭﺑﺎﺵ ﻳﺠﺒﺪ ﺍﻟﻬﻀﺮﺓ ﻣﻊ ﺍﻟﻐﺎﻟﻴﺔ ﻣﺸﺎ ﺣﺘﺎﻝ ﻗﺪﺍﻡ ﺩﺍﻙ ﺍﻟﺤﺼﻦ ﺍﻟﺤﺼﻴﻦ ﻓﻴﻦ ﻛﺎﺗﺴﻜﻦ ﻭﺑﺪﺍ ﺗﺎﻳﻐﻮﺕ ﻋﻠﻰ ﺣﺮ ﺟﻬﺪﻭ " ﺍﻟﺴﺎﻧﻮﻭﻭﻭﺝ، ﺍﻟﻠﻮﻳﺰﺓ، ﺑﺎﺍﺍﺍﺑﻮﻭﻭﻧﺞ ﺍﻟﻜﺤﻞ ﻫﺎﺍﺍﺍ ﺍﻟﺴﻮﺍﺍﺍﻙ ﻫﺎ ﺍﻟﺤﻨﺔ...!!!" ﺳﻤﻌﺎﺗﻮ ﺍﻟﻐﺎﻟﻴﺔ ﺧﺮﺟﺎﺕ ﻛﺎﺗﺠﺮﻱ ﻭﻛﻴﻒ ﺟﺎﺕ ﻋﻴﻨﻴﻪ ﻓﻌﻴﻨﻴﻬﺎ ﺣﻂ ﻳﺪﻳﻪ ﻋﻠﻰ ﺍﻟﺨﻨﺠﺮ ﻭﻟﻜﻦ ﺍﻟﺰﻳﻦ ﻟﻲ ﻓﻴﻬﺎ ﺧﻼﻩ ﻓﺤﺎﻝ ﺍﻟﻤﺴﺤﻮﺭ ﻭﻋﻮﺽ ﻣﺎﻳﺎﺧﺪ ﺑﺘﺎﺭ ﺑﻮﻩ ﺻﺪﻕ ﻣﺰﻋﻮﻁ ﻓﻲ ﺍﻟﻐﺎﻟﻴﺔ... ﺍﻟﻠﻪ ﻳﺎﺭﺑﻲ ﺍﻟﻠﻪ ﺗﺰﻋﻂ ﻓﻲ ﺧﺘﻮ ﺑﻼ ﻣﺎﻳﻌﺮﻑ ﻭﻋﻮﺽ ﺣﻴﺎﺓ ﺍﻟﺠﻮﻻﻥ ﺍﺳﺘﻘﺮ ﺑﺎﻟﺪﻭﺍﺭ ﺑﺎﺵ ﻳﺘﻘﺮﺏ ﻣﻨﻬﺎ ﻭﻓﻌﻼ ﺗﻢ ﺍﻟﻤﺮﺍﺩ ﺩﻳﺎﻟﻮ ﻭﺳﺤﺮﻫﺎ ﺑﻜﻼﻣﻮ ﻭﻻﺕ ﻛﺎﺗﺒﻐﻴﻪ ﻭﻛﻞ ﻧﻬﺎﺭ ﻣﻦ ﺑﻌﺪ ﺍﻟﻌﺸﺎ ﻛﺎﻳﻮﻗﻒ ﻗﺪﺍﻡ ﺍﻟﺴﺮﺟﻢ ﺩﻳﺎﻝ ﺑﻴﺘﻬﺎ ﻭﻛﺎﻳﻐﻨﻲ ﻟﻴﻬﺎ ﺍﻟﻌﻴﻄﺔ ﺍﻟﻤﺮﺳﺎﻭﻳﺔ ﻭﺃﺑﻴﺎﺕ ﻣﻦ ﺃﺷﻌﺎﺭ ﺍﻟﻤﺠﺪﻭﺏ، ﻗﺼﺔ ﺍﻟﺤﺐ ﻛﺒﺮﺍﺕ ﻗﺮﺭ ﻋﺒﺪ ﺍﻟﻠﻪ ﻳﺘﻘﺪﻡ ﻟﻴﻬﺎ ﻭﻟﻜﻦ ﻣﺴﺘﺤﻴﻞ ﻳﺘﻢ ﺍﻷﻣﺮ ﺑﻼ ﺧﺒﺎﺭ ﺑﺎﻩ ﺑﺮﺍﻫﻴﻢ ﻟﻲ ﻛﻴﻒ ﺳﻤﻊ ﺍﻟﺨﺒﺎﺭ ﺷﻌﻼﺕ ﻓﻴﻪ ﺍﻟﻌﺎﻓﻴﺔ ﻭﻛﻮﻥ ﻣﺎﺣﺒﺴﺎﺗﻮ ﻣﺮﺗﻮ ﻛﺎﻥ ﻏﺎﻳﻘﺘﻞ ﻭﻟﺪﻭ، ﺭﺟﻊ ﻋﺒﺪ ﺍﻟﻠﻪ ﻟﻠﺰﺍﻭﻳﺔ ﻭﺗﺰﻭﺝ ﺑﺎﻟﻐﺎﻟﻴﺔ ﻭﺩﺍﺯﺕ ﺛﻠﺚ ﺷﻬﺮ ﻭﻗﻒ ﻋﻠﻴﻪ ﺑﺎﻩ ﺑﺮﺍﻫﻴﻢ ﻓﻲ ﺍﻟﺤﺎﻧﻮﺕ ﺣﺘﻰ ﻣﺎﻗﺪﺍﺗﻮ ﻓﺮﺣﺔ ﻭﺗﻼﺡ ﻋﻠﻴﻪ، ﺑﺮﺍﻫﻴﻢ ﻫﺪﺍﻩ ﺍﻟﻠﻪ ﻭﺟﺎ ﻳﺸﻮﻑ ﻭﻟﺪﻭ ﻭﻣﺮﺕ ﻭﻟﺪﻭ ﻣﺎﻋﺎﺭﻓﺶ ﺃﻥ ﺍﻟﻐﺎﻟﻴﺔ ﻫﻲ ﻓﻲ ﺍﻟﻮﺍﻗﻊ ﺑﻨﺖ ﻋﺎﻳﺸﺔ ﻟﻲ ﻛﺎﻧﺖ ﻣﺮﺗﻮ ﻭﻟﻲ ﻛﺎﻥ ﻛﺎﻳﺘﺼﺤﺎﺏ ﻟﻴﻪ ﻗﺘﻠﻬﺎ ﺍﻟﻤﻌﻴﻄﻲ، ﻛﻴﻒ ﺷﺎﻑ ﺍﻟﻐﺎﻟﻴﺔ ﺗﺼﺪﻡ... ﺍﻟﻐﺎﻟﻴﺔ ﻛﺎﻧﺖ ﻧﺴﺨﺔ ﻃﺒﻖ ﺍﻻﺻﻞ ﻟﻌﺎﻳﺸﺔ ﻭﻓﺎﺵ ﺷﺎﻑ ﺍﻟﺸﺮﺑﻴﻞ ﻟﻲ ﻻﺑﺴﺎ ﻓﻲ ﺭﺟﻠﻴﻬﺎ ﻛﺎﻥ ﻏﺎﺩﻱ ﻳﺴﻜﺖ ﻟﻴﻪ ﺍﻟﻘﻠﺐ، ﻧﻔﺲ ﺍﻟﺸﺮﺑﻴﻞ ﻟﻲ ﻛﺎﻧﺖ ﻻﺑﺴﺔ ﻋﺎﻳﺸﺔ ﻧﻬﺎﺭ ﻋﺮﺳﻬﺎ ﺧﺒﺎﺗﻮ ﺣﺘﺎﻝ ﻧﻬﺎﺭ ﺗﺘﺰﻭﺝ ﺑﻨﺘﻬﺎ ﺑﺎﺵ ﺗﻠﺒﺴﻮ ﻭﺑﺮﺍﻫﻴﻢ ﻋﺎﻗﻞ ﻋﻠﻴﻪ ﻣﺰﻳﺎﻥ ﻻﻧﻪ ﻫﻮﺍ ﻟﻲ ﺷﺮﺍﻩ، ﺷﺮﺑﻴﻞ ﻣﺰﻭﻕ ﺑﺎﻟﺤﺮﻳﺮ ﻭﻭﻗﻒ ﻋﻠﻴﻪ ﺑﺮﺍﺳﻮ ﻓﻲ ﺍﻟﻤﻮﺳﻢ ﺣﺘﺎ ﻃﺮﺯ ﻟﻴﻪ ﺍﻟﺪﺭﺍﺯ ﺣﺮﻑ "ﻉ" ﺑﺨﻴﻮﻁ ﺍﻟﺬﻫﺐ... ﺍﻟﺼﺪﻣﺔ ﻛﺎﻧﺖ ﻗﻮﻳﺔ ﻣﻦ ﺑﻌﺪ ﻣﺎﻋﺮﻑ ﺑﺮﺍﻫﻴﻢ ﺳﻤﻴﺖ ﻣﺎﻣﺎﺕ ﺍﻟﻐﺎﻟﻴﺔ ﻓﺎﺵ ﻗﺎﻟﺖ ﻟﻴﻪ ﻋﺎﻳﺸﺔ ﻃﺎﺣﻮ ﻋﻠﻴﻪ ﺍﻟﺮﻛﺎﺑﻲ ﻭﻣﺎﺗﻮﻗﻌﺶ ﻳﺠﻲ ﺷﻲ ﻧﻬﺎﺭ ﻭﻟﺪﻭ ﻳﺘﺰﻭﺝ ﺑﻨﺖ ﻫﺎﺩﻳﻚ ﻟﻲ ﻛﺎﻧﺖ ﻣﺮﺗﻮ ﻭﻟﻜﻦ ﺍﻟﺼﺪﻣﺔ ﺍﻟﻜﺒﻴﺮﺓ ﻫﻴﺎ ﻓﺎﺵ ﺟﺎﺕ ﺍﻟﻠﻔﻌﺔ ﺍﻟﻜﺮﻃﻴﻄﺔ ﻟﻲ ﻛﺎﻧﺖ ﻣﻘﺎﺑﻠﺔ ﻋﺎﻳﺸﺔ ﻭﻟﻲ ﺭﺑﺎﺕ ﺍﻟﻐﺎﻟﻴﺔ ﻣﻦ ﺑﻌﺪ ﻣﻮﺕ ﻣﻬﺎ ﻭﻭﻓﺎﺓ ﺍﻟﻤﻌﻄﻲ... ﻧﻔﺲ ﺩﻳﻚ ﺍﻟﻠﻔﻌﺔ ﺍﻳﺎﻡ ﻗﺒﻞ ﻣﺎﺗﻤﻮﺕ ﻋﺎﻳﺸﺔ ﻋﺎﻭﺩﺍﺕ ﻟﻴﻬﺎ ﻛﻠﺸﺎ ﻭﻗﺎﻟﺖ ﻟﻴﻬﺎ ﺭﺍﻩ ﺍﻟﻐﺎﻟﻴﺔ ﺑﻨﺖ ﺑﺮﺍﻫﻴﻢ ﻭﻣﺎﺷﻲ ﺍﻟﻤﻌﻄﻲ ﻭﺍﻥ ﺍﻟﻤﻌﻄﻲ ﻣﺎﻛﻴﻮﻟﺪﺵ، ﺍﻟﻠﻔﻌﺔ ﺗﺼﺪﻣﺎﺕ ﻭﺟﺮﺍﺕ ﺑﺮﺍﻫﻴﻢ ﻣﻦ ﻳﺪﻳﻪ ﺧﺮﺟﺎﺕ ﺑﻴﻪ ﻟﻠﻤﺮﺍﺡ ﻭﻋﺎﻭﺩﺕ ﻟﻴﻪ ﻛﻠﺸﻲ، ﻃﺎﺡ ﻋﻠﻰ ﺭﻛﺎﺑﻴﻪ ﻭﺑﻘﺎ ﻛﺎﻳﺒﻜﻲ ﻓﺤﺎﻝ ﺍﻟﺪﺭﺍﺭﻱ ﺍﻟﺼﻐﺎﺭ.... ﺭﺟﻊ ﻟﻠﺼﺎﻟﻮﻥ ﻭﺩﺍﺭ ﻓﺤﺎﻝ ﻳﻼ ﻣﺎﻛﻴﻦ ﻭﺍﻟﻮ ﺧﻼﻫﻢ ﺣﺘﻰ ﻧﻌﺴﻮ ﻭﻫﺰ ﺍﻟﺸﺮﺑﻴﻞ ﻋﻨﻘﻮ ﻭﺗﺎﻳﺒﻮﺱ ﻓﻴﻪ ﺗﻔﻜﺮ ﻋﺎﻳﺸﺔ ﻭﺣﺲ ﺑﺎﻟﻈﻠﻢ ﻭﺍﻟﻐﺒﻴﻨﺔ ﻭﺍﻧﻪ ﺳﺒﺎﺏ ﻫﺎﺩ ﺍﻟﻔﻀﻴﺤﺔ... ﺷﻌﻞ ﺍﻟﻌﺎﻓﻴﺔ ﻓﻲ ﺍﻟﺰﺭﻳﺒﺔ ﻭﺍﻟﻤﺮﺍﺡ ﻭﺍﻟﺒﻴﻮﺕ ﻛﺎﻣﻠﻴﻦ ﻫﺎﺯ ﺍﻟﺸﺮﺑﻴﻞ ﻭﻛﺎﻳﻐﻮﺕ "ﻋﺎﺍﺍﺍﺍﺍﺍﻳﺸﺔ ﻋﺎﺍﺍﺍﻳﺸﺔ !!!!" ﺣﺎﻭﻻﺕ ﺩﻳﻚ ﺍﻟﻠﻔﻌﺔ ﺗﺤﺒﺴﻮ ﺷﻌﻞ ﻓﻴﻬﺎ ﺣﺘﻰ ﻫﻴﺎ ﺍﻟﻌﺎﻓﻴﺔ ﻭﻣﻦ ﺑﻌﺪ ﻣﺎ ﺗﺄﻛﺪ ﺃﻥ ﻛﻠﺸﻲ ﻣﺎﺕ ﻭﻓﻲ ﺍﻟﻮﻗﺖ ﻟﻲ ﻧﺎﺱ ﺍﻟﺪﻭﺍﺭ ﻣﺪﺍﺑﺰﻳﻦ ﻳﻄﻔﻴﻮ ﺍﻟﻨﺎﺭ ﺗﻼﺡ ﻓﻴﻬﺎ ﺑﺮﺍﻫﻴﻢ ﻭﻣﺎﺕ ﻣﻌﻨﻖ ﺍﻟﺸﺮﺑﻴﻞ. #ﺍﻟﻨﻬﺎﻳﺔ ﻣﻊ ﺗﺤﻴﺎﺗﻲ ﺍﻟﻜﺎﺗﺐ ﻋﺒﺪ ﺍﻟﺮﺣﻴﻢ ﻣﻴﺲ ﻣﺘﺒﺨﻠﻮﺵ ﻋﻠﻴﺎ ﺑﺘﻌﻠﻴﻘﺎﺗﻜﻢ ﻭﺗﺸﺠﻴﻌﺎﺗﻚ ﻛﻞ ﺍﻟﺤﻘﻮﻕ ﻣﺤﻔﻮﻇﺔ ﺍﻟﻤﺮﺟﻮ ﻃﻠﺐ ﺍﻹﺫﻥ ﻗﺒﻞ ﺇﻋﺎﺩﺓ ﺍﻟﻨﺸﺮ > شارك المقال : Tweet ✚ مقالات ذات صلة
تحويل كودإخفاء محول الأكواد الإبتساماتإخفاء