#ﺍﻟﺸﺮﺑﻴﻞ
(ﺍﻟﺤﻠﻘﺔ ﺍﻟﺜﺎﻟﺜﺔ)
ﻗﺒﺢ ﺍﻟﻠﻪ ﺍﻟﻔﻘﺮ ﻟﻲ ﻳﺨﻠﻲ ﺍﻟﺮﺍﺟﻞ ﻳﺴﻤﺢ ﻓﻲ ﻣﺮﺗﻮ ﺑﺎﺵ ﻳﺘﺰﻭﺝ ﺑﻴﻬﺎ ﻗﻨﺪﻭﺡ ﺁﺧﺮ، ﺍﻟﻤﻌﻄﻲ ﻛﺎﻥ ﻗﻨﺪﻭﺡ ﻛﺒﻴﺮ ﻗﻨﺪﻭﺡ ﻣﺸﺤﻢ ﻭﻣﻜﺮﺵ، ﻣﻴﺘﺮﻭ ﻭﺗﺴﻌﻴﻦ ﻓﻲ ﺍﻟﻄﻮﻝ ﻓﻤﻴﺘﺮﻭ ﻓﻲ ﺍﻟﻌﺮﺽ ﺭﺍﺳﻮ ﻗﺪ ﺍﻟﺪﻻﺣﺔ ﺩﻳﺎﻝ ﺩﻛﺎﻟﺔ ﻭﻭﺩﻧﻴﻪ ﻣﻘﻠﺸﻴﻦ ﻭﺷﺤﻤﺎﺗﻬﻢ ﻣﺪﻟﻴﻴﻦ ﻟﻴﻪ ﺣﺘﺎﻝ ﻋﻨﻘﻮ، ﻣﻮﺳﻄﺎﺷﻮ ﻛﺒﻴﺮ ﻭﺍﻟﺠﻼﺑﻴﺔ ﺩﻳﺎﻝ ﺍﻟﺤﺒﺔ ﻣﺎﻛﺘﺨﻄﺎﻫﺶ، ﺍﻟﻨﻬﺎﺭ ﻭﻣﺎﻃﺎﻝ ﻭﻫﻮﺍ ﻳﺘﻤﺨﺘﺮ ﻭﺳﻂ ﺍﻟﺠﻨﺎﻧﺎﺕ ﺣﺎﺿﻲ ﻋﻴﺎﻻﺕ ﺍﻟﺪﻭﺍﺭ، ﺍﻟﺴﻠﻬﺎﻡ ﺳﻼﻭﻱ ﺍﻟﺒﻠﻐﺔ ﻓﺎﺳﻴﺔ ﻭﺍﻟﻄﺮﺑﻮﺵ ﻣﺮﺍﻛﺸﻲ، ﺃﺑﻮ ﻟﻬﺐ ﻓﻲ ﻳﺎﻣﺎﺗﻮ....ﻭﺟﻬﻮ ﻗﺎﺻﺢ ﻭﻣﺎﻛﺎﻧﺶ ﻛﺎﻳﺘﺮﺩﺩ ﻳﺘﺤﺮﺵ ﺍﻭ ﻳﻠﻮﺡ ﻳﺪﻳﻪ ﻋﻠﻰ ﺍﻟﻌﻴﺎﻻﺕ، ﺑﻨﺎﺕ ﺍﻟﺪﻭﺍﺭ ﺯﻣﺎﻥ ﺇﻻ ﻏﻲ ﺍﻟﻤﻌﻄﻲ ﻏﻤﺰﻫﺎ ﺷﻬﺮ ﻭﻫﻴﺎ ﻣﺰﻧﻜﺔ ﻣﺨﻠﻮﻋﺔ ﻭﺷﺪﺍﻫﺎ ﺍﻟﺘﺒﻮﺭﻳﺸﺔ ﻭﻛﺘﻨﻘﺺ ﻋﻨﺪﻫﺎ ﺣﺘﻰ ﺍﻟﺸﻬﻴﺔ ﻭﻛﺎﺗﺒﻘﺎ ﺑﻼ ﻧﻌﺎﺱ. ﺃﻣﺎ ﺇﻻ ﻣﺴﻬﺎ ﻓﻜﺘﻔﻬﺎ ﻭﻫﻲ ﻛﺘﺴﻘﻲ ﻣﻦ ﺍﻟﻨﺎﻋﻮﺭﺓ، ﻳﻘﺪﺭ ﻳﻐﻤﻰ ﻋﻠﻴﻬﺎ ﻣﻦ ﻫﻮﻝ ﺍﻟﺘﻤﺎﺱ ﻭﺗﻘﺪﺭ ﻛﺎﻉ ﺗﺤﻤﻞ ﻭﻟﺪ ﺍﻟﺤﺮﺍﻡ ﻏﻴﺮ ﺑﺎﻟﺨﻠﻌﺔ. ﻏﻴﺮ ﺍﻟﺸﻮﻓﺔ ﻓﻌﻴﻨﻴﻪ ﻛﺘﻮﻗﻒ ﺯﻏﺐ ﺍﻟﺮﺟﻠﻴﻦ ﻣﺎﻛﺎﻧﺶ ﻛﺎﻳﺘﺮﺩﺩ ﻳﻬﺰ ﺍﻟﻤﻜﺤﻠﺔ ﻭﻳﺘﻴﺮﻱ ﻓﺄﻱ ﻭﺍﺣﺪ ﺗﺠﺮﺃ ﻳﺨﺮﺝ ﻋﻦ ﻃﺎﻋﺘﻮ ﻳﻬﺮﺏ ﺃﻭ ﻳﺴﺮﻕ ﻭﻳﺎﻣﺎ ﻗﺘﻞ ﻭﺫﺑﺢ ﻭﻗﻄﻊ، ﺑﻮﺷﺘﻰ ﻗﺘﻠﻮ ﺑﺴﺒﺎﺏ ﻛﺮﻛﻮﺑﺔ ﺩﻳﺎﻝ ﻣﻄﻴﺸﺔ ﺣﺼﻠﻮ ﺩﺍﻳﺮﻫﺎ ﻓﻘﺒﻮ، ﺍﻟﻌﺮﺑﻲ ﺍﻟﺴﺎﺭﺡ ﺩﻳﺎﻟﻮ ﻻﺣﻮ ﻓﻲ ﺍﻟﺒﻴﺮ ﺣﻴﺖ ﻛﻼ ﻟﻴﻪ ﺍﻟﺬﻳﺐ ﻧﻌﺠﺔ... ﺍﻟﺴﻌﺪﻳﺔ ﺍﻟﺨﺪﺍﻣﺔ ﻏﺒﺮ ﻟﻴﻬﺎ ﻻﺗﺮ ﻓﺎﺵ ﻟﻘﺎﻫﺎ ﻛﺎﺗﺨﺮﺝ ﺍﻟﻤﺎﻛﻠﺔ ﻣﻦ ﺍﻟﻜﻮﺯﻳﻨﺔ ﻭﻛﺎﺗﻌﻄﻲ ﻟﻮﻻﺩﻫﺎ ﺣﺘﻰ ﻣﻦ ﺍﻟﺸﻴﺦ ﺩﻳﺎﻝ ﺍﻟﺠﺎﻣﻊ ﻣﺎﺭﺣﻤﻮﺵ ﻭﺟﻠﺪﻭ ﻗﺪﺍﻡ ﻧﺎﺱ ﺍﻟﺪﻭﺍﺭ ﺣﻴﺖ ﺗﺠﺮﺃ ﻭﻟﺒﺲ ﺑﻠﻐﺔ ﺣﺴﻦ ﻣﻦ ﺑﻠﻐﺘﻮ ﺧﺪﺍﻫﺎ ﻫﺪﻳﺔ ﻣﻦ ﻋﻨﺪ ﺍﻟﺴﻠﻄﺎﻥ ﻓﻲ ﻓﺎﺱ... ﺍﻟﻤﻌﻄﻲ ﻛﺎﻥ ﻛﺎﻳﻄﺒﻖ ﺷﺮﻉ ﺍﻟﻠﻪ ﺑﺎﻻﺣﻜﺎﻡ ﻟﻲ ﻛﺎﻃﻴﺢ ﻟﻴﻪ ﻋﻠﻰ ﻫﻮﺍﻩ... ﺣﺘﻰ ﻣﻦ ﻋﻴﺎﻻﺕ ﺍﻟﺪﻭﺍﺭ ﻣﺎﻛﻴﻨﺶ ﺷﻲ ﻭﺣﺪﺓ ﻣﺎﺩﺍﺯﺵ ﻋﻠﻴﻬﺎ ﻣﻦ ﺑﺮﻫﻮﺷﺎﺕ ﺣﺘﺎﻝ ﻋﻴﺎﻻﺕ ﺍﻟﺮﺟﺎﻝ، ﺍﻟﺠﺒﺮﻭﺕ ﺩﻳﺎﻝ ﺍﻟﻤﻌﻄﻲ ﻣﺎﻛﺎﻧﺶ ﻛﺎﻳﻌﻄﻲ ﺍﻟﻔﺮﺻﺔ ﻟﺸﻲ ﺭﺍﺟﻞ ﻣﻦ ﺍﻟﺪﻭﺍﺭ ﻳﺎﺧﺪ ﺑﺘﺎﺭﻭ ﻭﺍﻟﻤﻜﺤﻠﺔ ﻛﺎﻧﺖ ﻋﺎﻃﻴﺎﻩ ﻭﺍﺣﺪ ﺍﻟﺤﺼﺎﻧﺔ ﺯﻳﺪ ﻋﻠﻴﻬﻢ ﻭﺍﺣﺪ ﺍﻟﺮﺑﺎﻋﺔ ﺍﻟﺸﻼﻫﺒﻴﺔ ﺻﺤﺎﺑﻮ ﻟﻲ ﻫﻮﻣﺎ ﻋﻴﻨﻴﻪ ﻓﻲ ﺍﻟﺪﻭﺍﺭ....
ﺩﻭﺍﺭ ﺳﻴﺪﺍﻟﺮﺍﺿﻲ ﻛﺎﻥ ﺟﻨﺔ ﻋﻠﻰ ﻭﺟﻪ ﺍﻻﺭﺽ ﻭﻟﻜﻦ ﻧﺎﺳﻮ ﻣﺎﻛﺎﻧﺶ ﻋﻨﺪﻫﻢ ﺍﻟﻮﻗﺖ ﺑﺎﺵ ﻳﺴﺘﺎﻓﺪﻭ ﻣﻨﻬﺎ ﻭﻣﻦ ﺧﻴﺮﺍﺗﻬﺎ، ﻛﺎﻥ ﺍﻟﻤﻌﻄﻲ ﻫﻮﺍ ﺍﻟﻤﺎﻟﻚ ﺍﻟﻮﺣﻴﺪ ﻭﺍﻵﻣﺮ ﺍﻟﻨﺎﻫﻲ ﻭﻏﻴﺮ ﻛﺎﻳﺒﺎﻥ ﻟﻴﻪ ﺷﻲ ﻭﺍﺣﺪ ﻏﺎﺩﻱ ﻳﻨﺎﻓﺴﻮ ﻛﺎﻳﺼﻔﻴﻬﺎ ﻟﻴﻪ ﻭﺑﻼ ﻣﺎﻧﺪﻭﻳﻮ ﻋﻠﻰ ﻋﻴﺎﻻﺕ ﺍﻟﺮﺟﺎﻝ ﻟﻲ ﻧﺘﺎﺣﺮﻭ ﻣﻦ ﻓﻮﻕ ﺍﻟﺠﺮﻑ ﺍﻭ ﻻﺣﻮ ﺭﺍﺳﻬﻢ ﻓﻲ ﺍﻟﺒﺤﺮ ﻭﺍﻟﺴﺎﻗﻴﺔ ﺑﺴﺒﺎﺏ ﺷﺮﻓﻬﻢ ﻟﻲ ﺗﻌﺪﺍ ﻋﻠﻴﻪ، ﺑﺮﻫﻮﺷﺎﺕ ﻓﻲ ﻋﻤﺮ ﺍﻟﺰﻫﻮﺭ ﺧﺪﺍ ﻟﻴﻬﻢ ﺑﻜﺎﺭﺗﻬﻢ ﻓﻲ ﻟﺤﻈﺔ ﺷﻬﻮﺓ.... ﺍﻟﺴﻬﺮﺍﺕ ﻛﻞ ﺟﻤﻌﺔ ﺑﺎﻟﻠﻴﻞ ﺣﺘﺎ ﻛﺎﻳﻄﻠﻊ ﺍﻟﺼﺒﺎﺡ ﺍﻟﺸﻴﺨﺎﺕ ﻭﺍﻟﻤﺎﺣﻴﺔ ﻭﺍﻟﺸﻘﻮﻓﺔ ﻟﻌﻠﻚ ﺗﺮﺿﻰ ﻭﺍﻟﻘﺤﺎﺏ ﻛﺎﻳﺠﻴﺒﻬﻢ ﻣﻦ ﺗﻴﻔﻠﺖ ﻭﺧﻨﻴﻔﺮﺓ ﻣﺎﻛﻴﻦ ﻏﻴﺮ ﺍﻟﻠﻮﺯ ﺍﻟﻤﻨﻘﻲ ﺷﺤﺎﻝ ﻣﻦ ﻭﺣﺪﺓ ﺟﺎﻫﺎ ﺍﻷﺟﻞ ﺑﻴﻦ ﻳﺪﻳﻪ، ﺭﺍﺱ ﺍﻟﺤﻤﺎﺭ ﻣﺎﻛﻴﺮﺣﻢ ﻣﺎﻛﻴﺨﻠﻲ ﺭﺣﻤﺔ ﺍﻟﻠﻪ ﺗﻨﺰﻝ... ﻧﻬﺎﺭ ﺗﺰﻭﺝ ﻗﺎﻟﻮ ﻧﺎﺱ ﺍﻟﺪﻭﺍﺭ ﺗﻬﻨﻴﻨﺎ ﻣﻨﻮ ﺍﻟﺴﺎﻋﺔ ﻋﺎﺩ ﻣﺎﺯﺍﺩ ﻓﻴﻪ، ﺗﺰﻭﺝ ﺑﻨﺖ ﻋﻤﻮ ﺭﺑﻴﻌﺔ ﻓﻘﻂ ﻷﻥ ﻣﻮ ﻓﺮﺿﺎﺗﻬﺎ ﻋﻠﻴﻪ ﻣﻮ ﻟﻲ ﺩﻳﻠﻤﻬﺎ ﻣﺎﺗﺨﺎﻑ ﻣﺎﺗﺮﻣﺶ ﻭﻛﺎﺗﺸﻜﻞ ﺍﻟﺴﻠﻄﺔ ﺍﻟﺘﺸﺮﻳﻌﻴﺔ ﺩﻳﺎﻝ ﺍﻟﺪﻭﺍﺭ ﻓﻲ ﺍﻟﻮﻗﺖ ﻟﻲ ﺍﻟﻤﻌﻄﻲ ﻭﻟﺪﻫﺎ ﻛﺎﻳﺸﻜﻞ ﺍﻟﺴﻠﻄﺔ ﺍﻟﺘﻨﻔﻴﺪﻳﺔ، ﺁﻟﺔ ﺩﻳﺎﻝ ﺍﻟﺠﻨﺲ ﻭﺍﻟﻘﺘﻞ ﻭﺍﻟﻔﺴﺎﺩ ﻫﺬﺍ ﺃﻗﻞ ﻣﺎﻧﻘﺪﺭ ﻧﻘﻮﻝ ﻋﻠﻴﻪ ﻭﻣﻊ ﺫﺍﻟﻚ ﻣﺎﻛﺎﻳﺰﻛﻠﺶ ﺍﻟﺼﻼﺓ ﻓﻲ ﺍﻟﺠﺎﻣﻊ ﺑﺎﺳﺘﺘﻨﺎﺀ ﺻﻼﺓ ﺍﻟﻔﺠﺮ ﻣﻊ ﺃﻥ ﺑﺎﺏ ﺍﻟﺠﺎﻣﻊ ﻛﺎﻥ ﻗﺪﺍﻡ ﺑﺎﺏ ﺍﻟﺪﺍﺭ، ﻣﺎﻛﺎﻧﺶ ﻛﺎﻳﻌﺮﻑ ﺷﻲ ﺣﺎﺟﺔ ﺳﻤﻴﺘﻬﺎ ﺍﻟﻤﺤﻨﺔ ﺃﻭ ﺍﻟﺮﺣﻤﺔ ﺃﻭ ﺍﻟﺤﺐ ﻭﺍﻟﻌﻄﻒ ﻭﺩﺍﻛﺸﻲ، ﺍﻟﺸﻴﻄﺎﻥ ﺑﺮﺍﺳﻮ ﻛﺎﻥ ﺗﺎﻳﺨﺪﻡ ﻏﻴﺮ ﺣﻀﺎﻋﺸﺮ ﺷﻬﺮ ﻓﻲ ﺍﻟﻌﺎﻡ ﻣﻦ ﺑﻌﺪ ﻣﺎﻛﻴﺘﻜﺒﻞ ﻓﻲ ﺭﻣﻀﺎﻥ ﺍﻟﻤﻌﻄﻲ ﻛﺎﻥ ﺷﻴﻄﺎﻥ ﻋﻠﻰ ﻃﻮﻝ ﺍﻟﻌﺎﻡ ﻭﻓﺮﻣﻀﺎﻥ ﺗﺎﻳﺨﺮﻡ ﻭﺗﺎﻳﺠﻬﻞ ﻭﻋﺎﺩ ﻣﺎﺗﻴﺰﻳﺪ ﻓﻴﻪ... ﺑﺎﺵ ﻧﻘﺮﺏ ﻟﻴﻜﻢ ﺍﻟﺼﻮﺭﺓ ﺩﻳﺎﻟﻮ ﻛﺜﺮ ﻛﺎﻧﻮ ﻋﻴﻨﻴﻪ ﺧﺎﺭﺟﻴﻦ ﻓﺤﺎﻝ ﺍﻟﺘﻴﻨﻴﺴﺎﺕ ﻭﺍﻟﻌﺮﻭﻕ ﺩﻳﺎﻝ ﻋﻴﻨﻴﻪ ﻛﺎﻳﺒﺎﻧﻮ، ﻧﻴﻔﻮ ﻃﻮﻳﻞ ﻛﺒﺮ ﻣﻦ ﺩﻳﺎﻝ ﺇﻳﺒﺮﺍﻫﻴﻤﻮﻓﻴﺘﺶ ﻭﻋﺮﻳﺾ ﺩﺍﻳﺮ ﻓﺤﺎﻝ ﺷﻲ ﺫﻧﺠﺎﻟﺔ ﻗﻨﺎﻧﻔﻮ ﻛﺒﺎﺍﺍﺭ ﻭﻣﻠﺤﻤﻴﻦ ﻓﻮﻕ ﻣﻨﻬﻢ ﻭﺍﺣﺪ ﺍﻟﻤﻮﺳﻄﺎﺵ ﻗﺪ ﺍﻟﻠﻬﻢ ﺻﻠﻲ ﻋﻠﻴﻚ ﺃﺭﺳﻮﻝ ﺍﻟﻠﻪ، ﺷﻼﻏﻤﻮ ﻗﺪ ﻋﺶ ﺑﻼﺭﺝ ﺯﻏﺒﻬﻢ ﺣﺮﺵ ﻭﻟﻮﻧﻬﻢ ﻛﺮﻋﻲ ﺣﻴﺖ ﻛﺎﻳﺪﻫﻨﻬﻢ ﺑﺎﻟﺤﻨﺎ، ﺍﻟﺴﻨﺎﻥ ﺍﻟﻨﺺ ﺫﻫﺐ ﻭﺍﻟﻨﺺ ﻧﻘﺮﺓ ﻭﺩﺍﻛﺸﻲ ﻟﻲ ﺑﻘﺎ ﺻﻔﺮ ﻣﺨﻠﻂ ﻣﻊ ﺍﻟﻘﻬﻮﻱ ﺑﺴﺒﺎﺏ ﺍﻟﺸﻘﻮﻓﺔ، ﻟﺴﺎﻧﻮ ﻓﻴﻪ ﻧﺺ ﻣﻴﺘﺮﻭ ﺃﻣﺎ ﺻﻮﺗﻮ ﻳﻼ ﻏﻴﺮ ﻫﻤﺲ ﻛﺎﻳﺰﻋﺰﻉ ﺍﻟﺤﻴﻮﻁ ﺃﻣﺎ ﻳﻼ ﻃﻠﻖ ﺷﻲ ﻏﻮﺗﺔ ﺍﻟﺪﻭﺍﻭﺭ ﺩﻳﺎﻝ ﻋﺒﺪﺓ ﻛﺎﻣﻠﻴﻦ ﻛﺎﻳﺠﺒﻮ ﺍﻟﺨﺒﺎﺭ، ﺃﻣﺎ ﺍﻟﺨﺒﺎﻃﺎﺕ ﺩﻳﺎﻟﻮ (ﺍﻟﺮﺟﻠﻴﻦ) ﻳﻼ ﺷﺘﻒ ﺑﻴﻬﻢ ﻋﻠﻴﻚ ﻳﺨﺮﺝ ﻟﻴﻚ ﻣﺼﺎﺭﻧﻚ ﻏﻴﺮ ﺍﻟﺒﻠﻐﺔ ﻟﻲ ﻛﺎﻳﺨﺸﻲ ﻓﻲ ﺭﺟﻠﻴﻪ ﻗﺪ ﺍﻟﺼﺎﻙ ﺩﻭﻛﻮﺷﺎﺝ ﻟﻲ ﻛﺎﻳﻨﻌﺴﻮ ﺑﻴﻪ ﻓﻲ ﺍﻟﺠﺒﻞ ﺗﺸﺪﻫﺎ ﺗﻔﺮﺷﻬﺎ ﻭﺗﻨﻌﺲ ﻭﺳﻂ ﻣﻨﻬﺎ ﺃﻣﺎ ﻓﺎﺵ ﻛﺎﻳﻜﻮ ﺭﺍﻛﺐ ﻓﻮﻕ ﺍﻟﺒﻐﻠﺔ ﻣﺎﻛﺘﺒﻘﺎ ﺗﻌﺮﻑ ﺷﻜﻮﻥ ﺍﻟﺒﻐﻞ ﻭﺷﻜﻮﻥ ﺑﻨﺎﺩﻡ، ﺧﺎﺻﻮ ﺑﻐﻠﺔ ﻓﻲ ﺍﻟﺸﻬﺮ ﺍﻟﺒﻐﻠﺔ ﺍﻟﻤﺨﻴﺮﺓ ﺩﻭﺯﺍﺕ ﻟﻴﻪ ﺷﻬﺮﻳﻦ ﻭﻣﺎﺗﺖ، ﻭﻟﺪ ﺍﻟﻜﻠﺒﺔ ﻣﻴﺔ ﻭﺳﺘﻴﻦ ﻛﻴﻠﻮ ﺩﻳﺎﻝ ﺍﻟﺸﺤﻢ ﻭﺍﻟﻠﺤﻢ، ﺟﻮﺝ ﻗﻨﺎﻃﺮ ﻳﻼ ﺯﺩﻧﺎ ﻋﻠﻴﻪ ﺍﻟﺸﺮﺍﻭﻁ ﻭﺍﻟﺒﻠﻐﺔ ﻭﺍﻟﺼﺎﻙ ﻭﺍﻟﻤﻜﺤﻠﺔ... ﺑﺴﺒﺎﺏ ﻃﻮﻝ ﺭﺟﻠﻴﻪ ﺩﻳﻤﺎ ﻛﺎﻳﻘﻠﺐ ﻋﻠﻰ ﺍﻟﺒﻐﻠﺔ ﺍﻟﻌﺎﻟﻴﺔ ﺑﺎﺵ ﻣﺎﻳﺘﺤﻜﻮﻭﺵ ﻟﻴﻪ ﻓﺮﺍﻗﺸﻮ ﻣﻊ ﺍﻻﺭﺽ...
ﺭﻏﻢ ﺃﻧﻪ ﺗﻌﺪﺍ ﻭﻏﺘﺎﺻﺐ ﺑﻨﺎﺕ ﻭﻋﻴﺎﻻﺕ ﻛﺜﺎﺭ ﻓﻲ ﺍﻟﺪﻭﺍﺭ ﺇﻻ ﺃﻧﻪ ﻭﻟﻠﻪ ﺍﻟﺤﻤﺪ ﻋﻤﺮﻭ ﺣﻤﻼﺕ ﻣﻨﻮ ﺷﻲ ﻭﺣﺪﺓ ﻭﻣﻦ ﺑﻌﺪ ﻣﺎﺗﺰﻭﺝ ﺑﻨﺖ ﻋﻤﻮ ﺭﺑﻴﻌﺔ ﻭﺳﻨﻴﻦ ﺩﻳﺎﻝ ﺍﻟﻤﻌﺎﺷﺮﺓ ﺣﺘﻰ ﻫﻴﺎ ﻣﺎﻭﻟﺪﺍﺗﺶ ﻭﺑﺪﺍ ﻛﺎﻳﺪﺧﻠﻮ ﺍﻟﺸﻚ ﻓﺮﺍﺳﻮ ﺣﺘﻰ ﺟﺎﺕ ﺍﻟﺤﺎﺟﺔ ﻓﺎﻧﻴﺪﺓ ﻟﻲ ﻫﻴﺎ ﻣﻮ ﻭﻗﻨﻌﺎﺗﻮ ﺃﻥ ﺍﻟﺮﺍﺟﻞ ﻣﺎﻛﻴﻜﻮﺗﺶ ﻋﺎﻗﺮ ﻭﺃﻥ ﺑﻨﺖ ﻋﻤﻮ ﻫﻴﺎ ﻟﻲ ﻋﺎﻗﺮﺓ ﻭﺧﺼﻮ ﻳﺘﺰﻭﺝ ﻋﻠﻴﻬﺎ، ﻏﻴﺮ ﻫﻮﺍ ﺍﻟﻤﻌﻄﻲ ﺯﻫﻮﺍﻧﻲ ﻋﺸﺎﻕ ﻭﻣﻼﻝ ﺍﻟﻤﺮﺍ ﻟﻲ ﻏﺎﺩﻱ ﻳﺘﺰﻭﺟﻬﺎ ﻭﺗﺴﻜﻦ ﻣﻌﺎﻩ ﺧﺎﺻﻬﺎ ﺗﻜﻮﻥ ﻣﻌﻤﺮﺍ ﻟﻴﻪ ﻋﻴﻨﻮ ﻋﺎﻣﺮﺓ ﻣﺘﺮﻣﺔ ﻭﻫﻀﺮﺗﻬﺎ ﺣﻠﻮﺓ، ﻓﻴﻴﻴﻴﻦ ﻏﺎﻳﻠﻘﺎﻫﺎ ﻓﺪﻭﺍﺭ ﺳﻴﺪﺍﻟﺮﺍﺿﻲ ﻟﻲ ﺍﻟﻨﺎﺱ ﻣﻦ ﺟﻮﻋﻬﻢ ﺍﻟﺠﻠﺪﺓ ﻋﻠﻰ ﺍﻟﻌﻈﻢ ﻣﺴﺎﻛﻦ، ﻓﻲ ﺍﻟﻮﻗﺖ ﻟﻲ ﺑﺪﺍ ﻛﺎﻳﻔﻜﺮ ﻳﺘﺰﻭﺝ ﺍﻟﻤﺮﺍ ﻟﻲ ﻏﺎﺩﻱ ﺗﻮﻟﺪ ﻟﻴﻪ ﺍﻟﻮﻟﺪ ﺳﺎﻕ ﺍﻟﺨﺒﺎﺭ ﺩﻳﺎﻝ ﺷﻲ ﻋﺮﺱ ﻓﺪﺍﺭ ﺷﻲ ﻓﻼﺡ ﻣﻦ ﺍﻟﻔﻼﺣﺔ ﻟﻲ ﺧﺪﺍﻣﻴﻦ ﻋﻨﺪﻭ... ﻛﻴﻔﺎﺵ ﻋﺮﺱ ﻓﻲ ﺍﻟﺪﻭﺍﺭ ﺑﻼ ﺧﺒﺎﺭ ﺍﻟﻤﻌﻄﻲ؟ ﺻﺎﺍﺍﻓﻲ ﻣﺸﺎﻭ ﻓﻴﻬﺎ... ﻟﺒﺲ ﺍﻟﻘﻨﺪﺭﻳﺰﻱ ﻭﺍﻟﺠﻼﺑﻴﺔ ﻭﺿﺮﺏ ﻓﻮﻕ ﻣﻨﻮ ﺳﻠﻬﺎﻣﻮ ﻫﺰ ﺍﻟﻤﻜﺤﻠﺔ ﻭﺧﺮﺝ ﻛﺎﻳﺠﺮﻱ ﻣﺎﻳﻠﻘﺎ ﺍﻟﻌﺮﺱ ﻏﻴﺮ ﻓﺪﺍﺭ ﻧﻌﻴﻤﺔ ﺍﻟﻌﺮﺟﺔ، ﻫﺎﺩ ﻧﻌﻴﻤﺔ ﺍﻟﻌﺮﺟﺔ ﻫﻲ ﻟﻲ ﻣﺮﺿﻌﺎﻩ ﻭﻫﺎﺩﺷﻲ ﻟﻲ ﺷﻔﻊ ﻟﻴﻬﺎ ﺃﻣﺎ ﻛﻮﻥ ﻣﺎﻳﺤﻨﺶ ﻓﻴﻬﺎ، ﻭﺍﺧﺎ ﻛﻌﺎ ﻣﺰﻳﺎﻥ ﻭﻏﻮﺍﺗﻮ ﺳﻤﻌﻮ ﺍﻟﻌﺎﺩﻱ ﻭﺍﻟﺒﺎﺩﻱ ﺑﺎﺭﻙ ﻟﻠﻌﺮﻳﺲ ﻭﺳﻮﻟﻮ ﺷﻜﻮﻥ ﺍﻟﻌﺮﻭﺳﺔ ﻟﻲ ﻛﺎﻧﻮ ﻣﻠﻮﻳﻴﻦ ﻋﻠﻴﻬﺎ ﺍﻟﻤﻠﺤﻒ ﻛﻴﻒ ﺍﻟﺒﺼﻠﺔ ﻭﻭﺟﻬﻬﺎ ﻣﺎﻛﻴﺒﺎﻧﺶ ﻋﻠﻰ ﺣﺴﺐ ﻃﻘﻮﺳﻬﻢ، ﺍﻟﻌﺮﻳﺲ ﻟﻲ ﻫﻮﺍ ﻭﻟﺪ ﻧﻌﻴﻤﺔ ﺍﻟﻌﺮﺟﺔ ﺗﺰﻭﺝ ﺷﻲ ﺑﻨﺖ ﻳﺘﻴﻤﺔ ﻣﻦ ﺩﻭﺍﺭ ﻭﻻﺩ ﻋﻠﻲ ﻟﻲ ﻗﺮﻳﺐ ﻟﻴﻬﻢ ﻭﻛﺎﻥ ﺗﻮﺳﻂ ﻟﻴﻪ ﺍﻟﻔﻘﻴﻪ ﺩﻳﺎﻝ ﺍﻟﺠﺎﻣﻊ ﻟﻲ ﻛﺎﻥ ﺣﺎﺿﺮ ﻓﻲ ﺟﻨﺎﺯﺓ ﺑﺎﻫﺎ ﻭﺑﻘﺎﺕ ﻓﻴﻪ ﻓﻘﺮﺭ ﻳﻀﺒﺮ ﻟﻴﻬﺎ ﻋﻠﻰ ﺭﺍﺟﻞ ﻭﻟﺪ ﺍﻟﻨﺎﺱ ﻟﻲ ﻏﺎﺩﻱ ﻳﺴﺘﺮﻫﺎ... ﻛﺎﻧﺖ ﺳﻤﻴﺘﻬﺎ ﻋﺎﻳﺸﺔ، ﻭﻫﺎﺩ ﻋﺎﻳﺸﺔ ﻏﺎﺩﻱ ﺗﺒﺪﻝ ﺣﻴﺎﺓ ﺍﻟﻤﻌﻄﻲ ﺇﻟﻰ ﺍﻷﺑﺪ....
التالي
المشاركةالتالية
المشاركةالتالية
السابق
المشاركة السابقة
المشاركة السابقة
الاشتراك في:
تعليقات الرسالة (Atom)
تحويل كودإخفاء محول الأكواد الإبتساماتإخفاء